མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

དམིགས་བསལ་སྐུ་ཚབ་ཀྱི་བརྡ་ཁྱབ།

བོད་ཀྱི་དུས་བབ།
༢༠༡༡/༡༡/༡༤
Share on FacebookShare on TwitterShare on EmailShare on Whatsapp

 

                                                                                                                                       དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན།

ངོས་ནས་བརྡ་ཁྱབ་འདི་བཞིན་བོད་མིའི་ཆབ་སྲིད་ཀྱི་གཞུང་འཛིན་ལ་འགྱུར་བ་ཕྱིན་པས་དབང་གིས་ངོས་རང་ཉིད་དང་དེ་འབྲེལ་ལས་དོན་ལ་ཤུགས་རྐྱེན་ཇི་ཆགས་དང་འབྲེལ་བའི་ཐོག་ནས་བཏོན་པ་ཞིག་ཡིན།

མཁྱེན་གསལ་ལྟར་༧གོང་ས་༧སྐྱབས་མགོན་ཆེན་པོ་མཆོག་ནས་དགོངས་ཡངས་དཀྱེལ་ཆེའི་ཐོག་ཁོང་གི་ཆབ་སྲིད་ཀྱི་ཐུགས་འགན་ཆ་ཚང་འོས་འདེམས་བྱས་པའི་བོད་མིའི་འགོ་ཁྲིད་ལ་རྩིས་སྤྲོད་གནང་ནས་བོད་མི་རྣམས་འགན་དབང་ཆེ་རུ་འགྲོ་བའི་མདུན་བསྐྱོད་རླབས་ཆེན་གནང་བ་ནི། ཕྱི་ལོ་ ༢༠༡༡ ཕྱི་ཟླ་ ༥ པའི་ནང་བཙན་བྱོལ་བོད་མིའི་བཅའ་ཁྲིམས་ཀྱི་འབྲེལ་ཡོད་དོན་ཚན་ཁག་ལ་འགྱུར་བ་བཏང་ཞིང་། དེ་རྗེས་ཕྱི་ཟླ་ ༦ པའི་ནང་འགན་དབང་ཆེ་རུ་ཕྱིན་པའི་བོད་མི་མང་སྤྱི་འཐུས་གསར་པ་ལྷན་ཚོགས་གནང་བ་དང་། དེ་བཞིན་ཕྱི་ཟླ་ ༨ པའི་ནང་འགན་དབང་ཆེ་རུ་ཕྱིན་པའི་བཀའ་བློན་ཁྲི་པ་གསར་པའི་མཛད་འཁུར་དབུ་འཛུགས་གནང་བ་བཅས་ཀྱིས་ལས་རིམ་དེ་ད་ཆ་ཡོངས་སུ་གྲུབ་ཡོད།

ཕྱི་ལོ་ ༡༩༩༠ ལོར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་རྒྱལ་སྤྱིའི་འབྲེལ་ལམ་གྱི་ལས་དོན་ཆེ་ཁག་ཞུ་རྒྱུའི་ཆེད་ཨ་རིའི་རྒྱལ་ས་ཝ་ཤིང་ཊོན་དུ་རྟེན་གཞིས་ཐོག་གུས་ལ་ཁོང་གི་དམིགས་བསལ་སྐུ་ཚབ་ཏུ་བསྐོ་གཞག་སྩལ་བྱུང་། ཕྱི་ལོ་ ༡༩༩༡ ལོར་བཙན་བྱོལ་བོད་མིའི་བཅའ་ཁྲིམས་གཏན་འབེབས་གནང་བ་དང་ཕྲན་རང་བཙན་བྱོལ་སྒྲིག་འཛུགས་ཀྱི་སྲི་ཞུའི་ལས་དོན་ནས་རྒས་ཡོལ་ཞུས་ཀྱང་༧གོང་ས་མཆོག་གི་དམིགས་བསལ་སྐུ་ཚབ་ཀྱི་འོས་འགན་མུ་མཐུད་ཞུས་པ་ཡིན།

ཉེ་ལམ་གྱི་འགྱུར་བ་མ་ཕྱིན་བར་དུ་༧གོང་ས་མཆོག་བོད་མིའི་སྒྲིག་འཛུགས་ཀྱི་དབུ་ཁྲིད་ཡིན་པར་བརྟེན་ཕྲན་ནས་གཙོ་བོ་བཙན་བྱོལ་སྒྲིག་འཛུགས་ཀྱི་ལས་དོན་ཁག་དང་། དེ་འབྲེལ་སྲི་ཞུ་བ་དང་ཚོགས་ཁག་བཅས་ལ་རོགས་ཕན་གང་ཞུས་དེ་དག་འགལ་ཟླ་གང་ཡང་མེད། དེའི་ཐོག་བོད་མིའི་སྒྲིག་འཛུགས་ཀྱི་གནད་དོན་དང་། ཡང་ཨ་རིའི་གཞུང་ལ་ཞུ་གཏུགས་དགོས་རིགས་ལས་དོན་གཞན་ཐོག་ཕྲན་ནས་ནིའུ་ཡོག་ཏུ་ཡོད་པའི་སྐུ་ཚབ་དོན་གཅོད་རིམ་པ་དང་ལྷན་དུ་ལས་འཁུར་མཉམ་རུབ་ཞུས་ཡོད།

དབུས་བོད་མིའི་སྒྲིག་འཛུགས་ཀྱི་སྒྲོམ་གཞིར་འགྱུར་བ་ཕྱིན་པ་དང་བཅའ་ཁྲིམས་ལ་བསྒྱུར་བཅོས་དང་སྟབས་བསྟུན་ཕྱི་ལོ་ ༢༠༡༡ ཕྱི་ཟླ་ ༥ པའི་ནང་བཀའ་ཤག་ནས་གུས་ལ་དེའི་ཁོངས་སུ་ལས་འགན་ཞིག་བསྐོ་གཞག་གནང་འདོད་ཡོད་པ་གསུངས་བྱུང་། བཙན་བྱོལ་བོད་མིའི་སྒྲིག་འཛུགས་ཀྱི་སྲི་ཞུ་ནས་ཡུན་རིང་སྔོན་རྒས་ཡོལ་ཞུས་ཟིན་པ་དྲན་སྐུལ་དང་བཅས་བཅའ་ཁྲིམས་ཀྱི་ཆ་རྐྱེན་དེ་དག་ཕྲན་གྱི་འོས་འགན་ལ་འབྲེལ་བ་ཆགས་ཀྱི་མེད་སྐོར་བཀའ་ཤག་ལ་དེ་འཕྲལ་ཕྱག་བྲིས་ཤིག་ཀྱང་ཕུལ་བ་ཡིན།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཐད་ཀའི་ཆབ་སྲིད་ཀྱི་དབུ་ཁྲིད་འོག་གུས་ནས་དགའ་ལྡན་ཕོ་བྲང་གི་གཞུང་འཛིན་ཉིན་མཐའ་མའི་བར་ལ་ཞབས་ཕྱི་གང་ནུས་བསྒྲུབ་རྒྱུའི་གོ་སྐལ་བྱུང་བ་ནི་ཤིན་ཏུ་ནས་སྐལ་པ་བཟང་པོ་ཡིན།

ཉེ་ཆར་གྱི་འཛིན་སྐྱོང་གི་འགྱུར་བའི་རྗེས་ངོས་ནས་དབུས་བོད་མིའི་སྒྲིག་འཛུགས་དང་འབྲེལ་བའི་གནད་དོན། དེ་ཡང་ཆེ་ཁག་ཨ་རིའི་གཞུང་ངམ་གཞུང་གཞན་དག་ཚོ་དང་འབྲེལ་བ་བྱེད་རྒྱུའམ། ཡང་ན་ཆུང་ཙག་ངོ་སྤྲོད་ཡི་གེ་འབུལ་རྒྱུ་མཚོན་པ་རྣམས་མཚམས་འཇོག་ཞུས་པ་ཡིན། དེང་གནད་དོན་དེ་རིགས་ཆ་ཚང་ནིའུ་ཡོག་ཏུ་ཡོད་པའི་བོད་ཀྱི་དོན་གཅོད་ཁང་ནས་ཐུགས་འགན་བཞེས་བཞིན་ཡོད།

འོན་ཀྱང་དེ་ནི་གུས་ནས་སྒྲིག་འཛུགས་གསར་པ་དེ་ཡི་ལས་དོན་ལ་ཕྱག་རོགས་ཞུ་འདོད་མེད་པ་དང་། ཡང་ན་བཀའ་ཤག་གསར་པ་ནས་གུས་ལ་ཡིད་ཆེས་མེད་པ་དེ་འདྲ་གང་ཡང་མིན་པར། ད་ལྟའི་སྒྲོམ་གཞི་གསར་པའི་འོག་དེ་སྔའི་བརྒྱུད་རིམ་གྱི་གནད་དོན་རྣམས་གསལ་པོ་བཟོ་རྒྱུའི་རིམ་པ་ཙམ་ཞིག་ཡིན། བརྗོད་མ་དགོས་པ་ཞིག་ལ་རང་ངོས་ནས་བོད་མིའི་སྒྲིག་འཛུགས་ཀྱི་དབུ་ཁྲིད་གསར་པར་ཞབས་ཕྱི་དང་དེ་བཞིན་ལམ་སྟོན་གང་ནུས་ཞུ་རྒྱུའི་ཆོད་སེམས་བརྟན་པོ་ཡོད། དོན་གནད་འདིའི་ཐོག་གུས་ནས་བཀའ་བློན་ཁྲི་པ་བློ་བཟང་སེང་གེ་མཆོག་དང་བཀའ་བསྡུར་ཐེངས་མང་ཞུ་རྒྱུའི་གོ་སྐབས་བྱུང་།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དམིགས་བསལ་སྐུ་ཚབ་ཀྱི་ལས་གནས་ཐོག་དུས་ཡུན་གང་འཚམས་རིང་མུ་མཐུད་སྐུ་ཚབ་སྐལ་བཟང་རྒྱལ་མཚན་ལགས་དང་ལྷན་འགན་འཁུར་ཞུས་ཐོག་རྒྱ་ནག་གཞུང་གི་དབུ་ཁྲིད་དང་མཉམ་དུ་རང་ཕྱོགས་ནས་གྲོས་མོལ་ཡོང་ཐབས་འབད་རྩོལ་དང་གྲོས་མོལ་གྱི་ལས་རིམ་འགན་ཁུར་ཞུ་རྒྱུ་ཡིན། ལས་འགན་དེའི་ཐོག་ཕྲན་གྱི་ངོས་ནས་གྲོས་མོལ་གྱི་ལས་རིམ་ལ་རོགས་ཕན་དང་ཐུགས་སྣང་གནང་མཁན་གྱི་གཞུང་ཁག་གིས་གཙོས་ཚོགས་སྒེར་རྣམས་དང་མུ་མཐུད་འབྲེལ་འདྲིས་བྱེད་རྒྱུ་ཡིན།

ད་ལྟའི་བོད་ནང་གི་ཛ་དྲག་གི་གནས་ཚུལ་དང་རྒྱ་ནག་གཞུང་གི་དབང་འཛིན་པ་ཚོས་ཧ་ཅང་གདུག་རྩུབ་ཆེ་བའི་བྱ་སྤྱོད་ལ་བལྟས་ན་གྲོས་མོལ་ཡོང་ཐབས་འབད་རྩོལ་བྱ་རྒྱུ་ཡང་ཕན་ཐོགས་མེད་པ་ལྟ་བུ་རེད། འོན་ཀྱང་ཕྱོགས་གཞན་ནས་བསམ་ཚེ་ད་ལྟའི་ཛ་དྲག་གི་གནས་སྟངས་དེར་གདོང་ལེན་བྱེད་རྒྱུ་ནི་གྲོས་མོལ་ལས་ཐབས་ལམ་གཞན་གང་ཡང་མེད་པ་བསམ་ཡོད་སུས་བལྟས་ཀྱང་ཤེས་ཐུབ་པ་ཞིག་ཡིན།

༧གོང་ས་མཆོག་གི་དམིགས་བསལ་སྐུ་ཚབ་བཀའ་ཟུར་རྒྱ་རི་བློ་གྲོས་རྒྱལ་མཚན་གྱིས་ཝ་ཤིང་ཊོན་ཌི་སི་ནས་ཕྱི་ལོ་ ༢༠༡༡ ཕྱི་ཟླ་ ༡༡ 

འབྲེལ་ཡོད་གསར་འགྱུར།

འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

ཆུ་ཚོད་ ༡༧ སྔོན་ལ།
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

ཆུ་ཚོད་ ༡༨ སྔོན་ལ།
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧

མཆན། 36

  1. བཙན་པོའི་ཕོ་ཉ། says:
    ལོ་ 14 སྔོན།

    བཙན་བྱོལ་ནང་གི་ལོ་ངོ་དྲུག་ཅུ་ཉེ་བའི་ལོ་རྒྱུས་ནང་རྒྱ་རི་རིན་པོ་ཆེ་ཚང་མི་སྣ་བྱེས་རྗེས་ཅན་དང་འབྱོན་ཐང་ཅན་ཞིག་ཡིན་པས་བོད་མི་རིགས་ཀྱི་ལོ་རྒྱུས་ནང་བཀོད་འོས་པའི་ལོ་རྒྱུས་ཀྱི་མི་སྣ་གལ་ཆེ་ཞིག་ཆགས་ཡོད་པས་ཁོང་གི་སྐོར་འབྲི་ཐུབ་ན་ཡག་པོ་འདུག

    Reply
  2. ཨ་ལ་ལ says:
    ལོ་ 14 སྔོན།

    རྒྱ་རིའི་སྐོར་ནས་རྩོད་པ་མ་རྒྱགས་རོགས་གནང་། སྔར་འཇོན་མ་འཇོན་ང་ཚོས་མཐོང་ཚར་བ་རེད། ཕྱིན་ཆད་འཇོན་མིན་ང་ཚོས་བལྟ་ཆོག

    Reply
  3. འབྲུག་གྲགས་རྒྱལ་པོ། says:
    ལོ་ 14 སྔོན།

    གནས་ཚང་ལགས། ཕྱི་རྒྱལ་སྐུ་ཚབ་དང་དམིགས་བསལ་སྐུ་ཚབ་རྣམས་༧གོང་ས་མཆོག་གི་མཚན་གཡར་ཐོག་ནས་བཀའ་ཤག་གསར་པས་བསྐྱར་དུ་བསྐོ་གཞག་གནང་བ་དེ་མཁྱེན་པ་གནང་དགོས།

    Reply
  4. ཚེ་རིང་བཀྲིས། says:
    ལོ་ 14 སྔོན།

    ཐུབ་བསྟན་དང་གནས་ཚང་ལགས་འཕན་ཚུན་རྩོད་རེ་མ་སྣང་།
    རྒྱ་རི་ཟེར་བའི་མི་དེ་རྒྱ་རང་རེད། ད་བར་༸གོང་མཆོག་གི་ཚན་ཐོགས་ནས་སྒེར་དོན་གྲུབ་པ་མ་རྟོགས་བོད་ལ་འཕན་འཐོགས་པའི་ལས་ཞིག་ནམ་ཡང་བྱས་མྱོངས་མེད།

    Reply
  5. ཐུབ་བསྟན། says:
    ལོ་ 14 སྔོན།

    གནས་ཚང་ལགས། ཧ་ཅང་སྲིད་དོན་ལ་མཁས་མདོག་མ་སྟོན། ༧གོང་ས་མཆོག་གིས་ བཀའ་ཤག་ལ་སྲིད་དོན་ཐད་ནས་ཁོང་གི་མཚན་བཀོལ་ཆོག་པའི་ཐོབ་ཐང་ཆ་ཚང་སྤྲད་ཡོད་ཟེར་བ་ག་རེ་རེད་དམ། སྐུ་ཚབ་དོན་གཅོད་ཁག་ལ་ཁོང་གི་མཚན་བཀོལ་ཆོག ཅེས་པ་ཙམ་ལས་བཀའ་ཤག་གིས་རང་སྣང་གང་དྲན་གྱིས་༧གོང་ས་མཆོག་གི་མཚན་བཀོལ་ཆོག་པ་ང་ཚོས་དེ་རིང་མ་གཏོགས་གོ་མྱོང་མེད་ལ། དེ་ལྟར་བཀོལ་ན་ངོ་རྒོལ་ཡང་བྱེད་ངེས་ཡིན།

    Reply
  6. གནས་ཚང་། says:
    ལོ་ 14 སྔོན།

    ཐུབ་བསྟན་དང་སྐུ་ངོ་རྒྱ་རི་མི་གཅིག་ཡིན་མིན་གང་ལྟར་གསལ་བོ་དག་པོ་བྱས་ནས་མཁྱེན་དགོས་པ་ནི། གོང་ས་མཆོག་གིས་ཁོང་གི་མཚན་གཡར་ཆོག་ཅེས་པ་ལས་གང་བསྟན་ཡོད་དམ། བཀའ་ཤག་ལ་སྲིད་དོན་ཐད་ནས་ཁོང་གི་མཚན་བཀོལ་ཆོག་པའི་ཐོབ་ཐང་ཆ་ཚང་སྤྲད་ཡོད་པས། བཀའ་ཁྲིསདམིགས་འཛུགས་བྱེད་དགོས་པ་ཞིག་ལས་གོང་ས་མཆོག་ལ་འབྲེལ་བ་ཆགས་ཡོད་པ་མ་རེད། ཡིན་ནའི། ད་ལྟའི་གནས་སྟངས་འདི་མུ་མཐུད་དུ་ཕྱིན་པ་ཡིན་ན། གུས་པས་གོང་དུ་ཞུས་པ་ལས་ལམ་ཁ་ལྷག་མི་འདུག འདི་ན་སྲིད་དོན་གྱི་ཐབས་ལམ་ཞིག་བཤད་ཀྱིན་པ་ལས་སྐུ་ངོ་རྒྱ་རིར་འཇོན་ཐང་ཡོད་མེད་དང་བྱས་རྗེས་ཆེ་མིན་རྐང་གཅིག་གླེང་གི་ཡོད་པ་མ་རེད། ད་མཁྱེན་སོང་ངམ།

    Reply
  7. ཐུབ་བསྟན། says:
    ལོ་ 14 སྔོན།

    བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་ལས་ལྷག་གི་ཤེས་འཇོན་ལྷག་བསམ་ཅན་རེ་ཡོད་ན་ཡར་ལོངས་དང་། བཀའ་ཁྲི་བློ་བཟང་སེང་གེ་མཆོག་གིས་ལས་ཀ་སྤྲད་ངེས་རེད། རྒྱ་དམར་ལ་གསལ་བཤད་ཀྱིས་རྒྱ་གཞུང་ལ་གོ་བརྡ་ཡག་པོ་སྤྲོད་ཐུབ་མཁན་རེ་ཡོད་ན་ལྐོག་ལབ་བྱེད་དགོས་ཅི་ཡོད་ཡར་ལོངས་ཤིག་དང་། དེའི་རིགས་ལ་ང་ཚོས་ལས་ཀ་སྤྲོད་ངེས་ཡིན།

    Reply
  8. ཐུབ་བསྟན། says:
    ལོ་ 14 སྔོན།

    ག་དུས་ཡིན་ཡང་ཁ་ཕྱིར་ལོག་སྡོད་པའི་ཐེ་ཝན་ཕོགས་ཟན་དང་། དེའི་རིགས་ཀྱིས་སྣང་བར་མི་འགྲོ་བར་ངེས། དེ་ང་ཚོས་ཤེས་ཤེས་པ་རེད། འོན་ཀྱང་རྒྱ་རི་ཚང་ལ་ང་ཚོས་རྟག་ཏུ་བཀའ་དྲིན་རྗེས་དྲན་ཞུ་འོས། །

    Reply
  9. ཐུབ་བསྟན། says:
    ལོ་ 14 སྔོན།

    སྔ་བར་ཕྱི་གསུམ་དུ་༧གོང་ས་སྐྱབས་མགོན་ཆེན་པོའི་བཀའ་དགོངས་ཚུལ་བཞིན་བསྒྲུབས་ཏེ། བོད་གཞུང་མང་ལ་ཞབས་ཕྱི་ཡང་དག་ཞུ་མཁན་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་གིས་ད་བར་སྐུ་ངལ་ཚད་མེད་བཀྱོན་ཏེ། ལངས་ཕྱོགས་འགྱུར་མེད་གནང་བར་བཀའ་དྲིན་རྗེས་དྲན་དང་། སླད་མའི་ཆར་ཡང་ཁོང་གི་ཆོས་སྲིད་ཀྱི་མཛད་བཞེད་མཁའ་དག་ལེགས་འགྲུབ་ཡོང་བའི་སྨོན་འདུན་ཞུ། མིང་རྫུན་རེའི་འོག་ཡུབ་ནས་དྲ་འབུ་སྐྱག་ཟན་རེ་ཟུང་གིས་ག་རེ་ཤོད་མིན་ལ་ལྟོས་པ་ཅི་ཡོད། ༧གོང་ས་མཆོག་གི་དབུ་ཁྲིད་འོག་དངོས་གནས་རྒྱ་རི་ཚང་ལ་གཟི་བརྗིད་ཡོད།

    Reply
  10. ནད་པ says:
    ལོ་ 14 སྔོན།

    གནས་ཚང་ལགས། བཀའ་ཟུར་རྒྱ་རི་བློ་གྲོས་རྒྱལ་མཚན་ནི་ཐད་ཀར་༸ གོང་ས་མཆོག་གིས་དམིགས་འཛུགས་གནང་བའི་སྐུ་ཚབ་ཞིག་ཡིན་སྟབས་ཁོང་ལ་ང་ཚོས་དམིགས་བསལ་སྐུ་ཚབ་ཅེས་འབོད་ཀྱིན་པ་དེ་རེད།

    གལ་ཏེ་བཙན་བྱོལ་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེས་ཐད་ཀར་དམིགས་བསལ་སྐུ་ཚབ་ཏུ་བསྐོས་ན་དེ་ནི་བཙན་བྱོལ་གཞུང་གི་སྐུ་ཚབ་གཅིག་རང་བཞིན་གྱིས་ཆགས་པ་རེད།

    ད་ལྟའི་ཆར་༸ གོང་ས་སྐྱབས་མགོན་ཡིད་བཞིན་ནོར་བུ་མཆོག་ནི་བགྲེས་ཡོལ་ཆ་ཚང་དུ་ཕེབས་ཏེ་བོད་མིའི་ཆབ་སྲིད་ཀྱི་འགན་དབང་ཡོངས་རྫོགས་རྩིས་སྤྲོད་ཟིན་སྟབས། རྒྱ་རི་རིན་པོ་ཆེས་མཆོག་དམིགས་བསལ་གྱི་སྐུ་ཚབ་ཐུགས་འགན་མུ་མཐུད་བཞེས་ན་ཏིང་ཞའོ་ཕིན་ལྟར་༸ གོང་ས་མཆོག་ཡོལ་བའི་བརྒྱབ་ཀྱི་བཀོད་ཇུས་པ་ཞིག་ཚུལ་ཇི་ལྟར་བྱས་ནས་ཆགས་སམ།

    ངས་བལྟས་ན་༸གོང་ས་མཆོག་གི་སྐུ་གསུང་ཐུགས་ཀྱི་མཛད་འཕྲིན་སྤྱི་དང་། སྒོས་སུ་ཆབ་སྲིད་ཀྱི་འགན་དབང་ཡོངས་སུ་རྫོགས་པ་རྩིས་སྤྲོད་གནང་བའི་ཚུལ་དེ་ནི་འཛམ་གླིང་རྒྱལ་སྤྱིའི་སྟེང་དུ་ཕྱི་གསལ་ནང་གསལ་ཞག་རེད་བསམས།

    དེ་བཞིན་ང་ཚོ་སྟེ་བཙན་བྱོལ་སྒྲིག་འཛུགས་ཀྱི་ངོས་ནས་བརྗོད་ནས་ཕྱི་གསལ་ནང་གསལ་ཡིན་པ་ལས་དེར་ལུས་གཅིག་ལ་མགོ་གཉིས་ཟེར་བའི་གནས་ལུགས་དེ་འདྲ་ཞིག་གཏན་ནས་མེད་པ་རེད།

    ཡིན་ནའང་ད་བར་བཀའ་ཟུར་རྒྱ་རི་མཆོག་གིས་སྐུ་ཚེ་ཧྲིལ་པོར་བོད་དོན་སྲི་ཞུ་དང་དམིགས་བསལ་སྐུ་ཚབ་ཀྱི་ཐུགས་འགན་ལོ་མང་རིང་བཞུས་སྟབས། ད་ཆ་ཁོང་ཡང་བགྲེས་ཡོལ་དུ་ཕེབས་ཏེ་དེའི་ཚབ་ཏུ་སྐུ་ཚབ་ཅུང་ལོ་ན་གཞོན་པ་གཞན་ཞིག་བསྐོས་ན་ལེགས་པར་མཐོང་གིན་ཡོད།

    གང་ཡིན་ཟེར་ན་ང་ཚོའི་བོད་ཀྱི་རྩ་དོན་དེ་གལ་འགངས་ཤིན་ཏུ་ནས་ཆེན་པོ་ཞིག་ཡིན་སྟབས། མི་རབས་གསར་པ་ཚོས་མུ་མཐུད་བོད་ཀྱི་གནད་དོན་དེ་ཕྲག་ཐོག་ཏུ་འཁྱེར་ཐུབ་པ་བྱེད་དགོས།

    Reply
  11. གནས་ཚང་། says:
    ལོ་ 14 སྔོན།

    སྐུ་ངོ་རྒྱ་རིའི་གསལ་བསྒྲགས་འདི་ལས་ཉེན་ཁ་གཉིས་མཐོང་གི་འདུག

    ༡ གོང་ས་མཆོག་ནས་སྲིད་འགན་རྩིས་སྤྲད་ཟིན་པས། དམིགས་བསལ་སྐུ་ཚབ་མུ་མཐུད་དུ་གནས་པ་ཡིན་ན། རྒྱ་གཞུང་གིས་བསྒྲགས་ཀྱིན་པའི་ཡོལ་བའི་རྒྱབ་ཀྱི་ཐག་གཅོད་ཅེས་པ་དོན་དངོས་སུ་གྱུར་འདུག

    ༢ གལ་སྲིད་དམིགས་བསལ་སྐུ་ཚབ་ཅིག་དགོས་ཀྱི་ཡོད་ན། བཀའ་ཁྲིས་ཐད་བསྐོས་གནང་དགོས་ཀྱི་འདུག དེ་ལས་ལྡོག་ན། ལུས་པོ་གཅིག་ལ་མགོ་བོ་གཉིས་ཀྱི་རྗེས་སུ་སོང་ཡོད་པར་མ་ཟད། མ་འོངས་པར་བོད་ཀྱི་ཆིག་སྒྲིལ་དང་སྟོབས་ཤུགས་ལ་བརྡབ་སྐྱོན་ཆེན་པོ་བྱུང་ངེས་རེད།

    Reply
  12. བཙན་བྱོལ་བ་ says:
    ལོ་ 14 སྔོན།

    སྤྱིར་བཏང་བློ་གྲོས་རྒྱལ་མཚན་གྱིས་གོང་ས་མཚོག་གི་དམིགས་བསལ་སྐུ་ཚབ་མིང་ཐོག་ནས་བོད་དོན་ཐོག་ལ་ཕྱག་ལས་ཡུན་རིང་གནང་ཡོད་པ་ནི་ངོས་རང་ནས་ངོས་འཛིན་བཞིན་ཡོད། འདི་ནི་བོད་དོན་ཐོག་ལ་ཕྱག་ལས་གནང་མཁན་ཀུན་དང་མཚུངས་པ་ཞིག་ལས་དམིགས་བསལ་བ་གང་ཡང་མིན། རྒྱལ་ཁབ་གཞན་ཁག་གི་དམིགས་བསལ་སྐུ་ཚབ་རྣམ་པས་ཀྱང་ཕྱག་ལས་དེ་ལྟར་གནང་བཞིན་ཡོད། ཆབ་བྲག་ལགས་ཀྱིས་བློ་གྲོགས་རྒྱལ་མཚན་ཁོང་ནི་༸གོང་ས་མཆོག་གི་ཕྱག་ཡ་གཅིག་རེད་ཟེར་བ་ནི་ངོ་མ་སྤྲེད་ལས་ཁྲབ་པ་རང་རེད། བསྟོད་མ་ཤེས་ན་མ་བསྟོད་པ་ཡག་གི་རེད།

    བློ་ཕམ་པ་གཅིག་ལ་ཁ་བརྡ་དྲ་རྒྱ་ནི་དེང་སང་མཆན་འདེབས་མཁན་གྱི་བསམ་འཆར་ལ་སྐྲག་ཐག་ཆོད་ནས་སྨྲ་བརྗོད་རང་དབང་ལ་བཀག་འགོག་ཀྱིས་དང་པོ་ནས་མཆན་སྒོ་རྒྱག་འདུག ཧ་ཧ་ཧ་ཧ་ སྤྱིར་བཏང་མཆན་རིགས་ལ་ཡག་སྡུག་སྣ་ཚོགས་ཡོང་གི་རེད། བརྗོད་གཞི་དང་འབྲེལ་བ་ཡོད་ན་མཆན་སྡུག་པ་ཡིན་ན་ཡང་འགོད་བཅུག་དགོས་པ་རེད། བརྗོད་གཞི་དང་འབྲེལ་མེད་ཡིན་ན་མཆན་ཇི་འདྲ་ཡག་ན་ཡང་བསུབ་དགོས་པ་ཡིན། འདི་ནི་མཆན་གྱི་འགྲོ་ལུགས་ཡིན། འགྲོ་ལུགས་ཤེས་དགོས་ན། རྒྱལ་སྤྱིའི་གསར་འགྱུར་དྲ་ཚིགས་ཁག་གི་མཆན་ལ་གཅིག་གཟིགས་དང་། ཡག་སྡུག་སྣ་ཚོགས་ཡོད། དྲ་ཚིགས་དེ་དག་ལ་གཟིགས་ན་ངོ་མ་དམངས་གཙོའི་ཚོར་བ་དེ་ཡོང་གིན་འདུག བོད་ཡིག་གི་དྲ་ཚིགས་ཁག་ལ་མཆན་འབྲི་སྐབས་དམངས་གཙོ་ཡིན་པའི་ཚོར་བ་ཤུགས་ཆེན་པོ་དེ་ཙམ་སླེབས་ཐུབ་ཀྱི་མིན་འདུག

    Reply
  13. བདེན་རྒྱལ། says:
    ལོ་ 14 སྔོན།

    རྒྱ་རི་ལགས་ནས་གཞུང་ཞབས་ཡུན་རིང་གནང་བ་ལ་ཡག་པོ་རེད། ཡིན་ནའང་གྲུབ་འབྲས་
    ག་རེ་ཐོན་ཡོད་མེད་ཕྱི་མིག་ཤིག་ལྟོས་དང། བོད་རྒྱ་འབྲེལ་མོལ་ཐོག་ངས་མཐོང་ཡ་ལ་གྲུབ་
    འབྲས་གང་ཡང་མཐོང་གི་མིན་འདུག གྲུབ་འབྲས་མེད་བཞིན་དུ་གྲུབ་འབྲས་ཐོན་འདུག་
    གསུང་ཡ་དེ་བོད་སྤྱི་པའི་འགན་འཁུར་མེད་པ་ཞིག་ལ་ངོས་འཛིན་ཞུ་གི་ཡོད། གྲུ་འབྲས་
    ཟེར་བ་དེ་གང་འདྲ་ཞིག་ལ་ངོས་འཛིན་གནང་གི་ཡོད་མེད་ཤེས་ཀྱི་མི་འདུག དམིགས་གསལ་
    སྐུ་ཚབ་རྣམ་པ་ཕེབས་ནས་རྒྱ་མིའི་དེ་སྔོན་༸གོང་ས་མཆོག་ལ་སྐུལ་འདེབས་བྱེད་མ་མྱོང་བ་བྱེད་
    པ་དང། བོད་མིས་ཐོག་དྲག་གནོན་ཚད་ལས་འགལ་བ་བྱེད་མུས་རེད། དེ་ལ་གྲུབ་འབྲས་རླབས་
    ཆེན་ཐོན་པ་ལབ་པ་དེ་བོད་སྤྱི་པའི་འགན་འཁུར་མེད་པའི་སྐད་ཆ་རེད། རྒྱ་ནག་དམར་པོས་
    གཞུང་གི་གསལ་བསྒྲགས་ནང་རྒྱ་རི་བློ་རྒྱན་ཅན་གྱི་ཡིག་ཆ་ནོར་བུ་ལྟ་བུར་དེ་ང་ཚོ་ལ་རག་པ་དེ་
    གྲུབ་འབྲས་མེད་ན་གང་ཡིན་ལབ་པ་དེ་ཁྱེད་རང་ཚོ་གི་གོ་ཚོར་མ་བྱུང་ངམ། དེ་བོད་ཀྱི་གྲུབ་
    འབྲས་རེད་དམ་རྒྱའི་གྲུབ་འབྲས་རེད། འགན་འཁར་མེད་པ་རང་རེད། ཧཧཧཧཧཧ

    Reply
  14. རྡོ་རྗེ་ཚེ་རིང་། says:
    ལོ་ 14 སྔོན།

    ཚེ་རིང་བཀྲ་ཤིས་ལགས། འཇིག་རྟེན་ཕ་རོལ་དུ་འགྲོ་དགོས་མིན་མི་ཤེས་ཀྱང་། དྲྭ་བ་འདི་ནས་རྒྱང་ལ་བུད་རྒྱུ་དེ་ཁྱེད་རང་རེད་འདུག ཡིག་སྟར་ཁ་ཤས་ནང་ཡིག་ནོར་རྐྱང་རྐྱང་གིས་བཀངས་འདུག འདི་ལྟར་ཡིག་ནོར་དང་ཁ་ངན་རྐྱང་རྐྱང་བཏང་བསྡད་ན། མི་སྒེར་ཙམ་མ་ཟད། ཐ་ན་བོད་མི་རིགས་ཀྱི་བླ་སྲོག་ཨ་ནུས་མཛད་པའི་གསལ་བྱེད་སུམ་ཅུ་དེའང་རྨང་ནས་འགྱེལ་ས་རེད།

    Reply
  15. འབྲོང་བུ་སོག་ཚ། says:
    ལོ་ 14 སྔོན།

    ཡང་དུ་ང་ཚོ་བོད་ཀྱི་གཤིས་སྤྱོད་བཟང་པོ་དེ་བག་ལ་ཞ་ནས་ནམ་རྒྱུན་ལྟར་རྐང་འཐེན་ལག་དྲུད་བྱ་རྒྱུའི་འགོ་འཛུགས་བྱེད་ཀི། ༧སྐྱབས་མགོན་ཆེན་པོའི་ཐུགས་ཀྱིས་གཏད་དེ་གང་གི་སྐུ་ཚབ་ཏུ་བསྐོ་བཞག་གནང་བའི་རྒྱ་རི་བློ་གྲོས་མཆོག་གིས་བོད་གཉེན་འཕྲང་གི་དུས་འདིར་སྲི་ཞུ་བླ་མེད་གནང་བར་རང་རེ་བོད་གངས་ཅན་པ་ཚོ་སྙིང་ནས་སྤྲོ་བ་ལྡན་དགོས་པ་ལས་འཁང་ར་དང་སྨོད་ཚིག་རིགས་བྱེད་ན་འཇིག་རྟེན་འདིའི་བཟང་སྤྱོད་དང་། ནང་པ་སངས་རྒྱས་པ་ཞིག་ཡིན་པའི་ཆ་ནས་ལས་འབྲས་ལའང་འཇོལ་ཉོག་ཏུ་འགྲོ་བ་མ་ཡིན་ནམ། མ་གཞི་ལས་སྟངས་འདི་འདྲ་ཞེ་ཅིག་བྱས་པའི་ཉེར་ལེན་ལ་བརྟེན་ནས། ཨོ་རྒྱན་གུ་རུས་ཀྱང་། བོད་ལ་དྲན་ཆེན་བྱས་ཀྱང་དྲིན་མི་འཚོར། ཞེས་གསུང་འདུག་པས་རང་རེའི་གཤིས་ཀ་ངོ་མ་དེ་དེ་ཡིན་པ་འདྲ།

    Reply
  16. སྟག་རྩེ་དཔལ་ལྡན says:
    ལོ་ 14 སྔོན།

    རེད་དང་མ་རེད་ཀྱི་བསམ་ཚུལ་ཞིག་མེད་ནའང་། གོང་བཀོད་ཨ་ལ་ལ་ཡི་བསམ་ཚུལ་དེར་འཐའ་གཅིག་དུ་བརྒྱ་སྐྱོར་ཡོད། དེ་དངོས་ཡོད་རེད།་འོན་ཀྱང་། ཁོང་གི་ལྷག་བསམ་གྱི་མཛད་རྗེས་དྲི་མ་ཅུང་ཟད་ཅིག་མེད་པར་གསལ་གསལ་དྭངས་དྭངས་ཡིན་པས་གྲོགས་པོ་ཚོས་ཚིག་ངན་པར་བེད་སྤྱོད་བྱས་ན་ཅི་འོས། །

    Reply
  17. བཀྲ་ཤིས། says:
    ལོ་ 14 སྔོན།

    ད་ཡང་བོད་གཞུང་གི་གཞུང་ཞབས་ཐེ་ཝན་ཕོག་ཟན་ནང་དཀྲུགས་འདྲ་བྱས། བླ་མ་ཚོ་ལ་ཁ་གཏད་འདྲ་བརྒྱབ། མྱི་འཇོན་ཐང་ཅན་ཚོར་འཕྲོ་བརླག་འདྲ་ཐོང་ཡ།

    Reply
  18. ཚེ་རིང་བཀྲིས། says:
    ལོ་ 14 སྔོན།

    བཙན་བྱོལ་བས་བཤད་པ་དེ་ལྡེན་པ་རེད་།
    རྒྱ་རི་ཟེར་བའི་མི་དེས་འཕན་འཚུན་བརྡ་ལན་ཏག་ཏག་ཞིག་རྩ་བ་ནས་བསྐྱལ་ཀྱི་ཐུབ་མེད།
    དཔེར་ན་ཀྲུའུ་བྱོན་གྱིས་ཏཱ་ལའི་བླ་མས་རང་བཙན་བརྩོད་ཀྱི་མེད་ན་ཡག་པོ་རེད་ཞེས་བརྗོད་པས། རྒྱ་རི་ཁོ་བས་༸གོང་ས་མཆོགས་ལ་རྒྱ་ནག་གཞུང་གི་༸གོང་ས་མཆོགས་ཀྱི་རང་བརྩན་བརྩོད་གྱི་མེད་པར་མཁས་བླངས་ཞེས་ཞུས་ཡོད། དེ་བརྗེས་༸གོང་ས་མཆོགས་ཀྱི་ཨོ་སེ་ཀྲི་རི་ནང་ལ་ངོས་ཀྱིས་རང་བརྩན་བརྩོད་ཀྱི་མེད་པ་རྒྱ་ནག་དབུས་གཞུང་གིས་ངོས་ལེན་བྱས་ཡོད་ཞེས་བསར་འགོད་གསལ་བསྒྲགས་གནང་དུས། གསང་ཉིན་དེ་རང་ལ་ཀྲུའུ་བྱོན་གྱིས་ཏཱ་ལས་མི་མང་ལ་མགོ་སྐོར་སྟོང་གྱི་འདུག་ང་ཚོས་དེ་འདྲ་རྩ་བ་ནས་བརྗོད་མེད་ཞེས་བསར་འགོད་གསར་བསྒྲགས་བྱས་ཡོད། ང་ཚོ་ཕན་ཚུན་གྱི་སྐད་ཆ་tape recode ནང་ལ་ཡོད་ཞེས་བརྗོད་དུས།
    རྒྱ་རིའི་ཁ་རྒྱ་སྒོར་གྱིས་སྐག་པ་ཡིན་ནམ་སྐྱག་པས་སྐག་པ་ཡིན་ནམ་གང་ཡིན་མི་ཤེས་ཁ་སྒྲགས་རྒྱུ་མིན་འདུག།
    ཁྱེད་ཀྱི་རྟ་ལམ་བོང་བུས་བཀག་མི་དགོས་སོང་ཅིག་འཇིག་རྟེན་ཕ་རོལ་དུ་སོང་ཞིག།

    Reply
  19. རྡོ་རྗེ་ཚེ་རིང་། says:
    ལོ་ 14 སྔོན།

    བོད་རྒྱ་འབྲེལ་མོལ་གྱི་ལམ་ཁ་དེ་རྒྱ་ནག་དབུས་གཞུང་དང་བཙན་བྱོལ་སྒྲིག་བཙུགས་གཉིས་ནས་བོད་མི་ཡོད་དོ་ཅོག་ལ་ཕྱེས་བཞག་པའི་ལམ་ཁ་རེད་མ་གཏོགས་སྐུ་ཚབ་གཉིས་པོས་རང་ལ་ཕྱེས་བཞག་པ་ཞིག་གཏན་ནས་མིན། ག་རེ་རྟ་ལམ་དང་བོང་ལམ་འཇོན་ཐང་ཡོད་ན་ཁྱེད་རང་གིས་བྱས་ཀྱང་ཆོག ཡིན་ཅིག་རྐུབ་བཀྱག་གཅིག་གི་སྟེང་བསྡད་ནས་ཞི་མོལ་བྱེད་དགོས་པ་དེ་འདྲ་གང་ཡང་མ་རེད། ཐ་ན་དྲྭ་ཐོག་ནས་བསམ་ཚུལ་བརྗེ་རེས་ཚུད་པའི་ཞི་མོལ་གྱི་ལམ་ཁ་ཡོད་ཡོད་པ་རེད་ལོ། སྡུག་སྐད་མ་རྒྱག དམྱལ་བར་ལྷུང་ཡོང་།

    Reply
  20. Dawai Shonu says:
    ལོ་ 14 སྔོན།

    རྒྱ་རི་ལགས་ཀྱི་ལོ་མང་བོད་གཞུང་གི་ལས་བྱེད་གནང་བ་ཡག་པོ་རེད། ཐུགས་རྗེ་ཆེ། འོན་ཀྱང་ཡུད་ཤོད་དགོས་མིན་འདུག ཞབས་ཕྱི་ང་ཚོ་ཚང་མས་ཞུ་གི་ཡོད་རེད། ང་ཚོ་ཚང་མས་ངས་འདི་དང་འདི་བྱས་ཡོད་ཅེས་འུད་ཤོབ་ཤོདདགོས་པ་རེད་པས། ཞབས་ཕྱི་ཟེར་བ་ཚིག་སྙན་པོ་རེད་མ་གཏོགས་སོ་སོའི་ལྟོ་གོས་དོན་དག་མ་རེད་པས། གཞུང་གི་ཞབས་ཕྱིའི་མཚན་གནས་འོག་ནས་རང་གི་སྒེར་དོན་ལ་ཧ་ཅང་གི་ཕན་གྱི་མེད་རེད་པས། རང་དོན་དོར་ཏེ་བོད་སྥྱི་པའི་དོན་ལ་ལས་ཀ་བྱེད་ཀྱི་ཡོད་ན་དངོས་ནས་ཧང་སངས་དགོས་པ་རེད། དེ་མིན་སུས་ཀྱང་ཡུད་ཤོད་ས་མེད། ཧ་ལས་ཀྱི་མིན་འདུག

    Reply
  21. ཨ་ལ་ལ says:
    ལོ་ 14 སྔོན།

    རྒྱ་རི་རིན་པོ་ཆེ་ནས་དྲང་བདེན་དང་ལྷག་བསམ་གྱི་༸གོང་ས་མཆོག་དང་བོད་མི་དམངས་ལ་ཞབས་ཞུ་ཞུས་གནང་བ་ལ་རྗེས་སུ་ཡི་རང་དང་ཐུགས་རྗེ་ཆེ་ཞུ་རྒྱུ་ཡིན། ད་ལོ་ན་དང་དུས་ཚོད་འཇོན་ཐང་གང་གི་ཐད་ནས་བལྟས་ཀྱང་ངལ་གསོ་དང་ལས་མཚམས་འཇོག་རན་རེད་འདུག སྐད་ཡིག་སོགས་ལ་མཁས་པོ་ཡོད་ཚོད་འདུག འོན་ཀྱང་དེ་གཅིག་པོས་འགྲིག་ཐབས་མེད། གཙོ་བོ་རྣམ་དཔྱོད་དགོས་ཀྱི་འདུག རིན་པོ་ཆེ་ནས་དཔེར་ན་བཀའ་མོལ་མང་པོ་ཞིག་གསུང་གནང་གི་འདུག་ཀྱང་གསལ་པོ་མི་འདུག་ལ་གཅིག་ཏུ་བསྒྲིལ་ཀྱང་ཐུབ་ཀྱི་མི་འདུག མདོར་ན་ཉ་ཉོག་མང་ལ་གསལ་པོ་མེད་མཁན་ཞིག་འདུག དེའི་རྐྱེན་གྱིས་བོད་རྒྱ་ཞི་མོལ་སྐབས་ཕན་ཚུན་གསལ་པོ་མ་ཆགས་པ་དང་གསལ་པོ་བཟོ་མ་ཐུབ་པ་མང་པོ་ཡོད་ངེས་པ་རེད། དཔེར་ན། གོང་གི་གསུང་འཕྲིན་དེའི་ནང་དུའང་ཡིག་མགོ་ནས་བཤད་སྐབས་དགའ་ལྡན་ཕོ་བྲང་གི་སྲིད་དབང་མཇུག་བསྡུས་པས་མཚན་གནས་མུ་འཐུད་བཞེས་ཀྱི་མིན་ཚོད་དང་། དེ་ག་གསུང་དང་གསུང་བཞིན་དུའང་བོད་མི་རིགས་དང་བཀའ་ཁྲི་མཆོག་ལ་ཞབས་འདེགས་ཆེད་བཞེས་རྒྱུ་ཡིན་པ་སོགས་ཁ་མི་གསལ་ཅིང་གོ་རིམ་མི་ལྡན་པ་མང་པོ་ཞིག་ཡོང་གིན་འདུག་པས། ད་ནི་མཚམས་བཞག་ན་འོས་འཚམས་ཡིན་པར་མཐོང་།

    Reply
  22. ནད་པ says:
    ལོ་ 14 སྔོན།

    ༸ གོང་ས་ཡིད་བཞིན་ནོར་བུ་མཆོག་ནི་བོད་མི་རིགས་ཀྱི་ཚེ་རབས་འདི་ཕྱི་གཉིས་ཀྱི་སྐྱབས་གནས་བསླུ་བ་མེད་པའི་བོད་གངས་ཅན་ལྗོངས་ཀྱི་འཕགས་མཆོག་ཕྱག་ན་པདྨོ་སྐུ་དངོས་བསམ་བཞིན་དུ་སྲིད་པའི་ཚུལ་པ་དེ་ཉིད་ཡིན།

    བོད་ཀྱི་བླ་ན་མེད་པའི་སྐྱབས་མགོན་༸རྒྱལ་བ་རིན་པོ་ཆེའི་ཐུགས་རྗེའི་བཀའ་དྲིན་གྱི་གྲིབ་བསིལ་འོག་སྐུ་ཚེ་ཧྲིལ་པོར་རྒྱལ་བའི་བཀའ་དགོངས་ལྟར་བོད་རྒྱལ་ཁབ་དང་། བོད་མི་རིགས། བོད་པའི་སྤྱི་ཚོགས་ནང་ལྷག་པའི་བསམ་པ་བཟང་པོས་སོ་སོའི་ཤེས་འཇོན་ལ་དཔག་པའི་སྒོ་ནས་སྲི་ཞུ་མཁན་སྤྱི་དང་སྒོས་སུ་འདིར་བཀའ་ཟུར་རྒྱ་རི་བློ་གྲོས་མཆོག་གིས་ཀྱང་ད་བར་༸ གོང་ས་མཆོག་གི་ཞབས་འོག་དང་ལེན་བཞུས་ཏེ་ཕྱག་ལས་ཡུན་རིང་གནང་བ་དེར་ང་ཚོ་བོད་མི་རིགས་གཅིག་གི་ངོས་ནས་བཤད་ན་དགའ་འོས་པ་ཞིག་ཡིན།

    ཁོང་དང་ཁོང་འདྲ་བའི་སྲི་ཞུའི་མི་སྣ་ཡོངས་རྫོགས་ང་ཚོ་སྟེ་བོད་རྒྱལ་ཁབ་དང་། བོད་མི་རིགས་འདིའི་གཟི་བརྗིད་གཅིག་ཆགས་ཡོད། མི་ཞིག་དཀའ་སྡུག་གིས་མནར་ཏེ་བཀྲས་ལྟོག་བྱུང་བའི་སྐབས་སུ་སྐོམ་པའི་དུས་ཆུ་ཐིགས་ཁ་ཤས་ཤིག་དང་། ལྟོག་པའི་དུས་སུ་ཁ་ཟས་ཏོག་ཙམ་བྱིན་མཁན་ཞིག་བྱུང་ཚེ་དེ་ནི་ངོ་མ་བཀའ་དྲིན་ཆེན་པོ་ཡིན་པའི་འཚོར་སྣང་འབྱུང་ངེས་རེད།

    ༸ གོང་ས་མཆོག་དང་། བོད་རྒྱལ་ཁབ། བོད་མི་རིགས་འདི་ཆེས་ཡ་ངའི་བའི་གནས་ཐབས་སྡུག་འདི་འདྲའི་སྐབས་སུ་གཞུང་དང་མི་དམངས་ཀྱི་ཆེད་སྲི་ཞུ་ཉིན་གཅིག་ལས་ཀྱང་ཞུ་མ་ཐུབ་པའི་མི་གཅིག་ཡིན་ཀྱང་ང་ཚོའི་ངོས་ནས་བརྗོད་ན་དེ་ཡང་བོད་མི་་རིགས་ཀྱི་ངོས་ནས་བཤད་ན་སྤོབས་པ་བྱེད་འོས་པ་ཞིག་ཡིན།

    བཀའ་དྲིན་བསམ་ཤེས་མེད་པར་དྲིན་ལན་ལོག་འཇལ་བྱས་པ་དང་། ཇ་ལན་ཆུ་འཇལ་བྱེད་མཁན་སུ་ཞིག་ཡིན་ཀྱང་ལས་རྒྱུ་འབྲས་དང་། འཇིག་རྟེན་མི་ཆོས་ལ་གཏན་ནས་འགྲོ་སྲིད་ཀྱི་མ་རེད།
    བོད་རྒྱལ་ལོ།

    Reply
  23. བཙན་པོའི་བུ། says:
    ལོ་ 14 སྔོན།

    ད་ག་ང་ཚོས་གཞན་ལ་སྐྱོན་བརྗོད་ཁོ་ན་བྱེད་མཁན་སྡད་པ་ལས་རང་ཉིད་ཀྱིས་འཇོན་པའི་ལས་རེ་བྱས་ན་མི་བཟང་ངམ། རྒྱ་རི་རིན་པོ་ཆེའི་ངོས་ནས་བརྗོད་ན་། ཁོང་གིས་མི་ལོ་བཅུ་ཕྲག་གཉིས་ཙམ་༧རྒྱལ་བའི་དབུ་འོག་ཞབས་འདེགས་ཞུས་ཏེ་སྤྱི་དོན་བསྒྲུབས་གནང་ཡོད་པ་རེད། གྲུབ་འབྲས་དོན་མིན་ལོག་ཀ་རེད། ལྷག་པར་དུ་ཁོང་དང་ཁོང་གི་ཁྱིམ་རྒྱུད་འདི་རང་རེའི་སྤྱི་ཚོགས་ནང་རང་ནུས་ཅི་ལྕོགས་ཀྱིས་ཞབས་ཞུ་བསྒྲུབས་སྒྲུབ་མུས་རེད། ཁོང་ཚོར་ཆོལ་ཁ་དང་ཆོས་ལུགས་ཀྱི་འཐེན་འཁྱེར་གང་ཡང་མེད་པ་རེད། ང་ཚོས་ཚད་ལྡན་གྱི་རང་རེའི་སྲིད་ཞུ་བ་ཚོར་དོན་མེད་སྙོན་འཛུགས་བྱེད་པ་ནི་མི་ཆོས་དང་འགལ་བ་རེད་ལ་རྒྱུ་འབྲས་ལའང་འགྲོ་གི་མ་རེད། དེ་ཙམ་དུ་མ་ཟད་གཞུང་ཞབས་ལྷག་བསམ་ཅན་ཚོའང་སེམས་ཤུགས་ཆག་ངེས་ཡིན། དེར་བརྟེན་སྨྱུག་མིང་འོག་གབ་ཏེ་དོན་མེད་སྙོན་འཛུགས་བྱེད་པ་ནི་སྡར་མའི་རྟགས་རེད།

    Reply
  24. འབྲུག་གྲགས་རྒྱལ་པོ། says:
    ལོ་ 14 སྔོན།

    ཨོ་བཟང་ལགས་ཀྱིས་གསུངས་པར་བརྒྱ་ཆ་བརྒྱ་རྒྱབ་སྐྱོར་ཡོད། རང་ཉིད་ཀྱི་འཇོན་ཐང་དང་བློས་ཐོང་ཇི་ཙམ་ཡོད་པ་དེ་སྤྱི་ཚོགས་ཐོག་སྟོན་ན་ཁྱེད་ལ་ད་གཟོད་མང་ཚོགས་ཀྱིས་བརྩི་བཀུར་དང་ཆ་འཇོག་ཐོབ་པ་ལས། རང་ཉིད་ནས་ཕུ་དཀྲུག་མདའ་དཀྲུག་མ་གཏོགས་གང་ཡང་མི་བྱེད་བཞིན་དུ་སྤྱི་དོན་ཐོག་དཀའ་ལས་རྒྱག་མཁན་ལ་མ་འགྲིགས་མ་འཐུས་ཁོ་ན་བརྗོད་པའི་རྒྱུ་མཚན་ཅི་ཡིན། བསམ་བློ་ནང་དུ་བསྐོར་ནས་རང་ཉིད་ལ་ཞིབ་བཤེར་ཐིལ་ཕྱིན་པ་ཞིག་བྱས་ན་གཞི་ནས་རང་གིས་ག་རེ་བྱེད་ཀྱི་ཡོད་པ་དེ་ཤེས་ངེས་ལགས་ན་དེ་དོན་བོད་མི་ཞིག་ཡིན་ན་ནི་བསམ་བློ་ཡག་པོ་གཏོང་རོགས། ངའི་རེ་བ་ཡིན།

    Reply
  25. འབྲུག་གྲགས་རྒྱལ་པོ། says:
    ལོ་ 14 སྔོན།

    ངན་པའི་སྐྱེ་བོ་ཚོགས་གྱུར་ན། །འདྲི་མི་དགོས་གཏམ་ངན་ཐུ་ལུ་ལུ། ཟེར་བ་ལྟར་རང་རེའི་སྤྱི་ཚོགས་ནང་མི་འགའ་ཞིག་རང་ངོས་ནས་ཁྲོམ་སྐོར་ཙམ་དུའང་ཐོན་དཀའ་ན་ཡང་། རང་ཉིད་བློས་བཏང་གིས་བོད་སྤྱི་པའི་ལས་ཀར་མི་ཚེ་ཧྲིལ་པོ་གཏོང་བཞིན་པའི་རླབས་ཆེན་གྱི་མི་སྣར་ཐུགས་རྗེ་ལེགས་གསོལ་ཞུ་རྒྱུའི་ཚབ་ལ་གཟུགས་མེད་གྲིབ་བཟོས་ཀྱིས་སྐྱོན་བརྗོད་ཁོ་ན་མ་གཏོགས་བྱེད་རྒྱུ་མེད་པ་འདི་རིགས་ལ་སྒེར་གྱི་འཁོན་འཛིན་ནམ་དགྲ་ཕྱོགས་ཀྱི་ལས་འགན་ཡོད་པ་གོར་མ་ཆག་པས་རྒྱ་ཆེའི་བོད་རིགས་རྣམ་པས་ལུང་སྟོང་དུ་སྤྱང་ཀི་ངུ་བར་རྟོགས་ལྡན་ལ་རྣམ་རྟོག་མེད་ཟེར་བ་ལྟར་སྣང་མེད་དང་དོགས་ཟོན་གནང་རོགས།

    Reply
  26. ཨོ་བཟང says:
    ལོ་ 14 སྔོན།

    རྒྱ་རི་བླ་གྲོས་རྒྱལ་མཚན་ཁྱོད་ཀྱིས་བོད་བསྟན་སྲིད་གཉིས་ཀྱིར་ཆེད་དུ་ལོ་ངོ་དུ་མའི་རིང་ལ་དཀལ་ལས་བསྐྱང་བ་དེ་ལ་ཐུགས་རྗེ་ཆེ་ཞི་བ་ཡིན། ལྷགས་པར་དུ་བོད་རྒྱ་གྲོས་མོལ་སྐོར་ལ་གྲུབ་འབྲས་རླབས་ཆེན་ཐོན་པ་དེ་བཀའ་ཟུར་ཟམ་གདོང་རིན་པོ་ཆེ་མཆོག་གིས་གྲོས་ཚོགས་ནང་གསུང་བཤད་གནང་ཡོད་པ་དེ་ལས་ལྷག་ཅིག་ང་བཤད་རྒྱུ་མེད། སོ་སོའི་ལས་ཀ་དང་འཇོན་ཐང་གི་སྔོན་རྗེས་ལ་བལྟ་མ་ཐུབ་པའི་མི་འཁྱབས་ཞིག་གིས་གཞན་ལ་སྐྱོན་བརྗོད་བྱེད་ཡ་དེ་ལེགས་པོ་ཞིག་མི་འདུག། ཁྱོད་ལ་འཇོན་ཐང་ཡོད་ན་རྒྱལ་སྤྱིའི་ལྡིངས་ཆ་སྒང་ལ་སླེབས་ཤོག་དང་སྐབས་དེ་དུས་ངས་ཁྱོད་ལ་བསྔགས་བརྗོད་བྱེད་ཡང་།།

    Reply
  27. བཙན་པོའི་ཕོ་ཉ། says:
    ལོ་ 14 སྔོན།

    སྐུ་ངོ་མཆོག་གིས་མུ་མཐུད་དེ་རང་ཉིད་ཀྱི་འབྱོན་དང་ཉམ་མྱོང་བླ་མེད་དེ་བོད་མི་རིགས་ཀྱི་ཆེད་འབུལ་རོགས་གནང་།

    Reply
  28. བཙན་པོའི་ཕོ་ཉ། says:
    ལོ་ 14 སྔོན།

    ངོ་མ་བསམ་མེད་འདི་ཚོས་གང་བཤད་འདི་བཤད་ཅིག་མི་འདུག
    ཁོང་གིས་བོད་མི་རིགས་དང་༧གོང་ས་༧སྐྱབས་མགོན་ཆེན་པོ་མཆོག་ལ་ཞབས་ཕྱི་ཞུས་ནས་མི་ཚེའི་གསུམ་ཆ་གཉིས་ལྷག་འདས་ཟིན་པ་འདི་བོད་མི་རིགས་ལོ་རྒྱུས་ཀྱི་ཟིན་ཐོའི་ནང་སྲུབ་ཏུ་མེད་པ་ཞིག་ཏུ་གྱུར་ཡོད་པ་དྲང་བདེན་དགའ་བ་ཚོོས་མཁྱེན་གསལ་ཡིན་པ་སྨོས་མི་དགོས་པ་ཞིག་རེད།
    ལས་རྒྱུ་འབྲས་དང་མི་མཚུངས་པའི་བསམ་མེད་སྐད་ཆ་གང་བྱུང་མ་འཐོར་ན་ལེགས་སྙམ།

    Reply
  29. ཨུ་ཚུགས་ཅན། says:
    ལོ་ 14 སྔོན།

    ད་ཚང་མ་སྨྱོས་ཚར་འདུག སྐྱོན་མ་གཏོགས་བཟང་མི་མཐོང་ནོ་འདི་ཅི་རེད།

    Reply
  30. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    དམིགས་བསལ་སྐུ་ཚབ་མཆོག་གིས་ཡོངས་ཁྱབ་བརྡ་ཁྱབ་གནང་དོན་གསལ་རྟོགས་བྱུང། བཀའ་ཁྲི་མཆོག་དང་བཀའ་བསྡུར་ཐེངས་མང་གནང་བ་དང། མུ་མཐུད་སྐུ་ཚབ་ཀྱི་ཕྱག་ལས་གནང་རྒྱུར་ནུས་པ་འདོན་རྒྱུའི་ཆོད་སེམས་བཅས་ལ་ཧ་ཅང་དགའ་བོ་བྱུང། སྐུ་ཉིད་དང་བཀའ་ཁྲི་ཟུར་བ་ཟམ་གདོང་རིན་པོ་ཆེ་རྣམ་པ་གཉིས་ནི་ཡིད་བཞིན་ནོར་བུའི་ཕྱག་ཟུང་གཞན་ཞིག་ཡིན་པར་ངོས་འཛིན་འོས། ངོ་མ་བཀའ་དྲིན་ཆེ། མཛད་འཕྲིན་སྔར་ལྷག་རྒྱས་པའི་སྨོན་འདུན་ཞུའོ།

    Reply
  31. བདེན་རྒྱལ། says:
    ལོ་ 14 སྔོན།

    རེད་རེད་རྒྱ་རི་ཁྱེད་རང་དགོངས་པ་ཡིན་ཡིན་པ་རེད། རྟ་ལམ་བོང་བུ་གི་མ་བཀག་ན་ཡག་པོ་རེད། བོད་སྤྱི་པའི་དོན་དག་མ་འགྲུབས་ན་ཁྱེད་རང་སྒེར་གྱི་དོན་དག་གང་ཙམ་ཤིག་བསྒྲུབས་ཚར་ཡོད་ཤག་རེད། གོ་ཐོས་ལ་ཁྱེད་རང་གི་བོད་ནང་ལ་ཁང་པ་ཆེན་པོ་རྒྱབ་ཀྱི་ཡོད་པ་གོ་སོང། བོང་ནང་གི་བོད་མི་ཚོས་དམིགས་ཡུལ་ག་རེ་ཡིན་པ་ཤེས་ཚོད་ཡིན། རྒྱ་ནག་དམར་པོའི་གཞུང་གི་འོག་ལ་དུས་ནམ་ཡང་སྡོད་འདོད་མེད་། སྡོད་འདོད་ཡོད་ན་ཁྱེད་རང་ཚོ་སྡོད། འདོད་འདོད་ཡོད་མཁན་རྣམ་པ་ཕེབས་རོག་གནང་། ཡིན་ན་བོད་ཀྱི་ལོས་རྒྱུས་ལ་ནག་ཐིག་མ་བཟོ་རོག ༸གོང་ས་མཆོག་གི་བཀའ་སློབ་ནང་མཐའ་མའི་ཐག་གཅོད་དེ་བོད་མི་མང་ལ་ཡོད་གསུང་པ་དེ་རེད། ཁྱེད་རང་རྣམ་པ་ཁ་ཤས་ལ་བོད་དེ་རྒྱ་མའི་འོག་རྩིས་སྤྲོད་ཡ་གི་ཐོབ་ཐང་ཡོད་མ་རེད།

    Reply
  32. བཙན་བྱོལ་བ་ says:
    ལོ་ 14 སྔོན།

    དམིགས་བསལ་སྐུ་ཚབ་མཆོག་གི་བརྡ་ཁྱབ་འདི་གཏང་དགོས་དམིགས་ནི། ཁྱེད་ཀྱིས་ལོ་ཡུན་གང་མཚམས་རིང་བོད་གཞུང་ལ་ཕྱག་ལས་གནང་བའི་འུད་ཤོབ་དང་ཁྱབ་བསྒྲགས་བྱེད་པའི་ཆེད་དུ་ཡིན་པ་ཞིག་ཏུ་ཚོར་བྱུང་། གཅིག་བྱས་ན་ངོས་རང་ཉིད་བློ་ཉོན་མོངས་པའི་དབང་དུ་སོང་ནས་སྣང་ཚུལ་དེ་བྱུང་བ་ཡིན་སྲིད། གང་ལྟར་ཡང་། ཁྱེད་ཀྱི་བརྡ་ཁྱབ་འདིའི་ནང་དུ་དམིགས་བསལ་གྱི་གནས་ཚུལ་གསར་པ་གང་ཡང་མིན་འདུག ངོས་རང་གིས་བསམས་ན། སྐུ་ཉིད་དགོངས་པ་ཞུ་སྔ་མ་དྲག་ན་ཡང་ཕྱིས་དྲག་མིན་འདུག རང་ཉིད་ཀྱིས་ལས་འགན་དེ་ཕྲག་ཏུ་འཁྱེར་ནས་ད་བར་གྲུབ་འབྲས་སྣེ་གཅིག་ཀྱང་ཐོན་མེད་པ་ཤེས་བཞིན་དུ་ད་དུང་རྐུབ་སྟེགས་མུ་མཐུད་འཛིན་ནས་ཅི་བྱེད། དེ་བས་གཞན་ལ་རྩིས་སྤྲོད་བྱེད་ན་ཡག་རྒྱུ་རེད། འདི་ནི་གང་ཟག་སྒེར་གྱི་གནད་དོན་དང་འབྲེལ་བ་གཏན་ནས་མིན། བོད་ཀྱི་རྩ་དོན་དང་བོད་མི་རིགས་ཀྱི་བདེ་སྡུག་ལ་བསམས་ནས་བྲིས་པ་ཡིན།

    Reply
  33. ཅོ་རི་ཉི་མ། says:
    ལོ་ 14 སྔོན།

    ༧གོང་མཆོག་གིས་སྲིད་ཀྱི་འགན་དབང་མ་བཞེས་ན་བཙན་བྱོལ་བོད་གཞུང་གི་ཞབས་ཞུ་ཞུ་རྒྱུའི་སྤོབས་པ་དང་འདོད་པ་མེད་ཞེས་་་རླུང་འཕྲིན་ཁག་ནས་བོད་ཕྱི་ནང་གཉིས་ཀྱིས་གོ་ཐུབ་པ་བཟོས་སོང་།

    ད་ཡང་་་བཙན་བྱོལ་བོད་གཞུང་གི་ལས་བྱེད་ཚོ་ལ་ཞབས་ཞུ་དང་ལམ་སྟོན་བྱེད་ཀྱི་ཡིན་ཟེར་ན་ག་རེ་ལབ་ཀྱི་རེད་དམ།
    རྒྱ་རི་ལགས་་་་ཁྱོད་ཀྱིས་སྐད་ཆ་སྔར་ཕྱི་འགལ་བ་འདི་འདྲ་ག་རེད་དམ། བོད་མི་སུས་ཡིད་ཆེས་བྱེད་རེད་དམ།
    མ་ཟད་དེང་རབས་གསར་པའི་འབུམ་རབ་པ་སྲིད་འཛིན་བློ་བཟང་སེང་གེ་མཆོག་ལ་ལམ་སྟོན་བྱེད་ཀྱི་ཡིན་མདོག་མདོག་འདི་ནི་དགོད་མོ་ཤོར་ཡ་ཞིག་རེད། ཧཧཧཧ
    དེ་ལས་བོད་རྒྱལ་ཁབ་ཀྱི་ལོ་རྒྱུས་འདིར་ནག་ཐུག་མེད་པར་བཞག་རོགས་བྱོས། ང་ཚོ་བོད་མི་ཉམ་ཆུང་ཚོ་རྒྱ་དམར་ཕྱོགས་པའི་རྩ་ཁྲིམས་འོག་ཏུ་སྡོད་འདོད་མེད།
    རྒྱ་ནག་དམར་ཕྱོགས་པའི་མཉམ་དུ་རང་སྲིད་རང་སྐྱོང་ཡང་བོད་མི་དམངས་སུ་དགོས་མཁོ་མེད།
    སྤྱིའི་ཆ་ནས་བོད་མི་རིགས་ཀྱི་བདེ་སྡུག་གི་ཐོག་ཏུ་ཐག་གཅོད་བྱེད་པའི་དབང་ཆ་ཁྱོད་ལ་མེད་པ་རེད། བོད་རྒྱ་ཆེན་མི་དམངས་ཀྱིས་ཀྱང་ཁས་ལེན་གྱི་མེད།

    Reply
  34. དམག་ལོག་ says:
    ལོ་ 14 སྔོན།

    མི་ལོ་ཉི་ཤུ་རྩ་གཉིས་མ་ཟིན་ཙམ་གྱི་རིང་ལ་དམིགས་བསལ་སྐུ་གནང་། རྒྱ་ན་གི་འགོ་སྐོར་འོག་ལ་ཐེངས་དགུ་ལ་ཕེབས་ནས་དོན་འགྲུས་སྤུ་ཉག་ཙམ་ཡང་མ་བྱུང་། ད་ནས་ཁྱེད་ཀྱི་བཞུགས་ཁྲི་དེ་མི་ནུས་པ་ཅན་ཞིག་ལ་སྐོར་ན་ཡག་ཤོས་མ་ཡིན་ནམ་སྐུ་ངོ་ལགས།

    Reply
  35. བཀྲ་ཤིས། says:
    ལོ་ 14 སྔོན།

    དམིགས་བསལ་སྐུ་ཚབ་ཁྱེད་རང་ལ་ཞུ་རྒྱུ་ཁ་ཤས་ཡོད།
    གཅིག་ཆོས་ལུགས་ནང་དཀྲུགས་རྒྱག་གི་མ་འདུག རྙིང་མ་པ་ལ་སྤྲུལ་སྐུ་རྫུན་མང་པོ་བཟོས་ཏེ་སེམས་ཅན་མགོ་སྐོར་གཏོང་གི་མ་འདུག
    རྙིང་མའི་དགོན་པ་ཚོར་ཁ་པར་གཏོང་ནས་རང་དོན་སྒྲུབ་རྒྱུ་མཚམས་འཇོག་བྱས་ན་ཡག་གི་རེད།
    གཉིས། ཁམས་པ་ནང་དཀྲུགས་རྒྱག་གི་མ་འདུག ཆུ་སྒང་གསར་བ་བཙུགས་ཏེ་བཙན་བྱོལ་ནང་ཟིང་སློང་གི་མ་འདུག ༸རྒྱལ་བ་ལ་དད་པ་ཡོད་ན་ཁམས་རིགས་ནང་མཐུན་ཡོང་ཐབས་ཀྱིས་དང་། ཁམས་པ་མཐུན་ན་བོད་མཐུན། བོད་མཐུན་ན་དོན་འགྲུབ་ནི་རེད།

    Reply
  36. ཚེ་རིང་བཀྲིས། says:
    ལོ་ 14 སྔོན།

    ཡ་རེད་རེད་ད་དགོང་པ་ཞུ་ཡག་དེ་ཕྱི་མ་གྲགས་ན་སྔ་བརྩ་བ་ནས་།
    ད་ཁྱེད་སོངས་ཞིག་སྙུང་སྐྱེ་ཡུལ་ལ་མེད་ན་ས་ཆོག་བཙང་བ་དེ་ཁེ་རེད།
    ད་ཁྱེད་་་་་་་་་་་་་་་་་་་་་་་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese