དེ་རིང་རྒྱ་གར་ལྷོ་ཕྱོགས་སྦེལ་ཀོབ་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་སྐབས་གསུམ་པའི་རྒྱུན་ལས་གསར་འདེམས་གནང་འདུག
དེ་རིང་སྔ་དྲོའི་ཆུ་ཚོད་ ༩ སྟེང་རྒྱ་གར་ལྷོ་ཕྱོགས་སྦེལ་ཀོབ་ཏུ་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་སྐབས་གསུམ་པའི་རྒྱུན་ལས་ཀྱི་འགན་འཛིན་ལྷན་ཚོགས་ཐེངས་བཞི་བ་སྐོང་ཚོགས་གནང་སྟེ། སྐབས་གསུམ་པའི་རྒྱུན་ལས་གསར་འདེམས་དང་རྩིས་སྤྲོད་རྩིས་ལེན་གནང་ཡོད་འདུག གསར་དུ་བདམས་ཐོན་བྱུང་བའི་སྐབས་བཞི་བའི་རྒྱུན་ལས་དག་ནི། ཚོགས་གཙོ་ཚེ་དབང་། ཚོགས་གཞོན་དགེ་བཤེས་རྣམ་རྒྱལ། དྲུང་ཆེ་ལམ་བཟང་། དངུལ་གཉེར་འཕྲིན་ལས་རྡོ་རྗེ། རྩིས་པ་ཡེ་ཤེས་དགྲ་འདུལ་བཅས་ཡིན་འདུག
ཚོགས་གཙོ་ཟུར་བ་བློ་བཟང་དཔལ་ལྡན་ལགས་སུ་བཅར་འདྲི་ཞུས་པར་ཁོང་གིས། “ དེ་རིང་སྦེལ་ཀོབ་གངས་ལྗོངས་རང་ལྡན་རྩོད་ལེན་མཐུན་ཚོགས་ཀྱི་སྐབས་གཉིས་པའི་རྒྱུན་ལས་དུས་ཚོད་རྫོགས་ཡོད་སྟབས། འགན་འཛིན་ལྷན་ཚོགས་ཚོགས་ཏེ་སྐབས་གསུམ་པའི་རྒྱུན་ལས་གསར་འདེམས་གནང་བ་རེད། འདས་པའི་ལོ་གསུམ་རིང་ཚོགས་པ་འདིས་ལྷོ་ཕྱོགས་གདན་ས་ཁག་གི་དགེ་འདུན་པ་ཚོར་སྣེ་ཁྲིད་དེ་བོད་པའི་རྩ་དོན་ཐོག་ལས་འགུལ་སྤེལ་བ་ལས་གཞན། རིག་གནས་བགྲོ་གླེང་དང་། མཁས་པ་གདན་ཞུའི་འཆད་འཁྲིད། དེ་བཞིན། དབྱིན་ཡིག་གི་འཛིན་གྲྭ་བསྒྲུབ་པ་སོགས་ཆབ་སྲིད་དང་རིག་གཞུང་ཐོག་ལས་ཀ་བྱས་པ་ཡིན ” ཞེས་ངོ་སྤྲོད་གནང་སོང་།
ཁོང་གིས་ཚོགས་པའི་ཚོགས་མི་དང་ཆབ་སྲིད་ལྟ་གྲུབ་སྐོར་བརྗོད་པ་ལྟར་ན། སྦེལ་ཀོབ་དང་མོན་གྷོ་གཉིས་ཀར་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་ས་གནས་ལྟ་བུ་ཡོད་པ་དང་། ད་ཆར་ཚོགས་མིའི་ཁོངས་སུ་གདན་ས་གསུམ་གཙོས་པའི་ལྷོ་ཕྱོགས་དགོན་སྡེ་ཁག་གི་དགེ་འདུན་པ་ ༤༠༠ མ་ཟིན་ཙམ་ཡོད་འདུག་ལ། ཚོགས་པའི་ལངས་ཕྱོགས་ཐད་རང་བཙན་དང་དབུ་མ་ཞེས་ཆིག་གཅོད་མེད་པར་ལས་དོན་གཙོ་བོ་ཆབ་སྲིད་ལས་འགུལ་དང་རིག་གཞུང་ཁྱབ་སྤེལ་ཐོག་འགན་འཁུར་གྱི་ཡོད་འདུག
ཚོགས་པའི་དམ་བཅའ{ ཆོལ་གསུམ་གྱི་ས་གནས་ཡོངས་རྫོགས་ལ་མི་རིགས་གཞན་པའི་ཐེ་གཏོགས་མེད་པར། འགན་སྲུང་བྱེད་པའི་དབང་ཚད་ཆ་ཚང་ལྡན་པའི་གོང་བུ་གཅིག་གྱུར་ལྡན་པའི་བོད་ཡུལ་ཞིག་རྩོད་ལེན་བྱ་རྒྱུ }ཞེས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
ད་རྒྱུར་པ་ཕྱིན་ཡོད་རེད་མ་གཏོག་སྔོན་མ་ཡིན་མི་དེ་དག་སྐད་འབོད་ལ་ཁ་གཡར་ཏེ་་མཡེ་སོར་རུམ་ནང་སྡོད་སྡོད་མཁན་ཡིན་པ་
ད་རྒྱུར་པ་ཕྱིན་ཡོད་རེད་མ་གཏོག་སྔོན་མ་ཡིན་མི་དེ་དག་སྐད་འབོད་ལ་ཁ་གཡར་ཏེ་་མཡེ་སོར་རུམ་ནང་སྡོད་སྡོད་མཁན་ཡིན་པ་
གྲ་པ་ཚོ་འདུག་མི་ཐུབ་པར་ཞབས་འདྲེན་བྱེད་ས་ཡོང་གི་འདུག འདི་ལྟར་བྱས་ན་སངས་རྒྱས་ཀྱི་བསྟན་མེད་པ་བཟོ་མཁན་དེ་གྲ་པ་དེ་ཚོ་ཆགས་ས་རེད། ཕྱིན་ཆད་གཟབ་གཟབ་ཀྱིས་འདི་ལྟ་མ་བྱས་ན་ཡག་ས་རེད།
སངས་རྒྱས་ཀྱིས་ང་མིན་ང་འདྲ་གཅིག་གིས་བཤིག་གསུང་་་དེ་ག་རེད་ཞག་་
གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་སྐབས་གསུམ་པའི་རྒྱུན་ལས་གསར་འདེམས་གནང་ཡོད་པ་ཐོས་པའི་དགའ་སྤྲོ་སྐྱེས་སོང་།
གང་ཡིན་ཟེར་ན་ང་ཚོ་བོད་མི་སྤྱི་བོར་གནམ་ལྟན་ཞིག་ཡིན་ཕྱིན་ཉེ་རིང་ཆགས་ལྡེང་དང་བྲལ་བའི་གང་ཟག་ཁྱད་འཕགས་ཞིག་གམ། ཡང་ན་ཕྱི་མགོ་ནང་ཚོང་བྱས་ནས་མགོ་འཇུག་མེད་མཁན་ཞིག་ཡིན་ན་མ་གཏོགས་བོད་མི་ཡོངས་ནས་བོད་ཀྱི་རྩ་དོན་དེ་མགོ་ནས་༧སྐྱབས་མགོན་རིན་པོ་ནས་བཟུང་བོད་མི་ཡོད་དོ་ཅོག་གི་ཁུར་དུ་ལེན་གྱིན་ཡོད་པས་ཡིན།
བོད་རྒྱལ་ལོ། བོད་རྒྱལ་ལོ།
རྣམ་རྟོག་སློང་མཁན་གྱི་མཆན་འདྲ་མ་སྤེལ་ན་ཡག་གི་རེད། གྲ་བས་ལས་འགུལ་སྤེལ་ན་འགྲིག་གི་མེད་ན། ཉེ་ཆར་ཀིརྟི་དགོན་པའི་གྲ་བ་བརྒྱ་ལྷག་གིས་གོམ་བགྲོད་བྱེད་པ་དེ་ཡང་ནོར་བ་ཡིན་ནམ། ཁོང་ཚོས་ལས་འགུལ་སྤེལ་བ་དེ་ཡང་གྲ་བའི་མཚན་ཤས་བཟོ་བཞིན་ཡོད་དམ། ལྟད་ངན་གྱི་སྐད་སྒྲ་མ་གྲགས་རོགས། བོད་རྩ་དོན་དང་འབྲེལ་བའི་ལས་འགུལ་དེ་སྐྱ་སེར་སུས་སྤེལ་བ་ཡིན་ན་ཡང་དགའ་བསུ་ཞུ་རྒྱུ་ཡིན།
ཁྱེད་ཅག་གིས་བོད་མི་རིགས་ཀྱི་བདེ་སྡུག་གི་ཆེད་དུ་ཕྱག་ལས་གང་མང་གནང་རོགས་ཞུ་རྒྱུ་དང་ང་ཚོས་དུས་རྟག་ཏུ་ཁྱེད་ཅག་ལ་རྒྱབ་སྐྱོར་ཡོད། བཀྲ་ཤིས་བདེ་ལེགས་ཞུ།
ཚོགས་གཙོ་གསར་པ་དང་། རྒྱུན་ལས་གསར་པ་ཡོངས་ལ་མཚམས་འདྲིའི་བཀྲ་ཤིས་བདེ་ལེགས་ཞུ་བ་དང་། ཆབས་ཅིག་ཁྱེད་རྣམས་པའི་བྱ་བ་ལམ་ལྷོང་ཡོང་བའི་བཀྲ་ཤིས་སྨོན་འདུན་ཞུ།
དེ་ནི་ཁྱེད་ཚོའི་མིན་ལ་ངའི་ཡང་མིན། དེ་ནི་མི་ིརགས་ཤིག་དང་། རྒྱལ་ཁབ་ཞིག་གི་དོན་དུ་ཡིན་པས་ངས་ཁྱེད་ཚོར་ཡིད་སྨོན་ཞིང་བསྔགས་བརྗོད་ཚད་མེད་ཡོད། ང་ནི་གང་ཡང་མི་ཤེས་ཁར་གང་ཡང་མི་འཇོན་མཁན་ཞིག་ཡན་ན་ཡང་། གོང་དུ་༼ཨ་མའི་བུ་༽སོགས་བྱབ་ཆུང་བ་རྣམས་བཞིན། རང་ཉིད་ཀྱིས་གང་ཡང་མི་འཇོན་པ་མ་ཟད། ལྷག་བསམ་སེམས་ཤུགས་ནི་ནམ་མཁའི་མེ་ཏོག་ལྟར་དུ་ཡོད་ན་ཡང་། གཞན་ལ་སྐྱོན་བརྗོད་དང་། སྨྲ་འབེབས་བྱེད་པའི་བུད་མེད་ཐབས་ཆག་གི་བྱེད་བབ་གོམས་གཤིས་དེ་ང་ལ་མེད།
ཁྱེད་དེ་གངས་ལྗོངས་རང་བདེན་རྩོད་ལེན་མཐུན་ཚོགས་རྟག་ཏུ་རྒྱས་གྱུར་ཅིག བོད་རྒྱལ་ལོ།
སྐུ་མཁྱེན་ད་ནས་གྲྭ་བ་ཚོ་འདི་འདྲ་མ་བྱས་ན་ཡག་གི་རེད། གྲྭ་བས་ལས་འགེན་ནོར་སོང་། ཆོས་དང་ཆས་སྲིད་ཉམ་དུ་ཡོང་གི་མ་རེད། མ་འཇོན་འཇོན་མདོག་མ་བྱས་ན་ཡག་གི་རེད། སོ་སོས་ལས་འགེན་ངོས་ཟིན་ན་ཡག་གི་རེད། དངོས་གནས་དེང་སང་གྲྭ་བ་ཚོས་མཐོང་ཆུང་དུ་འགྲོ་བ་འདི་གཙོ་བོ་ཁྱེད་ཚོའི་འདེ་ལྟར་ངོ་ཚ་འཛེམ་མེད་ཀྱི་ཆབ་སྲིད་ནང་ལ་ཞུག་ཙང་རེད། ངོ་མ་ཐག་སྐྱོ་གི་ཡ་་་་་་་་་་་་་་་་་་་་་་
བཀྲིས་པར་ཤོག་་་་དོན་འགྲུབ་པར་ཤོག་་་་ཚོགས་དང་ཆོས་རར་འགྲིམ་པར་ཤོག
གྲ་པ་ཚོ་སྐུ་མཁྱེན། བསྟན་པ་མ་བཤིགས་རོགས།
ཆོས་ཉམས་སུ་ལེན་མ་ནུས་ན་ཡང་ཞབས་འདྲེན་འདི་འདྲའི་ནང་མ་འགྲོ་རོགས།
ད་གྲྭ་བ་རྣམ་བཞུགས་ན་ཡག་གི་རེད་ཆབ་ཕྱག་ལས་འཚམ་འཇོག་བྱས་ན་ཡག་གི་རེད། འཇོན་གི་མ་རེད། སྐུ་ཚེ་རིང་ནང་པའི་བསྟན་པ་ཆུ་ནང་ལ་མ་གཡུག་རོག„
ཚོགས་པ་འདི་བཙུགས་ནས་ལོ་མང་རིང་བོད་རྩ་དོན་ལ་ཕན་པའི་ལས་འགུལ་བྱ་གཞག་སྣ་ཚོགས་སྤེལ་ཡོད་པ་ནི་ཀུན་གྱིས་མཁྱེན་གསལ་རེད། བྱས་ཙང་ཚོགས་མི་གསར་འདེམས་པ་ཡོངས་ལ་དགའ་བསུ་ཞུ་བཞིན་ཡོད། འབྱུང་འགྱུར་གྱི་བྱ་གཞག་ལེགས་གྲུབ་ཡོང་བའི་སྨོན་འདུན་ཡོད། ལས་འགུལ་ཆེན་པོ་འདྲ་སྤེལ་སྐབས་ཕྱི་ནང་གཉིས་ནས་སྐྱོན་བརྗོད་འདྲ་མིན་ཅི་ཡང་སླེབས་སྲིད་པས་གདོང་ལེན་བྱེད་ཐུབ་པའི་ད་ལྟ་ནས་གདེང་ཚོད་དགོས་པ་རེད། ལམ་སེང་གཉའ་ཞུམ་ཞུམ་བྱེད་ནས་ཕྱིར་འཐེན་བྱེད་མི་རུང་། འདི་ནི་ཡར་རྒྱས་ཀྱི་འགོག་རྐྱེན་ཡིན། འདི་ནི་ངོས་རང་གི་བསམ་འཆར་ཙམ་ཡིན།
གང་ལྟར་འདས་པའི་ལོ་ངོ་དེ་དག་གི་རིང་ཚོགས་པ་འདིས་བོད་བསྟན་སྲིད་ཀྱི་སླད་དུ་ལས་འགུལ་རབ་དང་རིམ་པ་ཞིག་སྤེལ་ཡོད། ད་བར་དུ་ཚོགས་གཙོ་མཆོག་གཙོས་ཚོགས་མི་དག་དངོས་གནས་སྤྱི་དོན་དང་སེམས་ཤུགས་གང་ཐད་ནས་ཡིད་སྨོན་སྐྱེ་འོས་པ་ཞིག་ཡིན། འབྱུང་འགྱུར་ཡང་ཚོགས་པ་འདི་ལ་རེ་བ་ཧ་ཅང་ཆེ་སྟེ། ཚོགས་པ་འདི་ལ་ཆོས་ལུགས་དང་ཆོལ་ཁྱོའི་འཐེན་འཁྱེར་མེད་ལ། སྐྱ་སེར་གྱི་དབྱེ་འབྱེད་དེ་བས་མེད། ད་དུང་མི་རིགས་དཀར་ནག་དང་། རྒྱབ་ཁབ་དབྱེ་འབྱེད་མེད་པར་སུ་ཞིག་ཚོགས་པ་འདིའི་ནང་དུ་ཞུགས་འདོད་མཆིས་ཚེ།་རྩ་བའི་ཚོགས་པ་འདིའི་སྒྲིག་ཁྲིམས་གཞིར་བཞག་ཐོག་ཞུགས་ཆོག་ཆོག་ཡིན།
མདོར་ན། དབྱེ་འབྱེད་མེད་པ་ནི་ཚོགས་པ་འདིའི་གཟི་བརྗིད་དང་ཆེ་མཐོང་ཡིན།
བོད་ཀྱི་གཏམ་དཔེར། ཡིག་ཕྱེད་གོ་བས་ཀློག ཞེས་གསུང་འདུག་པས་ཚིག་དོན་ལ་བསམ་བློ་ཐོངས།
མགོ་བུད་པ་དང་སྐྱོན་བརྗོད་པ་འདི་གོམས་གཤེས་ཡག་པོ་ཞིག་མ་རེད་ཡ།
གསར་བསྐོའི་རྒྱུན་ལས་རྣམས་ལ་མཚན་འདྲི་བཀྲིས་བདེ་ལེགས་ཞུ་རྒྱུ་དང་། ལས་དུས་རིང་སྤྱི་དོན་ཐུར་ཤོར་མེད་པ་གནང་རོགས་དེང་སེང་བཙན་འབྱོར་སྤྱི་ཚོགས་ནང་ཚོགས་པ་གསར་འཛུགས་བྱེད་རྒྱུར་ཧ་ཅིང་དགའ་མོད།འོན་ཀྱང་མཐར་ཁུངས་འཁྱོལ་ལ་མི་འཁྱོལ་ལ་དེ་འདྲ་ཇེ་མང་རེ། བྱས་ཙང་དེ་འདྲ་མི་ཆགས་པའི་འབད་རྩོན་གནང་རོགས། ང་ཚོ་ཚོགས་མི་ཚོས་ཀྱང་ལས་དོན་ལ་བརྒྱབ་སྐྱོར་བྱེད་ངེས་
ཨ་རོ་རྒྱུས་ལས་རེད་དམ་རྒྱུན་ལས་རེད་ངོ་མ་ཡིག་ལོག་བྲིས་པ་མང་གི་ད