མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱལ་བ་ཀརྨ་པ་མཆོག་གི་འབོད་སྐུལ།

བོད་ཀྱི་དུས་བབ།
༢༠༡༡/༡༡/༡༠
Share on FacebookShare on TwitterShare on EmailShare on Whatsapp

ཁ་སང་དཔལ་རྒྱལ་བ་ཀརྨ་པ་མཆོག་གིས་རྒྱ་གཞུང་གིས་རྩུབ་སྤྱོད་མཚམས་འཇོག་དགོས་པ་དང་། བོད་མི་ཚོས་ཀྱང་ཚེ་སྲོག་ལ་གཅེས་སྤྲས་ཀྱིས་ཐབས་ལམ་གཞན་འཚོལ་དགོས་པའི་འབོད་སྐུལ་གནང་འདུག  

ཁ་སང་ཕྱི་ཚེས་ ༩ ཉིན་དཔལ་རྒྱལ་བ་ཀརྨ་པ་མཆོག་གིས་བོད་ནང་རང་ལུས་མེ་བསྲེགས་ཀྱི་ལས་འགུལ་སྤེལ་བཞིན་པའི་ཐད་རྒྱ་གཞུང་ལ་འབོད་སྐུལ་ཞིག་གནང་འདུག འབོད་སྐུལ་དེར། རྒྱ་ནག་གཞུང་གིས་བོད་དོན་ཐོག་གཏན་འབེབས་བྱས་པའི་སྲིད་བྱུས་དག་ལ་བསྐྱར་ཞིབ་དང་། བོད་མི་མང་གི་ཁྲིམས་མཐུན་གྱི་རེ་སྨོན་ལ་ཉན་ཏེ། བོད་མི་དང་ལྷན་དུ་དོན་སྙིང་ལྡན་པའི་གྲོས་མོལ་བྱ་རྒྱུ་ལས། རྩུབ་སྤྱོད་ལ་བརྟེན་ནས་བོད་མི་རྣམས་ཀྱི་ཁ་གཅོད་ཐབས་བྱ་མི་རུང་བ་སོགས་བཀོད་འདུག

དེ་བཞིན། ནང་པས་ཚེ་སྲོག་ལ་གཅེས་འཛིན་བྱེད་པ་ཇི་བཞིན་ང་ཚོས་དོན་ལྡན་གྱི་རྒྱལ་ཁ་ལེན་ཆེད། ངེས་པར་དུ་རང་རང་གི་ཚེ་སྲོག་ལ་བདག་གཅེས་བྱ་དགོས་པ་དང་། ང་ཚོ་བོད་ལ་མཚོན་ན་མི་གྲངས་ཉུང་ཉུང་ཡིན་སྟབས། བོད་མི་རེ་རེའི་ཚེ་སྲོག་དེ་བོད་དོན་ལ་རིན་ཐང་གཞལ་དུ་མེད་པ་ཡིན།  དེ་བས་བོད་མི་མང་གིས་རང་གི་ཚེ་སྲོག་ལ་གཅེས་སྤྲས་ཀྱིས་ཐབས་ལམ་གཞན་པ་བཙལ་ཏེ། དགེ་མཚན་ལྡན་པའི་ལམ་ནས་བོད་ཀྱི་ལས་དོན་བསྒྲུབ་དགོས་ཞེས་སོགས་གསུངས་འདུག

ཡང་རྒྱལ་བ་ཀརྨ་པ་མཆོག་གིས། “ བོད་ནང་བོད་མི་རེ་རེས་རང་ལུས་མེར་བསྲེགས་བཏང་བའི་གནས་ཚུལ་ཐོས་སྐབས་ངའི་སེམས་ལ་ན་ཟུག་ཚད་མེད་སྐྱེ་ཡོང་གི་འདུག བོད་དོན་ཆེད་རང་ལུས་མཆོད་མེར་འབུལ་བཞིན་ཡོད་པའི་བོད་མི་སྐྱ་སེར་ཚང་མ་ལོ་གཞོན་རྐྱང་རེད། ཁོང་ཚོར་འཚོ་སྡོད་ཀྱི་གོ་སྐབས་རིང་པོ་ཡོད་ཀྱང་། བོད་བསྟན་པ་ཆབ་སྲིད་ཆེད་ཞབས་ཞུ་གང་ཞིག་བསྒྲུབ་རྒྱུའི་གོ་སྐབས་རག་སྐབས་ཕངས་མེད་དུ་ཡོད་ཚད་བློས་བཏང་བ་རེད། ” ཅེས་གསུངས་འདུག

གསར་འགོད་པ། དོན་གོ

འབྲེལ་ཡོད་གསར་འགྱུར།

འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

ཆུ་ཚོད་ ༢༠ སྔོན་ལ།
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

ཆུ་ཚོད་ ༢༡ སྔོན་ལ།
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧

མཆན། 43

  1. འབྲོང་སར་ཚེ་ཉི། says:
    ལོ་ 14 སྔོན།

    དྲྭ་འབུ་ཀླད་མེད་ཚོ་དང་ཁ་བརྡ་བྱེད་ཡག་སྔར་ནས་ཞེན་པ་གཏིང་ནས་ལོག་སོང་། ཡིན་ན་ཡང་བསྐྱར་དུ་གཅིག་བྲིས་ན། འགྱུར་མེད་བསྟན་འཛིན་གཙོས་པའི་དྲྭ་འབུ་ཚོས་གཟུར་གནས་ཡིན་མདོག་ཁ་པོ་བྱས་ཏེ་ཆོས་ལུགས་བར་གྱི་་མཐུན་འབྲེལ་དཀྲུག་རྒྱུ་དང་མི་རིགས་ཀྱི་བདེ་སྡུག་ལ་ཐུགས་ཁུར་གནང་མཁན་བླ་ཆེན་ཚོར་མི་མང་ཚོས་ཡིད་བརླགས་ན་ཅི་མ་རུང་སྙམ་ནས་སྐྱོན་བརྗོད་དང་ཟུར་ཟ་ཅི་ཤེས་གང་ཤེས་ཅི་དྲན་གང་དྲན་ཀྱང་ཀྱང་་་་་་་་་་་ཤ་ཚ་སྙིང་རྗེ། སྐུ་ཆེ་ཁྱོད་རང་ཚོའི་གནས་བབ་ལ་བསམ་གཞིག་ཅིག་བྱོས་དང་།

    Reply
  2. རྣམ་རྒྱལ། says:
    ལོ་ 14 སྔོན།

    དྲ་གྲོགས་རྣམ་པ་དོན་མེད་རྩོད་པ་མ་གནང་། རང་དོན་དང་ཕྱོགས་རིས་ཁོ་ན་ལ་མ་ཞེན་པ་བོད་སྟན་པ་ཆབ་སྲིད་ལ་ཕན་པའི་བཀའ་མོལ་རེ་གནང་དང་། གོང་ས་༧རྒྱལ་བ་རིན་པོ་ཆེའི་རྩལ་ཆེན་གནང་ས་མཁན་པོ་འཇིགས་མེད་ཕུན་ཚོགས་ཞུ་མཁན་དེའི་རྒྱལ་ཚབ་ལ་ཚུལ་ཁྲིམ་བློ་གྲོས་ཡིན་པ་ཡོངས་གྲགས་རེད། ཁོང་ཨ་ནི་མཁན་པོ་ཡིན་མིན་གང་ཤེས། གང་ལྟར་མཚན་བསྙེན་གང་ས་ཁྱབ་བཞིན་པ་ཡོངས་གྲགས་རེད། མེས་པོའི་བཞག་པའི་ཆོས་དང་རིགས་གཞུང་ལ་བདག་པོ་དང་ཡར་རྒྱས་བཏང་བཞིན་པའང་ཡོངས་གྲགས་རེད། གང་ཟག་སུ་ལའང་་བཟང་ངན་གཉིས་རེ་མེད་པའང་ཆོས་ཉིད་རེད། གོང་ས་༧ ཡིད་བཞིན་ནོོར་བུ་ཞལ་ནས་ཀརྨ་པའི་ཡང་སྲིད་གཅིག་མ་ཏོགས་གཉིས་ཡོངས་མི་ཆོག་གསུང་པའི་ལོ་རྒྱུས་ཡང་གོ་ཡ་མི་འདུག ཀརྨ་པའི་ཡང་སྲིད་གཉིས་གསུམ་ཡོང་གི་རེད་གསུང་པའི་ལོ་རྒྱས་ཡང་གོ་ཡ་མི་འདུག བསྟན་འགྲོ་ལ་ཕན་ན་ཀརྨ་པའི་ཡང་སྲིད་བཅུ་འཕེབས་ནའང་མང་དྲག་རྒྱུ་མི་འདུག ངག་བརྒྱུན་ལ་འཛམ་གླིང་བྱེ་བ་ཕྲག་བརྒྱ་ལ་ཀརྨ་པའི་སྤྲུལ་བ་བྱེ་བ་འཕྲག་བརྒྱ་འཕེབས་ཚུལ་བཞིན་རེད། བསྟན་འགྲོ་ལ་མི་ཕན་པ་གནོད་ན་གཅིག་ཀྱང་མེད་ན་ཡག་ཤོས་རེད། 

    Reply
  3. འབྲོང་བུ་སོག་ཚ། says:
    ལོ་ 14 སྔོན།

    དྲྭ་གྲོགས་ཆོས་བཟང་། ཁྱེད་ཀྱིས་དྲི་བ་དང་པོ་དེའི་ལན་དེ་གཙོ་བོ་ཁྱེད་རང་གིས་བསམ་ཚུལ་ལམ་རྟོག་ཚོགས་ལ་རག་ལས་ཡོད། དཔེར་ན། བོད་དེ་རང་དབང་ག་དུས་ཐོབ་མིན་སུས་ཀྱང་ཐག་གི་གཅོད་མི་ཐུབ་པ་བཞིན། ཀརྨ་པའི་ཡང་སྲིད་གཅིག་མ་གཏོགས་ཡོང་མི་ཆོག་པ་ནི། འདས་པའི་བྱུང་རབས་དང་ད་ལྟའི་བོད་ཀྱི་གནས་བབས་གང་སྤྱིའི་སྟེང་ནས་ཤེས་ཐུབ་པ་ཞིག་ཡིན། དང་པོ་འདས་པའི་བྱུང་རབས་ལ་གཟིགས་ན་སྐུ་ཕྲེང་དང་པོ་ནས་བཅུ་དྲུག་བར་དུ་རེ་རེ་བྱོན་པ་ལས་ཁ་ཤས་ལ་གཅིག་དང་ཁ་ཤས་གཉིས་གསུམ་ཟེར་བ་ཞིག་གཏན་ནས་མ་བྱུང་བ་ལས་དཔོགས་ཐུབ། དེ་བཞིན་ངས་ཡག་པོ་ཞིག་ཤེས་རྟོགས་མ་བྱུང་སྟེ་གོ་ཐོས་ལ་གཏེར་བཏོན་མཆོག་གྱུར་གླིང་པ་ཞེས་པའི་བླ་མ་ཞིག་གིས་གཏེར་ལས་འཕྱུང་བའི་གུ་རུའི་རྣམ་ཐར་ཞིག་ཡོད་སྐད་དང་། དེའི་ནང་ཀརྨ་པ་སྐུ་ཕྲེང་རེ་རེའི་མཚན་རྣམས་བཀོད་ནས་གསུངས་ཡོད་ཟེར་བ་སྔར་ཐོས་མྱོང་འདུག་པས་ཁྱེད་རང་ཤེས་ལྡན་དང་ཕྱོགས་རིས་མེད་པ་ཞིག་ཡིན་ན་དེ་རྣམས་ལ་དཔྱད་པ་བྱོས་དང་རྣམ་རྟོག་བསངས་ངེས་རེད། ད་ལྟའི་གནས་བབས་ནི་བོད་སྤྱིའི་མགོན་དཔུང་དམ་པ་༧སྐྱབས་མགོན་རིན་པོ་ཆེས་ཐག་གིས་གཅོད་དེ་ཡང་སྲིད་གཏན་འབེབས་ཟིན་པ་མ་ཟད་དེ་ཡང་གཅིག་མ་གཏོགས་གཉིས་གསུམ་ཟེར་བ་སོགས་གང་ཡང་མེད་པའི་བཀའ་ཁྱབ་ཡང་བསྩལ་ཡོད་རབས་འདུག་པས་ཞིབ་དཔྱོད་གྱིས་དང་རྣམ་རྟོག་རྣམས་རང་ཡལ་དུ་འགྲོ་བའི་ཡི་ཆེས་ཡོད། སྔར་ཁྱེད་རང་བཞིན་ང་ཡང་ཡིན་ནའང་རིམ་པའི་ཇེ་གསལ་དུ་ཕྱིན་སོང་བས་ད་ནི་དེའི་སྟེང་ནམ་མཁའ་གཡའ་དག་དང་ས་གཞི་རྡུལ་དག་ཡིན་པས་དྭོགས་པ་ཕྲ་མོ་ཙམ་ཡང་མེད།

    Reply
  4. ཆོས་བཟང་། says:
    ལོ་ 14 སྔོན།

    འབྲོང་བུ་སོག་ཚ། དེ་ཡག་བྱུང་། འགྲིག་འགྲིག་འགྲིག། ཐོག་མར་ང་དང་ང་འདྲའི་ཀླ་ཀློའི་བསམ་སྤྱོད་རིགས་ཉེ་བར་ཞི་བར་བྱོས་ལ། དེ་མཚམས་སུ་ལ་རྒྱག་དགོས་མིན་ལྟོས། སླར་ཡང་ང་ཆོས་བཟང་གི་མགོ་ལ་རྒྱག་དགོས་བྱུང་ཡང་དགའ་བསུ་ཡོད།

    འོན་ཀྱང་ང་ལ་དྲི་བ་ཞིག་ཡོད་པ་དེ། ང་འདྲའི་ཀླ་ཀློའི་བསམ་སྤྱོད་རིགས་ག་དུས་ཉེ་བར་ཞི་ཐུབ་བམ། ཟེར་བ་འདི་ཡིན། སྒྲུབ་ཐུབ་པ་དང་འགྲུབ་ཐུབ་པ་རེ་གླེང་ན་ལེགས། གཞན་རྨོངས་དད། སྟོང་ལབ་དང་། ཞེན་ཁོག་སྐམ་པོ་བཅས་ཀྱིས་ད་བར་ང་ཚོར་ཕན་མ་སོང་ལ། མ་འོངས་པར་ཡང་ཨ་ཀྱང་ཀྱང་།

    བདེན་པ་རེད། རང་རེ་བོད་ཆོས་སྲིད་གཉིས་ཀྱི་དབུ་ཁྲིད་དམ་པ་༧གོང་ས་༧སྐྱབས་མགོན་ཆེན་པོས་རྡ་སའི་ཀར་ཁོ་ལ་ཐུགས་རེ་ཆེ་བའི་རྒྱུ་མཚན་གྱིས་ང་ཆོས་བཟང་ཚུན་ཆད་ཀྱིས་ཡིན་ཤག་བྱས་པ་རེད། མ་འོངས་པར་དེ་བཞིན་འགྲོ་དགོས་མིན་ཁོང་གི་གནང་ཕྱོགས་ལ་རག་ལུས་ཡོད། འོན་ཀྱང་༧གོང་ས་མཆོག་གིས་ཀར་ཁོ་གཅིག་ལས་གཞན་རྩ་ནས་ཡོད་མི་སྲིད། གསུངས་མེད་པ་འདྲ། ང་ཚོས་ཕྱོགས་ཞེན་སྐམ་པོས་ཅི་ཡང་མི་ཕན་པས། བསམ་བློ་ཡག་པོ་ཐོངས།

    Reply
  5. འབྲོང་བུ་སོག་ཚ། says:
    ལོ་ 14 སྔོན།

    ཆོས་བཟང་ལགས། ༧གོང་ས་ལྔ་པ་ཆེན་པོའི་གསུང་དེ་ཁ་བསྒྱུར་རྒྱུའི་ནུས་པ་ཡོད་མེད་ལ་མ་བལྟོས་པར་ཀླ་ཀློའི་ཐ་སྙད་བེད་སྤྱོད་གནང་མཁན་ཚང་མ་རྒྱ་ནག་དམར་པོའི་གཞུང་དང་གཅིག་མཚུངས་སུ་ལྡན་པ་དང་། དེང་སང་ཆོས་ཁས་ལེན་མཁན་དུ་རློམ་པའི་གང་ཟག་ཁྱོད་ལྟ་བུའི་ལྷ་བླར་སྐུར་འདེབས་རིགས་བགྱིས་ཚོད་ལ་གཞིགས་ན་ཆོས་ཁས་མི་ལེན་མཁན་རྒྱ་ནག་དམར་པོ་ལས་ཀྱང་ཆེས་སྡུག་པས། ཐོག་མར་དེ་དང་དེ་འདྲ་བའི་ཀླ་ཀློའི་བསམ་སྤྱོད་རིགས་ཉེ་བར་ཞི་བར་བྱེད་ནས་དེ་མཚམས་སུ་ལ་རྒྱག་དགོས་མིན་ལྟ་རྒྱུ་རེད། དེང་སང་ཀརྨ་པ་ཡིན་ཟེར་མཁན་ཁ་ཤས་འདུག་ན་རང་རེ་བོད་ཆོས་སྲིད་གཉིས་ཀྱི་དབུ་ཁྲིད་དམ་པ་༧གོང་ས་༧སྐྱབས་མགོན་ཆེན་པོ་ལས་ལྷག་པའི་གང་ཟག་ཞིག་ཁྱེད་རང་མིན་པར་གོང་གསལ་ཁྱེད་ཀྱིས་དྲྭ་གྲོགས་འགྱུར་མེད་བསྟན་འཛིན་ལ་བསྐྱོན་པའི་ལན་དེའི་ནང་ཞིབ་ཕྲ་གསལ་བས། ༧སྐྱབས་མགོན་རིན་པོ་ཆེས་ཀརྨ་པ་ཁ་ཤས་ཡོད་གསུང་ཡོད་ན་ངས་མི་ཤེས། དེ་མིན་བོད་ཀྱི་ལུགས་སྲོལ་དང་མཐུན་པའི་ཀརྨ་པ་གཅིག་ཡོད་པ་ནི་ད་ལྟ་ཁྱེད་རང་གི་མཇལ་བཞིན་པའི་ཀརྨ་པ་ཨོ་རྒྱན་ཕྲིན་ལས་ཁོ་ན་ལས་གཞན་ཞིག་གཞུང་འབྲེལ་བོད་པའི་སྤྱི་ཚོགས་ནང་ཡོད་པ་མིག་ལམ་དུ་མ་ཤར་བས་གལ་སྲིད་༧སྐྱབས་མགོན་རིན་པོ་ཆེས་གཞན་ཞིག་ངོས་འཛིན་གནང་ཡོད་ན་ཁྱེད་རང་གི་དེའི་མཚན་དང་ལོ་རྒྱུས་སོགས་ཕྲ་འགོད་རོགས།

    Reply
  6. ཆོས་བཟང་། says:
    ལོ་ 14 སྔོན།

    དྲ་གྲོགས་འགྱུར་མེད་བསྟན་འཛིན། བོད་པའི་ལོ་རྒྱུས་ནང་༧གོང་ས་༧སྐྱབས་མགོན་༡༤པ་འདྲ་བའི་འཇོན་མཁན་ཞིག་སུ་གཅིག་བྱུང་མེད། དེའི་ཕྱིར་ཁོང་མི་འཇོན་མཁན་ཚོའི་ནང་ལ་ཚུད་དགོས་དོན་མེད།

    རྒྱལ་བ་རིན་པོ་ཆེ་བླ་མ་ཆེ་ཤོས་དེ་ཡིན་པ་གང་ཞིག་དགོང་ལོ་རྒན་པ་ཡིན་པའི་ཕྱིར་བླ་རྒན་རེད་ཟེར་མཁན་ཡོད་ན་ཧ་ཅང་ནོར་འཁྲུལ་ཚབས་ཆེན་རེད། བོད་པ་ཞིག་ཡིན་ན་བོད་སྐད་བེད་སྤྱོད་གཏང་སྟངས་ཤེས་དགོས་པ་རེད།

    Reply
  7. ཆོས་བཟང་། says:
    ལོ་ 14 སྔོན།

    འབྲོང་བུ་སོག་ཚ་ལགས། ༧གོང་ས་ལྔ་བའི་གསུང་དེར་ཁ་བསྒྱུར་བྱས་པར་ནུས་པ་ཡོད་ན། རྒྱ་དམར་སྲིད་གཞུང་མགོ་མཇུག་ཅིག་བསྒྱུར་དང་། དེ་ནས་ང་ཆོས་བཟང་ལས་སླ་བོ་རེད།

    དེང་སྐབས་ཀརྨ་པ་ཡིན་ཟེར་མཁན་ཁ་ཤས་འདུག་པས་ངོ་མ་དེ་སུ་ཡིན་མིན་ངས་མི་ཤེས། རྡ་སའི་ཀར་ཁོ་དེ་ཡིན་པར་སེམས་བཞིན་ཡོད། གཞན་ཀར་བསྟན་ལ་འཚེ་མཁན་རྒྱ་དམར་རེད། དེ་ལ་བསམ་དགོས། ཀར་ཁོ་གཞན་རེ་ཡོད་ཀྱང་སྲིད། སུས་ཤེས།

    Reply
  8. ཆོས་བཟང་། says:
    ལོ་ 14 སྔོན།

    སུས་ག་རེ་བཤད་ཀྱང་འགྱུར་མེད་བསྟན་འཛིན་ཟེར་བ་ཁོང་ལ་བདེན་ཆ་ཅུང་རེ་འདུག

    Reply
  9. ཆོས་བཟང་། says:
    ལོ་ 14 སྔོན།

    སྨར་ཀླུང་ལགས། བག་ཆགས་ངན་པའི་ལྟ་ལོགས་ང་ཡིན་ན་འགྲིག འོན་ཀྱང་བོད་རིགས་གླེན་རྒན་འདི་ཚོས་རང་བློར་མ་ཤོང་ན་ལྟ་ལོགས་རེད་ཅེས་མཁས་དབང་དགེ་ཆོས་ཚུན་ཆད་ལ་བརྗོད་རབས་མང་།

    Reply
  10. འགྱུར་མེད་བསྟན་འཛིན། says:
    ལོ་ 14 སྔོན།

    ཆོས་བཟང་ལགས་ཀྱིས་བླ་རྒན་ཚོས་མ་འཇོན་ཟེར་ནས་བླ་རྒན་ཟེར་བའི་ནང་དུ་རྒྱལ་བ་རིན་པོ་ཆེ་ཚུད་ཡོད་དམ་་་་་་་་་་་རྒྱལ་བ་རིན་པོ་ཆེ་བླ་མ་ཆེ་ཤོས་དེ་ཡིན་པ་གང་ཞིག་དགོང་ལོ་རྒན་པ་ཡིན་པའི་ཕྱིར་་་་་་་་་་་་དེ་ལ་ཆོས་བཟང་གིས་ལན་གང་ཡོད་་་་་་་་་་་

    Reply
  11. འབྲོང་བུ་སོག་ཚ། says:
    ལོ་ 14 སྔོན།

    དེང་སང་དྲྭ་གྲོགས་ཆོས་བཟང་སོགས་ནས་ལྷག་བསམ་ཡིན་ཁུལ་གྱིས་བླ་ཆེན་ཁག་ལ་སྨོད་ངན་དང་། སྐུར་འདེབས་མང་དག་ཞིག་བྱེད་བཞིན་པ་འདི་ལ་༧གོང་ས་ལྔ་པ་ཆེན་པོའི་གསུང་དེ་ཁ་བསྒྱུར་ཞིག་མ་བྱས་ན་ཐབས་མི་འདུག དམ་མིན་དམ་སྲི་མིང་རྫུས་ཆོས་བཟང་ཞེས། སྨོན་ལམ་ལོག་པས་རྒྱལ་བའི་བསྟན་པ་དང་། ཁྱད་པར་ཀར་བསྟན་འདི་ལ་འཚེ་བྱེད་ན། མགོན་སྐྱབས་དཔུང་གཉེན་མ་མཛད་ཐལ་བར་རློགས།

    Reply
  12. འགྱུར་མེད་བསྟན་འཛིན། says:
    ལོ་ 14 སྔོན།

    གསང་ལམ་བར་ནས་བཤད་ཚུལ་ལྟར་ན་ཀརྨ་བླ་བྲང་གི་ནང་དུ་འབྲས་ལྗོངས་དང་འབྲུག་པ་རྐྱང་རྐྱང་འཛུལ་ནས་གསར་འབྱོར་དང་བོད་པ་ཡོད་ཚད་ཉེ་ཆར་ཕྱིར་འབུད་བྱས་པ་ཡང་གོ་རྒྱུ་འདུག་་་་་་་་་་་་དེ་ལྟར་ཡིན་ན་བླ་མ་ཀརྨ་པའི་མི་གཞི་དེ་གཞན་གྱིས་གང་ཁྲིད་ཁྲིད་ཤོག་བུ་ནང་བཞིན་མ་རེད་ཟེར་ནས་བཤད་གང་ལ་ཐུབ།

    Reply
  13. འགྱུར་མེད་བསྟན་འཛིན། says:
    ལོ་ 14 སྔོན།

    སྨར་ལུང་དཔལ་ཟེར་བ་དེ་རྙིང་བཀའ་གང་རུང་ཡིན་པ་དང་་་་་་་་་་ཆོས་བཟང་ཟེར་བ་དེ་དགེ་ལུགས་ཁོ་ན་མ་གཏོགས་མི་མ་རེད་ཟེར་མཁན་རེད་ཤག་་་་་་་་་་་་་དྲང་མོ་བཤད་ན་བོད་ཀྱི་བླ་རྒན་འདི་ཚོས་བོད་ལ་ཞབས་འདེགས་ཞུ་མྱོང་ཡོད་ཀྱང་་་་་་་་་་་་་དེ་ལས་མང་བའི་ཞབས་འདྲེན་ཡང་བཞགས་མྱོང་ཡོད་་་་་་་དེང་སང་ཚུལ་ཁྲིམས་བློ་གྲོས་ཀྱི་བྱས་རྗེས་དེ་བོད་མི་རིགས་ཀྱི་ལོ་རྒྱུས་ལེའུ་ནང་དུ་སུ་ཀྱང་བསུབ་མི་ཐུབ་པ་ཞིག་བཞགས་ཡོད་པ་དངོས་ཡོད་རེད་་་་་དེ་ལ་དགེ་ལུགས་ཚོས་ཕྲག་དོགས་ཟ་ཡང་སྡུག་གྱོང་རང་རེད་་་རྒྱ་གར་ནས་ཆོས་རིགས་གནས་ཐོག་ལ་དགེ་ལུགས་བྱས་རྗེས་ཆེ་ཤོས་རེད་་་་་་་་འོན་ཀྱང་མ་འཇོན་སའི་ཆ་ཤས་ཀྱང་མང་པོ་རེད་་་་་་་་་་་ཚུལ་ཁྲིམས་བློ་གྲོས་ཀྱང་སྐྱོན་མེད་ཡོན་ཏན་ཀུན་ལྡན་ཞིག་ཡིན་པ་ངས་ཀྱང་ངོས་ལེན་ཞུ་གི་མེད་་་་་སོ་སོས་ཆོས་བརྒྱུད་གང་ཡིན་པའི་ཕྱོགས་རིས་ཀྱི་སྐད་ཆ་རྐྱང་རྐྱང་བཤད་ན་དྲང་པོ་མ་རེད་་་་་་་་་་་་་་ནོར་བ་སུ་ལ་ཡོད་ཅིང་དགེ་མཚན་སུ་ལ་ཡང་ཡོད་པ་གཉིས་ཀ་བཤད་དགོས་་་་་་་་་་་དེང་སང་རྒྱལ་བ་དོན་གྱི་བདག་པོ་ཕུད་ན་བོད་གཞི་བྱས་གཉིས་ནས་བླ་མ་ཀརྨ་པ་འདི་མཚན་སྙན་གྲགས་ཆེ་ཤོས་རེད་འདུག་་་་་་་་་་་་་ནུས་པ་ཡང་ཁོང་ཆེ་ཤོས་རེད་ཤག་་་་་་་འོན་ཀྱང་ཁོ་རང་གིས་ཀྱང་ཕྱག་ལས་ཚང་མ་གཟབ་གཟབ་བྱ་ནས་གནང་དགོས་བ་ལས་རང་སྙང་གང་ཤར་དང་ཞབས་ཞུ་ཚོས་གང་ཞུས་ལ་གསན་ན་ཉིན་ཞིག་བློ་འགྱོད་དགོས་བ་ཡང་ཡོང་ཉེན་ཆེ་་་་་་་གང་ཡིན་ཚེ་ན་ཁོང་ལ་ཞབས་ཞུ་བློ་གཏད་ཡིད་ཆེས་ཐུབ་པ་དང་ཤེས་ཡོན་རྣམ་དཔྱོད་ཡོད་པ་དེ་འདྲ་གཅིག་ཀྱང་མེད་པ་ཡོངས་གྲགས་རེད་ཤག་་་་་་་་་་་་་་་་་ཞབས་ཞུ་་དེ་ཚོ་ནི་དངུལ་མ་གཏོགས་བླ་མའི་མཛད་པ་ལ་བསམ་བློ་གཏོང་མཁན་མེད་པ་སྤྱི་ཚོགས་ཁྱོན་ཡོངས་ནས་བཤད་ཀྱིན་འདུག་་པ་མ་ཟད་ཀརྨ་བླ་བྲང་ལ་གསར་འགྱུར་དང་བོད་པ་འགྲོ་སའི་ལམ་ཁ་ཞིག་མེད་པ་བཟོས་ཡོད་པའི་སྐད་ཆ་གསང་ལམ་བར་ནས་གོ་རྒྱུ་འདུག་་་་་་་་་་་་བློ་ཀྱི་བླ་ཆེན་ཞིག་གི་བླ་བྲང་ལ་བོད་པ་དང་གསར་འགྱུར་འགྲོ་ས་མེད་པ་བོད་ཀྱི་རིག་གཞུང་དང་སྐད་ཡིག་གླེང་ས་མེད་པ་ཆགས་པའི་ཉིན་མོ་མཛད་ཕྲིན་་ཟེར་བ་དེ་ཐག་རིང་པོ་ཆགས་ཚར་བ་རེད།

    Reply
  14. སྨར་ཀླུང་དཔའ་ལ། says:
    ལོ་ 14 སྔོན།

    ཆོས་བཟང་ལགས་སུ། ཁྱོད་རང་ངོ་མ་བོད་ཀྱི་སྤྱི་ཚོགས་ནང་སྡོད་གནང་ཉན་གྱི་མི་ཞིག་རེད་མི་འདུག ད་ངས་གཞི་ནས་ཤེས་སོང་ཁྱོད་ངན་སོང་གསུམ་ལ་སྐྲག་གི་མེད་པ་དང་ལས་འབྲས་ལ་རྩི་མཐོང་མེད་པའི་མི་དཔའ་ཆེན་དེ་འདྲ་ལ་གུས་པས་ཞུ་དགོས་ཡ་མི་འདུག ཁྱོད་སྙིང་རྗེ། དངོས་གནས་ཁྱོད་སྙིང་རྗེ། ཁྱོད་ཀྱི་ཕ་མ་སློབ་དཔོན་དེ་ཚོ་དེ་འདྲ་ལྟ་བ་ལོགས་ནས་ཁྱོད་ལ་བག་ཆག་ངན་པ་བཞག་འདུག བོད་གངས་ལྗོངས་ཀྱི་ལྷ་ཆོས་དགེ་བ་བཅུ་དང་མི་ཆོས་གཙང་མ་བཅུ་དྲུག་ལས་ཡོངས་སུ་རྒྱབ་ལྟ་བྱས་ཚར་འདུག ཁྱོད་རང་གི་རྒྱ་བོད་བར་གྱི་རྩོད་གཞི་གང་ཡིན་ཡང་མགོ་འཚོས་མི་འདུག (ཆོས་རིགས་སླར་གསོ་འདི་རེད།) ཁྱོད་རང་སེམས་ལ་དཀའ་ངལ་མ་བཟོ་རོག ཁྱོད་རང་ག་རེ་བྱས་ན་ཁྱོད་ཀྱིས་ལྟ་བས་རྒྱ་ཆ་རྒལ་མི་ཐུབ་པ་འདི་བོད་ཀྱི་སེམས་ནང་གི་ཁྲག་རེད། རྒྱ་མིས་ལོ་གྲངས་ག་ཚོད་ལ་ལྟ་ལོགས་དགེ་མེད་སྡིག་སྟོང་སློབ་ན་ཡང་བོད་མི་ནི་རང་སོར་རེད། ཁྱོད་ནི་འཕགས་ཡུལ་ཆོས་ལྡན་གྱི་ཞིང་དུ་སྡོད་ན་ཡང་ལྟ་བ་དེ་འདྲ་ཡ་ང། ཁྱོད་ངར་མ་ལོང་ཞུགས་ནས་ཁྱོད་ལ་ཁ་བརྡ་མེད། ཨ་ཁ་ཁ།
    བདེ་པོ།

    Reply
  15. ཆོས་བཟང་། says:
    ལོ་ 14 སྔོན།

    ཧ་མ་གོ་ན། http://ti.tibet3.com/news/tibet/sc/2011-10/19/content_399250.htm དྲ་བྱང་འདི་གུང་ཁྲན་ཏང་གི་དྲ་བྱང་རེད། འདིར་གཟིགས་དང་གསེར་རྟའི་བླ་རུང་གི་ཁྱབ་ཁོངས་དཀར་མཛེས་ཁུལ་གྱི་འབྲོག་སྡེའི་གནས་སྟངས་རྒྱ་དམར་གྱིས་ཀྱང་ལྟས་ངན་གཡང་ལ་ཁ་བསྒྱུར་ཏེ། ཤོད་བཞིན་འདུག་ཏ། དཀར་མཛེས་ཁུལ་གཅིག་པུ་ཙམ་ལས་མགོ་ལོག་པདྨ་དང་། དར་ལག་སོགས་ཀྱི་འབྲོག་ཕྱོགས་ཉམས་ཉེས་བཏང་བའི་ཨ་ནེའི་མཁན་པོའི་བྱས་རྗེས་གཞན་དུ་འཚོལ་དགོས། བླ་རྒན་ཚོར་ཡིད་ཆེས་བྱས་ན་མཇུག་འབྲས་འདི་འདྲ་རེད།

    Reply
  16. ཆོས་བཟང་། says:
    ལོ་ 14 སྔོན།

    རྒྱ་དམར་གྱིས་ཀྱང་འབྲོག་བསྐྱུར་རྩྭ་འདེབས་ཞེས་སོགས་ལ་ལྟོས་དང་། འུ་བོད་པ་ཚང་གི་བླ་རྒན་ཚོས་འབྲོག་པས་སྒོ་ཕྱུགས་བེད་སྤྱོད་མི་ཆོག་པའི་ཁྲིམས་དེས་རྒྱའི་སྲིད་ཅུས་ལ་རམས་འདེགས་ཐུབ་མི་འདུག་གམ། http://ti.tibet3.com/news/tibet/sc/2011-10/19/content_399250.htm
    དཀར་མཛེས་ཁུལ་ཡོངས་ཀྱི་འབྲོག་བསྐྱུར་རྩྭ་འདེབས་ལས་ཀར་ཕན་འབྲས་གསུམ་ཐོབ་པ།
    ཡོང་ཁུངས། ཁམས་པའི་གསར་འགྱུར་དྲ་བ། 2011-10-19 09:01
    ཀྲུང་གོ་བོད་ཀྱི་དྲ་བའི་འཕྲིན། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་གྱིས་རྒྱུན་འཁྱོངས་ལྷོད་མེད་ཀྱིས་འབྲོག་བསྐྱུར་རྩྭ་འདེབས་ཀྱི་ལས་གྲྭ་ལག་བསྟར་བྱས་པ་དང་། ལོ8ལ་འབད་བརྩོན་བྱས་པར་བརྒྱུད་“ཐོན་ལས་འཕེལ་རྒྱས་ཡོང་བར་སྐྱེ་ཁམས་ཅན་དང་སྐྱེ་ཁམས་འཛུགས་སྐྲུན་ལས་ཀ་ཐོན་ལས་ཅན་”དུ་འཛུགས་སྐྲུན་བྱེད་པའི་བསམ་ཕྱོགས་ལ་གཞིགས་ནས། རྣམ་གྲངས་འཛུགས་སྐྲུན་གྱི་ལས་ཀའི་ཐད་ཧ་ཅང་མངོན་གསལ་གྱི་སྐྱེ་ཁམས་དང་། དཔལ་འབྱོར། སྤྱི་ཚོགས་བཅས་ཀྱི་ཁེ་ཕན་ཐོབ་པ་རེད།

    ཤེས་རྟོགས་བྱུང་བར་གཞིགས་ན། དཀར་མཛེས་ཁུལ་དུ་རང་བྱུང་གི་རྩྭ་ཐང་མུའུ་དུང་ཕྱུར1.42ཡོད་པ་དེ་རྒྱལ་ཡོངས་ཀྱི་འབྲོག་ཁུལ་ཆེན་པོ་ལྔའི་ཡ་གྱལ་དང་སི་ཁྲོན་ནུབ་བྱང་འབྲོག་ཁུལ་གྱི་གྲུབ་ཆ་གཙོ་བོ་ཡིན་ལ། འབྲོག་བསྐྱུར་རྩྭ་འདེབསལས་གྲྭ་ལག་བསྟར་བྱེད་སའི་ས་ཁུལ་གཙོ་གནད་ཞིག་ཀྱང་ཡིན་པ་རེད།

    རྣམ་གྲངས་འཛུགས་སྐྲུན་གྱི་སྐྱེ་ཁམས་ཕན་འབྲས་མངོན་གསལ་ཡིན་པ། 2005ལོར་རྒྱལ་ཡོངས་ཀྱི་ཕྱུགས་ནད་སྨན་བཅོས་སྤྱིའི་ས་ཚུགས་ཀྱིས་“3S”ལག་རྩལ་བེད་སྤྱོད་བཏང་ནས་དཀར་མཛེས་དང་གསེར་ཐར་རྫོང་གཉིས་ལ་འབྲོག་བསྐྱུར་རྩྭ་འདེབས་ལས་གྲྭའི་ལྟ་ཞིབ་ཚད་ལེན་བྱས་པ་དང་།དཔེ་འདེམས་ས་ཚུགས་ཀྱི་ལས་གྲྭ་ས་ཁུལ་ཀྱིས་་ལས་གྲྭ་ས་ཁུལ་གཞན་དག་དང་བསྡུར་ན་དཀར་མཛེས་རྫོང་གི་སྔོའི་ཁེབས་ཚད་བརྒྱ་ཆའི་གྲངས་ཀ5འཕར་སྣོན་བྱུང་ཡོད་པ་དང་མཐོ་ཚད་བརྒྱ་ཆ168.9འཕར་བ། སྐྱེ་དངོས་ཐོན་འབོར་བརྒྱ་ཆ62.2འཕར་ཡོད། གསེར་ཐར་རྫོང་གི་སྔོ་ཁེབས་བྱུང་ཚད་བརྒྱ་ཆའི་གྲངས་ཀ25འཕར་སྣོན་བྱུང་ཡོད་པ་དང་མཐོ་ཚད་བརྒྱ་ཆ156འཕར་བ།སྐྱེ་དངོས་ཐོན་འབོར་བརྒྱ་ཆ79.6འཕར་ཡོད། 2009ལོར་《སི་ཁྲོན་ཞིང་ཆེན་གྱི་རྩྭ་ཐང་ཐོན་ཁུངས་དང་སྐྱེ་ཁམས་ལྟ་ཞིབ་ཚད་ལེན་གྱི་སྙན་ཞུ》ཐོག་ནས་མཚོན་རྒྱུར། དཀར་མཛེས་ཁུལ་གྱི2007ལོའི་འབྲོག་བསྐྱུར་རྩྭ་འདེབས་ཀྱི་ལས་གྲྭ་དང་དེ་ལས་གྲྭ་ས་ཁུལ་གཞན་དང་བསྡུར་ན་སྔོ་ཁེབས་ཚད་ཆ་སྙོམས་བརྒྱ་ཆའི་གྲངས8.7མཐོར་འདེགས་བཏང་ཡོད་པ་དང་མཐོ་ཚད་བརྒྱ་ཆ33.8འཕར་བ། ཐོན་འབོར་བརྒྱ་ཆ30.7མཐོར་འདེགས་བཏང་ཡོད་པ་རེད།

    རྣམ་གྲངས་འཛུགས་སྐྲུན་ཐད་དཔལ་འབྱོར་གྱི་ཕན་འབྲས་མངོན་གསལ་ཐོབ་པ་ཡོད་སྟེ། གཅིག་ནི་མང་ཚོགས་ཀྱི་ཡོང་འབབ་འཕར་སྣོན་བཏང་བ། ཁུལ་ཡོངས་སུ2003ལོ་ནས2009ལོའི་བར་རྩྭ་ཐང་འཛུགས་སྐྲུན་བྱེད་མཁན་གྱི་འབྲོག་པའི་དུད་ཚང་ལ་རིམ་བསགས་ཀྱིས་བརྩིས་ན་གཟན་ཆག་གི་མ་དངུལ་སྒོར་དུང་ཕྱུར3.17ལག་བསྟར་བྱས་པ་དང་མི་རེར་ཆ་སྙོམས་སྒོར583ཐོབ་པ་དེས་འབྲོག་མིའི་ཡོང་འབབ་འཕར་སྣོན་ཡོང་བར་སྐུལ་འདེད་བཏང་བ་དང་འབྲོག་ཁུལ་གྱི་བདེ་འཇགས་ལ་དགེ་མཚན་ལྡན་པའི་ནུས་པ་ཐོན་པ་རེད། གཉིས་ནི་ཐོན་སྐྱེད་བྱེད་སྟངས་ཐད་འགྱུར་ལྡོག་ངེས་ཅན་ཞིག་བྱུང་ཡོད། འབྲོག་བསྐྱུར་རྩྭ་འདེབས་ལས་གྲྭའི་་སྲོག་ཤིང་ནི་ཕྱུགས་འཚོ་རྒྱུ་བཀག་བསྡོམས་དང་ཕྱུགས་འཚོ་མཚམས་འཇོག་པའི་ལམ་ལུགས་ཁྱབ་སྤེལ་བཏང་བར་བརྒྱུད།ནོར་ཕྱུགས་དང་གཟན་རྩྭ་ཁོད་སྙོམས་གཏོང་རྒྱུར་སྐུལ་འདེད་བཏང་ནས་སྐྱེ་ཁམས་སྲུང་སྐྱོང་དང་ཐོན་སྐྱེད་འཕེལ་རྒྱས་ཡོང་བ་མངོན་འགྱུར་བྱས་་པ། གསུམ་ནི་གནོད་འགོག་གནོད་སེལ་གྱི་ནུས་པར་ཤུགས་སྣོན་བརྒྱབ་པ། ལས་གྲྭ་འཛུགས་སྐྲུན་བྱས་པར་བརྒྱུད་འབྲོག་པའི་རྩྭ་ཐང་སྲུང་སྐྱོང་དང་འཛུགས་སྐྲུན་བྱེད་པའི་ཧུར་བརྩོན་རང་བཞིན་ལ་སྐུལ་མ་བཏང་བ་དང་། རྩྭ་འདེབས་རྒྱུ་དང་རྩྭ་གསོག་ཉར་བྱ་རྒྱུའི་ལས་ཀར་ཤུགས་སྣོན་བརྒྱབ་ནས་རྣམ་གྲངས་ས་ཁུལ་གྱི་གཟན་རྩྭ་་གསོག་ཉར་སྙོམས་པོ་བྱས་པའི་དགུན་རྩྭ་སྐམ་པོ་སྤྱི་རྒྱ52ཐོག་སླེབས་པས། འཛུགས་སྐྲུན་སྔོན་ལས་སྤྱི་རྒྱ15མཐོར་འདེགས་བྱུང་ནས་དགུན་དཔྱིད་གཉིས་སུ་ནོར་ཕྱུགས་ཤི་གྲངས་ཉུང་དུ་ཕྱིན་པ་དང་། ནོར་ཕྱུགས་ལ་གནོད་སྐྱོན་ཐེབས་ནས་ཤི་ཉུང་བའི་ལས་གྲྭ་ལག་བསྟར་བྱེད་སའི་ས་ཁུལ་ལས་ཆ་སྙོམས་བརྒྱ་ཆའི་གྲངས་ཀ2མར་ཆག་ནས་ཤ་ཤེད་ཞན་ཚད་ཆ་སྙོམས་བརྒྱ་ཆའི་གྲངས་ཀ5མར་ཆག་པ་རེད།

    རྣམ་གྲངས་འཛུགས་སྐྲུན་ཡག་པོ་བྱས་པ། རྣམ་གྲངས་ལག་བསྟར་བྱས་པར་བརྒྱུད་དཀར་མཛེས་ཁུལ་གྱི་རྩྭ་ཐང་གི་སྐྱེ་ཁམས་ཁོར་ཡུག་དང་མི་རིགས་ཁག་གི་མི་དམངས་ཁྲི109ཡི་འཚོ་གནས་བྱེད་སའི་ཁྱིམ་གཞིས་སྲུང་སྐྱོང་བྱེད་པ་དང་། ཐོན་སྐྱེད་འཕེལ་རྒྱས། འཚོ་བ་ཕྱུག་པོ། སྐྱེ་ཁམས་བཟང་པོ་བཅས་ཀྱི་དམིགས་ཡུལ་མངོན་འགྱུར་དང་། མི་དང་རང་བྱུང་ཁམས་འཆམ་མཐུན་མཉམ་གནས་ཡོང་བར་སྐུལ་འདེད། འཆམ་མཐུན་སྤྱི་ཚོགས་འཛུགས་སྐྱོང་བྱེད་པ་སོགས་ལ་ཧ་ཅང་གལ་ཆེའི་སྐུལ་འདེད་ཀྱི་ནུས་པ་ཐོན་པ། རྣམ་གྲངས་ལག་བསྟར་གཏིང་ཟབ་བྱས་པ་དང་སྦྲགས་རྣམ་གྲངས་དེས་ཐོན་སྐྱེད་བྱས་པའི་སྐྱེ་ཁམས་དང་།དཔལ་འབྱོར། སྤྱི་ཚོགས་བཅས་ཀྱི་ཕན་འབྲས་སྔར་བས་མངོན་གསལ་ཐོབ་རྒྱུ་རེད། །

    Reply
  17. ཆོས་བཟང་། says:
    ལོ་ 14 སྔོན།

    རོ་ལངས་ཡ། རོ་ལངས། ཨ་ནེ་ཚོས་གངས་ལྗོངས་སྨྲ་བའི་དབང་ཕྱུག་གམ། འཛམ་གླིང་མཁས་པའི་གཙུག་རྒྱན་ཞེས་འུད་སྒྲོག་བྱེད་ཡུལ་མཁན་པོ་ཚུལ་ཁྲིམས་བློ་གྲོས་ཟེར་བས་གནམ་སར་མི་ཤོང་བའི་སྡིག་ཉེས་ཚབས་ཆེན་དེ་ནི་བོད་ཀྱི་འབྲོག་ཕྱོགས་ཉམས་ཉེས་བཏང་བ་དེ་ཡིན་པར་བོད་ཕྱི་ནང་གཉིས་ལ་མིག་མཐོང་ལག་ཟིན་གྱི་རྩོམ་ཡིག་རིན་ཐང་ཅན་རེ་ངས་ཕབ་འགོད་བྱས་པ་དེ་ལ་སུ་མ་དགའ་ཡང་སྡུག་གྱོང་རེད། གཞན་རྗེ་རིན་པོ་ཆེར་སྐྱོན་བརྗོད་དེ། དགེ་རྙིང་བར་དཀྲུགས་ཤིང་རྒྱག་མཁན་ཨ་ནེའི་མཁན་པོ་རང་ཉིད་ཡིན་པ་ལས་ང་མིན་པའང་རྩོམ་ཡིག་དེར་གསལ། བོན་རྙིང་བར་དཀྲུགས་ཤིང་རྒྱག་མཁན་ཡང་ཨ་ནེའི་མཁན་པོ་ཡིན་པ་ཡོངས་གྲགས་རེད། ས་བྱི་ཞི་རྒོལ་ཆེན་མོ་དགེ་ལྡན་པ་ཚོས་རང་ལག་གི་བོད་ཀྱི་སྲིད་དབང་སྲ་བརྟན་ཆེད་ཡིན་པར་ཤོད་པོ་ཡང་ཨ་ནེའི་མཁན་པོ་རང་ཉིད་ཡིན་པ་ལས། ང་ཆོས་བཟང་མིན་པ་ཡོངས་གྲགས་རེད་ཏ། ད་བར་ང་ཚོའི་མི་རབས་ནས་མི་རབས་བརྒྱུད་བླ་རྒན་ཚོའི་ངག་ལ་ཉན་པ་རེད། དེ་ནི་གཉིད་སན་རན་ཡིན་པ་ཁྱོད་རོ་ལངས་མ་གཏོགས་ཚང་མས་ཤེས་ཡོད་ཚོད་ཡིན་ཏ།

    Reply
  18. རོ་ལངས། says:
    ལོ་ 14 སྔོན།

    ཆོས་བཟང་ཟེར་བའི་ཁྱི་ཕྲུག་འདིས་དེ་སྔོན་མཁན་ཆེན་ཚུལ་ཁྲིམས་བློ་གྲོས་ལ་སྨ་འབེབས་དེ་ཙམ་བྱས་སོང་། རྙིང་མ་དང་དགེ་ལུགས་བར་ལ་དཀྲུགས་ཤིང་དེ་འདྲ་རྒྱབ་སོང་། དེ་དུས་ཀྱང་ཚོད་འཛིན་མི་འདུག ད་ཐེངས་གནས་ལུགས་དང་ཆོ་མེད་པའི་སྨོད་ཚིག་རྐྱང་རྐྱང་བེད་སྤྱད་དེ་ག་རེ་བྱེད་བསམ་གྱི་འདུག བོད་མིའི་མཐུན་ལམ་ལ་གཏོར་བཤིག་གཏོང་མཁན་འདི་དག་རྒྱ་དམར་གྱི་གསོས་ཕྲུག་ཡིན་པའི་དོགས་པ་ཆེ། ཡང་ན་དུས་བབ་ཚང་གི་ག་རེ་རེད་དམ།

    Reply
  19. ཚངས་སར་ཕྲིན་ལས། says:
    ལོ་ 14 སྔོན།

    དུས་ཐོག་ཏུ་སྨན་ཟེར་བ་ལྟར་༧རྒྱལ་བ་ཀརྨ་པ་མཆོག་གི་འབོད་སྐུལ་གནང་བ་སྙིང་ནས་ཐུགས་རྗེ་ཆེ་ཞུ་རྒྱུ་ཡིན། དངོས་མིང་འབྲི་མ་ནུས་པའི་དྲ་འབུ་འདི་ཚོས་བྱེད་སྟངས་ལ་གཟིགས་དང་དུས་རྟག་ཏུ་མདུང་རྩེ་ནང་དུ་གཏོད་པ་ལས་ཕྱིར་ལ་དུས་ནམ་ཡང་འདི་ཚོས་གཏོད་མྱོང་མེད། སྤྱིར་ང་ཚོ་བོད་པའི་གཤིས་ཀ་ཤིག་ལ་འཇོན་ཐང་དང་ཤེས་རིགས་ཏོག་ཙམ་ཡོད་མཁན་གྱི་མི་ཞིག་མིག་ལམ་ནས་མངོན་ཡོང་དུས་དེ་ལ་སྨད་ཅི་ཐུབ་དང་མཚང་འབྱིན་གཏོང་ཅི་ནུས་བྱེད་པ་དང་། དེ་ཉིད་འཇིག་རྟེན་གཞན་ཞིག་ལ་ཆས་ཟིན་དུས་བྱས་རྗེས་ཆེ་རབས་ཀྱི་ལོ་བསྟོད་པ་གནས་ས་ལའང་མི་ཤོང་བར་བྱེད་པའི་ལུགས་སྲོལ་འདི་ནི་ང་ཚོ་བྱེད་སྟངས་ཤིག་རེད། སྐྱོན་བརྫོད་དགོས་ན་རང་གི་མིང་ཐོག་བརྗོད་དགོས་པ་ལས་མིང་རྫུན་འོག་གི་འཆལ་གཏམ་འདི་ཚོ་ནི་ང་ཚོའི་མཐུན་ལམ་ལ་གནོད་པའི་རྒྱུ་རུ་འགྱུར་བས་དྲ་བདག་པས་འདི་ཚོའི་རིགས་ཚོད་འཛིན་བྱེད་དགོས་པ་དེ་གལ་ཆེན་ཞིག་རེད།

    Reply
  20. སྨར་ཀླུང་དཔའ་ལ། says:
    ལོ་ 14 སྔོན།

    ཆོས་བཟང་ལགས་འདིར་གཟིགས་དང་། ( ཕྱི་ལོ་༡༩༦༢ ལོར་ཝིཏི་ནམ་ནང་། ནང་པའི་དགེ་སློང་དགུངས་ལོ་༧༢ ཅན་ཞི་གིས་ཡུལ་དེའི་མི་དམངས་ཀྱི་བདེ་སྐྱིད་དང་དམག་འཁྲུག་གི་དུས་ཡུན་དང་ནང་པའི་ཆོས་དད་རང་དབང་གི་ཆེད་དུ་ཡིན་འདུག
    སྐབས་དེར་ཁོང་གིས་སྐུ་ལུས་རེ་རུ་སྲེག་སྐབས། ཡུལ་དེའི་གྲྭ་བ་༣༠༠ ལྷག་དང་ཡུལ་མི་ཚོས་མཐའ་ནས་བསྐོར་ཏེ་ཁོང་གི་དགོངས་དོན་ལྟར་རང་ལུས་ཡོངས་སུ་མེར་ཚིགས་སུ་བཅུག དེ་ཡང་ཁོང་ཚོས་མཐའ་ནས་བསྐོར་དགོས་ནི་ཕྱིའི་དམག་མིས་ཁོང་གི་རང་ལུས་མེར་སྲེག་གི་ལས་འགུལ་དེར་འགོག་རྐྱེན་སྲུང་བའི་ཆེད་དུ་ཡིན་སྐོར་འདི་ལྟར་བྲིས་འདུག ( མེ་བསྒྲོན་གྱི་ཉིན་མོ་དེར་གྲྭ་བ་ ༣༠༠ ལྷག་གིས་ཀོང་དྷུག་མཐའ་བསྐོར་གྱི་སྲང་ལམ་བཀག་ནས་ལས་འགུལ་འདི་ལ་འགོག་རྐྱེན་ཡོང་རྒྱུར་བཀག་འགོག་བྱེད་ཡོད།) དེས་ན། ངས་འདིར་བཤད་འདོད་པ་ནི་ང་ཚོས་ཀྱང་མི་སུ་ཞིག་གིས་རང་ལུས་མེར་སྲེག་གི་ལས་འགུལ་གང་དུ་དང་སུ་ཞིག་གིས་སྤེལ་སྐབས་གོང་གི་ཝིཏ་ནམ་དུ་གྲྭ་བ་༣༠༠ ལྷག་གིས་གནང་བ་ལྟར་ཕྱིའི་དམག་གིས་བཟུང་འཕྲོག་གིས་མནར་གཅོད་ལྷག་དེ་མྱོང་དུ་མི་འདུག་པ་དང་། རང་ལུས་མེར་སྲེག་གཏོང་མཁན་ཁོང་གི་དགོངས་འགྲུབ་པར་རབ་འདེགས་གང་ཡོང་ཞུ་དགོས་སྙམ།) ཞེས་བཀོད་མི་འདུག་གམ་ལས་འགུལ་གཟི་བརྗིད་ག་ཚོད་ཆེ་ན་ཡག་བ་ལས་སྡུག་བ་མིན་པ་ཤེས་དགོས། ཟིན་བྲིས་དེ་ཚོ་མཐོང་མེད་དུ་མ་བཟོ་རོག

    Reply
  21. ཆོས་བཟང་། says:
    ལོ་ 14 སྔོན།

    སྨར་ཀླུང་དཔའ་ལ་ཟེར་བས༼འཛམ་གླིང་འདིའི་སྒང་ལ་ཕྱི་ནང་སུ་གི་ལྟས་ན་ཡང་སེམས་འགུལ་ཐོན་ཐུབ་པ་ཞིག་བཟོ་དགོས་རྒྱུ་ལས། བོད་མི་བཅུ་གཉིས་གསུམ་ཙམ་གྱི་སྐུ་ལུས་མཆོད་མེར་ཕུལ་ཟིན་ཀྱང། རང་མི་ཕུད་པའི་སུ་ལ་ཡང་གཡོ་འགུལ་དེ་ཙམ་འབྱུང་མི་ཐུབ་པ་འདི་ཐུགས་ཀྱིས་མ་བཟོད་ནས་གསུང་པ་ཡིན་པ་ཤེས་དགོས།༽ཟེར་བ་འདི་རེད། དཔའ་ལས་མགོ་ཁྲིད་ལ་འཛམ་གླིང་འདིའི་སྒང་ལ་ཕྱི་ནང་སུ་གི་ལྟས་ན་ཡང་སེམས་འགུལ་ཐོན་ཐུབ་པ་ཞིག་བཟོ་རོགས་གནང་དང་། ག་རེ་བྱེད་རྩིས་ཡོད་དམ། གསུངས་རོགས་གནོངས། ༼བོད་མི་བཅུ་གཉིས་གསུམ་ཙམ་གྱི་སྐུ་ལུས་མཆོད་མེར་ཕུལ་ཟིན་ཀྱང། རང་མི་ཕུད་པའི་སུ་ལ་ཡང་གཡོ་འགུལ་དེ་ཙམ་འབྱུང་མི་ཐུབ་པ་འདི་ཐུགས་ཀྱིས་མ་བཟོད་ནས་གསུང་པ་ཡིན་པ་ཤེས་དགོས།༽ཞེས་ཟེར། བསམ་བློ་ཡག་པོ་ཐོངས། དེང་སྐབས་འཛམ་གླིང་སྟེང་སླར་ཡང་བོད་དོན་ཚ་རླབས་ཞིག་འཕྱུར་བཞིན་པ་དེ་སུའི་བཀའ་དྲིན་རེད་དམ། རང་ལུས་མཆོད་མེར་ཕུལ་བའི་བཀའ་དྲིན་ལ་བརྟེན། རྒྱ་དཔོན་ཚོ་ངོ་ཚ་དགོས་པ་ཞིག་དང་། བུ་སྐྱེས་ན་སྐྱེས་གོ་ཆོད་པ་དང་། ཤི་ན་ཤི་གོ་ཆོད་ཟེར་བ་དེ་རེད། དེ་གཞན་ཅི་དགོས། གལ་ཏེ་དེ་ལྷག་གི་ཐབས་ལམ་ཡག་ཤོས་ཤིག་ཡོད་ན་ཀརྨ་པས་མགོ་ཁྲིད་ན་འགྲིགས་ངེས་རེད། དཔའ་ལས་མགོ་ཁྲིད་ན་འགྲིགས་ངེས་རེད། དངོས་ཡོད་ལ་སོམས། གཞན་དཔའ་ལས་ཞེན་ཁོག་སྐམ་པོ་དང་། ཀར་ཁོས་སྐད་ཆ་སྐྱིད་པོ་འདི་ཚོས་ཕན་ཐོགས་ཅི་ཞིག་ཡོད།

    Reply
  22. གཟུ་གནས་བློ་ལྡན། says:
    ལོ་ 14 སྔོན།

    བློ་གཏོང་གང་ཡང་མེད་པར་རྒྱ་གཞུང་གིས་བོད་དོན་ལ་ལག་པ་འཆང་སྲིད་དམ། སྐུ་གཟུགས་མཆོད་མེར་ཕུལ་གནང་མཁན་ཚོས་སྐུ་སྲོག་མཆོད་མེར་ཕུལ་བ་ལས་ལྷག་པའི་གསོན་པོར་བཞུགས་ནས་བོད་ཀྱི་དོན་དུ་ཆེས་རླབས་ཆེ་བྱས་རྗེས་ག་རེ་འཇོག་རྒྱུ་ཡོད་མེད་ཀརྨ་པ་ནས་དགོངས་བཞེས་རོགས། ང་ནི་ནམ་ཡང་རང་ཉིད་བོད་པར་སྐྱེས་ཟིན་པས་བོད་ཀྱི་དཔའ་བོ་དེ་རྣམས་ལ་ཐུགས་རྗེ་ཆེ་ཞུ་རྒྱུ་ལས་འགྲིགས་མ་འགྲིགས་སྦྲང་བུའི་སྐད་ཙམ་གྲགས་ཕོད་པ་མི་འདུག་གོ །

    Reply
  23. འགྱུར་མེད་བསྟན་འཛིན། says:
    ལོ་ 14 སྔོན།

    བླ་མ་ཀརྨ་པ་ལ་ཞབས་ཞུ་འཇོན་པོ་རང་ཡོད་རབ་མི་འདུག་་་་་་་་ལོ་ན་གཞོན་གཞོན་རེད་བཀའ་སློབ་དང་ལས་དོན་གང་ཡིན་ན་གཟབ་གཟབ་བྱ་དགོས་་་་་ཐུགས་ཀྱི་གང་དགོངས་དང་ཞབས་ཞུ་ཚོས་གང་ཞུས་ལ་གསན་ནས་ཕྱག་ལས་དང་བཀའ་སློབ་གནང་ན་གྲུབ་འབྲས་དང་ཕན་གནོད་གང་ཡོང་་གཟིགས་དགོས།
    ཀརྨ་མ་བླ་བྲང་ལ་བོད་ཡིག་ཤེས་མཁན་མེད་པའི་མི་ཁ་ཞིག་འདུག་ད་ཐེངས་ཀྱི་གསལ་བསྒྲགས་དེ་དབྱིན་ཇི་ལས་བོད་ཡིག་མེད་པ་ལ་ཚོད་དཔག་ན་སྐད་ཆ་དེ་ཚོ་བདེན་ཚོད་རེད་་་་་་་་་་་་་བླ་་བྲང་མིང་བྱང་རྫིག་པོ་འདི་ཚོ་ལ་བོད་ཀྱི་ཆོས་རིག་གཞུང་ཤེས་མཁན་མེད་པ་མི་ལ་བཀའ་སློབ་དང་ལམ་སྟོན་གནང་རྒྱུའི་ཐོབ་ཐང་ཡོད་མེད་ལྟ་རྒྱུ་རེད།

    Reply
  24. སྨར་ཀླུང་དཔའ་ལ། says:
    ལོ་ 14 སྔོན།

    ཆོས་བཟང་ལགས་སུ། རྒྱལ་དབང་རིན་པོ་ཆེའི་གསུང་པ༼བོད་མི་མང་གིས་རང་གི་ཚེ་སྲོག་ལ་གཅེས་སྤྲས་ཀྱིས་ཐབས་ལམ་གཞན་པ་བཙལ་ཏེ། དགེ་མཚན་ལྡན་པའི་ལམ་ནས་བོད་ཀྱི་ལས་དོན་བསྒྲུབ་དགོས༽གསུང་པ་ལ་ལན་ཡོད་དང་ཡོད། གུས་པས་ཡང་སྔོན་དུ་འབོད་བསྐུལ་ཐུང་ངུ་ཞིག་ཞུས་ཡོད། ཤི་བ་ལ་གཟི་བརྗིད་དང་གསོན་པོ་ལ་བདེ་ཐབས་བཟོ་དགོས་རྒྱུ་འདི་རེད། མི་ཡི་ཚེ་སྲོག་ནི་འཇིག་རྟེན་འདིའི་སྒང་ལ་ཆེས་དམར་ཤོས་དང་ཆེས་རིན་པོ་ཆེ་ཡིན་ཙང་། ཚབ་ཚུབ་ཀྱི་ངང་ནས་ལས་འགུལ་བརླབ་ཆེན་སྤེལ་འདི་ཚོ་བག་ལ་ཞར་ནས་སྡུག་ཐོག་སྡུག་བརྩེགས་ལས་ནུས་པ་ཆེན་པོ་ཐོན་མ་ཐུབ་པ་འདི་ཕྱི་གསལ་ནང་གསལ་རེད། དེར་བརྟེན། ལས་འགུལ་ལ་གྲ་བསྒྲིག འཛམ་གླིང་འདིའི་སྒང་ལ་ཕྱི་ནང་སུ་གི་ལྟས་ན་ཡང་སེམས་འགུལ་ཐོན་ཐུབ་པ་ཞིག་བཟོ་དགོས་རྒྱུ་ལས། བོད་མི་བཅུ་གཉིས་གསུམ་ཙམ་གྱི་སྐུ་ལུས་མཆོད་མེར་ཕུལ་ཟིན་ཀྱང། རང་མི་ཕུད་པའི་སུ་ལ་ཡང་གཡོ་འགུལ་དེ་ཙམ་འབྱུང་མི་ཐུབ་པ་འདི་ཐུགས་ཀྱིས་མ་བཟོད་ནས་གསུང་པ་ཡིན་པ་ཤེས་དགོས། དེང་སང་གྲྭ་བསྒྲིག་ཡག་པོ་བྱེད་ན་སྨྱུ་གུ་དང་། ཚིག་དཀྲིས་རྒྱུད་ནས་བད་སྐྱེད་ཀྱིས་འཛམ་གླིང་ལ་བདེ་སྡུག་གསལ་སྟོན་བྱེད་རྒྱུ་ཡོད་པ་ཁྱོད་ཀྱིས་མཁྱེན་གསལ་རེད། དེར་བརྟེན་བོད་མི་གཞིས་བྱེས་སུ་ཡིན་ཀྱང་སེམས་སྡུག་ལང་པ་དང་སྐུ་ཧྲིལ་པོ་ཞིག་གི་ཚེ་སྲོག་རིན་ཅན་འདི་འདོར་མ་བཞག་རོག་ཞེས་གསུང་གི་དབུགས་དབྱུང་པ་ལས། གཞན་པ་རྒྱལ་དབང་རིན་པོ་ཆེ་ལས་གསུང་པའི་དབང་ཆ་ཡང་མེད་ལ། གཞན་པ་འདི་ལ་སྦས་དོན་རང་གཞན་སུ་ལ་ཡང་གནོད་པའི་གསུང་ཚིག་རྐང་གཅིག་མེད་པ་ཡིད་ལ་ངེས་པར་གྱིས་ཤིག

    Reply
  25. མི་རྐང་གླིང་བུ། says:
    ལོ་ 14 སྔོན།

    ད་རེས་དཔལ་རྒྱལ་བ་ཀརྨ་པས་མི་རིགས་འདིའི་ལས་དབང་ལ་ཆེད་དུ་གསུང་འཕྲིན་ཕེབས་པ་སྙིང་ནས་ཡི་རངས་ཞུ། དུས་ནས་དུས་སུ་ལམ་མི་གཡེལ་བའི་གསོལ་བ་འདེབས། འདི་ནི་མི་རིགས་འདིའི་རླབས་ཆེན་གྱི་རུ་དཔོན་ཞིག་གི་སྔོན་བརྡ་རེད། བཀའ་སློབ་དེ་གསར་ཤོག་འདིའི་ངོས་སུ་འདུག་གཟིགས་རོགས་ཞུ།
    http://hillpost.in/2011/11/09/china-needs-to-seriously-review-tibet-policy-karmapa-lama/34511/latest-news/baldev

    Reply
  26. ཀརྨ་རྡོ་རྗེ། says:
    ལོ་ 14 སྔོན།

    རང་གཞན་སྲོག་ལ་གནོད་པ་ལྟ་ཅི་སྨྲོས། །
    རང་གཞན་རྒྱུ་ལའང་མི་གནོད་དམ་བཅས་ནས། །
    རྣམ་དཔྱོད་ལྡན་པའི་ཞི་རྒོལ་མཐར་ཕྱིན་དགོས། །
    གསུངས་མཁན་༸ཀརྨ་པ་དེ་ཡུན་བརྟན་ཤོག །

    Reply
  27. རྐྱང་ཕྲུག ཁེར་རྐྱང་གི་ཆིག་ལབ། says:
    ལོ་ 14 སྔོན།

    བཙན་བྱོལ་ནང་གཞུང་འབྲེལ་མ་ཡིན་པའི་སྣེ་ཁྲིད་མི་སྣ་ཁ་ཅིག་གིས་བོད་ནང་གི་ལས་འགུལ་དེ་མཚམས་འཇོག་དགོས་པའི་ཐོག་འབོད་སྐུལ་བྱེད་མཁན་རེ་ཟུང་འབྱུང་བཞིན་པའི་ཚོད་དུ་འདུག བླ་ཆེན་ཡིན་ནའང་འདྲ། དཔོན་ཆེན་ཡིན་ནའང་འདྲ། གང་ལྟར་བོད་ནང་གི་གནས་སྟངས་དངོས་དེ་མཁྱེན་པ་གནང་རྒྱུ་དེ་གལ་ཆེན་པོ་རེད། རང་ཉིད་རང་དབང་ལུང་པར་ཡོད་མཁན་ཞིག་གིས་དེ་བྱོས་དང་འདི་བྱེད་དགོས་པ་རེད་ལབ་པ་ཙམ་གྱིས་ནུས་པ་ཐོན་རྒྱུ་ཁག་པོ་འདུག བོད་ནང་རང་ལུས་མེ་སྲེག་གཏོང་མཁན་ཚོས་ཚེ་སྲོག་ལ་གཅེས་འཛིན་མ་བྱས་པར་བཏང་པ་ཞིག་གཏན་ནས་མ་རེད། དེ་ལས་ལྷག་ཁོང་ཚོར་ཐབས་ལམ་དེ་མ་གཏོགས་མེད་པར་ཨ་ཆ་འུ་ཐུག་ནས་གཅེས་པའི་རང་སྲོག་བློས་བཏང་ནས་རང་ལུས་མེར་སྒྲོན་པ་ཞིག་རེད། དཔེར་ན་ཁོང་ཚོར་སྐད་འབོད་གྱི་ལམ་ནས་རང་གི་བདེ་སྡུག་བརྗོད་པའི་རང་དབང་མེད། ཟས་བཅད་ཀྱི་ལམ་ནས་རང་གི་མངོན་འདོད་མཚོན་པའི་རྣམ་འགྱུར་བསྟན་པའི་རང་དབང་ཡང་མེད། ཞི་བའི་ལམ་གོམ་བགྲོད་བྱེད་པའི་རང་ཡང་མེད། རང་གི་སེམས་ནང་གི་བདེ་སྡུག་ཡིག་ཐོག་ཏུ་ཕབ་ནས་གོང་རིམ་ལ་ཞུ་གཏུགས་བྱེད་པའི་ཐོབ་ཐང་ཡང་དེ་བས་ཀྱང་མེད། མདོར་ན་རང་ཉིད་ཤི་བསམ་ཡང་འཆི་འཇུག་གི་མེད་པའི་གནས་སུ་གྱུར་འདུག་པ་དེ་མཁྱེན་དགོས་པ་ལས་ང་ཚོས་བཙན་བྱོལ་ནང་ནས་ཁ་སྟོང་པ་བཤད་པས་གང་ཡང་མི་ཕན། བོད་ནང་གི་བོད་མི་ཚོའི་བདེ་སྡུག་གི་ཐོག་ནུས་པ་ཐོན་ཐུབ་པའི་ལམ་སྟོན་འདྲ་ཡོད་ན་དགའ་བསུ་ཡོད། དེ་མེད་པར་སྤྱི་སྦོམ་ཙམ་བཤད་ནས་ཕན་པ་ལས་གནོད་ཆེ་བས། ཚང་མས་ཡིད་གཟབ་གནང་རོགས། དེ་རེ་སྐུལ་ཡིན།

    Reply
  28. ཆོས་བཟང་། says:
    ལོ་ 14 སྔོན།

    ད་ཡང་བླ་རྒན་འདི་ཚོས་འཇོན་མདོག་བྱེད་གྲབས་རེད། ལྟོས་དང་༼བོད་མི་མང་གིས་རང་གི་ཚེ་སྲོག་ལ་གཅེས་སྤྲས་ཀྱིས་ཐབས་ལམ་གཞན་པ་བཙལ་ཏེ། དགེ་མཚན་ལྡན་པའི་ལམ་ནས་བོད་ཀྱི་ལས་དོན་བསྒྲུབ་དགོས༽ཞེས་གསུངས་མོད། འོ་ན་ཐབས་ལམ་གཞན་གང་རེད་དམ། དགེ་མཚན་ལྡན་པའི་ལམ་ནས་ལས་དོན་བསྒྲུབ་སྟངས་གང་འདྲ་རེད་དམ། རང་ལུས་མེ་བསྲེགས་ཀྱི་ལས་འགུལ་འདི་དགེ་མཚན་ལྡན་པའི་ལས་དོན་བསྒྲུབ་པ་མིན་ནམ། ཞེས་དྲིས་ན་བླ་མ་ཚང་ལ་ལན་གང་འདྲ་ཡོད།

    Reply
  29. བཙན་བྱོལ་བ་ says:
    ལོ་ 14 སྔོན།

    ཁོང་གིས་དུས་དང་མཚམས་པའི་འབོད་བསྐུལ་གནང་བ་ལ་བཀའ་དྲིན་ཆེ་ཞུ་རྒྱུ་ཡིན། ཁོང་ལྟ་བུར་མཚོན་ན་མ་འོངས་པར་འུ་ཅག་བོད་མི་རིགས་ཀྱི་རེ་ལྟོས་བྱེད་ས་ཞིག་ཏུ་ངོས་འཛིན་བཞིན་ཡོད། དེས་ན་བོད་མི་རིགས་ཀྱིས་རེ་སྒུག་བྱེད་པའི་གསུང་ངོ་མ་དེ་དེ་རིང་གོ་སོང་། བྱས་ཙང་བཀའ་དྲིན་དེ་བས་ཆེ་ཞེས་ཞུ་རྒྱུ་ཡིན།

    Reply
  30. འགྱུར་མེད་བསྟན་འཛིན། says:
    ལོ་ 14 སྔོན།

    རྒྱལ་བ་ཀརྨ་པ་སྐུ་ཕྲེང་ན་རིམ་གྱིས་བོད་མི་རིགས་ཀྱི་ཆོས་རིག་གཞུངས་ཐོག་ལ་རླབས་ཆེན་གྱི་བྱས་རྗེས་བཞགས་མྱོང་ཡོད།
    སྐུ་ཕྲེང་འདི་གཞན་དང་མ་འདྲ་བའི་སྐུ་ཡོན་རྣམ་དཔྱོད་དམིག་བསལ་ཡོད་མཁན་ཞིག་རེད།
    ཐུགས་རྗེ་ཆེ་་་་་་་་་་་འོན་ཀྱང་ཀརྨ་མ་རིན་པོ་ཆེ་ན་ཞབས་ཞུ་ཚོ་ལ་ཞབས་འདྲེན་རྐྱང་་རྐྱང་མ་གཏོགས་ཡོད་རབ་མི་འདུག་་་་་་་་་་་་ ཁོང་གི་བློ་གཏད་ཡིད་ཆེས་ཐུབ་པའི་ཞབས་ཞུ་ཡག་པོ་དེ་འདྲ་བཞགས་དགོས་རྒྱུ་གལ་ཆེན་པོ་རེད་་་ཞབས་ཞུ་ཞབས་འདྲེན་་ཕན་མ་ཐོགས་པ་དེ་ཚོ་ཕྱིར་འབུད་བྱ་ནས་ཕན་ཐོགས་པའི་མི་བཀོད་བཞགས་བྱ་དགོས།

    Reply
  31. སྨར་ཀླུང་དཔའ་ལ། says:
    ལོ་ 14 སྔོན།

    སྐུ་ལུས་མཆོད་མེ་རུ་ཕུལ་ཐུབ་པའི་བོད་བསྟན་པ་ཆབ་སྲིད་ཀྱི་ལས་འགན་དང་དུ་ལེན་མཁན་གྱི་རྒྱལ་གཅེས་དཔའ་བོ་དེ་འདྲ་གཅིག་མེད་པར་གྱུར་ན་དངོས་གནས་ཕང་བ་ལ་ཚད་མེད་པ་རེད། རྒྱལ་གཅེས་དཔའ་བོ་དེ་འདྲའི་ཆོད་སེམས་ཡོད་པའི་ཁར་སུས་ཀྱང་གེགས་རྐྱེན་མི་བྱེད་པར་སྔོན་དུ་གྲ་བསྒྲིག་ཨང་སང་ཞིག་བཟོ་མ་ཐུབ་པ་འདི་ཡང་ཤིན་ཏུ་ཕང་པོ་འདུག དེང་སང་གི་འཛམ་གླིང་འདིའི་གོ་ཐོས་ཡོད་ཚད་ལ་ཡིད་མི་བརྟན་པར་མངོན་སུམ་ཚད་མས་མཐོང་བཞིན་པའི་བརྙན་དཔར་ཚད་མ་ལ་ཕྱོགས་པའི་སྐབས་འདིར་ལས་འགུལ་བརླབ་ཆེན་འདི་ཚོའི་བརྙན་པར་ཚད་ལྡན་མ་རག་པ་དེ་བས་ཕང་པོ་རེད། རྗེས་སུ་ཅུང་ཟད་རག་ཡོང་ཤེས་ཆེ་ཀྱང་ཅུང་འཕྱི་དྲག་པ་རེད། དེང་སང་ནི་ཚ་ཚ་འུར་འུར་གྱི་ལས་འགུལ་ཡོད་ཚད་གསར་པ་རྐྱང་རྐྱང་ཡིན་ཙང་ཟླ་གཅིག་གཉིས། ཞག་མ་བཅུ་ཉི་ཤུའི་ལས་ཀ་ཡོད་ཚད་རྙིང་པ་ཆག་སོང་བའི་རྒྱུ་མཚན་གྱིས་ནུས་ཤུག་དེ་བས་ཆུང་བར་འགྱུར་གི་འདུག་པ་འདི་ལ་གཞིག་ཚེ་ཡོད་ངེས་པ་དེ་ཚོ་ལག་ཐོག་ཏུ་འབྱོར་མ་ཐུབ་འདི་ཡང་ཤིན་ཏུ་ཕང་པོ་འདུག རྗེས་སུ་གལ་སྲིད་དེ་འདྲའི་ཆོད་སེམས་ཅན་གྱི་བོད་མི་རྒྱལ་གཅེས་ཚོ་ལས་འགུལ་སྤེལ་སྟང་ནུས་ཅན་ཞིག་ཏུ་རེ་བ་འཆང་རོག་ཞུ། ང་ཚོ་སྡུག་ཡུས་ཁོ་ནས་རང་ལུས་མེ་བསྲེག་བཏང་ནས་བྱས་རྗེས་མེད་ན་སྡུག་ཐོག་སྡུག་བརྩེགས་ཡིན་པ་ལས་བརླབ་ཆེན་གྱི་གྲུབ་འབྲས་ཐོན་ཐུབ་ཀྱི་མི་འདུག་པ་ཀུན་གྱིས་མཁྱེན་གསལ་ལ་བློ་ཡང་དཀྱེལ་ཆེ་གནང་རོག་ཡང་ཡང་ཞུ་བསྐུལ་བྱེད་ཀྱི་ཡོད།
    སྤྱིར་ཉི་མ་དེ་རིང་ནས་བཟུང་འདི་འདྲ་བསྲེག་ལས་བྱེད་མི་དགོས་པར་བོད་རྒྱ་ཞི་འགྲིག་དང་གཞིས་བྱེས་མཉམ་འཛོམ་ཡོང་བའི་སྨོན་འདུན་ལན་བརྒྱར་ཞུ་གི་ཡོད།

    Reply
  32. བཙན་པོའི་བུ། says:
    ལོ་ 14 སྔོན།

    རྒྱལ་བ་ཀརྨ་མཆོག་ལ་སྔོན་མ་ནས་རེ་བ་ཆེན་པོ་ཡོད། དགུང་ནའི་བབ་དང་སྣེ་མང་གི་མཁྱེན་ཡོན་སོགས་གང་ལ་གཞིགས་ཀྱང་ཁོང་ནི་བོད་ཀྱི་བླ་ཆེན་རྣམས་ཀྱི་ཁྲོད་ང་ཚོས་མ་འོངས་པར་རེ་བ་ཆོན་པོ་བྱེད་ས་ཞིག་ཡིན། དེར་བརྟེན་བླ་བྲང་གི་ཞབས་ཅི་ཚོས་ཁོང་གི་ཞབས་ནས་མི་འཐེན་པའི་རེ་སྨོན་ཞུ་བཞིན་ཡོད།

    Reply
  33. རྨེ་བ་འཇམ་དཔལ་ནོར་བུ། says:
    ལོ་ 14 སྔོན།

    དམ་པ་ཁོང་ནི་བླ་ཆེན་ཁག་གི་ནང་ནས་ཆེས་རེ་བ་ཤོས་ཏེ་ཡིན་པས། འདི་ལྟར་བཀའ་སློབ་ལམ་སྟོན་གནང་བར་སེམས་རྩ་ཤིན་ཏུ་དྲོ་སོང་། སྐུ་ཚེ་བསྐལ་བརྒྱར་བརྟན་པར་ཤོག

    Reply
  34. ཟུངས་ཁྲག says:
    ལོ་ 14 སྔོན།

    དཔལ་རྒྱལ་བ་ཀརྨ་པ་སྐུ་ཚེ་ཁྲི་ལོ་ན་ཁྲི་ལོར་བརྟན་པར་ཤོག

    Reply
  35. ཟུངས་ཁྲག says:
    ལོ་ 14 སྔོན།

    བོད་ཀྱི་ཆོས་བརྒྱུད་ཁག་གི་བླ་ཆེན་ཚོ་ཆོས་ཁྲི་མཐོན་པོའི་སྒང་དུ་སྐྱིད་བསྡོད་བྱེད་པ་ལས་མི་རིགས་ཀྱི་རྩ་དོན་གར་ཡོད་ཆ་མེད་ཡིན་རྒྱུ་རེད། ཁོང་ཚོའི་རྗེས་འབངས་ཀྱི་རྒྱུ་སྦྱོར་བསམ་པ་ལས་མི་རིགས་ཀྱི་བདེ་སྡུག་བསམ་མཁན་དཀོན་པོ་རེད། བོད་མི་རིགས་ཀྱི་འཐབ་རྩོད་ཆེད་གདོང་ལེན་གནང་མཁན་རྒྱལ་བ་པན་ཆེན་རྣམས་གཉིས་ལས་སུ་ཡོད་ད་ལྟའི་བར་དུ་་་་་་་།

    Reply
  36. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    རང་ལུས་མཆོད་སྦྱིན་གྱི་དཔལ་གྱི་སྒྲོན་མེ་རེར་གཟི་བྱིན་ལྡན་པར་གཟིགས་ཚུལ་དང་བཅས་པའི་ལམ་སྟོན་འདིས་གཞིས་བྱེས་བོད་མི་ཡོངས་ལ་བློ་སྤོབས་སྔར་ལྷག་རྒྱས་པར་འགྱུར་ངེས། རྒྱལ་བ་བགྲེས་གཞོན་རྣམ་གཉིས་ནི་བོད་ཀྱི་ཉི་ཟླ་རྣམ་གཉིས་ཆགས་ཡོད། ཉི་ཟླའི་འོད་ཁྱིམ་འོག་བོད་འབངས་ཀྱི་རྒྱུ་སྐར་ཀུན་ཡང་འོད་ཟེར་གྱིས་འཚོ་ངེས། ཉི་ཟླ་སྐར་གསུམ་གྱི་འོད་ཀྱིས་མུན་པ་མ་ལུས་མཐར་སྤྲད་ནས་འཇིག་རྟེན་འོད་ཀྱིས་སྒེག་པར་འགྱུར། བདེན་པ་ཉིད་རྒྱལ་བར་ངེས།

    Reply
  37. འཇའ་ཐང་འབྲོག་བུ། says:
    ལོ་ 14 སྔོན།

    སྙིང་རྗེ་རྒྱལ་གཅེས་དཔའ་བོ་དེ་ཚོ། དངོས་གནས་བལ་ཡུལ་གཞུང་ནི་རྒྱ་དམར་པོའི་སྲིད་གཞུང་དང་འདྲ་བོ་རེད། ཁྱི་རྒན་དེ་ཚོ།

    རྒྱལ་གཅེས་དཔའ་བོ་ཁོང་གི་སྐུ་སྲོག་ལ་གནོད་སྐྱོན་མི་འབྱུང་བ་དང་མི་རིགས་ཀྱི་རྩ་དོན་ཆེད་དུ་རང་ལུས་ཕུལ་བ་ལས་ལྷག་པའི་སྲིད་ཞུ་སྒྲུབ་ཐུབ་པའི་རེ་བ་དང་སྨོན་ལམ་ཞུ།

    ཁྱི་རྒན་དེ་ཚོ་རྒྱལ་གཅེས་དཔའ་བོ་ཁོང་གང་དུ་ཡོད་ན་ད་ལྟ་རང་ཁྲིད་ཤོག །

    Reply
  38. རྭ་རྒྱ་བློ་དབང་། says:
    ལོ་ 14 སྔོན།

    ཐེངས་འདིའི་༸རྒྱལ་དབང་ཀརྨ་པ་མཆོག་གིས་བཀའ་གསུང་གསེར་གྱི་རྩི་ལྟ་བུ་འདི་ཉིད་བོད་མི་རིགས་ཀྱི་ལོ་རྒྱུས་དཀྱོགས་མཚམས་ཀྱི་རྡོ་རིང་ལྟ་བུ་ཞིག་དང་། མཐུན་སྒྲིལ་རྡོག་ལ་བསྒྲིལ་བའི་སྟོབས་ཤུགས་གསོན་པོ་ཞིག ༸གོང་ས་ཐམས་ཅད་མཁྱེན་པས་སྐུ་ངལ་དཔག་དཀའ་བ་ཁྱད་དུ་བསད་པའི་རླབས་ཆེན་གྲུབ་འབྲས་ཀྱི་མཚོན་བྱེད་ཅིག་ཏུ་འགྱུར་བའི་རེ་བ་ཆེ།

    Reply
  39. རྭ་རྒྱ་བློ་དབང་། says:
    ལོ་ 14 སྔོན།

    དཔལ་རྒྱལ་བ་ཀརྨ་པ་མཆོག་གིས་འདི་ལྟར་གསུང་གི་དབུགས་དབྱུངས་པར་དགའ་གུས་སྟོང་གིས་ངོ་སོ་བསྟོད། བོད་ཀྱི་སངས་རྒྱས་ཀྱི་བསྟན་པ་དང་མི་རིགས་ཀྱི་ཆག་འཇིག་ནི་༸གོང་ས་རྒྱལ་བ་རིན་པོ་ཆེ་དང་། འབངས་མི་ཚོའི་འགན་ལྟ་བུར་མ་བཞག་པར་བོད་གངས་ཅན་གྱི་ཆོས་སྲིད་གང་ལ་ཡང་འགན་འཁྲི་བླ་ན་མཐོ་བའི་ཆོས་བརྒྱུད་ཁག་གི་དབུ་ཁྲིད་རྣམ་པ་གཙོས་པའི་རིས་མེད་བླ་སྤྲུལ་ཆེན་པོ་རྣམས་ཀྱིས་འབོད་སྐུལ་ཙམ་དུ་མ་བཞག་པར་བསྟན་སྲིད་སླར་གསོའི་འཐབ་རྩོད་འདིའི་སྣེ་ཁྲིད་དུ་བཞེངས་པར་འབོད་སྐུལ་ཞུ་བ་ལགས།

    Reply
  40. ནད་པ says:
    ལོ་ 14 སྔོན།

    ༸དཔལ་རྒྱལ་བ་ཀརྨ་པ་མཆོག་གིས་བོད་མི་མི་རེ་ངོ་རེའི་གཅེས་པའི་ཚེ་སྲོག་ལ་རིན་ཐང་མེད་སྟབས་གཅེས་སྤྲད་བྱེད་དགོས་པའི་འབོད་བསྐུལ་གནང་བ་དེར་བསྔགས་བརྗོད་ཞུ།

    ད་ཆ་ང་ཚོས་བོད་དོན་ལས་འགུལ་གྱི་རྣམ་པ་གསར་པ་ཁ་ཤས་ཤིག་གི་ཐབས་ཇུས་ལྡན་པའི་རང་བཞིན་བེད་སྤྱད་དགོས་པའི་དུས་ཚོད་ཅིག་རེད།

    ༸ རྒྱལ་བ་བསྟན་འཛིན་རྒྱ་མཚོས་གཙོས་པའི་བོད་བརྒྱུད་ནང་བསྟན་གྱི་སྐྱེས་ཆེན་དམ་པ་དག་སྐུ་ཚེ་ཁྲི་ལོར་བརྟན་པར་ཤོག བོད་མི་རིགས་ཁྲི་ལོར་བརྟན་པར་ཤོག

    Reply
  41. གཅན་བཟོད་རྒྱམ། says:
    ལོ་ 14 སྔོན།

    འབོད་སྐུལ་གང་བའི་ཡི་གེཆ་ཚང་བ་འདིར་བཀོད་ན་དེ་བས་ཕན་རླབས་ཆེ་བར་མཐོང་ངོ་།།

    Reply
  42. མི་ཉག་བཙན་པོ says:
    ལོ་ 14 སྔོན།

    རྒྱལ་བ་རྐམ་པ་མཆོག་གི་རྒྱ་ནག་ལ་འབོད་སྐུལ་དང་གཞིས་བྱེས་བོད་མི་རྣམས་ལ་བཀའ་སློབ་གནང་བར་རྙིག་ཐག་པ་ནས་ཡི་རངས་དང་ངག་བརྗོད་ཡོད།
    ཡིན་ན་ཡང་རིན་པོ་ཆེ་མཆོག་ནས་ཆོས་ལུགས་དང་ཆོལ་ཁ་བླ་མ་དང་སློབ་མ།
    གཞིས་རིམ་མི་དམངས་རྣམས་ཕན་ཚུན་མཐུན་ལམ་དང་
    གཅིག་སྒྲིལ་དགོས་མཁོ་དང་གལ་ཆེ་ཡིན་པའི་སྐོར་བཀའ་སློབ་གནང་མི་འདུག་ལ་དེ་སྔོན་ཡང་རིན་པོ་ཆེའི་བཀའ་སློབ་དེ་འདྲ་གོ་མྱོང་མེད།
    མ་འོང་པར་བཀའ་སློབ་དེ་འདྲ་མང་ཙམ་གནང་ཐུབ་ན་སྤྱིར་བཏང་དགེ་མཚན་དང་དགོས་པ་ཡོད་པ་མ་ཟད་བོད་ཀྱི་རྩ་་དོན་ལ་ཡང་ཕན་པ་ཆེ།

    Reply
  43. རོ་ལངས། says:
    ལོ་ 14 སྔོན།

    “ བོད་ནང་བོད་མི་རེ་རེས་རང་ལུས་མེར་བསྲེགས་བཏང་བའི་གནས་ཚུལ་ཐོས་སྐབས་ངའི་སེམས་ལ་ན་ཟུག་ཚད་མེད་སྐྱེ་ཡོང་གི་འདུག བོད་དོན་ཆེད་རང་ལུས་མཆོད་མེར་འབུལ་བཞིན་ཡོད་པའི་བོད་མི་སྐྱ་སེར་ཚང་མ་ལོ་གཞོན་རྐྱང་རེད། ཁོང་ཚོར་འཚོ་སྡོད་ཀྱི་གོ་སྐབས་རིང་པོ་ཡོད་ཀྱང་། བོད་བསྟན་པ་ཆབ་སྲིད་ཆེད་ཞབས་ཞུ་གང་ཞིག་བསྒྲུབ་རྒྱུའི་གོ་སྐབས་རག་སྐབས་ཕངས་མེད་དུ་ཡོད་ཚད་བློས་བཏང་བ་རེད། ”འདི་ནི་གཞིན་སྐྱེས་དག་གི་སྙིང་རྩ་སྒུལ་བའི་ལས་འགུལ་དང་ལུས་སྲོག་བསྲེགས་པའི་མཆོད་མེ་ལ་གངས་ཅན་པའི་བླ་ཆེན་གཞོན་ནུ་ཞིག་གི་ཐུགས་ཀྱི་ཚོར་རླབས་རེད། བོད་མའི་སེབས་ཁོང་གི་སྒྲོན་མེ་༧དཔལ་རྒྱལ་དབང་ཀརྨ་པ་སྐུ་ཚེ་ཡུན་དུ་བརྟན་པར་སྨོན།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese