ཕྱི་ཚེས་ ༧ ཉིན་ཨ་རིའི་ཁཱ་ལེ་ཧྥོར་ནེ་ཡའི་(Superior Court of California) མཐོ་རིམ་ཁྲིམས་ཁང་དུ་ཁྲིམས་དཔོན་པཱ་སི་ཊོར་(Michael Pastor) གྱིས། ༢༠༠༩ ཟླ་ ༦ ཚེས་ ༢༥ ཉིན་གཞས་པ་གྲགས་ཅན་མའེ་ཁལ་ཇེག་སན་(Michael Jackson) རྐྱེན་ལམ་དུ་ཕྱིན་པ་དེ་ནི། ཁོང་གི་སྨན་པ་མུ་རའེ་(Conrad Murray) ཡིས་ཚད་ལས་བརྒལ་པའི་སྨན་སྤྲད་པ་ལ་བརྟེན་ནས་བྱུང་པར་ངོས་འཛིན་ཐོག སྨན་པ་མུ་རའེ་ལ་ལོ་ ༤ བཙོན་འཇུག་ཁྲིམས་ཐག་བཅད་པའི་ཁྱབ་བསྒྲགས་བྱས་ཡོད་འདུག
གཞས་པ་ཁོང་རྐྱེན་ལམ་དུ་ཕྱིན་པའི་རྗེས་སྨན་པས་སྨན་སྤྲོད་སྟངས་མ་འགྲིག་པའི་རྐྱེན་གྱིས་ཡིན་པར་ཁྲིམས་གཏུག་བྱས་ཡོད་སྟབས། སྐབས་དེ་ནས་བཟུང་སྨན་པ་མུ་རའེ་ལ་སྨན་བཅོས་བྱ་མི་ཆོག་པའི་བཀག་འགོག་བྱས་ཡོད་པ་དང་། ད་ལོའི་ཕྱི་ཟླ་ ༩ ཚེས་ ༢༧ ནས་དངོས་སུ་དོན་རྐྱེན་དེའི་སྐོར་ལ་ཁྲིམས་བཤེར་བྱས་ཏེ་བདུན་ཕྲག་དྲུག་གི་རྗེས་སུ་སྨན་པ་མུ་རའེ་ལ་ཉེས་ཆད་ཁྲིམས་ཐག་བཅད་ཡོད་པ་རེད།
ཕྱི་ཚེས་ ༧ ཉིན་གྱི་ཁྲིམས་བཤེར་སྐབས་ཇེག་སན་གྱི་ཕ་མ་གཉིས་དང་སྤུན་ཆེད་ཁག་ཅིག་ཁྲིམས་རར་སླེབས་ཡོད་པ་དང་། མུ་རའེ་ལ་ཁྲིམས་ཐག་བཅད་པའི་ཁྱབ་བསྒྲགས་བྱས་སྐབས་ཁོང་ཚོར་རྒྱལ་ཁ་ཐོབ་པའི་སེམས་ཚོར་ཆེན་པོས་ཕན་ཚུན་འཐམ་འཁྱུད་ཀྱིས་མཆི་མ་ཤོར་ཡོད་པ་མ་ཟད། ཁྲིམས་ཁང་ཕྱི་རོལ་དུ་གཞས་པ་ཇེག་སན་ལ་དགའ་མོས་ཡོད་པའི་མི་ཚོགས་མང་པོ་འདུས་ཡོད་པ་རྣམས་ཀྱིས་ཀྱང་རྒྱལ་ཁ་ཐོབ་པའི་རྣམ་འགྱུར་སྣ་ཚོགས་བསྟན་ཡོད་འདུག
ཨ་རིའི་ལུང་པར་ཁ་མཆུ་རྒྱབ་རྒྱུ་ནི་ཁོང་ཚོའི་ཡོང་མཁོ་ཆེ་ཤོས་ཤིག་རེད།
དཔེ་མཚོན་ཞིག་ཞུས་ན། ད་ལྟ་ཀླུ་སྨྱོན་བཞུགས་སའི་གྲོང་ཁྱེར་གྱི་ཉེ་འགྲམ་པོརཌ་ལན་གྱི་བུད་མེད་ཞིག་གིས་ཁོ་འཚིག་ཇ་ཚོང་ཁང་ཞིག་ནས་འཚིག་ཇ་པོར་བ་གང་ཉོས་ཏེ་འཐུང་བཞིན་སྣུམ་འཁོར་བཏངས་ཏེ་འགྲོ་སྐབས་འཚིག་ཇ་དེ་བུད་མེད་དེ་ཡི་བརླ་ཤར་འབོ་སྟེ་ཤ་ཡི་ཁ་དོག་ཅུང་ཙམ་འགྱུར་བར་མོས་ཁྲིམས་ཁང་ལ་བཏུག་བཤེར་བྱས་ཏེ་མོ་ཡི་མི་ཚེ་འཁྲོ་ལག་ལ་བཏང་སོང་ཟེར་ནས་མཐར་བུད་མེད་དེ་ཐོབ་སྟེ་ཨ་སྒོར་ས་ཡ་མང་པོ་ཐོབ་རབས་བཤད་ཀྱི་འདུག
དེ་བཞིན་ཨ་རིའི་གྲོང་ཁྱེར་འགའ་ཞིག་གི་རྒྱ་ལམ་ལ་སྣུམ་འཁོར་ནང་དུ་འགྲུལ་པ་གཅིག་ལས་མང་པ་ཡོད་ཚེ་དམིགས་བསལ་གྱི་ལམ་ཁ་སྟོང་པ་སྟེ་སྣུམ་འཁོར་གྱི་འཚང་ཁག་མེད་སར་འགྲོ་ཆོག་གི་ཡོད་འདུག
ཉིན་གཅིག་མི་ཞིག་གིས་ཞོགས་པ་སྣུམ་ལམ་བྲེལ་ཟིང་ཆེ་བའི་སྐབས་ཤིག་ཏུ།
ཁོ་རང་གི་ཁྱི་དེ་དང་མཉམ་དུ་འགྲུལ་པ་གཉིས་ཅན་གྱི་རྒྱ་ལམ་ལ་སྣུམ་འཁོར་བཏང་བར་ཉེན་རྟོག་པས་ཁོ་བཀག་འགོག་བྱེད་སྐབས་ཁྱོད་རང་གཅིག་པོ་ཡོད་པའི་སྣུམ་འཁོར་འདི་རྒྱ་ལམ་འདི་ཡི་ནང་དུ་གཏོང་མི་ཆོག་པའི་ཁྲིམས་འགལ་གྱིས་ཉེས་འཛུགས་བྱས་པར་ཁོས་ཁྲིམས་ཁང་དུ་ཁྲིམས་བཏུག་བྱས་སྐབས་ཁོས་ཁྲིམས་དཔོན་ལ་ང་ཡི་ཁྱི་འདི་ནི་ང་ཡི་གཏན་དུ་འགྲོགས་པའི་ཆུང་མ་དང་གཉིས་སུ་མེད་ཅིང་ང་དང་མཉམ་དུ་གར་འགྲོ་གར་འདུག་གར་ཉལ་བྱེད་ཀྱིན་ཡོད། ཁྱི་འདི་ནི་མི་དང་ཁྱད་པར་རྩ་བ་ནས་མེད་ཅིང། དེས་ན་ང་འགྲུལ་པ་གཅིག་ལས་མང་བའི་རྒྱ་ལམ་ལ་འགྲོ་ཆོག་ཅིག་ཁྲིམས་དང་ནམ་ཡང་འགལ་བ་མེད་ཅེས་བཤད་པར་ཁོ་ཐོབ་རབས་བཤད་ཀྱི་འདུག
ལས་འགུལ་འདྲ་མིན་སྤེལ་ན་དངོས་ནས་ཁྱད་པར་ཆེན་པོ་ཡོད་ས་རེད་དྲ་གྲོགས་ཟིལ་ཁྲོལ་ལེགས་ཀྱིས་གསུངས་པ་ལྟར་མི་མང་ལ་སེམས་འགུལ་ཐེབ་ངེས་ཀྱི་ལས་འགུལ་རྩོམ་རྒྱུ་ནི་གདན་དོནཆུང་ཆུང་ཞིག་གཏན་ནས་མ་རེད་བོད་དོན་འཐབ་རྩོད་ཀྱི་ལས་འགུལ་ཐད་ལ་མི་སོ་སོའི་བསམ་ཚུལ་གང་མང་སྟོན་ཐུབ་ན་ནུས་པ་ཐོན་པའི་ལས་་འགུལ་སྤེལ་ཐུབ་སྲིད་པ་རེད་
དོན་རྐྱེན་འདིའི་བྱུང་རིམ་གསལ་བོ་ཞིག་ཤེས་ན་འདོད། ཁྲིམས་ཆད་འདི་བདེན་པའི་བའི་ཐག་གཅོད་ཅིག་ཡིན་པར་སྨོན།
ང་ཚོས་བོད་རང་དབང་རང་བཙན་གྱི་ཆེད་དུ། <<ང་ཚོ་བོད་པའི་དཀའ་ངལ་སེལ་བ་ལ་ཁྱེད་ཚོས་རྒྱབ་སྐྱོར་གནང་རོགས། ང་ཚོས་ཁྱེད་ཀྱི་འཁོར་ཡུག་ལ་བཙང་སྦྲ་བྱེད་ཡོངས།>>ལྟ་བུའི་སྐད་ངག་གཅིག་དང་འབོད་སྦྲ་གཅིག་གིས་འཁོར་ཡུག་གཙང་སྦྲའི་ལས་འགུལ་ཞིག་བོད་རིགས་དང་བོད་དོན་རྒྱབ་བསྐྱོར་བ་ཚང་མས། འཛམ་གླིང་ཡུལ་གྲུ་གང་ས་ནས་ཉིན་གཅིག་དུས་གཅིག་ལ་སྤེལ་ཐུབ་ན། འཛམ་གླིང་ཡུལ་མི་རྣམས་ལ་དམིགས་བསལ་གྱི་ཚོར་སྣང་ཞིག་སྤྲོད་ཐུབ་ཀྱི་རེད་སྙམ། དེང་སང་འཛམ་གླིང་ཡུལ་གྲུ་མང་པོ་ནས་ལས་འགུལ་དང་ངོ་རྒོལ་རིགས་སྤེལ་དུས་འཁོར་ཡུག་དང་དཔལ་འབྱོར་ལ་གཏོར་སྐྱོན་གྱོང་གུད་ཚབ་ཆེན་བཏང་བཞིན་ཡོད་པ་མ་ཚད། ཡུལ་མིའི་སེམས་ཁམས་ལ་འཇིགས་སྐྲག་དང་ཕོག་ཐུག་ཚབ་ཆེན་བཏང་བཞིན་ཡོད་པས། འཁོར་ཡུག་བཙང་སྦྲ་ནི་དེ་ལས་བཟློག་ཏེ་ཡུལ་མི་རྣམས་ཀྱི་ལུས་སེམས་ཀྱི་འཕྲོད་བརྟེན་ཡིན་པར་མ་ཟད། དཔལ་འབྱོར་ལ་གྱོང་གུད་མེད་པ། ཡུལ་མི་རྣམས་ལ་འཇིགས་སྐྲག་དང་ཕོག་ཐུག་མི་འགྲོ་བ། ཡུལ་མི་སོ་སོར་ལ་འཁོར་ཡུག་བཙང་སྦྲ་བྱེད་རྒྱུའི་ཡར་བསྐུལ་བྱེད་ཐུབ་པ། བོད་རིགས་དང་ཡུལ་མི་རྣམས་ཀྱི་མཐུན་འབྲེལ་གོང་འཕེལ་ཡོངས་བ་ལ་ཕན་པ། ལས་འགུལ་ནང་ཞུགས་མཁན་ཡུལ་མི་མང་དུ་འགྲོ་སྲིད་པ། འཁོར་ཡུག་བཙང་སྦྲ་ནི་ནང་ཆོས་དང་ཡོངས་སུ་མཐུན་པ། མི་རིགས་སུས་མཐོང་ཐོས་སུ་གྱུར་ན་སེམས་ལ་མི་བདེ་བ་མེད་པ། བོད་དོན་རྒྱབ་བསྐྱོར་བྱེད་མཁན་ཇེ་མང་དུ་འགྲོ་སྲིད་པ། བོད་རིགས་ཀྱི་བསམ་སྤྱོད་བཟང་པོས་རླབས་ཆེན་གྱི་བྱས་རྒྱས་འཇོག་ཐུབ་སོགས་དགེ་མཚན་མང་པོ་ལྡན། མི་རིགས་དང་ཆོས་ལུགས་གི་དབྱེ་བ་མེད་པར་ཚང་མས་འཁོར་ཡུག་གཙང་སྦྲ་ནི་རྩ་ཆེན་ཞིག་ལ་བརྩི་བཞིན་ཡོད་པས་ང་ཚོ་ལ་རྒྱབ་བསྐྱོར་བྱེད་མཁན་ཡང་མང་ནས་མང་དུ་འགྲོ་བ་ཐེ་ཚོམ་མེད་པ་རེད། གཅིག་བྱས་ན་འཛམ་གླིང་གི་ལས་འགུལ་དང་ངོ་རྒོལ་རིགས་སྤེལ་མཁན་རྣམས་ཀྱིས་འཁོར་ཡུག་དང་དཔལ་འབྱོར་ལ་གཏོར་སྐྱོན་དང་གྱོང་གུད་མི་ཕོག་པ། ཡུལ་མིའི་སེམས་ཁམས་ལ་འཇིགས་སྐྲག་དང་ཕོག་ཐུག་མི་འགྲོ་བའི་ལས་འགུལ་རིགས་སྤེལ་རྒྱུའི་ཀུན་སློང་བཟང་པོ་སྐྱེ་བ་དང་ང་ཚོའི་ལས་འགུལ་དེ་སྔོན་འགྲོ་རུ་འགྱུར་སྲིད་པ་ཞིག་ཀྱང་རེད།