ཟླ་འདིའི་ཕྱི་ཚེས་ ༡༠ ཉིན་གྱི་ཞོགས་པའི་ཆུ་ཚོད་ ༧ པའི་ཐོག་བལ་ཡུལ་མཆོད་རྟེན་བྱ་རུང་ཁ་ཤོར་མདུན་དུ་ཁམས་དཀར་མཛེས་ནས་ཡིན་ཞིང་། ད་ལྟ་རང་ལོ་ ༣༠ ཡས་མས་ཡིན་པའི་གྲྭ་བོད་ཕྲུག་ལགས་ཀྱིས། བོད་ནང་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་པའི་རྒྱལ་གཅེས་པ་རྣམས་ལ་གདུང་སེམས་མཉམ་སྐྱེད་མཚོན་ཕྱིར། བལ་ཡུལ་མཆོད་རྟེན་བྱ་རུང་ཁ་ཤོར་མདུན་དུ་རང་ལུས་མེར་བསྲེགས་ཀྱིས་ལས་འགུལ་སྤེལ་ཡོད་ཅིང་། སྐབས་དེར་ཉེ་འཁོར་དུ་ཡོད་པའི་མི་མང་གིས་མེ་གསོད་ཐུབ་ཙམ་བྱུང་སྟེ་སྲོག་ཉེན་ལས་ཐར་ཡོད་ཀྱང་། ལས་འགུལ་སྤེལ་རྗེས་ཉེན་རྟོག་པ་མང་པོ་མཆོད་རྟེན་ཉེ་འཁོར་དུ་ཡོང་སྟེ་ཁོང་བཙལ་ཡོད་འདུག་ལ། ཉིན་ཁ་ཤས་རིང་ཉེན་རྟོག་པ་དང་གསང་བའི་མི་སྣ་སོགས་ཀྱིས་ཁོང་འཛིན་བཟུང་བྱེད་ཐབས་བྱས་ཏེ་ལག་སོན་མ་བྱུང་སྟབས། རྗེས་སུ་བལ་ཡུལ་ཉེན་རྟོག་པས་གནས་ཚུལ་དེའི་ཐད་མུ་མཐུད་བརྩད་གཅོད་ཀྱིས་མཆོད་རྟེན་ཉེན་འགྲམ་གྱི་བོ་རོང་དགོན་པའི་གྲྭ་ཡེ་ཤེས་དང་། བུད་མེད་སྒྲོན་དཀར་འབོད་པ་གཉིས་གནས་ཚུལ་དེ་དང་འབྲེལ་བ་ཡོད་པའི་དོགས་གཞིའི་འོག་འཛིན་བཟུང་གིས་ཆོ་འབྱོར་ས་ཁུལ་གྱི་བཙོན་ཁང་ཞིག་ཏུ་བཀག་ཉར་བྱས་འདུག
གནས་ཚུལ་འདིའི་ཐད་བལ་ཡུལ་འགྲོ་བ་མིའི་ཐོབ་ཐང་གི་གནད་ཡོད་མི་སྣ་ཆེད་དུ་ཕྱིན་སྟེ། བོད་མི་གཉིས་ལ་ཐུག་འཕྲད་དང་ཉེན་རྟོག་པར་སྐད་ཆ་དྲིས་སྐབས་ཉེན་རྟོག་པས། བོད་མི་ཁོང་གཉིས་གྲྭ་བོད་ཕྲུག་གིས་རང་ལུས་མེར་བསྲེག་གི་ལས་འགུལ་སྤེལ་སྐབས་མདུན་དུ་ཡོད་པ་མ་ཟད། བུད་མེད་དེས་གྲྭ་བོད་ཕྲུག་ལགས་ཀྱི་ལུས་སྟེང་དུ་མེ་འབར་བཞིན་པའི་སྐབས་སུ་རོགས་པ་བྱས་ཡོད་ཚུལ་དང་། ཁོང་གཉིས་ཀྱིས་གསང་བའི་སྒོ་ནས་གྲྭ་བོད་ཕྲུག་མཆོད་རྟེན་ཉེ་འཁོར་ནས་འགྲོ་རུ་བཅུག་པའི་དབང་གིས་འཛིན་བཟུང་བྱས་ཚུལ་བརྗོད་ཡོད་ཀྱང་། ཁོང་གཉིས་རང་ལུས་མེར་བསྲེགས་ཀྱི་ལས་འགུལ་དང་འབྲེལ་བ་ཡོད་མེད་ཀྱི་དཔང་རྟགས་གང་ཡང་རྙེད་མེད་སྟབས། གནས་སྐབས་རིང་ཁོང་གཉིས་ཀློད་གྲོལ་གྱིས་ཉེན་རྟོག་པས་འདྲི་བརྩད་སྐབས་མུ་མཐུད་ཉེན་རྟོག་ཁང་དུ་འགྲོ་དགོས་པའི་ཐག་གཅོད་བྱས་ཡོད་འདུག
རེད། འདི་ནི་གཞན་གྱི་གཉའ་གནོན་ཞིག་དང་རང་གི་དྲན་གསོ་ཞིག་ཀྱང་ཅིས་མ་ཡིན་ཏེ། བལ་ཡུལ་གཞུང་གིས་རྒྱ་གཞུང་དང་ཁྱད་མེད་པར་གཅར་བརྡུང་ཚད་མེད་བྱས་པས་། བལ་ཡུལ་དུ་ཡོད་པའི་བོད་མི་རྣམས་ནི་རྒྱལ་ཁབ་གཞན་ན་ཡོད་པའི་བོད་མི་ལས་རྒྱལ་ཞེན་ཆེན་ལ་བོད་ནང་གི་བོད་མི་རྣམས་ཀྱིས་མྱོང་བའི་མནར་གཅོད་དང་སྡུག་བསྔལ་ལ་རྒྱུས་མངའ་ཆེ།
སྤྱིར་ལོ་རྒྱུས་ལ་བལྟས་ན་ཡང་བལ་ཡུལ་གཞུང་བོད་ཐོག་ལ་མ་དགའ་བ་སོགས་གང་ཡང་མ་རེད། གང་ཡིན་ཟེར་ན་དུས་རབས་གཉེར་གཅིག་པ་འདི་ནི་དཔལ་འབྱོར་གྱི་དུས་རབས་རེད་ཟེར་པ་བཞིན་བལ་ཡུལ་གཞུང་དཔལ་འབྱོར་ལ་རྔམ་ནས་རྒྱ་ནག་དམར་གཞུང་ལ་འབྲེལ་བ་བྱས་པ་སོགང་རེད་མ་གཏོག་བོད་ཐོགས་ལ་སྡང་གཟིགས་བྱས་པ་མ་རེད་ལ་བོད་ལ་མ་དགའ་བ་དེ་བས་མ་རེད་བསམ་བྱུང་། གང་ཡིན་ཞེ་ན་དམར་གཞུང་གི་རྒྱུག་ཁྱི་བྱས་པ་ཡིན་ན་བཅའ་དངོས་གང་ཙམ་ཞིག་དང་དངུལ་གྱི་རོགས་པ་དེ་ཞིག་བྱེད་ཀྱི་ཡོད་དུས་བོད་ཐོགས་ལ་དྲག་གནོན་བྱེད་ཀྱི་ཡོད་རེད།
བལ་ཡུལ་ནི་བོད་དང་ལོ་རྒྱུད་ཡུན་རིང་ལྡན་པའི་ཁྱིམ་མཚེས་རྒྱལ་ཁབ་ཞིག་ཡིན་རུང་དེང་སྐབས་དངུལ་དང་དཔལ་འབྱོར་གྱི་ཆེད་དུ་ལོ་མང་འབྲེལ་མདོར་ནས་མཐོང་ཆུང་དང་ཐུག་རྩོད་གཏང་བ་ནི་བལ་ཡུལ་གཞུང་གི་དྲང་བདེན་ཞིག་རྩ་བ་ནས་མ་རེད
ངས་བསམ་པར་ང་ཚོ་ལ་དགྲ་བོ་ཞིག་ཡོད་པ་དེ་རྒྱ་ནག་དམར་གཞུང་ཡིན་པའི་ཁར།ད་དུང་དམར་ཟས་ཟ་བའི་གདོན་འདྲེ་དང་འཕར་སྤྱང་མང་ཚོད་འདུག་པས་འབྲེལ་ཡོད་མི་སྣས་ཡིད་གཟབ་བྱེད་གལ་ཆེ་བའོ།།
ཕྱི་ནང་གང་སར་རང་དབང་མེད་པའི་བོད་པ་ཚང་གིས་ད་དུང་ཞི་སྒུག་དང་། ཞི་བའི་ལམ་དུ་བཞུགས་པ་ནི་དངོས་གནས་དཀའ་ཚེག་ཆེ་བའི་ལོ་ཟླ་ནག་པོ་ཞིག་རེད།