ཁ་རོག་གེར་བསྡོད་པ་དེ་ཡང་བཟང་ཞིག་རེད་དམ།

མྱི་ཞིག་བྱེད་པར་འདོད་ཀི  དེ་ཡི་རང་དབང་དེ་ཙམ་ང་ལ་ཡོད་ན་འགྲིག་གི་སྙམ། ངའི་འགྲམ་དུ་ཡོད་པའི་ང་ལ་དབང་སྒྱུར་བྱེད་མཁན་གྱི་ཁྱོད། དངོས་ནས་ཁྱེད་རང་ཡང་ང་དང་འདྲ་བའི་མི་ཞིག་ཡིན་ན། ཁྱེད་ཀྱི་རང་གི་མགོ་རྐང་རུས་གསུམ་ལ་སྐད་ཆ་ཞིབ་མོ་ཞིག་དྲིས་ཤིག་དང་། དེ་ཡི་ལན་དུ་ང་རང་ལ་མི་ཞིག་བྱེད་པའི་ཐོབ་ཐང་ཡོད་པ་བཞིན། ངའི་འགྲམ་གྱི་མི་འདི་ལ་ཡང་ཐོབ་ཐང་དེ་སྤྲད་ན་འགྲིག་གི་ཡོད་དམ། ཁོ་ལ་ཡང་ཐོབ་ཐང་དེ་དགོས་ཀྱི་ཡོད་དམ། གཅིག་བྱས་ན་ཁོ་རང་ཁ་རོག་གེར། ཁུ་སིམ་མེར་བསྡད་འདུག དེ་ལ་བལྟས་ན། ཁོ་རང་ནི་ང་དང་འདྲ་བར་མི་ཞིག་གི་ཐོབ་ཐང་དགོས་མཁན་དེ་མ་ཡིན་པ་འདྲ། ཁྱེད་ཀྱི་དེ་ལྟར་སྙམ་གྱི་ཡོད་ན་ཐང་། དེ་ནི་ཁྱེད་རང་གིས་འདང་ལོག་བརྒྱབས་པ་རེད། ང་རང་ཡང་ཁྱེད་དང་འདྲ་བའི་མི་ཞིག་ཡིན། ངས་ཤེས་པ་ནི་ཁ་རོག་གེར་འདུག་རྒྱུ་དེ་མིན་ན་ཡང་། ངས་ཆུང་དུས་ནས་སྤྱངས་པ་དེ་དག་ནི་ཁུ་སིམ་མེར་བསྡོད་སྟངས་ཤིག་ཡིན། དེ་ཡང་ཐོབ་ཐང་རྩོད་སྟངས་ཤིག་ཡིན་པ་ཁྱེད་ཀྱིས་གཏན་ནས་བརྗེད་མི་ཉན།