ཁ་སང་གཟའ་ཉི་མའི་ཉིན་ཨ་རིའི་གློག་བརྙན་འཁྲབ་མཁན་དང་ནོ་སྦེལ་རྟགས་མ་བཞེས་མཁན། ཁོར་ཡུག་ལས་འགུལ་པ་སོགས་ཚུད་པའི་མི་ ༨༠༠༠ ལྷགལྷག་ཕོ་བྲང་དཀར་པོའི་ཕྱོགས་སུ་འདུས་ཏེ། ཁེ་ན་ཌ་ནས་ཨ་རིར་སྣུམ་འདྲེན་སྦུག་ལམ་འཐེན་རྒྱུའི་ཨོ་བྷ་མའི་ལས་གཞི་དེར་ངོ་རྒོལ་གྱི་ལས་འགུལ་སྤེལ་ཏེ་ལས་མཚམས་འཇོག་དགོས་པའི་འབོད་སྐུལ་གནང་ཡོད་འདུག
ལས་གཞི་དེ་ནི་ཁེ་ན་ཌའི་མངའ་སྡེ་ཨལ་བྷར་ཊ་(Alberta) ནས་ཨ་རིའི་མངའ་སྡེ་དྲུག་ཙམ་བརྒྱུད་དེ་ཨ་རིའི་ཁུ་ཤེན་(Cushing) ས་ཁུལ་དུ་ཡོད་པའི་སྣུམ་རིགས་གཙོ་སྦྱང་བཟོ་གྲྭར་མཐུད་འཆར་ཡོད་པ་དང་།རིང་ཚད་ལ་སྤྱི་ལེ་༢༥༠༠ཡོད་པའི་སྣུམ་རྙོག་ (crude oil) སྦུག་ལམ་གྱི་ལས་གཞི་དེའི་ཐད་ཨ་སྒོར་ཐེར་འབུམ་༧གྱི་འགྲོ་གྲོན་གཏོང་རྩིས་ཡོད་འདུག ཨ་རིའི་མི་མང་གིས་གཅིག་ནས་སྣུམ་འདྲེན་སྦུག་ལམ་འཐེན་སྐབས་ས་རྐོ་རྡོ་སློག་གིས་རང་བྱུང་ཁོར་ཡུག་ལ་གཏོར་སྐྱོར་དང་།གཉིས་ནས་བཙོ་སྦྱང་མ་བྱས་པའི་སྣུམ་རྙོག་ཨ་རིར་དྲངས་ཚེ་དེའི་དུག་རྫས་ཀྱིས་ཨ་རིའི་ཁོར་ཡུག་དང་མིའི་འཕྲོད་བསྟེན་ལ་གནོད་སྐྱོན་ཚབ་ཆེན་ཐེབས་རྒྱུ་ཡིན་པ་བརྗོད་དེ།ཨོ་བྷ་མའི་ལས་གཞི་འདི་མཚམས་འཇོག་བྱ་དགོས་པའི་ངོ་རྒོལ་བྱས་པ་ཞིག་ཡིན་འདུག
ངོ་རྒོལ་གྱི་ཉིན་དེར་ཨོ་བྷ་མ་ཕོ་བྲང་དཀར་པོའི་ནང་བཞུགས་མེད་པ་རེད། ཡིན་ནའང་། ཁོས་དེ་སྔོན་ལས་གཞི་འདི་ནི་ཨ་རིའི་རྒྱལ་ཁབ་ཀྱི་ཁེ་ལས་རང་བཞིན་གྱི་ལས་གཞི་ཞིག་ཡིན་པ་མ་ཟད།མི་མང་སྟོང་ཕྲག་མང་པོར་ལས་ཀ་རག་རྒྱུའི་ལས་འཆར་ཞིག་ཀྱང་ཡིན་པར་བརྗོད་ཡོད་འདུག
གསར་འགོད་པ། བནྡེ་སྐྱབས།
གསར་འགྱུར་འདི་བད་ནང་གི་དྲ་བ་ཟིག་ཏུའང་མཐོང་སོང་བ་གཅིག་པ་རེད་འདུག
ད་ནི་བོད་ཀྱི་ཨོ་བྷ་མར་ངོ་རྒོལ་བྱས་པ་བཞིན་ཨ་རིའི་ཨོ་བྷ་མར་ཡང་ངོ་རྒོལ་བྱེད་ཀྱིན་འདུག
རང་དབང་དང་འགྲོ་མིའི་ཐོབ་ཐང་རྒྱལ་གྱུར་ཅིག
ངོ་རྒོར་གྱི་རྣམ་པ་འདི་ཁྱད་མཚར་ཞིེག་རེད། སྲིད་འཛིན་ལ་རྒོལ་ན་གནས་དབྱུང་ཡིན་རྒྱུ་རེད་ལ།
འདི་ཡང་རྒོལ་སྟེངས་གཞན་ཞིག་རེད།
ཆེས་དགའ་བསུ་ཐོབ་པའི་ཨོ་བྷ་མ་ལ་ད་ེརིང་ངོ་རྒོལ་བྱེད་དགོས་པའི་ལས་འཆར་འདི་འདྲ་འུ་ཚོ་གི་སྲིད་སྐྱོང་ལགས་ནས་མི་གནང་བའི་སྨོན་འདུན་ཞུ།
ཁེ་ན་ཊའི་མི་དམངས་ཀྱིས་ངོ་རྒོལ་མ་བྱས་ན་ཨ་རིའི་མི་དམངས་ཀྱིས་ཅི་ལ་ངོ་རྒོལ་བྱེད།
དཔའ་རྒོད་ཨོཾ་པད་མའི་བྱ་གཞག་ལ་འགལ་རྐྱེན་བཟོས་ན་ཨ་རི་རང་གི་སྡུག་གྱོང་ལོས་ཡིན།
ཡག་པོ་རེད། འུ་ཚང་མཚོན་ན་སྲིད་འཛིན་ལ་ཅུང་མི་འགྲིག་ཚུལ་བཤད་ཚེ། འུ་ཚང་གི་དབུ་ཁྲིད་ཡིན་པས། ཅིག་ཅིག་ཉུག་ཉུག་ཟེར་གི་རེད། ཅི་ཡང་མི་ཤེས་པའི་བླུན་རྟགས་ཤིག་ཡིན་མོད། དེ་འདྲ་མ་རེད་ཟེར་ན། ཉན་ནི་མ་རེད།
འདི་ནི་ཨ་རིའི་དམངས་ཚོགས་ཀྱིས་སྲིད་འཛིན་ཨོ་བྷ་མའི་དགོངས་ཚུལ་ལ་མཐའ་གཅིག་ཏུ་ངོ་རྒོལ་བྱེད་པ་ཐོག་མ་དེ་ཆགས་ཡོད་པ་རེད། ངོ་རྒོལ་དེ་ནི་དངོས་གནས་རིན་ཐང་ལྡན་པ་ཞིག་ཀྱང་རེད། སྐབས་བབས་ཀྱི་ཁེ་ལས་རང་བཞིན་གྱི་ཁེ་ཕོག་ཞིག་ལས་འབྱུང་འགྱུར་གྱི་དཀའ་ངལ་དེ་གཙུགས་སུ་འཛིན་དགོས་པ་གསལ་བོ་རེད། དེའི་ཕྱིར་ང་ཚོས་ཀྱང་ཁོང་ཚོར་མིག་དཔེ་བལྟས་ཏེ་ཡང་དག་པའི་བོད་དོན་འཐབ་རྩོད་འདི། སྤུས་དག་པའི་ཆབ་སྲིད་ཀྱི་ལངས་ཕྱོགས་ཞིག་བཟུང་ན་ཧ་ཅང་འགྲིག།།