༼སེང་གེའི་བཀའ་ཤག་གི་མདུན་ལམ༽བླང་དོར་སྒྲིག་གཞིར་འགལ་འདུག་ཟེར།

དྲ་གྲོགས་ཚོ།
བློ་བཟང་སེང་གེ་་་་་་་བོད་རྒྱལ་ཁབ་ཀྱི་སྲིད་འཛིན་ཡིན་པར་མ་བརྗེད་་་་ལོ།
སེང་གེའི་བཀའ་ཤག་འདི་་་་བོད་མི་རིགས་ཀྱི་བཀའ་ཤག་ཡིན་པར་མ་བརྗེད་་་་ལོ།
སེང་གེའི་རྩ་དོན་གསུམ་པོ་་་་བོད་མི་རིགས་ཀྱི་རྩ་དོན་ཡིན་པར་མ་བརྗེད་་་་ལོ།
བོད་རྒྱལ་ཁབ་ཀྱི་སེང་གེ་ལ་གུས་ཞབས་ཞུ་རྒྱུ་མ་བརྗེད་་་་ལོ།
གནད་ལུགས་མེད་པར་སེང་གེ་ལ་སྐྱོན་བརྗེད་མ་བྱེད་་་་ལོ།
རྟོག་གེ་རིག་པའི་སྒྲུབ་བྱེད་མེད་པར་སེང་གེ་ལ་ཁ་ངན་ཚིག་ངན་མ་ལབ་་་་ལོ།།།།

བསམ་བློ་ཐོངས་་་་ལོ། ཚོད་ཟིན་་་་ལོ།།

ཁ་བརྡ་ན་འདུག
༧༽ སད་མི་ཅོང་ཐོགས་ནས།
སྤྱི་ལོ་ ༢༠༡༡ ཟླ་ ༡༠ ཚེས་ ༢༨ གི་ཆུ་ཚོད་ ༢༢ སྐར་མ་ ༢༠
སྤྱིར་ཡིན་ན་རང་ནུས་གང་ཡོད་དང་བློ་རིག་རྩལ་སྤྲུག་གིས་བཀའ་ཤག་གསར་བར་རོགས་འདེགས་ཐུབ་པའི་སྐད་ཆ་རེ་བཤད་ཨེ་ཐུབ་སྙམ་བཞིན་ཡོད། ད་བལྟས་ཡོང་ན་དེ་ནི་ཡོང་ཐབས་མེད་པ་ཞིག་ཡིན་པར་མ་ཟད། མ་བསམ་ས་ནས་རང་མགོར་རྡོ་ལོག་ཉོ་རྒྱུ་རང་རེད་འདུག

བཀའ་ཁྲིས་རྒྱ་གཞུང་གི་བྱེད་སྟངས་བཞིན། ཁོ་ཚོར་ཉིན་འགར་འུར་རྒྱག་ཏུ་ཆུགས་དང་དེ་ནས་འཇམ་ཅག་གེར་འགྱུར་འགྲོ་གི་རེད་འདོད་ཡོད་ཚོད། དེ་ནི་ཁོང་གི་བསྡུར་སྟངས་ནོར་བ་འདྲ། ཉིན་འགའི་རྗེས་འཇམ་ཅག་གེར་འགྱུར་འགྲོ་བ་དང་མི་གཅིག་གི་གནད་དོན་དེ་ཅི་ཡང་མིན་པ་བདེན་པ་འདྲ་ན་ཡང་། རྒྱབ་གཞུང་སྨྲ་བརྗོད་རང་དབང་དང་བོད་ཀྱི་སྐད་ཡིག་ལ་ཐུག་བསྡད་ཡོད། རྒྱ་གཞུང་བཙན་བྱོལ་ནང་གི་བོད་མི་ཚོར་རེ་དགོས་དོན་མེད་པས་དེ་ལྟར་བྱེད་ཆོག་ཆོག་ཡིན་མོད། འོན་ཀྱང་བློ་སེང་ལགས་དེ་ལྟར་ག་ལ་ཡིན། བློ་སེང་མི་གཅིག་རང་ལ་ནུས་པ་ཇི་འདྲ་ཆེ་རུང་མི་དམངས་ལ་ལྟོས་མི་དགོས་པའི་ཚོད་ཅིག་ལ་སླེབས་ཨེ་ཡོད་དམ།།

བོད་ཀྱི་ཁ་དཔེར། ཤ་ཚ་བའི་གཏམ་ལ་སྙན་པོ་མེད།། ནད་ཕན་པའི་སྨན་ལ་ཞིམ་པོ་མེད་ཅེས་པའི་དཔེ་
ལྟར། ཤར་ཁུག་འདིས་ཀུན་སློང་མི་རིགས་ཤིག་ཆག་འཇིག་གི་ཉན་ཚབ་ལ་སེམས་པས་མ་བཟོད་པའི་ངང་སྨྲ་བརྗོད་རང་དབང་བེད་སྤྱད་ནས་སྐྱོན་བརྗོད་གང་བྱས་ཏེ་ཡག་བྱུང་ཟེར་རྒྱུ་མེད་པར། ཉིན་གླ་བ་ཞིག་ལ་སྔོན་བརྡ་དང་ཡོངས་ཁྱབ་ཀྱིས་ལས་བྱེད་བླངས་དོར་སྒྲིག་གཞི་ནང་གསལ་མེད་པ་ཞིག་སྒྲིག་གཞི་དང་འགལ་སྐོར་བཙན་གྱིས་མགོ་ལ་སྐོན་ནས་ནག་འདེད་བྱས་པ་འདི་ཁྲིམས་ཀྱི་འགྲོ་ལུགས་ཤིག་རེད་དམ། ད་ལྟ་འདི་ནས་ཁ་སྦོམ་སྦོམ་ཤོད་མཁན་ཚོ་ཡང་རང་ཐོག་ལ་བབས་ན་གཞི་ནས་ཧ་གོ་ཐུབ། རེ་ཟུང་གིས་འགན་མ་འཁྱེར་བའི་མིང་རྫུན་འོག་ཚད་ལས་བརྒལ་བའི་སྐད་ཆ་ཤོད་ཀྱིན་འདུག འདི་ཚོ་དངོས་ནས་ས་འོག་དར་འཐག་གིས་བྱེད་སྟངས་ནས་བོད་མི་རྣམས་འདྲོག་མགོ་ལངས་འཇུག་རྩིས་ཡིན་པ་འདྲ། གཟབ་དགོས་ན་འདི་ཚོར་གཟབ་དགོས། ལར་ནས་ཁྱིམ་མཚེས་ལ་ཞེ་སྡང་མེད་ན། གྲོང་ལ་ཡར་རྒྱས་མེད་ཅེས་པ་ལྟར། ང་ཚོ་ལ་ཡར་ཐོན་ཅན་གྱི་ནུབ་ཕྱོགས་ཨ་རི་དང་རྒྱ་གར་བཞིན་ཁ་གཏད་ཚོགས་པ་མེད།
དཔྱད་བརྗོད་པ་རེ་ཟུང་གིས་སྒྲིག་འཛུགས་ཀྱི་ཞེན་ཆ་གླེང་ན། དེ་ལ་བརྟེན་ནས་སྒྲིག་འཛུགས་ཡར་རྒྱས་སུ་འགྲོ་རྒྱུར་ཕན། ཚུལ་དེ་ལ་མགོ་ནས་འདུག་མཁན་ཚོས་སྐྱེད་ཡངས་ཤིག་བྱས་ན་ཚང་མའི་རྩ་དོན་ལས་
འདས་མེད་མོད། སྒེར་གཅོད་འདི་འདྲ་ལ་བཟོད་སྒོམ་བྱེད་ས་ཇི་ལྟར་འགྲོ།

ཚང་མས་ཚད་འདི་འདྲ་ཞིག་ལ་སླེབས་དུས། ད་གང་འདྲ་བྱས་ནས་ཐག་གཅོད་བྱས་ན་དགའ་ཚུལ་ཐད་གྲོས་མགོ་འདོན་རོགས། ཁུངས་མེད་ཀྱིས་མི་སྒེར་ལ་ཟུར་ཟ་
དང་སྨྲ་འབེབས་བྱས་ནས་ནང་ཁུལ་རྩོད་གླེང་བྱས་ན་དགྲ་དགའ་གཉེན་སྡུག་ཅིག་ལས་ཅི་ཡོད། བོད་མི་སྒྲིག་འཛུགས་ཀྱི་ངོས་ནས་ཀྱང་ཆིག་སྒྲིལ་བྱ་རྒྱུ་དེ་ཁ་ནས་མ་ཎི་བཞིན་སྐྱོར་བཞིན་པ་དེ་དོན་དངོས་ཤིག་ཡིན་ན། ད་ཟུར་ནས་བལྟས་ཏེ་འདུག་ཚོད་མིན་པས་གང་མགྱོགས་ཞི་འཇམ་ཡོང་རྒྱུར་བརྩོན་རོགས།

གང་ལྟར་ངའི་རྣམ་རྟོག་མིན་ན། བོད་ནང་ཚེ་སྲོག་མཆོད་མེ་མི་རིགས་ཀྱི་བདེ་དོན་ཆེད་ལེགས་སྐྱེལ་ཕུལ་བ་སོགས་སེམས་ཤུགས་ཀྱིས་རབ་ཏུ་ཕྱུག་པའི་དེ་རིང་། ཏག་ཏག་ཤར་ཁུག་གི་ཁ་ཕོར་ཤོར་བ་དང་། ཆབ་བྲག་གིས་གསལ་འདོན་བྱས་པ། ཆབ་མདོར་འབར་གས་དོན་རྐྱེན་སོགས་གནས་ཚུལ་བྱུང་རིམ་ལ་དཔྱད་ན་ཏན་ཏན་ཆབ་སྲིད་དར་ཐག་ཤིག་ས་འོག་བརྒྱུད་གངས་ཅན་སྐྱིད་གཤོང་ནས་སུད་སི་དང་། སུད་སི་ནས་ཆབ་མདོ། ཆབ་མདོ་ནས་པེ་ཅིང་བར་མཐུད་འདུག་པར་བསམ། དངོས་གནས་མིན་པར་ཤོག་

དེའི་ནང་བཀའ་ཁྲིའི་ལ་བསྙོན་འཛུགས་བྱེད་དགོས་པའི་དྭོགས་པ་གང་ཡང་མིན་འདུག 
སྒྲིག་གཞི་དང་འགལ་ན་སྟོབས་ཆེན་ཨ་རི་དང་རྒྱ་ནག་ལྟ་བུའི་བྱས་པ་ཅན་གྱི་མི་དེ་ཚོར་ཡང་སྲོག་གི་ཉེས་པ་གཅོད་ཀྱི་ཡོད་པ་རེད། ཐུབ་བསྟན་བསམ་འཕེལ་ལགས་ཀྱིས་གསུངས་བ་ནང་བཞིན་རེད། གཞུང་ཕོགས་བཟའ་གིན་ཡོད་ན་སྒྲིག་གཞི་གཅིག་མཚུངས་རེད། ལྟོ་ནང་གཏད་གྲོད་པ་ཕྱི་གཏད་ཟེར་བ་དེ་འདྲ་བྱས་པ་ཡིན་ན་ཉིན་མ་གཅིག་ལ་ཐར་ཡང་ཉིན་མ་གཅིག་ལ་རང་མགོ་བརྡུང་གཏན་འཁེལ་བ་རེད། སྤྱི་འཐུས་ཞེ་གསུམ་ཆ་ཚང་བས་རྒྱབ་སྐྱོར་ཡོད་པའི་བཀའ་ཤག་སྐབས་བཅོ་ལྔ་པ་དེའི་ལས་འགོ་མ་བཙུགས་གོང་ནས་སྐྱོན་བརྗོད་བྱས་པ་དེ་དངོས་ཡོད་དང་གང་ནས་མཐུན། དཔྱད་གཏམ་ཞིག་སྤེལ་བར་མ་མཐར་ཡང་བཀའ་བློན་རེ་རེའི་ཡག་ཉེས་ཅི་བྱུང་གི་གྲུབ་འབྲས་རེ་ཤེས་དགོས་པ་རེད། དེ་མིན་ཁྱོད་ཀྱིས་བསམ་བཞིན་མི་ལ་བསྙོན་འཛུགས་འདྲ་པོ་དེ་རང་མགོ་བརྡུང་པ་རེད། དེའི་སྒང་ལ་ཆབ་བྲག་པ་ལ་ལས་འགན་ཅི་ཡོད་ཆ་མ་འཚལ་ཡང་། ཆུང་ཆུང་ཆེན་པོར་བཟོ་བའི་ལས་གཞི་འདི་རིགས་སྤེལ་ན་ད་བར་མི་རིགས་ཀྱི་རྩ་དོན་ཆེད་དང་ལྷག་བསམ་ཡོད་མཁན་ཟེར་བ་སོགས་ཁྱེད་ཀྱི་མིང་གྲགས་ཡོད་ཚད་ཐལ་བར་བརླག་པ་དང་གཅིག་མཚུངས་རེད།

དྲ་གྲོགས་རྣམ་པར་ཞུ་རྒྱུར།
ཤར་ཕྱོགས་ཁུག་རྟའམ་བློ་བཟང་ཆོས་འབྱོར་གྱིས་རྩོམ་འབྲི་གནང་བའི་༼སེང་གེ་བཀའ་ཤག་གི་མདུན་ལམ་༽ཐད་ལ་གླེང་སློང་མང་པོ་གནང་སོང་བ་དང་། ཚོར་བ་མ་འདྲ་བ་སྣ་ཚོགས་ཀྱི་སྒོ་ནས་བསམ་ཚུལ་མ་འདྲ་བ་སྣ་ཚོགས་ཤིག་བྱུང་སོང་བས་དེ་ཡང་མང་གཙོ་ཚད་ལྡན་གྱི་ལེགས་བྱང་བཟང་པོའི་ཁྱད་ཆོས་ཤིག་རེད།
དྲ་གྲོགས་རྣམས་ཀྱི་ཚོར་བ་དང་། བསམ་ཚུལ། ལམ་སྟོན། གསལ་འདེབས་སོགས་སྒོ་སྣ་ཚོགས་ནས་དྲ་ལམ་ཁག་ཏུ་འུར་ཟིང་ཆེན་པོ་གནང་སོང་བས། འུར་སྒྲའི་རླུང་ཡན་འདི་ཡང་དོན་མེད་ཀྱི་རླུང་སྒྲ་ཞིག་མ་ཡིན་པར་དཔལ་ལྡན་བཀའ་བློན་ཁྲི་པ་དང་། རྩོམ་པ་པོ་བློ་བཟང་ཆོས་འབྱོར་སོགས་ཚང་མར་བློ་བསྐྱེད་དང་། ཐུགས་སྣང་གནང་དགོས་པས་ལམ་སྟོན་དང་། སྐུལ་ལྕག་མང་པོ་ཞིག་ཐེབས་ཡོད་པར་ཡིད་ཆེས་བྱེད་ཆོག་པ་ཞིག་རེད།
དྲ་གྲོགས་བསམ་ཤེས་རེ་ཟུང་གིས་གསལ་བཤད་དང་རེ་སྐུལ་གནང་དོན་བཞིན་མུ་མཐུད་འདིའི་སྐོར་ལ་ནང་ཁུལ་རྩོད་རེས་དང་། རྒྱག་རེས་བྱས་ན་ཕན་གནོད་གཉིས་ལས་གནོད་ཚབས་ཆེ་སྲིད་པས་ཚང་མས་དགོངས་བཞེས་གནང་སྟེ་༼སེང་གེ་བཀའ་ཤག་གི་མདུན་ལམ་༽དང་འབྲེལ་བའི་མཆན་འགོད་རིགས་ཀྱང་མཚམས་འཇོག་གནང་ན་དགེ་མཚན་ཆེ་བས་རེ་སྐུལ་ཞུ་རྒྱུ་ཡིན།
ཤར་ཕྱོགས་ཁུག་རྟའམ་བློ་བཟང་ཆོས་འབྱོར་ལགས་ཀྱང་བཀའ་ཤག་གི་ལས་མཚམས་འཇོག་ཏུ་བཅུག་པར་མི་མང་གིས་ངོས་འཛིན་ཐད་ནས་ཁོང་ལ་ཞན་ཆ་ཞིག་མཐོང་སྲིད་ཀྱང་། དོན་གྱི་མཁས་དབང་བཀའ་ཁྲི་ཟུར་བ་ཟམ་གདོང་རིན་པོ་ཆེ་མཆོག་གིས་ཁོང་ལ་ཆེ་བརྗོད་འདི་ལྟར་གནང་འདུག
ཚེ་དང་ལྡན་པ་བློ་བཟང་ཆོས་འབྱོར་ཕྱི་ལོ་༢༠༠༧ ཟླ་༧་ཚེས་༢་ནས་ཕྱི་ལོ་༢༠༠༩་ཟླ་༣་ཚེས་༢༩་བར་བཀའ་ཤག་ལོ་རྒྱུས་འབྲི་རྩོམ་ཚན་པའི་ནང་ཡིག་ཚགས་དང་། བྱུང་རབས་རྒྱུ་ཆ་བསྡུ་རུབ། ཉམས་ཞིབ་བཅས་ཀྱི་ལས་འཁུར་གནང་བ་དང་། སླར་ཡང་ཕྱི་ལོ་༢༠༡༠ ཟླ་༡༠ ཚེས་༡༩་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་འཁྱོག་བཤད་ལན་འདེབས་དགོས་རིགས་ལ་ལན་འདེབས་བྱེད་པོའི་ཚོགས་ཆུང་དུ་ལས་ཁུར་གནང་བཞིན་པ་བཅས་ཀྱི་ལས་རྒྱུན་རིང་ལྷག་བསམ་དང་བརྩོན་འགྲུས། རྣམ་དཔྱོད་ཕུན་སུམ་ཚོགས་པའི་སྒོ་ནས་སྐབས་བབ་ལས་དོན་སོ་སོའི་ཐོག་ཞིབ་ནན་སྦྱོར་དངོས་རྗེས་གཙང་གནང་སོང་བས། བློ་གཟུ་བོར་གནས་ཤིང་རྣམ་འབྱེད་ཀྱི་ཤེས་རབ་བཀྲ་ལ། དོན་གཉེར་དང་ལྡན་པའི་སྒོ་ནས་གཞུང་དོན་འབད་སྒྲུབ་གནང་བར་ཡི་རངས་བསྔགས་བརྗོད་དང་། འབྱུང་འགྱུར་ཡང་བསྟན་སྲིད་མི་རིགས་ཀྱི་ཞབས་འདེབས་རླབས་ཆེན་སྒྲུབ་ཐུབ་པའི་སྨོན་འདུན་བཅས།
བཀའ་བློན་ཁྲི་པ་ཟམ་གདོང་བློ་བཟང་བསྟན་འཛིན་གྱིས་༢༠༡༡ ཕྱི་ཟླ་༨་ཚེས་༥་ལ།
འདི་ནས་གསལ་འདེབས་ཞུ་རྒྱུར།
བཀའ་ཁྲི་བློ་བཟང་སེང་གེ་མཆོག་གིས་བཀའ་བློན་ཁྲི་བའི་ཕྱག་འགན་གནང་བཞིན་པ་དང་། ཤར་ཕྱོགས་ཁུག་རྟ་ལགས་ཀྱང་དཔལ་ལྡན་སྐུ་སྒེར་ཡིག་ཚང་གིས་གཟིགས་གསོལ་དང་། དཔལ་ལྡན་མཁས་དབང་ཁྲི་ཟུར་ཟམ་གདོང་རིན་པོ་ཆེ་མཆོག་གིས་འདི་ལྟར་ཆེ་བསྟོད་གནང་ཡུལ་གྱི་མི་སྣ་ཞིག་ཡིན་པས་ཆ་ནས་ཁྱོད་ཕམ་ང་རྒྱལ་གྱི་རྩོད་པ་དེ་མེད་པར། བོད་སྤྱི་བའི་དོན་དུ་རང་རང་གིས་ནུས་སྟོབས་གང་འདྲ་འདོན་རྒྱུ་ཡོད་མེད་ནི་ང་ཚོ་ཚང་མས་ཨ་མས་བུ་ལ་ཚད་མཇལ་ས་ཡིན་པས། བུ་རྒོད་དག རེ་སྒུག་དང་འཁྲེང་ཞེན་གྱིས་ཁྲོད་ན་མིག་ཟུང་ཅེར་བའི་གཞིས་བྱེས་བོད་མི་ཚོས་ཆེད་དུ་སྔར་ལྷག་གིས་ནུས་ཤུགས་རྩལ་སྤྲུགས་ཡོང་བའི་འབོད་སྐུལ་ཡོད་ལ། དྲ་གྲོགས་ཚང་མས་ཁ་དགྲ་ལ་གཏད་དེ་རྣོ་ངར་ཚིག་གི་མཚོན་ཁ་བསྡུར་བའི་འབོད་སྐུལ་ཞུ་རྒྱུ་ཡིན།

ཤར་ཕྱོགས་ཁུག་རྟ་མི་གང་ཞིག་ཡིན་ཀྱང་རང་གཞུང་ལ་གུས་བཀུར་དང་བཀའ་ཁྲི་ལ་གོང་བཀུར་བྱེད་དགོས་པ་འཇིག་རྟེན་མི་ལུགས་ཞིག་རེད། དོ་བདག་རང་གི་འདོད་མོས་ཡོད་མེད་གང་ལྟར་ཀྱང་མང་མོས་ཐོབས་ཚར་རྗེས་སྤྱི་ཁྱབ་ཀྱི་དཔོན་པོ་ཟེར་ན་གོང་ས་མཆོག་གི་སྐུ་ཚབ་ཟེར་ན་བོད་མའི་དབུ་ཁྲིད་ཟེར་ན་གང་ལྟར་བོད་ཁ་བ་ཅན་གྱི་དཔོན་པོ་རེད། མང་གཙོ་དང་སྨྲ་བརྗོད་རང་དབང་ཁ་རུ་ཁྱེར་ནས་སྤྱི་ཁྲིམས་རྒྱའི་ར་བ་ལས་འདའ་རུང་བ་ཞིག་མ་རེད་སྙམ། མང་གཙོ་ཁ་འཁྱེར་གྱིས་རང་སྣང་གང་ཤར་བྱེད་ན་བལ་གཞུང་གི་ལས་དབང་དང་ཁྱད་མེད་དྲན། ཁྱད་པར་སྤྱི་ཟུར་ལྷ་མོ་སྐྱབས་དང་གསེར་རྟ་ཚུལ་ཁྲིམས་འོད་ཟེར་སོགས་ནི་རང་གཞུང་གི་གནད་ཡོད་མི་སྣ་རེ་ཡིན་ཙང་བོད་དོན་སྤྱི་ལ་བསམ་བློ་གཏོང་དགོས་པ་ལས་སྒེར་དོན་སེམས་ལ་ཉར་ནས་ཕྱོགས་འཛིན་གྱིས་ལས་འགུལ་དང་ཕྱོགས་འཛིན་གྱིས་ཡིག་ཆ་སྤེལ་རིས་བྱེད་ན་ལུགས་དང་ཨེ་མཐུན་བསམ་གཞིགས་གནང་གལ།

ངས་ཤར་ཕྱོགས་ཁུག་རྟ་བྲིས་པའི་༼སེང་གེའི་བཀའ་ཤག་གི་མདུན་ལམ་༽ཞེས་པའི་རྩོམ་ཡིག་འདི་ཞིབ་ཕྲ་ཀློག་ཡིན། སྐྱོན་ཐལ་གང་ཡང་མེད་པའི་རྩོམ་ཡིག་ལེགས་པོ་ཞིག་བྲིས་འདུག དེ་ལ་ཤོག་བུའི་བཀའ་ཁྲི་བློ་སེང་གིས་ཡིད་མ་རངས་པའི་བྱ་ངན་དེ་འདྲ་བྱ་དགོས་དོན་མི་འདུག་སྙམ།

ཤར་ཕྱོགས་ཁུགས་རྟས་ཞེ་དྲག་ནོར་འཕྲུལ་བྱས་པ་རེད། སོ་སོ་ལས་ཀ་བྱེད་སའི་ཚོགས་པ་དེའི་སྒྲིག་གཞི་གང་ཡང་མ་ཤེས་པ་དང་གཅིག རྟགས་དཔྱད་གང་ཡང་མ་བྱས་པར་ལམ་སེང་གཞན་ལ་ནོར་འཕྲུལ་འདུག་ཅེས་ཁྱབ་བསྒྲགས་བྱས་པ་དང་གཉིས། རང་ཉིད་ལས་ཀ་ནང་ཕྱིར་འབུད་བཏང་བ་རེད་ཅེས་ཚགས་པར་ཚོ་ལ་རྫུན་བཤད་པ་དང་གསུམ། ཁོ་པས་རང་ཉིད་ཀྱི་ནོར་འཕྲུལ་ངོས་ལེན་མ་བྱས་པར་ད་དུང་གཞུང་ལ་སྐྱོན་བཏོན་པ་དང་བཞི། ད་དུང་་་་་་

ཆབ་བྲག་ལྷ་མོ་ལགས། ཁྱེད་རང་སྙན་ངག་སུམ་རྟགས་རྐྱང་ལ་མགོ་ཐོམས་ནས་བསྡད་ནས་སྤྱི་ཚོགས་དང་ཆབ་སྲིད་ལམ་ལུགས་ཀྱི་གནས་ཚུལ་གང་ཡང་མི་ཤེས། རྒྱལ་ཁབ་གང་ཡིན་ཡང་གཞུང་ཞབས་ནང་ཁུལ་སྐྱོན་བཏོན་རེ་ཚགས་པར་ཐོག་ནས་ནམ་ཡང་མི་བྱེད། གལ་སྲིད་ལས་བྱེད་ཚང་མས་གཅིག་གི་གཅིག་ལ་ཚགས་པར། དྲ་ལམ་དང་རླུང་འཕྲིན་སོགས་རྒྱུད་ལམ་ཁག་ནས་སྐྱོན་བཏོན་རེ་བྱེད་ན་གང་འདྲ་ཡོང་ས་རེད་ཨེ། མ་ཤེས་ན་མི་ཤེས་མཁན་དེ་ལ་སྐད་ཆ་འདྲི་དང། ངོ་ཚོ་དགོས་མ་རེད།

བཀུར་འོས་བོད་ཀྱི་དུས་བབ་གསར་འགོད་པ་བརྒྱུད་ཐུབ་བསྟན་བསམ་འཕེལ་ལགས་སུ་དྲི་བ་ཞུ་རྒྱུ།

༡ གཞུང་ཕོག་ཐོབ་ཚད་ཀྱིས་བླང་དོར་སྒྲིག་གཞི་སྲུང་དགོས་པ་དེ་ཁྱེད་ཀྱིས་གྱ་ཚོམ་གྱིས་བཤད་པ་ཡིན་ནམ། བླང་དོར་སྒྲིག་གཞིར་གསལ་ནས་འདིར་དྲངས་པ་ཡིན་ནམ། གང་དུ་གསལ་འདུག་དམ། ཤོག་ངོས་ག་ཚོད་དང་དོན་ཚན་ཡང་ན་ནང་གསེས་ག་ཚོད་རེད། དེ་གསལ་བོ་གསུངས་རོགས།
༢ གཞུང་ཞབས་བྱེ་བྲག་པར་སྐྱོན་བརྗོད་བྱས་ཏེ་མི་མང་ལ་སྐུལ་སློང་བྱས་མི་ཆོག་ཅེས་པར་དཔག་ན། ཁོང་གི་དཔྱད་གཏམ་དེ་མི་མང་ལ་སྐུལ་སློང་བྱེད་སྤྱད་ཅིག་ཡིན་པར་ངོས་འཛིན་གནང་བ་རེད། སྐུལ་སློང་ཡིན་པའི་རྒྱུ་མཚན་ཅི་ཞིག་ཡོད་དམ།
༣ རྩོམ་ཡིག་ཏུ་གཞུང་ཞབས་སུ་ལ་སྐྱོན་བརྗོད་བྱས་འདུག་གམ། དེ་ཚོ་གང་མགྱོགས་གསལ་བོ་མ་བཟོས་ཚེ། ཁྱེད་དང་ལག་འབྲེལ་བའི་ཕྱི་དྲིལ་བཀའ་བློན། དེའི་མགོ་ཡི་ཤོག་བུའི་སེང་གེ་བཅས་ལ་ལྟ་ཚུལ་འགྱུར་བ་མི་གཏོང་ཐབས་མེད་རེད་ལགས།

དྲ་གྲོགས་རྣམ་པ་ལགས། བསམ་བློ་རྒྱ་ཆེ་སར་གནང་རོགས། དོན་དག་མེད་ས་ནས་དོན་དག་ཆེན་པོ་མ་བཟོ། གང་ལྟར་་་་་་་་་་་་སྐབས་བཅོ་ལྔ་བའི་བཀའ་ཤག་གིས་ཤེས་འཇོན་གྱི་འདང་མིན་ལ་མ་ལྟོས་པར་ང་ཚོ་བཙན་བྱོལ་བོད་མིས་དབུ་འཁྲིད་དགོས་པ་རེད། ང་ཚོས་ཕྱོགས་གང་ཐད་ནས་བཀའ་ཤག་ལ་ལམ་སྟོན་དང་རྒྱབ་སྐྱོར་གནང་དགོས་པ་ལས་རྒྱུན་དུ་སྐྱོན་བརྗོད་དང་རང་དོན་རྐྱང་རྐྱང་བཤད་བསྡད་ན་རང་བཞིན་གྱི་ཁོང་ཚོས་ཆོད་སེམས་དང་དམིགས་བསལ་ལས་དོན་ཐད་ལ་གནོད་ཤུགས་སྤྲད་མི་སྲིད་པ་མ་རེད། སྐབས་དེར་གྱོང་གུད་ཕོག་ས་བོད་མི་རིགས་དང་ཁེ་ཕན་ཐོབ་ས་རྒྱ་གཞུང་རེད། སྤྱིར་ན་རང་དབང་ལུང་བའི་ནང་མི་སོ་སོའི་རང་དབང་ལ་ཚོད་འཛིན་བྱེད་མཁན་མེད་ནའང་མི་དང་མཐུན་ན་མཁས་པ་ཡིན། བཟའ་ཚོད་ཟིན་ན་སྨན་པ་ཡིན་པའི་དཔེ་ལྟར། ང་རང་ཚོས་སྣང་བ་གང་དྲན་བྱེད་མི་ཉན། དེང་སང་བོད་ནང་གི་ཛ་དྲག་གནས་སྟངས་ལ་ཅིག་གཟིགས་དང་ང་ཚོས་འདི་ནས་བོད་གཞུང་ལ་སྐྱོན་བརྗོད་བྱས་ནས་འདི་ཚོད་ཞིག་ཡིན་ནམ། ལྷག་པར་དུ་བཙན་བྱོལ་སྤྱི་ཚོགས་ཙམ་མ་ཡིན་པ་བོད་ནང་ནས་ཀྱང་ཆེ་མཐོང་ཡོད་པའི་རྒན་ཆབ་བྲག་ལྷ་མོ་་ལགས་་་་་་་ད་ལོ་ནས་བཟུང་ཉིད་ཀྱིས་བོད་སྤྱི་ལ་ཕན་པའི་ལམ་སྟོན་བཀའ་སློབ་མི་གནང་བར་དོན་མེད་རྙོག་གཏམ་འདྲ་མིན་གསུང་གི་འདུག་པས་ངོ་མ་བློ་ཕམ་ཆེན་པོ་ཡོད། བསམ་མི་ཤེས་པའི་ང་ཚོས་རིགས་ལ་ཅི་བཤད།

ད་ལྟ་རྩོད་པ་གནང་དགོས་ཡ་མི་འདུག ཤར་ཕྱོགས་ཁུག་རྟའམ་བློ་བཟང་ཆོས་འབྱོར་ལགས་དཔལ་ལྡན་སྤྱི་འཐུས་ཚོགས་གཙོ་བརྒྱུད་ནས་དབུ་མའི་ལམ་ལས་འགུལ་ཁང་དུ་བཀོད་སྒྲིག་གནང་འདུག སྐུ་ངོ་མོག་བསྟན་གྱི་ཐད་ཀའི་དབུ་ཁྲིད་འོག་རྒྱ་ནག་གཞུང་གི་རྐུབ་མུ་མཐུད་དུ་བརྟོལ་བའི་གོ་སྐབས་བླ་ན་མེད་པ་ཐོབ་འདུག ད་དུང་ཟམ་གདོང་རིན་པོ་ཆེ་ཡིས་ཀྱང་སྐུ་སྒེར་དུ་ཕྱག་ལས་གནང་བཞིན་པས། སྔར་བཞིན་རྒྱབ་བསྐྱོར་གནང་ཤག་རེད། ད་ཡིན་ནའི། ཤར་ཕྱོགས་ཁུག་རྟས་ད་དུང་ཏཱ་ལའི་བླ་མ་མཆོག་མི་བཟོ་གི་ཡིན་ལས་པ་ཡིན་ན། དེ་ནས་ཀྱང་འགྲོ་དགོས་ཐུག་སྲིད་པས། སྤྱི་ཟུར་ཆབ་བྲག་གིས་རྩོམ་པ་པོའི་མཐུན་ཚོགས་ཀྱི་ཚོགས་གཙོའི་སྐུ་ཚབ་ལ་བསྐོ་རྒྱུ་ལས་ལྷག་མེད་པས། དེ་ལུགས་ཀྱང་ཐུགས་ལ་འཇགས་རོགས།

རྩོམ་པོ་པོ་ཤར་ཕྱོགས་ཁུག་སྟ་འམ་བློ་བཟང་ཆོས་འབྱོར་མཆོག་གིས། “ཕྲན་ནས་བཀའ་ཁྲིའི་སྒེར་དྲུང་བརྒྱུད་ཐེངས་གསུམ་ལ་བཀའ་ཁྲི་མཆོག་ལ་གསལ་བཤད་ཞུ་རྒྱུའི་གོ་སྐབས་ཞུས་ཀྱང་། ‘ཞུ་ན་ཞུ་ས་ཡོད་པའི་བཀའ་ཤག་ཡིན་’’ཟེར་མཁན་གྱི་ཁྲི་པ་མཆོག་གིས་ཕྲན་ལ་ཡ་ལན་ཚུལ་མཐུན་ཞིག་ཀྱང་མ་གནང་བའི་ཁར། ཚོགས་གཙོ་མཆོག་ལའང་བཀའ་དྲུང་བརྒྱུད་ནས་ཐག་གཅོད་བྱས་ཟིན་དེ་ལ་འགྱུར་བ་མེད་ཚུལ་བསྐྱར་དུ་ངག་ཐོག་ནས་གསུངས་འདུག ”ཅེས་དང་། དེའི་རྗེས་དེར། “ཡང་བཀའ་བློན་ཁྲི་པ་མཆོག་གི་སྒེར་དྲུང་ཡོད་སར་སྔ་ཕྱིར་ཐེངས་ ༡༤ ལ་བཅར་ཏེ་རང་ངོས་ནས་དགོངས་སེལ་དང་གསལ་བཤད་ཞུ་རྒྱུའི་རེ་སྐུལ་ཞུས་ཀྱང་གོ་སྐབས་སྤྲད་མ་བྱུང་།” ཞེས་གསུངས་པའི་གྲངས་ཀ་ཐེངས་༣དང་༡༤གང་ཡིན་འགྲེལ་བཤད་གནང་རོགས་ཞུ། གང་ལྟར་ཁྱེད་རང་གིས་ཐེངས་མང་བཀའ་ཁྲི་མཆོག་ལ་དགོངས་སེལ་སོགས་ཞུ་རྒྱུར་བརྩོན་པ་ནི་ཁྱེད་ཀྱིས་དཔལ་ལྡན་རང་གཞུང་དང་། ལྷག་ཏུ་བཀའ་ཁྲི་མཆོག་ལ་ཆེ་མཐོང་ཕུལ་བ་ཞིག་ཀྱང་ཡིན་ངེས་པས་བཀའ་དྲིན་ཆེ་ཞུ་བཞིན་ཡོད། འོན་ཀྱང་དེ་ལས་འཕྲོས་ནས་ཕྲན་ལ་བློ་སྐྱེད་ཅིག་བྱུང་བ་ནི། ཁྱེད་རང་འབངས་མི་ཞིག་རང་ཉིད་ཀྱི་དཔོན་པོ་ལ་དགོངས་སེལ་ཙམ་ཞུ་བར་ཐེངས་མང་དེ་ཙམ་ལ་བཅར་ཀྱང་། མཇལ་ས་ཞུ་ས་དེ་ཙམ་ལས་མ་རེག་ན། བོད་རྒྱ་ཞི་བའི་གྲོས་མོལ་ཆེད་ང་ཚོའི་སྐུ་ཚབ་རྣམས་ཀྱིས་གྲོས་མོལ་ལམ་ནས་རྒྱ་ནག་གི་དཔོན་རིགས་ས་ནས་འབྲས་བཟང་ཞིག་དུས་ནམ་ཡང་། ཞེས་པ་དེ་ཡིན།
ཡང་ལན་འདེབས་ཚོགས་ཆུང་གི་ཚོགས་གཙོ་མཆོག་གི་བཀའ་ལན་འདི་ལ་ནང་འགལ་བྱུང་འདུག ཁོང་གིས་ “ གནད་དོན་དེ་ནི་ལས་བྱེད་བླང་དོར་སྒྲིག་གཞི་ལེའུ་གསུམ་པའི་དོན་ཚན་བརྒྱད་པའི་ལས་བྱེད་ཀྱི་ཀུན་སྤྱོད་བླང་དོར་དོན་ཚན་ལས། གཞུང་ཞབས་བྱེ་བྲག་པར་སྐྱོན་བརྗོད་བྱས་ཏེ་མི་མང་སྐུལ་སློང་བྱེད་མི་ཆོག་ཞེས་པར་འགལ་ཡོད་པ་རེད། འོན་ཀྱང་། བློ་བཟང་ཆོས་འབྱོར་ལགས་ལས་གནས་ནས་ཕྱིར་འཕུད་བཏང་བའི་སྐད་ཆ་མ་ཡིན་པར། ཉིན་གླའི་ལས་གནས་དེར་མུ་མཐུད་བསྐོ་བཞག་གནང་ཡོད་པ་མ་རེད།” ཅེས་ཕྱིར་ཕུད་བཏང་མེད་ཚུལ་དང་། སྒྲིག་གཞི་དང་འགལ་བའི་སྟོབས་ཀྱིས་ཉིན་གླའི་ལས་གནས་སུ་མུ་མཐུད་མ་བཞག་ཚུལ་གསུངས་པ་གཉིས་ནང་འགལ་རེད། དཔེར་ན། སྒྲིག་གཞི་དང་འགལ་བའི་སྟོབས་ཀྱིས་ཉིན་གླའི་ལས་གནས་སུ་བསྡད་མི་ཆོག་ཅེས་བཀའ་རྒྱ་འབྱོར་བ་དང་། ད་དུང་ལན་མང་འབད་ཀྱང་དགོངས་སེལ་ཙམ་ཡང་ཞུ་ས་མ་རེག་པར། དཔལ་ལྡན་བཀའ་ཁྲི་རང་གི་ཞལ་ནས་ཕར་རྒྱུགས། གཞུང་གི་སྒྲིག་འཛུགས་ཀྱི་ལས་དོན་ཚང་མ་ང་རང་གིས་ཐག་གཅོད་བྱེད་ཀྱི་རེད་གསུངས་པ་དེས་བློ་བཟང་ཆོས་འབྱོར་ལས་གནས་ནས་ཕྱིར་འབུད་བཏང་བ་མིན་ན། དེ་ལས་གཞན་དུ་དུག་སྦྲང་གི་སྨན་ལ་མེ་བསྒྲོན་ཏེ། ཁུག་རྟ་ལས་གནས་ནས་ཁང་བའི་ཕྱི་ལ་ཕྱིར་འབུད་བྱེད་སྟངས་ཤིག་ག་ལ་ཡོད།
ཡང་ཚོགས་གཙོ་མཆོག་གིས “ངས་གོང་དུ་ཞུས་པ་ནང་བཞིན་ཉིན་གླ་དེ་རྫོགས་ཚར་པ་རེད། བསྐྱར་དུ་ཉིན་གླའི་ལས་བྱེད་བསྐོ་བཞག་མ་གནང་པ་རེད།” ཅེས་སོགས་སྦྱང་པོའི་གསུང་སྟངས་ཡིན་ངེས་ཀྱང་། ལས་གནས་ལ་དཔག་པའི་མི་ཆེན་གྱི་བརྗོད་སྟངས་ལས་རིང་དུ་བརྒལ་བའི་ཡ་མཚན་རེད།
ཡང་རྩོམ་པ་པོ་བློ་བཟང་ཆོས་འབྱོར་ལགས་ཀྱིས་”ང་ལ་ཐར་ལམ་གཞན་གང་ཡང་མ་རག་སྟབས། སོ་སོའི་རྩོམ་ཡིག་དེ་ཁྲིམས་དང་བླང་དོར་སྒྲིག་གཞིའི་རྒྱ་ལས་བརྒལ་མེད་པ་དང་། བོད་སྤྱི་བའི་རྩ་དོན་ལ་གནོད་གཞི་ཏིལ་འབྲུ་ཙམ་ཡང་མེད་པ་ར་སྤྲོད་བྱ་ཆེད་རྩོམ་ཡིག་ཧྲིལ་བོ་དབྱིན་ཡིག་ཐོག་བསྒྱུར་ཏེ། བཀའ་བློན་ཁྲི་པ་མཆོག་ལ་འབུལ་དུ་བཅར་སྐབས། ” ཞེས་བོད་ཡིག་ལས་དབྱིན་ཡིག་གིས་དཔལ་ལྡན་བཀའ་ཁྲི་མཆོག་ལ་གསོལ་མཆོད་ཕུལ་ན་ད་གཟོད་དངོས་གྲུབ་ཐོབ་རེའི་རེ་བ་དེ་ནི། བོད་རེ་བས་ཕོངས་ཟེར་བ་དེ་རེད། འོན་ཀྱང་དཔལ་ལྡན་བཀའ་ཁྲི་མཆོག་གི་ཐུགས་དགྱེས་ཐབས་སུ་ཉིད་ཀྱིས་མ་ལན་མ་འགྱོད་པ་ཞིག་གནང་བ་ལོས་ཡིན། དེས་ཀྱང་འགྲིག་འདུག
“ཕྱི་ཚེས་ ༢༦ ཉིན་སྒེར་དྲུང་བརྒྱུད་ བཀའ་བློན་ཁྲི་པ་མཆོག་ཀྱང་དེ་གར་ཕེབས་བཞིན་པ་དང་དངོས་སུ་མཇལ་བྱུང་། སྐབས་དེར་རྩོམ་ཡིག་དབྱིན་སྒྱུར་མ་དེ་ཁོང་ལ་ཕུལ་བ་དང་མཉམ་དུ་ངག་ཐོག་ནས་ཀྱང་གསལ་བཤད་ཞུས་པ་ཡིན། འོན་ཀྱང་། ཁོང་གིས་ངའི་སྐད་ཆར་གསན་འཇོག་མ་གནང་བ་མ་ཟད། ཕར་རྒྱུགས། གཞུང་གི་སྒྲིག་འཛུགས་ཀྱི་ལས་དོན་ཚང་མ་ང་རང་གིས་ཐག་གཅོད་བྱེད་ཀྱི་རེད་གསུངས་བྱུང” ཞེས་པ་འདིས་ང་ལ་དྲན་གསོ་ཞིག་བསླངས་པ་ནི། དུས་རབས་སྔ་མའི་ནང་འུ་ཚོའི་སྐུ་ཚབ་ཚོགས་པ་ཁག་རྒྱ་ནག་ཏུ་ཕེབས་སྐབས་རྒྱ་དཔོན་ཚོས་བཀའ་བཀྱོན་དང་། མཐོང་ཆུང་བྱས་རབས་དེ་ཚོ་རེད།
གང་ལྟར་ཐེངས་འདིར་ལྷག་བསམ་ཤེས་འཇོན་ཅན་གྱི་ན་གཞོན་རྩོམ་པ་པོ་ཞིག་གི་དགོངས་སེལ་ཙམ་ཡང་འགྲོ་ས་མེད་པར་ཕྱིར་འབུད་བྱས་བྱུང་བ་འདི་གཞུང་གསར་བའི་ཅུས་ཉེས་ཚབས་ཆེ་ཤོས་ཀྱི་ནང་ལ་སླེབས་ཡོད་པས། མི་རབས་གསར་རྙིང་གི་རྒྱལ་ཕམ་སོགས་བརྩད་དེ། དེང་གི་བཀའ་ཁྲི་མཆོག་ལ་རྒྱབ་སྐྱོར་བྱེད་མཁན་རིགས་ཀྱིས་ཀྱང་འབྲེལ་ཡོད་ལ་བསླབ་བྱ་རྒྱག་རྒྱུ་དང་། མ་འོངས་པར་ཕྱོགས་ཡོངས་རྫོགས་ཀྱི་གནས་ཚུལ་ཆ་ཚང་མ་ཤེས་ན་བཤད་སྔ་བྱས་པས་རང་རེར་ཕན་ལས་གནོད་ཚབས་ཆེ་བར་འགྱུར་བའི་བློ་སྐྱེད་ལེན་ཚོད་ཡིན།།

བོད་ཕྱི་ནང་གཉིས་ཀྱི་སེམས་ཐག་གཅིག་སྒྲིག་གྱི་ནུས་པ་འདོན་ཐུབ་པའི་ཀུན་གླེང་གཙོ་སྐྱོང་གནང་མཁན་ཡོངས་ལ་ཐུགས་རྗེ་ཆེ་བའི་མཚམས་འདྲི་བཀྲིས་བདེ་ལེགས་ཞུ་བ་དང་
ཆབས་ཅིག་ དགོངས་འཆར་ཞིག་ཞུས་ཆོག་པར་ དེང་སོང་ཆེས་ངོ་མཚར་རླབས་ཆེ་བའི་བོད་ནང་རྒྱ་གཅེས་དཔའ་བོ་སོགས་ཀྱིས་བོད་བསྟན་སྲིད་མི་རིགས་ཆགས་འཇིག་ཛ་དྲག་སོ་མཚམས་གྱར་སྐབས་དེའི་ཆེད་དུ་སྐུ་ལུས་མཆོད་མེ་སྒྲོན་གནང་བའི་ཛ་དྲག་བོད་ཕྱི་ནང་གཉིས་ཀྱི་ངར་ཤུགས་རྒྱ་མཚོའི་རྦ་རླབས་དྲག་ཏུ་འཕྱུར་བཞིན་པའི་སྐབས་ལ་ དེའི་ཐད་ལ་བགྲོ་གླེང་གནང་ཐུབ་ན་དགེ་མཚན་ཤིན་ཏུ་ཆེ་བ་མངོན་བས་སྣང་མེད་སུ་མ་བཞག་པར་ཐུགས་དགོངས་ལེགས་པ་དཔྱད་གཞིགས་གནང་སྐྱོང་ཡོང་བ་ཞུ་། དེ་བཞིན་ཛམ་གླིང་ཡུལ་གྲུབ་ཀུན་ཏུ་ཞི་བའི་ངོ་རྒོལ་སྐད་འབོད་གྱི་གློག་བརྙན་ལྟོད་ཐུབ་ན་མི་རིགས་ཀྱི་སྙིང་སྟོབས་ལ་ནུས་པ་ཤིན་ཏུ་ཆེ་བ་མངོན་།
དེ་མིན་གནདོན་གཞན་ཐོག་ལ་དེང་སྐབས་བགློ་གླེང་གནང་ན་ གནས་ཚུལ་ཚར་ཐོག་གི་ངར་ཤུགས་ལ་སྐྱོན་ཆ་ཤོར་བའི་ཆ་རྐྱེན་འགྱུར་མི་སྲིད་པ་མིན་པའི་འཚོ་སྣང་དོགས་གཞི་མཐོང་བས་ ཐལ་ཤལ་བས་ནོར་འཁྲུག་གཟིགས་ན་དགོངས་སེལ་ཞུ་། ལམ་སྟོན་བཀའ་སློབ་གནང་སྐྱོང་ཡོང་བ་ཞུ་། ཡུ་རོ་སྦེ་ཇམ་ནས་ཏྲེ་ཆོས་ཀྱིས་།

ཨ་རོ་མྱི་ལགས། སྤྱིར་འབྲེལ་མེད་དོན་གཞན་བཤད་ན་ཡག་པོ་མ་རེད། ངས་གནད་དོན་འདི་དང་འབྲེལ་ནས་ཤར་ཕྱོགས་ཁུག་རྟར་ལྟོས་པ་ཡིན། ཞིབ་ཚགས་པོས་ལྟ་གྱིན་ཡོད། མིག་ཟེར་བ་འདིས་ལྟ་མ་ཤེས་ན་ཁྱེད་ནང་བཞིན་དབྱེན་དཀྲུག་གི་སྐད་ཆ་བཤད་ཀྱི་རེད། ཁྱེད་བློ་སེང་གི་ཨབ་ཕྲུག་ཅིག་ཡིན་རྒྱུ་རེད། གོ་ཐོས་སུ་ཁོང་ལ་ཨབ་ཕྲུག་རེ་འགས་བཙན་བྱོལ་བའི་བོད་སྐད་ཡིག་རྩོམ་རིག་གི་དོན་དག་ཀྱང་ཞུ་བཞིན་འདུག་ཟེར། ཁོང་གིས་ཅི་ལྟར་མངགས་པ་དེ་ལྟར་བྱེད་རྒྱུ་ལས་སོ་སོས་མིག་དེ་བེད་སྤྱོད་བྱས་ན་ཡག་ནི་རེད། ཁྱེད་བློ་ཁོག་ཡོད་ན་ངེད་གཉིས་གདོང་པ་ཐུག་ནས་ཁོང་གི་སྐོར་བརྡར་ཤ་བཅད་ཆོག ཁོང་དང་ཐུག་ནས་གསལ་བོ་བཟོས་ཆོག་གི་རེད། དེ་མིན་མི་གཤིས་ཤོར་གྱི་རེད།

གཞན་ཅང་མ་རེད། ཀ་ཅ་ཡིན་པའི་སྐྱོན་རེད། མང་གཙོའི་སྒྲིག་སྲོལ་མ་ཤེས་པའི་སྐྱོན་རེད། རང་དབང་གི་བྲོ་བ་མྱང་མ་མྱོང་བའི་སྐྱོན་རེད། ཚོགས་སྡེ་ནང་ལས་དཀའ་བྱེད་མྱོང་བའི་སྐྱོན་རེད། རང་དབང་ཡིན་ན་གང་བྱུང་མང་བྱུང་བཤད་ཆོག་འདོད་པའི་སྐྱོན་རེད།

“བླང་དོར་སྒྲིག་གཞི་ལེའུ་གསུམ་པའི་དོན་ཚན་བརྒྱད་པའི་ལས་བྱེད་ཀྱི་ཀུན་སྤྱོད་བླང་དོར་དོན་ཚན་ལས། གཞུང་ཞབས་བྱེ་བྲག་པར་སྐྱོན་བརྗོད་བྱས་ཏེ་མི་མང་སྐུལ་སློང་བྱེད་མི་ཆོག་ཞེས་པར་འགལ་ཡོད་པ་རེད།”
ཐུབ་བསྟན་བསམ་འཕེལ་ལགས་ནས་དོན་ཚན་འདི་ལ་དཔེ་མཚོན་དང་བཅས་འགྲེལ་བཤད་ཅིག་གནང་རོགས། དེ་དང་ལྷན་དུ་བཀའ་འདྲི་འགའ་ཞུ་རྒྱུར།
༡༽བློ་བཟང་ཆོས་འབྱོར་ལགས་ཀྱིས་གཞུང་ཞབས་བྱེ་བྲག་པར་སྐྱོན་བརྗོད་ཇི་ལྟར་བྱས་པའདུག སྐྱོན་དང་ཞན་ཆ་ཅི་ཞིག་ཡོད་ན་ཡང་བརྗོད་མི་ཆོག་པ་ཞིག་ཡིན་ནམ།
༢༽མི་མང་ལ་སྐུལ་སློང་བྱེད་མི་ཆོག་ཅེས་པ་མི་མང་ལ་བདེན་དོན་བསྒྲགས་ནས་ཀྱང་སྐུལ་སློང་བྱེད་མི་ཆོག་པ་ཞིག་ཡིན་ནམ།
༣༽ མ་གཞི་རྩོམ་ཡིག་དེ་བྲིས་པས་མི་མང་ལ་སྐུལ་སློང་ཆགས་སོང་བ་རེད་དམ།་ཡང་ན་བྱེད་ཐབས་གཞན་པ་ག་རེ་བྱས་ནས་མི་མང་ལ་སྐུལ་སློབ་བྱས་པ་རེད།

༧གོང་ས་མཆོག་གིས་རྒྱ་གར་གྱི་ཨ་ན་ཧ་ཛ་རས་ལགས་ཀྱི་ལས་འགུལ་ལ་རྒྱབ་སྐྱོར་གནང་འདུག གནད་དོན་འདི་བཀའ་ཁྲི་གསར་པའི་ཤེས་རྟོགས་བྱས་ནས། ཁོང་གིས་གནང་བའི་མང་གཙོའི་ལོངས་སྤྱོད་དང་མིག་རྒྱངས་འཕྲོ་བརླག་ཏུ་གཏོང་ཉན་གི་མི་འདུག གསར་འགྱུར་གཤམ་གྱི་འདི་ཡིན།
Dalai Lama supports Hazare’s movement
E-mail Print PDF
Dehradun, October 28: Supporting Anna Hazare’s anti-graft movement, Tibetan spiritual leader the Dalai Lama today said corruption is also a form of violence.

“Yes…. Corruption is a very very serious problem…. It is also a form of violence where people try to realise their wrong dreams,” the Dalai Lama said at a function marking the 76th founders day of the Doon School here.

He was asked by a student whether he supported Hazare’s movement against corruption.

The Nobel laureate also said that “some countries like China don’t care about corruption and moral values”.

He also asked people to follow Gandhian principles of non-violence and honesty in order to make India more vibrant and rich. (PTI)
Last Updated ( 28 October 2011 )

རྟུལ་ཕོད་ཀྱིས་གསུངས་པར་བདེན་ཁ་འདུག
བཀའ་ཁྲི་མཆོག་གིས་དོན་ངོ་མར་ཁ་ཚུམས་དང་ཕར་རྒྱུགས་སོགས་ཀྱིས་སྐྱེལ་མ་མཛད་ཡོད་ན། བཀའ་ཁྲི་མཆོག་གི་མཛད་སྤྱོད་ཐལ་དྲགས་འདུག
མ་གཞི་ནས་བཀའ་ཁྲི་མཆོག་ནི་ང་ཚོའི་མིག་གི་ཡ་དང་སྙིང་གི་ཕྱེད་ཀར་ཆགས་ཡོད་པས། འབངས་མི་ཚོར་ཤེད་ཤེད་གཏོང་བའི་དབང་ཆ་ཡོད་རེད་ལ་སྤྲོད་ཀྱང་དགོས་ངེས་རེད། རེད་དེ། ཁོང་གིས་མི་དམངས་གི་བསམ་འཆར་ལ་གསན་དགོས་ལ། མི་དམངས་ཀྱི་བདེ་སྡུག་ལ་གཟིགས་དགོས་པ་དེ་ཁོང་ཉིད་ཀྱི་འགན་ཡིན་པས། ཡ་རབ་དང་དྲང་བདེན་འབོད་པའི་བོད་རྒྱལ་ཁབ་ཀྱི་འགོ་ཁྲིད་གཅིག་གིས་ཐ་ཚིག་དེ་འདྲ་ཞལ་ནས་བཏོན་དུས། བརྗོད་མི་ཤེས་པའི་སེམས་ཚོར་ཞིག་ཤུགས་ཀྱི་སྐྱེ་འོང་བ་དང་། བསྣན་ཀྱང་མི་ནོན་པའི་སྙིང་གི་འཕར་རྩ་དེ་སྡིང་འོང་གི་འདུག །

བློ་ཆོས་ཀྱིས་བསམ་ཚུལ་ཚན་པར་བཀོད་པའི་བསམ་ཚུལ་དེ་བཀླགས་པ་ཡིན་ལ་ཡག་པོ་འདུག སྨྲ་བརྗོད་རང་དབང་ཡོད་པའི་ཡོད་གོ་ཆོད་འདུག འོན་ཀྱང་བཀའ་ཁྲི་ལའང་ཁག་མི་འདུག ཁྱེད་རྒྱ་ནག་ཚང་གི་ལན་འདེབས་པའི་མིང་འཛིན་པ་ཞིག་གིས་སོ་སོའི་གཞུང་ལ་ལན་འདེབས་བགྱིས་པ་དེས་སོ་སོའི་ལས་ཀའི་འགན་དེ་གཡུགས་ནས་འགན་མེད་པའི་འགན་ཞིག་ཏུ་ལག་པ་བཅངས་འདུགས་པས་བཀའ་ཁྲེ་ཁག་ཅི་ཡོད།

བཀའ་ཁྲི་རྒྱལ་གྱུར་ཅིག བཀའ་ཁྲིའི་རྩ་བའི་དམ་བཅའ་གསུམ་པོའི་ཆེད་དུ་རྒྱལ་གྱུར་ཅིག བཀའ་ཁྲིས་དམ་འབུལ་སྐབས་སུ་ལྷག་དཀར་ལས་འགུལ་ལ་རྒྱབ་སྐྱོར་ཡོད་པ་གསུངས་ཙང་། བོད་ཀྱི་སྐད་ཡིག་དང་རིག་གཞུང་གི་ཆེད་དུ་ཡིན་པའི་ལྷག་དཀར་ལས་འགུལ་གྱི་ཆེད་དུ་བཀའ་ཁྲི་རྒྱལ་གྱུར་ཅིག །
བོད་མི་རིགས་དང་རིག་གཞུང་གི་ཆེད་དུ་བཀའ་ཁྲི་རྒྱལ་གྱུར་ཅིག དྲང་བདེན་དང་དོགས་སློང་གི་ཆེད་དུ་ཤར་ཕྱོགས་ཁུག་རྟ་རྒྱལ་གྱུར་ཅིག གང་ལྟར་གཉིས་ཀ་རྒྱལ་གྱུར་ཅིག མང་གཙོ་དང་རང་དབང་གི་ཆེད་ཁོང་རྣམ་པ་གཉིས་ཀ་རྒྱལ་གྱུར་ཅིག །

ཨ་མདོ་བ་དེ་ཚོར་བཙན་བྱོལ་ནང་ལ་ལམ་ཁ་མེད་པ་ཤེས་བཞིན་དུ་གཞུང་གི་དཔོན་རིགས་ཚོ་ལ་སྐྱོན་བརྗོད་ཀྱིས་རྩོམ་ཡིག་སྤེལ་བ་དེ་ནི་རང་སྡུག་གི་ཉོས་པ་ཞིག་ཡིན་པས་གསལ་བཤད་དང་དགོངས་སེལ་ཞུས་པ་ངལ་བ་འབྲས་མེད་ཡིན།

དངོས་གནས་ང་སེམས་སྐྱོ་ཞིང་ཡི་སྨུགས་ལ། ངུ་ཉན་ཡང་དྲོ་སོང་།
ང་ལ་ཁག་ཅི་ཡོད། གཞིས་ལུས་བོད་མི་རྣམས་ལ་སྨྲ་བརྗོད་རང་དབང་མེད་པར་རྒྱ་གཞུང་གི་སྲིད་ཇུས་དང་དེའི་བཀོད་པ་པོ་རྣམས་ལ་སྐྱོན་བརྗོད་ཅུང་ཟད་རེ་ཁ་ནས་ཐལ་ཤོར་སོང་། ཡོད་ཚད་བརླགས་ནས་བཙོན་ཁང་འཆི་དགོས་ཀྱི་ཡོད་རེད། བཙན་བྱོལ་ནང་གི་བོད་མི་འདི་ཚོ་ལའང་ད་ནི་སྨྲ་བརྗོད་རང་དབང་མེད་པར་སོ་སོའི་མཏོང་སྣང་ངམ་ལྟ་ཚུལ་གྱིས་གོང་ལ་སྐྱོན་བརྗོད་རེ་བྱས་ཙམ་ནས་འཚོ་བའི་དམིགས་གཏད་དང་། ཕུགས་འདུན་གྱི་བྱ་བཞག་ཚང་མ་བོར་ཏེ་གཞུང་ཞབས་ནས་ཕུད་པའི་མིང་ཆད་ཀྱིས་མནར་དགོས་འདུག
སྲིད་སྐྱོང་པ་བློ་བཟང་སེངྒེ་མཆོག་གི་ཤེས་ཡོན་དང་ཁོང་གི་གསུང་བཤད་ལ་སེམས་ཁུང་རུས་པའི་གཏིང་ནས་དགའ་ཞིང་བརྩི་མཐོང་ཚད་མེད་བྱས་པ་ཡིན། དེ་རིང་ཁྱེད་ཀྱིས་ང་དངོས་གནས་སེམས་ཕམ་བཟོ་སོང་། ཁྱེད་དངོས་གནས་དེ་འདྲའི་བློ་རྒྱ་ཆུང་ཆུང་ཡིན་ནམ།
མི་རྐྱང་སྨྱོན་པ་ཞེས་པས་གོང་དྲིས་འདུག་དྲི་བ་འདི་དག་ལ་བཀའ་བློན་དེ་ཚོས་ངེས་པར་ལན་གཅིག་ཡོད་ན་མ་གཏོགས། དེ་རིང་གི་ཁྱེད་ཚོས་གནང་སྟངས་འདིས་ང་ཚོ་མི་དམངས་རྣམས་ལ་སེམས་ཚོར་ཅི་འདྲིའི་ལྕི་མོ་ཞིག་སྤྲད་སོང་ཨང་།

རེད་རེད་རྩོམ་དེའི་སྐོར་དང་བློ་བཟང་ཟེར་བ་འདི་སྐོར་རྒྱུས་ལོན་རྟོག་ཙམ་བྱས་པ་ཡིན།སྤྱིར་ཁོ་རང་བོད་གཞུང་ལན་འདེབས་ཚོགས་ཆུང་གི་རྩོམ་སྒྲིག་པའི་མིང་ཁུར་མཁན་ཞིག་ཡིན་པའི་ཆ་ནས་རྒྱ་ནག་ལ་ཕར་ལས་འདེབས་བྱེད་མཁན་ཡིན་པས་ཚུར་བོད་གཞུང་ལ་སྤྱོན་བརྗོད་བྱེད་མཁན་ཆེད་དུ་གསོ་སྐྱོང་བྱས་པ་ཞིག་ཡིན་གྱི་མ་རེད་བསམ་གྱི་འདུག་ཡུལ་ཆུ་མཐོང་ན་ཡུལ་ཁྲིམས་ཁུར་དགོས་ཟེར་བའི་དཔེ་ཞིག་ཡོད་པ་རེད་དེ་ནང་བཞིན་གཞུང་གླ་ཕོགས་དེ་ལེན་ལས་ཀ་དེ་ཕ་རོལ་པའི་དགོས་འདུན་སྒྲུབ་ན་རང་བདེན་མ་རེད་བསམ་གྱི་འདུག་དྲ་ཐོག་ལ་བསམ་ཚུལ་བཤད་མཁན་མང་ཆེ་ཤེས་ཡོན་དང་སྤྱི་པའི་ལས་དོན་ལ་འགན་འཁུར་ཡོད་མཁན་ཡིན་ཡིད་ཆེས་བྱེད་ཀྱི་་ཡོད་པས་དགོངས་པ་ཡག་བཞེད་དགོས་ཀྱི་རེད།

ཐག་གཅོད་འདི་འདྲ་བྱས་ན་ཆིག་སྒྲིལ་གྱི་རྨང་གཞི་གཏོར་བ་མ་རེད་དམ། ཨ་ཁ་ཁ། བོད་ནང་གི་བོད་མི་སྙིང་མ་རྗེ། ཆིག་སྒྲིལ་ཁ་ནས་བཤད་པའི་ཡོང་རྒྱུ་ཞིག་མིན་པར་ཕྱག་ལས་གནང་སྟངས་ལ་ཐུག་ཡོད་པ་ཡང་བཀའ་ཁྲི་མཆོག་གི་མ་མཁྱེན་པ་འདི་ཇི་འདྲའི་སྐྱོ་བ་ལ།

ཡིག་་་ཡུག་ལ་བཅོས།