མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

དབུ་མའི་ལམ།

བོད་ཀྱི་དུས་བབ།
༢༠༡༡/༡༡/༡༨
Share on FacebookShare on TwitterShare on EmailShare on Whatsapp

ཤར་ཕྱོགས་ཁུག་རྟ།

དབུ་མའི་ལམ་གྱི་སྲིད་བྱུས་ནི་གུ་བཤངས་དང་གཉིས་ཕན་ལྡན་པ། རང་རྒྱལ་གཞན་ཕམ་མེད་པར་རང་གཞན་གཉིས་ཀྱི་འཚོ་གནས་ལ་འགན་ཁུར་ཐུབ་པའི་དུས་བསྟུན་རྣམ་དཔྱོད་ཀྱི་གྲུབ་དོན་ཞིག་ཡིན་པ་ནི། སྲིད་བྱུས་འདི་འཚེ་མེད་ཞི་བའི་ཞིང་ས་ཁོ་ན་ལས་སྐྱེས་བ་དེས་ཡིན་ལ། འཚེ་བའི་གཞན་དབང་དུ་སོང་བའི་ལུས་ངག་ཡིད་གསུམ་གྱིས་གཉིས་སྨན་དབུ་མའི་ལམ་གྱི་སྲིད་བྱུས་ཉམས་ལེན་གནང་ཐབས་མེད། དེ་ལྟར་དབུ་མའི་ལམ་གྱི་སྲིད་བྱུས་ཀྱི་སྦྱོར་དངོས་རྗེས་གསུམ་གཏན་འབེབས་མཛད་རིམ་ནང་དུའང་འཚེ་བ་མེད་པས་དེའི་ཕ་མ་ལྟ་བུའི་གནས་བབ་བཟུང་ཡོད།

བཙན་དབང་འོག་གི་གྲོས་མཐུན་ལ་ཐམ་ཀ་རྫུན་མ་མ་རྒྱག་མཐུ་མེད་བྱུང་བ་ནས་བོད་གཞུང་དགའ་ལྡན་ཕོ་བྲང་བཙན་བྱོལ་དུ་མ་འབྱོར་བར། བོད་ཀྱི་བཙན་འཛུལ་ཐད་འཚེ་བ་མེད་པ་དང་གྲོས་མོལ་གྱི་ཐབས་ལམ་གང་ཡོང་བསྟེན་ཡོད་པ་དང་། ༡༩༥༦ ལོར་༧རྒྱལ་མཆོག་ཡབ་སྲས་༧སྟོན་པ་རྗེས་དྲན་གྱི་མཛད་སྒོར་ཆིབས་བསྒྱུར་གནང་སྐབས་སུའང་། རྒྱ་གར་གྱི་གནའ་བོའི་ཤེས་རིག་དང་ལྷག་ཏུ་འཚེ་མེད་ཞི་བའི་སློབ་དཔོན་གན་རྡེའི་འཁྲུངས་གནས་འདས་གསུམ་གྱི་ས་ཆར་གཟིགས་སྐོར་གནང་སྐབས་སྔར་ལྷག་༧གོང་ས་མཆོག་གི་ཐུགས་བརྒྱུད་དུ་འཇིག་རྟེན་གྱི་དོན་བྱ་ཆེ་ཕྲ་གང་ཡང་། གྲོས་མོལ་དང་འཚེ་བ་མེད་པ་གཉིས་ཕན་བཅས་ཀྱི་ཐོག་ནས་སེལ་དགོས་པའི་ངེས་ཤེས་རྡོ་ལ་རི་མོའི་ངང་ཚུལ་དུ་འཁྲུངས།

བོད་ཀྱི་གནས་བབ་སྐྱབས་བཅོལ་བའི་ས་ཐོག་ཏུ་ལྷུངས་ཡང་། འཚེ་བ་མེད་པ་དང་རང་གཞན་གཉིས་ཕན་གྱི་སྤྱོད་པ་ཁོ་ནས་བོད་དོན་བདེན་མཐའ་སེལ་རྒྱུའི་ལམ་དུ་ཆས་ཤིང་། སྐབས་དེ་ཤེད་དུ་ཡུད་ཙམ་གནས་པའི་དྲག་པོའི་དམག་གི་ལས་གཞི་རྣམས་ཡོངས་སུ་སྤངས་ཐུབ་པ་བྱུང་ཡོད་ལ། བོད་མིའི་ཆོས་རིག་བརྒྱུད་འཛིན་གྱིས་མཚོན་པའི་བོད་མིའི་ངོ་བོ་སྲོག་འཛིན་གྱི་ཁྱད་ཆོས་རྣམས་ཕྲ་ཚུགས་ཐབས་སུ་གནམ་ས་གཉིས་ལས་ངོ་མི་ཤེས་པའི་རྒྱ་གར་ས་ཐོག་ཏུ་༧གོང་ས་མཆོག་གཙོས་བོད་མི་རྒན་རབས་ཚོས་དཀའ་ལས་སུས་ཀྱང་མ་མྱངས་པ་ཞིག་མྱོང་དགོས་བྱུང་ཡོད། ལས་ལ་བརྩོན་ཞིང་དཔའ་ངར་ལྡན་པའི་མི་རབས་ཚ་བརྒྱུད་དུ་དམ་པའི་བཀས་བཅད་པ་ལྟར། ཆོས་རིག་བརྒྱུད་འཛིན་དང་འཚོ་གནས་འཆའ་ཐབས་སོགས་ཀྱི་ལས་དོན་དུས་ཐུང་ནང་འཕེལ་རྒྱས་ཇེ་མགྱོགས་སུ་ཕྱིན་པས།

༡༩༦༢ ནས་བཟུང་༧གོང་ས་མཆོག་གིས་རྒྱལ་སྤྱིའི་གནས་ཚུལ་ཡོངས་ལ་ཐུགས་ཞིབ་དགོངས་བཞེས་གཏིང་ཟབ་དང་འབྲེལ་དབུ་མའི་ལམ་གྱི་ཐབས་ལམ་ཐུགས་རྒྱུད་དུ་བརྟན་པོར་འཁྲུངས་པ་དང་། ལོ་དེར་༧གོང་ས་མཆོག་གིས་ཌལ་ཧོར་ནས་མི་མང་ལ་ང་ཚོས་རང་བཙན་བརྩད་དེ་སྡོད་རྒྱུ་ལས་རང་སྲིད་རང་སྐྱོང་ཐོག་ཕེབས་ན་ཡག་གི་རེད་གསུངས་ཡོད། ༦༧ དང་༦༩ ལོའི་བོད་གཞུང་གི་གྲོས་ལ་དབང་བ་རྣམས་དང་། མཁས་མྱོང་ལྡན་པའི་བོད་ཀྱི་གྲོགས་པོ་རྣམས་ལ་གོ་བསྡུར་བགྲོ་གླེང་དཔྱད་ཞིབ་གཏིང་ཟབ་རྒྱུན་རིང་གནང་མཐར། ༡༩༧༤ ལོར་ནམ་ཞིག་བོད་རྒྱ་གཉིས་དབར་གྲོས་མོལ་གྱི་གོ་སྐབས་ཤིག་ཤར་ཚེ་དངོས་ཡོད་དང་མཐུན་པའི་རང་སྐྱོང་གི་གནས་བབ་རྩོད་ལེན་བྱ་རྒྱུའི་ནང་དོན་གཏན་འབེབས་གནང་།

༡༩༧༩ ལོར་རྒྱ་ནག་གི་སྲིད་འཛིན་ཏིང་ཞའོ་ཕེན་གྱིས་སྐུའི་གཅེན་པོ་ཐེངས་མང་འབྲེལ་གཏུག་གིས་༧གོང་ས་མཆོག་ལ་རྒྱ་བོད་གྲོས་མོལ་གྱི་བསམ་ཚུལ་བཏོན་པས། བཙན་བྱོལ་བོད་གཞུང་གིས་སྔ་ནས་ནང་དོན་གཏན་འབེབས་ཟིན་པ་ལྟར་བཙན་བྱོལ་བོད་གཞུང་དང་རྒྱ་ནག་གཞུང་བར་དངོས་སུ་འབྲེལ་བ་བྱུང་སྟེ་ཅོག་ཙེ་གཅིག་གི་སྒང་གྲོས་མོལ་བྱ་རྒྱུའི་འགོ་ཚུགས། སྐབས་དེ་ནས་བཟུང་རང་ཕྱོགས་ནས་དབུ་མའི་ལམ་གྱི་སྲིད་བྱུས་བརྟན་བཟུང་གིས་བོད་ཀྱི་དཀའ་ངལ་སེལ་རྒྱུའི་ཆོད་སེམས་ལ་འགྱུར་བ་མེད་པར་གནས་ཀྱང་རྒྱ་ཕྱོགས་ནས་དོན་འབྲས་ལྡན་པའི་ཡ་ལན་གང་ཡང་མ་གནང་།

༡༩༨༧ ནས་༨༩ བར་བོད་མིའི་ཞི་བའི་ངོ་རྒོལ་བྱས་པ་དང་། ལྷ་སར་དྲག་པོའི་ཁྲིམས་གཞི་བསྡམས་པ་སོགས་ཀྱི་དྲག་གནོན་རིམ་བསྟུད་དུ་བྱུང་ཡང་། བཙན་བྱོལ་བོད་གཞུང་གི་ངོས་ནས་དབུ་མའི་ལམ་གྱི་སྲིད་བྱུས་ལ་འགྱུར་བ་མེད་པར་ཕྱིན་པ་དང་། ༡༩༨༧ ལོའི་ཟླ ༩་ཚེས ༢༡ ཉིན་ཨ་རིའི་གྲོས་ཚོགས་སུ་ཞི་བའི་དོན་ཚན་ལྔ་ཁྱབ་གསལ་བསྒྲགས་གནང་བ་དང་། ༡༩༨༨ ལོའི་ཟླ ༦ ཚེས  ༡༥ ཉིན་ཞི་བའི་དོན་ཚན་ལྔའི་རྒྱས་བཤད་སི་ཏྲ་སི་སྦག་གི་གཏམ་བཤད་དུ་གྲགས་པ་གནང་ཡོད། ཞི་བའི་དོན་ཚན་ལྔ་དང་སི་ཏྲ་སི་སྦག་གི་གཏམ་བཤད་གཉིས་ནི་དབུ་མའི་ལམ་གྱི་སྲིད་བྱུས་ཀྱི་རྒྱས་བཤད་དང་པོ་ཡིན་ལ། གསལ་བསྒྲགས་མ་གནང་གོང་རྡ་སར་ ༡༩༨༨ ཟླ ༦ ཚེས ༦ ནས་༩་བར་བཀའ་སྤྱི་གཉིས་དང་། གཞུང་ཞབས་རྣམ་པ། གཞུང་འབྲེལ་མ་ཡིན་པའི་ཚོགས་པ་ཁག རང་སྐྱོང་སྡེ་ཚན་ཁག གསར་འབྱོར་བོད་མིའི་འཐུས་ཚབ། དམིགས་བསལ་སྐུ་མགྲོན་བཅས་བཙན་བྱོལ་གཞུང་མང་གཉིས་ཀྱི་འཐུས་ཚབ་མཚོན་པའི་ཚོགས་ཆེན་ཐོག་བགྲོ་གླེང་མཐིལ་ཕྱིན་གནང་རྗེས་གྲོས་འཆར་དེ་གསལ་བསྒྲགས་གནང་རྒྱུར་སྤྱི་མོས་ཀྱིས་རྒྱབ་གཉེར་བྱས་ཡོད།

༡༩༩༣ ནས་བོད་རྒྱའི་འབྲེལ་བ་ཆད་པར་བརྟེན། ༡༩༩༥་དང ༩༦ སོ་སོར་༧གོང་ས་མཆོག་གི་གསུམ་དུས་གསུང་འཕྲིན་ནང་འབྱུང་འགྱུར་ལངས་ཕྱོགས་ཇི་དགེ་མང་མོས་ཐག་གཅོད་འོས་བསྡུ་བྱ་རྒྱུ་ཕེབས་པ་ལྟར། བཀའ་སྤྱི་གཉིས་ཀྱིས་གདམ་བྱ་དོན་ཚན་བཞིའི་སྔོན་འགྲོའི་འོས་བསྡུའི་ལས་རིམ་འགོ་འཛུགས་ཀྱིས་བཀའ་བསྡུར་གནང་སྐབས། བོད་མི་གཞིས་བྱེས་བརྒྱ་ཆ ༦༤ཚེག་༦༠་བརྒལ་བས་མང་མོས་ཐག་གཅོད་མ་དགོས་པར། དབུ་མའི་ལམ་གྱི་སྲིད་བྱུས་བརྒྱུད་འཛིན་ནམ། ༧གོང་ས་མཆོག་ནས་རྒྱལ་སྤྱིའི་ཆབ་སྲིད་ཀྱི་འགྱུར་འགྲོས་དང་བསྟུན་ཏེ་དུས་ནས་དུས་སུ་ཐག་གཅོད་གནང་སྐྱོང་ཡོང་བའི་སྙན་ཞུ་ཕུལ་དོན་ལྟར། བོད་མི་མང་སྤྱི་འཐུས་ལྷན་ཚོགས་ཀྱིས ༡༩༩༧ ཟླ ༩ ཚེས ༡༨ ཉིན་སྤྱི་མོས་ཀྱི་ལམ་ནས་༧གོང་ས་མཆོག་གིས་ཐག་གཅོད་གང་གནང་ལ་མང་མོས་ཐག་གཅོད་འོས་བསྡུའི་ལམ་ནས་ཐག་གཅོད་བྱུང་བ་དང་གཅིག་གྱུར་བརྩི་རྒྱུ་ཡིན་པར་གཏན་ལ་ཕབས་དང་འབྲེལ། ༡༩༩༨ ལོའི་གསུམ་དུས་གསུང་འཕྲིན་ནང་དབུ་མའི་ལམ་གྱི་སྲིད་བྱུས་རྒྱུན་འཁྱོངས་གནང་རྒྱུའི་ཁྱབ་བསྒྲགས་གནང་།

༢༠༠༢ ནས་བོད་རྒྱའི་འབྲེལ་བ་བསྐྱར་གསོ་བྱུང་བ་ནས། འབྲེལ་མོལ་ཐེངས་དགུ་གནང་བ་དང་། ༢༠༠༨ ལོའི་འགྲེལ་མོལ་ཐེངས་བརྒྱད་པའི་སྐབས་༼བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར༽་སྤྲད་པ་དེ་ནི་དབུ་མའི་ལམ་གྱི་སྲིད་བྱུས་ཀྱི་ཁ་གསལ་བའི་བོད་རྒྱའི་དཀའ་རྙོག་སེལ་ཐབས་ཀྱི་འགྲེལ་བརྗོད་རྗེས་ཤོས་དེ་ཡིན།

༢༠༠༨ ལོའི་དམིགས་བསལ་ཚོགས་ཆེན་དང་། ༢༠༡༠རྒྱལ་ཡོངས་ཚོགས་ཆེན་ཐེངས་དང་པོ། ༢༠༡༡ ལོའི་རྒྱལ་ཡོངས་ཚོགས་ཐེངས་གཉིས་པ་བཅས་ཀྱི་སྐབས་སུ་དབུ་མའི་ལམ་གྱི་སྲིད་བྱུས་ལ་ཚད་མཐོའི་མང་མོས་ཀྱིས་རྒྱབ་སྐྱོར་ཐོབ་ཡོད་པདང་། དེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱིས་གྲོས་ཆོད་བསྐྱར་འཇོག་གིས་ ༢༠༡༠་ཟླ ༣་ཚེས ༢༠ ཉིན་དབུ་མའི་ལམ་གྱི་སྲིད་བྱུས་ལ་སྤྱི་མོས་ཀྱིས་རྒྱུན་འཁྱོངས་དགོས་པའི་གཏན་འབེབས་མཛད་པ་བཅས་ཀྱིས་དབུ་མའི་ལམ་གྱི་སྲིད་བྱུས་ལས་གཞན་བོད་ཀྱི་དཀའ་ངལ་སེལ་ཐབས་སུ་ཐབས་མཆོག་གཞན་མེད་པ་དང་། རྒྱ་བོད་གཉིས་ཕན་གྱི་མདུན་ལམ་ལ་ཕན་པའི་ཡིད་ཆེས་རུང་བའི་སྲིད་བྱུས་ཉག་ཅིག་ཡིན་པ་བོད་གཞིས་བྱེས་གཉིས་ཀྱི་ཤེས་ལྡན་པ་དང་། དེ་བཞིན་རྒྱལ་སྤྱིའི་གཞུང་སྒེར་མང་པོས་ངོས་འཛིན་གནང་བཞིན་ཡོད་ལ། རྒྱ་རིགས་ཤེས་ལྡན་པ་རྣམས་ཀྱིས་ཀྱང་དབུ་མའི་ལམ་གྱིས་བོད་ཙམ་མ་ཟད། རྒྱ་ནག་མི་མང་དང་ཨེ་ཤ་ཡའི་ཞི་བདེ་དང་ཡ་རབས་བཟང་སྤྱོད། འཚོ་གནས་བཅས་ལ་འགན་ཁུར་ཐུབ་པར་ངེས་པ་བརྟན་པོས་ངོས་འཛིན་གནང་ཡོད། ལྷག་ཏུ་ ༢༠༠༨ ནས་བོད་ནང་དུ་ཞི་རྒོལ་བྱུང་བ་ནས་བཟུང་ད་བར་རྒྱ་རིགས་ཤེས་ཡོན་ཅན ༩༠༠ ལྷག་གིས་ལམ་དབུ་མའི་སྲིད་བྱུས་ཀྱིས་བོད་རྒྱའི་དཀའ་རྙོག་སེལ་རྒྱུའི་བོད་གཞུང་མང་གཉིས་ཀྱི་ཆོད་སེམས་ལ་ཡི་རངས་དང་རྒྱབ་སྐྱོར་གྱི་རྩོམ་ཡིག་རིམ་བསྟུད་དུ་སྤེལ་ཡོད།

དངོས་ཡོད་བྱུང་བ་འདིས་བོད་ཀྱི་དཀའ་ངལ་སེལ་ཐབས་སུ་འཛིན་པའི་དབུ་མའི་ལམ་གྱི་སྲིད་བྱུས་ནི། དུས་རབས་ཉེར་གཅིག་པའི་དེ་རིང་བོད་མི་རྒན་གཞོན་སྤྱི་མོས་ཀྱིས་རྣམ་དཔྱོད་བསྲུབས་པ་ལས་ཐོན་པའི་ཐབས་མཆོག་གོང་ན་མེད་པ་དེ་ཡིན་པས། སྲིད་བྱུས་འདིའི་ནང་དོན་ཉམས་ལེན་བྱ་རྒྱུ་ནི་བོད་མི་ཚོར་བབས་པའི་འགན་འཁྲི་ཆེ་ཤོས་དེ་ཡིན་པས། ལས་འགུལ་སྤེལ་སྐབས་དང་རྒྱུན་གྱི་ཉིན་རེའི་འཚོ་བའི་ནང་དབུ་མའི་ལམ་གྱི་ཉམས་ལེན་གནང་སྒོ་ཁག་ཅིག་འདིར་དྲན་སྐུལ་གྱི་ཚུལ་དུ་འགོད་འབུལ་ཞུ་རྒྱུ་ཡིན།

༡ རྒྱལ་དར་ནི་རྒྱལ་ཁབ་ཀྱི་མཚོན་རྟགས་ཡིན་པ་ལྟར། གཉིས་ཕན་ལམ་ལ་སྐྱོད་མཁན་གྱི་བོད་མི་ཚོས་རྒྱ་ནག་གི་རྒྱལ་དར་མེར་བསྲེགས་གཏོང་བ་སོགས་ཀྱི་ལས་འགུལ་མི་སྤེལ་རྒྱུ་དང་། དེ་བཞིན་རྒྱ་ཕྱོགས་ནས་བཙན་བྱོལ་བོད་མིའི་ནང་བསླུ་བྲིད་སིམ་འཛུལ་བྱེད་པ་དང་། དོལ་རྒྱལ་སོགས་ལ་ཁ་གཡར་ཏེ་༧གོང་ས་མཆོག་གི་གཉིས་ཕན་མཛད་འཕྲིན་ལ་ངོ་རྒོལ་རྫུན་མ་སྤེལ་བར་གནས་ལུགས་གསེད་བཀྲོལ་གྱིས་མི་རེ་ངོ་རེས་ཞི་བའི་ངོ་རྒོལ་བྱེད་པ།

༢ དབུ་མའི་ལམ་གྱི་ལས་འགུལ་བས་ལས་འགུལ་ཆེ་ཕྲ་སྤེལ་བ་དང་། གཞན་གྱི་ལས་འགུལ་ལ་འཛུལ་ཞུགས་བྱེད་སྐབས། ལས་འགུལ་དེའི་བྱ་སྤྱོད་ལས་གསུམ་དབུ་མའི་ལམ་གྱི་དགོངས་དོན་མཐུན་མིན་ལ་གཟིགས་ཞིབ་ཀྱིས་ལས་འགུལ་དུ་ཞུགས་རྒྱུ་དང་། སྐད་འབོད་ཚུན་ཆད་དབུ་མའི་ལམ་གྱི་དགོངས་དོན་དང་མཐུན་དགོས།

༣ ཁྱིམ་ཚང་དང་ལས་བྱེད་པ། སྒེར་བ་བཅས་དབུ་མའི་ལམ་གྱི་ལས་འགུལ་དུ་འཛུལ་ཞུགས་བྱེད་སྐབས། རང་གིས་གཉེར་བཞིན་པའི་ཚོང་ལས་སོགས་ལས་རིགས་མཚམས་འཇོག་བྱེད་མི་དགོས་པར་མི་ཚང་ནང་གྲོས་ཀྱིས་བཟའ་མི་རེས་བསྐོར་གྱིས་ལས་འགུལ་ནང་འཛུལ་ཞུགས་གནང་རྒྱུ།

༤ དབུ་མའི་ལམ་གྱི་ནང་དོན་གྱི་འགྲེལ་བརྗོད་རྗེས་ཤོས་དང་ཁ་གསལ་ཤོས། འབྲེལ་མོལ་ཐེངས་བརྒྱད་པའི་སྐབས་རྒྱ་ནག་གཞུང་ལ་སྤྲད་པའི་༼བསམ་འཆར༽ཡིག་ཆ་དེ་ཡིན་སྟབས། ཡིག་ཆ་དེའི་ཐད་ཕ་མ་དང་། དགེ་རྒན། སྤྱི་ཚོགས་ནང་གི་ཤེས་ལྡན་པ་བཅས་ཀྱི་ཐབས་ལམ་བརྒྱུད་ནས་བོད་མི་ཡོངས་ཀྱིས་ཡང་ནས་ཡང་དུ་རང་ལ་ངེས་པ། གཞན་ལ་བཤད་པ་བཅས་ཀྱི་ཁུར་ཉམས་ལེན་བྱེད་པ།

༥ རྒྱུན་གྱི་འཚོ་བའི་ནང་བོད་རིགས་ནང་ཁུལ་དུ་ཕ་སྐད་གཙང་མ་བཤད་པ་དང་། ཕྱི་སྐད་སྤྱོད་སར་ཕྱི་སྐད་སྤུས་གཙང་མ་བཤད་པ། དེ་བཞིན་བོད་རིགས་ནང་ཁུལ་དུ་ཡིག་འབྲེལ་བྱེད་སྐབས་རང་གི་ཕ་ཡིག་གི་ལམ་ནས་ཡིག་འབྲེལ་བྱེད་རྒྱུར་ལྷག་བསམ་གཡོ་བ་མེད་པ་གནང་རྒྱུ།

༦ བཙན་བྱོལ་བོད་མི་གནས་ཡུལ་ཀུན་ཏུ་ཚོང་ཁང་དང་གླ་གཏོང་རླངས་འཁོར། བཟོ་གྲྭ ཟ་ཁང་སོགས་གཉེར་མཁན་ཡོད་དོ་ཅོག་གིས་བོད་ཀྱི་ཡི་གེ་བྲིས་པའི་སྒོ་བྱང་སོགས་བཟོ་འགོད་བྱེད་པ་དང་། ཟས་ཐོ་དང་བྱུང་འཛིན་སོགས་སུའང་བོད་ཡིག་མཉམ་འཁོད་བྱ་རྒྱུ།

༧ ཆེས་མཐོའི་དབུ་ཁྲིད་རྣམས་ཀྱི་ལས་ཤོག་དང་བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་ལས་ཤོག བྱུང་འཛིན་ལས་དོན་གཞན་གྱི་རེའུ་མིག་ཡོད་ཚད་ལ་བོད་ཡིག་འབྲི་རྒྱུ་དང་། ཐ་ན་གསང་སྤྱོད་ཚུན་ཆད་དུ་བོད་ཡིག་མདུན་གྲལ་དུ་ཡིག་གཟུགས་ཆེན་པོའི་ཐོག་བཀོད་རྒྱུ།

༨ བོད་རིགས་དབང་བོ་སྐྱོན་ཅན་དང་། ལས་མེད་ཉམས་ཐག་སྤུན་ཉེ་མེད་རིགས་ལ་བོད་མི་ཚོས་ནང་ཁུལ་ལྟ་རྟོགས་བྱེད་པ་དང་། དཀའ་ངལ་ཅན་རྣམས་ལ་འབྲེལ་ཡོད་དབུས་བོད་མིའི་སྒྲིག་འཛུགས་དང་གཞུང་འབྲེལ་མིན་པའི་ཚོགས་པ་དང་སྒེར་བ། ཕྱུག་བདག་རྣམས་ལ་ཞུ་འབོད་ཀྱིས་རོགས་རམ་བྱེད་པ།

༩ བོད་ལ་རང་སྐྱོང་བྱུང་མཚམས་བོད་ཀྱི་ཆོས་སྲིད་དཔལ་འབྱོར་གང་ཐད་ནས་རང་མགོ་ཐོན་ཆེད། ཕྱིའི་ཡུལ་གྲུ་ཁག་ཏུ་གནས་པའི་སློབ་གཉེར་བ་ཡོངས་དང་། དེ་བཞིན་རང་རིགས་ནང་པའི་ལྟ་གྲུབ་དང་མཚན་ཉིད་རིགས་པའི་སློབ་གཉེར་བ་ཡོངས་ཀྱིས་སྔར་ལྷག་རང་འགོ་རང་ཐོན་གྱི་བོད་ཀྱི་ཤེས་རིག་དར་རྒྱས་ཆེད་༧གོང་ས་མཆོག་གི་དགོངས་གཞི་དང་མཐུན་པར་ཧུར་བརྩོན་གྱིས། གསེར་ལས་བྲིན་པའི་དུས་ཚོད་ཡོངས་རྫོགས་སློབ་སྦྱོང་ཐོག་ནར་གཏོང་བྱེད་པ། རྩོམ་འབྲི་བ། བགྲོ་གླེང་ཚོགས་པ་སོགས་རང་གི་སྤྱི་ཚོགས་སུ་སྤེལ་གལ།

༩ བོད་མིའི་མཚན་ཐོངས་ལ་གནོད་གཞིའི་ལས་རིགས་ཆེ་ཕྲ་གང་དུ་བྱུང་ངེས་པ་དང་བྱུང་བ་སོགས་ཀྱི་སྐབས་སུ་བོད་མི་ཚང་མས་དང་བླང་གིས་ཞི་བའི་རྒོལ་ལན་བསླབ་བྱ་དུས་ལྟར་སྤྲོད་རྒྱུ།

༡༠ བདུན་ཕྲག་གཅིག་གི་དུས་ཚོད་གཅིག་ནས་གཉིས་འཆར་ཅན་༧གོང་ས་མཆོག་གི་ཞབས་བརྟན་དང་བོད་ཀྱི་བདེན་མཐའ་སེལ་ཆེད། དགེ་སྒྲུབ་མཆོད་འབུལ་ཕྱག་བསྐོར་སྦྱིན་གཏོང་གང་ཐུབ་བྱེད་པ།

༡༡ བོད་ཕྱི་ནང་གང་དུའང་རང་ལུས་མེར་སྲེག་ལྟ་བུའི་ལས་འགུལ་བྱུང་སྐབས། བོད་ཀྱི་གོམས་སྲོལ་དུ་གྱུར་བའི་དུས་ཆེན་སོགས་ཀྱི་སྐབས་གླུ་གར་རྩེད་འཇོའི་རིགས་སྤང་རྒྱུ་ལས། གཞན་དུས་ཆེན་སྲུང་བརྩི་མཚམས་འཇོག་མི་དགོས་བ་བཅས།

༢༠༡༡། ༡༡། ༡༧། ཉིན།

འབྲེལ་ཡོད་གསར་འགྱུར།

བོད་དོན་ལས་འགུལ་འཇམ་དབྱངས་བསྟན་འཛིན་ལགས་དྷ་མ་ས་ལ་འབྱོར། ༢༠༢༥།༠༥།༢༥ དུས་བབ་ཀྱི་པར།
Mobile App

རྒྱ་གར་ཧི་མ་ཅལ་མངའ་སྡེའི་ནང་བོད་དོན་དྲིལ་བསྒྲགས་གནང་བཞིན་འདུག

ཆུ་ཚོད་ ༤ སྔོན་ལ།
Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢

མཆན། 32

  1. ཆབ་བྲག་ལྷ་མོ་སྐྱབས། says:
    ལོ་ 13 སྔོན།

    མར་འགྲོའི་ལམ་དང་ཡར་འགྲོའི་ལམ། །མཐུན་ཐབས་མེད་པའི་ལམ་འགྲོ་ཚོ།
    དབུ་མའི་གཞུང་ལམ་གསར་གཏོད་ཀྱི། །ཤིང་རྟའི་རྗེས་སུ་ཕྱོགས་ན་བདེ།

    རང་རྒྱལ་གཞན་ཕམ་དམན་པའི་བློ། རང་ཕམ་གཞན་རྒྱལ་དམ་པའི་ཐུགས།
    རང་གཞན་གཉིས་དགེ་བསམ་ཤེས་ཀྱི། མི་རྣམས་འཇུག་ངོགས་མ་ཡིན་ནམ།

    Reply
  2. ཅོ་རི་ཉི་མ། says:
    ལོ་ 14 སྔོན།

    གོ་གྱི་ཡོད་མདོག་ཞིག་གིས་བརྒྱ་བཤད་སྟོང་བཤད།
    བརྒྱ་བཤད་དོན་གྱི་རྩ་བར་རྒྱ་མིར་བྱེད་འདོད།
    སྟོང་བཤད་འོ་མའི་མར་ལོ་རྒྱ་ཁྲིམས་ཁུར་འདོད།
    དེ་མིན་སྐབས་འཚོལ་གཏམ་ལ་དཔྱད་རིན་འདུག་གམ།

    བོད་མི་ས་ཡ་དྲུག་གི་ཐོབ་ཐང་བདག་དབང་།
    དམར་པོའི་རྒྱ་ཁྲིམས་འོག་ནས་ཐར་པའི་རེ་བ།
    གངས་ཅན་ཁ་བ་རི་པའི་རང་ཡུལ་རང་བདག
    ཡོང་ཕྱིར་གཞི་ལུས་སྤུན་ཟླས་སྲོག་གི་མཆོད་མེ།

    གཏམ་ལ་ལན་པོ་མེད་ན་ལྐུག་པ་ཆུ་འཐུང་།
    ཟས་སུ་ལན་པོ་མེད་ན་ཁྲམ་པ་སྐབས་འཚོལ།
    འཇིགས་སེང་གཡུག་བཞོགས་ཟེར་ནས་རྒྱབ་གཉེར་བྱེད་མདོག
    ལུང་རིག་རྒྱབ་རྟེན་མེད་ན་མ་གཡུག་རང་གཡུག

    ཨོ་ཧཧཧཧཧཧཧ་བོད་རང་བཙན་ཡིན། མགྱོགས་པོ་ཐོབ་ཀྱི་རེད།

    Reply
  3. འཇིགས་མེད་སེང་གེ says:
    ལོ་ 14 སྔོན།

    རྒན་ཆབ་བྲག་ལགས། དྲ་ངོ་འདི་དག་མཐུན་སྣང་དུ་གྲུབ་ཡོད་པའི་གླེན་པ་གཅིག་ནི་ཇོ་རུ་ཟེར་བ་འདི་རེད། ཁྱེད་ཀྱིས་གླེན་པ་བརྒྱ་བཤད་ཀྱང་གོ་བ་མེད་མཁན་དག་གི་མཉམ་ཏུའང་རྩོད་པ་འདྲ་ཞིག་གནང་བཞིན་པ་འདི་ནི་ཕན་སེམས་ཀྱིས་ཡིན་ཡང་། གོ་ཚོད་མི་འདུག་པས་གཡུག་བཞག་ན་དགའ་ལེ་རེད་ལགས།

    Reply
  4. བློ་འཕེལ། says:
    ལོ་ 14 སྔོན།

    ཤར་ཁུག་གི་བཤད་པ་བདེན་པ་རེད། རྒྱབ་སྐྱོར་ཡོད། ཁ་ཤས་དབུ་ལམ་བཤད་དུས་སྙིང་གི་ན་ཚ་ཕོག་གི་ཡོད་པ་རེད།
    དབུ་ལམ་ལས་འགུལ་ཁང་འདི་བོད་རྒྱ་གཉིས་ཀའི་ངོས་ནས་གལ་ཅན་ནང་གི་དོན་ཅན་ཞིག་རེད།

    Reply
  5. ཅོ་རི་ཉི་མ། says:
    ལོ་ 14 སྔོན།

    ཨེ་ལྷ་མོ་སྐྱབས་ལགས།
    ༧གོང་ས་མཆོག་བྱང་ཆུབ་སེམས་དཔའ་སྐུ་དངོས་སུ་བཞུགས་ཡོད་ཀྱང་བཀའ་དགོངས་བཞིན་མི་འགྲོ་པར་ལོག་ལམ་དུ་འགྲོ་གིན་འདུག་ཟེར་ན་ཅི་ཟེར་གྱི་ཡོད་དམ།

    བོད་རང་བཙན་འཐབ་རྩོད་པ་ཚང་མ་ལོག་ལམ་དུ་འགྲོ་གིན་འདུག་ཟེར་གྱི་ཡོད་དམ། རྒྱ་དམར་གྱི་རྩ་ཁྲིམས་འོག་ཏུ་སྡོད་འདོད་མེད་ན་ལམ་དབུ་མ་དང་༧གོང་ས་མཆོག་གི་བཀའ་དགོངས་དང་འགལ་ཚུལ་ཞིག་བཤད་ཀྱི་ཡོད་དམ།

    ངས་བལྟས་ན་་་སྔར་ནས་ད་ལྟའི་བར་དུ་༧གོང་ས་མཆོག་གི་བཀའ་དགོངས་སུ་མི་བརྩི་མཁན་རྣམས་ནི་་་ངོ་དགའ་སྤྲེལ་ལག་ཁྲམ་པ་མ་གཏོགས་རང་ངོས་ནས་བོད་མི་རིགས་ཀྱི་བདེ་སྡུག་ལ་བསམ་གཞིག་མེད་པ།

    ཁ་ནས་དད་པ་དང་དམ་ཚིག་བཤད་ཞོར་དོན་དུ་སྒེར་དོན་དང་་སྙན་གྲགས་དོན་གཉེར་བྱས་པ་མ་གཏོགས་བོད་མི་དམངས་ཉམ་ཐག་ཚོའི་བདེ་སྡུག་དང་བསམ་ཚུལ་བརྩིས་མེད་དུ་བཏང་མཁན་མི་རྣམས་རེད།

    སྐབས་འཚོལ་རྒྱལ་ཚོང་བ་ཚོས་དབུ་མའི་ལམ་གྱི་དགོངས་དང་དམངས་གཙོའི་ལྟ་གྲུབ་ལ་གཞིར་བཅོལ་བའི་༧གོང་ས་མཆོག་གི་དབུ་མའི་ལམ་གྱི་དགོངས་དོན་གཉིས་ཁ་ཁར་ཡིན་པ་ལས་གཅིག་པ་ཡིན་པར་སུས་ཀྱང་ཁས་ལེན་གྱི་མེད།

    ང་ཅོ་རིས་ངོས་ནས་ཀྱང་རང་ཉིད་༧གོང་ས་མཆོག་གི་ཆེད་དུ་བྱ་བའི་གདུལ་བྱ་མཚན་ཉིད་ཚང་བའི་བུ་ཞིག་ཡིན་པར་རང་གིས་རང་ལ་ཡིད་ཆེས་ཡོད། ཕོ་ལོ་ཅོ་བརྒྱད་ནས་༧གོང་ས་མཆོག་གི་བདེན་ཚིག་སྨོན་ལམ་བློ་ལ་སྐྱོར་ཞོར་རྒྱལ་ཁམས་སྐོར་མཁན་མི་ཞིག་ཡིན།
    ༧གོང་ས་མཆོག་འདི་་་་་ལམ་དབུ་མ་པ་ཚོའི་ཡིན་མདོག་དང་བོད་རང་བཙན་པ་ཚོའི་མིན་མདོག་བཤད་བསྡད་མ་འདུག་་་ཨེ་གོ་་་ལྷ་མོ་སྐྱབས་།

    Reply
  6. ཅོ་རི་ཉི་མ། says:
    ལོ་ 14 སྔོན།

    དྲ་གྲོགས་རུ་གསར་ལགས།
    ཁྱེད་ཀྱིས་་་༧གོང་ས་མཆོག་གིས་བཙན་བྱོལ་བོད་གཞུང་ཞེས་པའི་མཚན་བྱང་འདིར་བཙན་བྱོལ་བོད་མིའི་སྒྲིག་འཛུགས་ཞེས་བསྒྱུར་བ་རེད་གསུངས་ན་ངོས་ལེན་རྩ་བ་ནས་མེད།
    ༧གོང་ས་མཆོག་གིས་སྒེར་གཅོད་མི་བྱས་པར་བོད་མི་རིགས་ཀྱི་བདེ་སྡུག་ཐམས་ཅད་བོད་རྒྱ་ཆེན་མི་དམངས་ཀྱིས་ཐག་གཅོད་བྱ་དགོས་གསུངས་ཡོད་པར་དངོས་འབྲས་རེད།

    བོད་གཞུང་དམངས་རྒྱལ་ཡོངས་ཚོགས་ཆེན་སྐབས་སུ་བཙན་བྱོལ་བོད་གཞུང་ཞེས་པའི་མཚན་བྱང་རང་འཇག་བཞག་དགོས་པར་དམངས་མོས་བྱུང་ཡོད་པ་ཡང་དངོས་གནས་རེད།

    གཉིས་ནས་་་་ཚང་མས་་རྒྱལ་གཅེས་པ་རྟའུ་ཚེ་དབང་ནོར་བུའི་རང་ལུས་མེ་བསྲེགས་ཀྱི་བརྙན་དཔར་དེ་ལ་ཡག་པོ་ཞིག་གཟིགས་ནས་སྐད་ཆ་དྲང་པོ་ཞིག་གསུང་རོགས་བྱོས་དང་།

    གསོན་པོ་དཔང་རྟགས་དགོས་ན་་་༢༠༠༨ལོར་ཞི་རྒོལ་ཆེན་མོའི་སྐབས་སུ་ལག་པ་རྒྱ་དམར་གྱི་མེ་མདས་ཅག་པའི་རྒྱལ་གཅེས་པ་ལྕོག་རི་བ་ཚེ་དབང་དོན་འགྲུབ་ལགས་ཀྱི་སྐད་ཆ་ཞིག་ཉན་ནས་སྐད་ཆ་དྲང་བདེན་ཡོད་པ་ཞིག་གསུང་རོགས་བྱོས་དང་།

    ཤི་སྲོག་ལ་མི་བརྩི་པར་རང་ལུས་མེ་བསྲེགས་བཏང་མཁན་ཚོས་བོད་རང་བཙན་གྱི་ཆེད་དུ་རེད་དམ། མ་རེད། ལས་རྒྱུ་འབྲས་དང་དཀོན་མཆོག་གསུམ་ཁས་ལེན་མཁན་ཞིག་ཡིན་ན་དྲང་པོ་གསུང་དང་། ཁ་ན་ན་དྲང་བདེན་དང་དྲང་བདེན་ཟེར་ནས་འབོད་མ་འབོད་ཡོད་ནི་མ་རེད། དྲང་དགོས་ས་དེར་དྲང་པོ་ཞིག་གནང་རོགས་བྱོས་ཞེས་སྙིང་ནས་རེ་སྐུལ་ཞུ་བཞིན་ཡོད།

    Reply
  7. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    “མཉེས་གཤིན་བྱམས་བརྩེས་འགྲོགས་ཐབས་འཚེ་མེད་ལམ།”
    འདི་ནི་རིས་མེད་མི་རྣམས་ཀུན་སྤྱོད་ལམ།
    “མཐའ་གཉིས་སྤངས་པ་གཉིས་སྨན་དབུ་མའི་ལམ།”
    འདི་ཉིད་མི་རིགས་རིས་མེད་བདེ་དགའི་ལམ།

    “འཇིགས་རུང་དྲག་མཚོན་མ་མཆིས་ཞི་བདེའི་ཡུལ།”
    འདི་ནི་མཚོན་དང་དམག་འཐབ་སྤངས་པ་ཡི།
    རིས་མེད་རྒྱལ་ཁབ་འཆམ་མཐུན་གཞི་རྩ་སྟེ།
    “བསྐྲུན་པའི་ཐབས་ཚུལ་འགྲུབ་ལ་མཐུ་དཔུང་སྐྱེད”

    སངས་རྒྱས་བྱང་སེམས་མངོན་སུམ་བཞུགས་ན་ཡང།
    དེ་ཡི་བཀའ་དགོངས་མི་བརྩི་ལོག་པའི་ལམ།
    དོན་དུ་གཉེར་བའི་ངང་ཚུལ་འདིར་བསམས་ན།
    སྙིགས་མའི་དུས་ཞེས་བརྗོད་པར་ངེས་ཤེས་སྐྱེ།

    Reply
  8. རུ་གསར་ཚང་། says:
    ལོ་ 14 སྔོན།

    ཅོ་རི་ལགས། ཁྱོད་ཀྱིས་བཤད་པའི་དོན་ཚན་བཞིའི་ནང་གི་གསུམ་པ་དེས་༧ གོང་ས་མཆོག་གིས་བཙན་བྱོལ་བོད་གཞུང་གི་མཚན་བསྒྱུར་གནང་བར་ཟུར་ཟ་བྱས་འདུག་པ་དང་། བཞི་པ་དེས་མཁས་དབང་ཟམ་གདོང་རིན་པོ་ཆེས་བོད་རྒྱའི་འབྲེལ་མོལ་ལ་གནོད་གཞིར་གཟིགས་ཏེ་བོད་རང་བཙན་གྱི་སྐད་འབོད་མ་བྱེད་ཅེས་པར་ཟུར་ཟ་བྱས་འདུག་པས། དེས་ན་ཁྱོད་ཀྱིས་ཁོང་རྣམ་པ་གཉིས་ཀྱང་རྒྱལ་བཙོང་བའི་གྲས་ལ་རང་བཞིན་གྱིས་བཞག་འདུག་པས་ད་ནི་ཁྱོད་ཀྱང་ཅི་ཡིན་ཆ་མི་འཚལ་བའི་ཚོད་རེད་འདུག
    སྤྱིར་བཤད་ཕོད་པ་དང་སྒྲུབ་ཕོད་པ་བཟང་མོད། སྐད་ཆའི་བཟང་ངན་དང་། ལག་པའི་ཕྱི་ནང་ཤེས་ནས་སྐད་ཆ་བཤད་རྒྱུ་དེ་བས་གལ་ཆེ་བར་མཐོང་།

    Reply
  9. བློ་བཟང་། says:
    ལོ་ 14 སྔོན།

    ཁྱུང་ཆེན་ཤར་ཁུག་སྤྲུལ་སྐུ་སྣ་ཚོགས་རང་བཟོས་བྱེད་རྒྱུ་ངོ་ཚ་མེད་ཀི།

    Reply
  10. ཅོ་རི་ཉི་མ། says:
    ལོ་ 14 སྔོན།

    དུས་བབ་ཚང་གིས་ཤར་ཁུག་ལ་བཏབ་པའི་མཆན་བུ་ཞིག་ཡར་བཏང་མི་འདུག་ཀྱང་ངས་འདི་ནས་བསམ་གཞིག་ཐུབ་ངེས་ཡིན། ཁག་མེད་ཡ་སྐབས་འཚོལ་བ་ཚོ།
    གར་རྒྱ་ལུང་པའི་ནང་དུ་ལྟོ་གོས་ཁག་པོ་ཡོད་ཀྱི་རེད།

    ཡིན་ནའང་ཤར་ཁུག་གིས་བཅུག་བཤད་བསྡད་པ་འདི་ཚོ་ནི་ལྟོ་རག་རྐྱེན་གྱི་སྐད་ཆ་ཞིག་མི་འདུག་་་ད་དུང་དབུ་མའི་ལམ་གྱི་ཉམས་ལེན་ཟེར་བའི་དོན་ཚན་༡༡ཅན་ཞིག་སྤེལ་བྱས་འདུག
    དོན་ཚན་དེ་དག་གི་ནང་དུ་༩་པ་ཉིས་རྩེག་རེད་འདུག་པས་གོ་དོན་ཡང་ཉིས་རྩིག་ཡིན་གྱི་རེད་ཧཧཧཧཧཧཧཧཧ།
    ཤར་ཁུག་གི་ཉམས་ལེན་༩པ།
    ༩ བོད་ལ་རང་སྐྱོང་བྱུང་མཚམས་བོད་ཀྱི་ཆོས་སྲིད་དཔལ་འབྱོར་གང་ཐད་ནས་རང་མགོ་ཐོན་ཆེད། ཕྱིའི་ཡུལ་གྲུ་ཁག་ཏུ་གནས་པའི་སློབ་གཉེར་བ་ཡོངས་དང་། དེ་བཞིན་རང་རིགས་ནང་པའི་ལྟ་གྲུབ་དང་མཚན་ཉིད་རིགས་པའི་སློབ་གཉེར་བ་ཡོངས་ཀྱིས་སྔར་ལྷག་རང་འགོ་རང་ཐོན་གྱི་བོད་ཀྱི་ཤེས་རིག་དར་རྒྱས་ཆེད་༧གོང་ས་མཆོག་གི་དགོངས་གཞི་དང་མཐུན་པར་ཧུར་བརྩོན་གྱིས། གསེར་ལས་བྲིན་པའི་དུས་ཚོད་ཡོངས་རྫོགས་སློབ་སྦྱོང་ཐོག་ནར་གཏོང་བྱེད་པ། རྩོམ་འབྲི་བ། བགྲོ་གླེང་ཚོགས་པ་སོགས་རང་གི་སྤྱི་ཚོགས་སུ་སྤེལ་གལ།

    ༼༩ བོད་མིའི་མཚན་ཐོངས་ལ་གནོད་གཞིའི་ལས་རིགས་ཆེ་ཕྲ་གང་དུ་བྱུང་ངེས་པ་དང་བྱུང་བ་སོགས་ཀྱི་སྐབས་སུ་བོད་མི་ཚང་མས་དང་བླང་གིས་ཞི་བའི་རྒོལ་ལན་བསླབ་བྱ་དུས་ལྟར་སྤྲོད་རྒྱུ།༽ཞེས་བཤད་ཀྱི་འདུག
    བོད་མིའི་མཚན་ཐོངས་ལ་གནོད་གཞིའི་རིགས་ངོ་སྤྲོད།
    ༡་་སྲིད་འཛིན་བློ་བཟང་སེང་གེ་ལ་་་་ཤོག་སེང་འབོད་པ།
    ༢་་བཙན་བྱོལ་བོད་མིའི་བཀའ་ཤག་ལ་་་སེང་གེའི་བཀའ་ཤག་ཞེས་སྒེར་བདག་ཅན་ཡིན་མདོག་འབོད་པ།
    ༣་་བཙན་བྱོལ་བོད་གཞུང་རྩ་མེད་བཟོ་བརྩིས་བྱེད་ཀྱི་ཡོད་པ།
    ༤་་བོད་མི་རིགས་ཀྱི་འཐབ་རྩོད་ཀྱི་སྐབས་སུ་རང་བཙན་དང་Free Tibetཞེས་འབོད་ན་ངོ་རྒོལ་ནང་དུ་མཉམ་ཞུགས་མི་བྱེད་པར་རྒྱུད་སྐུལ་བྱས་པ།
    སྤྱི་ཚོགས་ནང་དུ་༧གོང་ས་མཆོག་དང་ལམ་དབུ་མ་་་ཁ་ལ་འཁྱེར་ནས་དཀྲུགས་གང་ཐུབ་བྱས་པ།
    སོགས་ནི་དོན་ཚན་དགུ་པའི་དགོངས་དོན་རེད། ཁྱོད་རང་གི་ཆེད་དང་སྐབས་འཚོལ་རྒྱལ་ཚོང་བ་ཚོས་ཆེད་དུ་ཡག་པོ་འདུག་པས་དྲན་སྐུལ་ཙམ་ཞུ་པ་ཡིན་ནོ།
    ཤི་སྲོག་ལ་ཐུག་ཀྱང་རྒྱལ་ཚོང་བ་ཚོས་ཁ་གཏད་ཅག་གང་ཐུབ་བྱེད་ཀྱིས་དམ་བཅའ་བརྟན་པོ་ཡོད། དེ་ལུགས་ཀྱི་ཐུགས་བསམ་བཞེས་རོགས།
    བོད་མི་རིགས་ཀྱི་མཚན་ཐོངས་སུ་གནོད་པའི་ཤར་ཁུག་གི་བྱེད་ལས་ངོ་རྒོལ་ཡོད།
    བོད་རྒྱལ་ལོ།།

    Reply
  11. ཁྱུང་ཆེན་རང་གྲོལ། says:
    ལོ་ 14 སྔོན།

    ཤར་ཁུག་གིས་དབུ་མའི་ལམ་ནས་རྩ་དོན་སྒྲུབ་སྟངས་ཁ་ཤས་སྤྱི་ཚོགས་ནང་བསྐོར་གཡུག་བྱས་ནས་འཇོག་པ་འདིའང་། ཉམས་ཚོད་ཅིག་མིན་ན་གང་ཡིན། མི་སུ་ཡིན་ཡང་། རང་གི་ལངས་ཕྱོགས་དང་དེའི་སྒྲིག་འཛུགས་དང་བཅས་པའི་སྤྱི་ཚོགས་ཀྱི་འབྲེལ་བར་དང་པོར་ལྟ་རྟོགས་བྱེད་པ་དེ་ཐབས་ཡག་ཤེས་རེད། དངོས་གནས་རང་བཙན་པ་ཁ་ཤས་སྤྲུལ་བ་སྟོང་དུ་བརྫུས་ནས་འདྲ་མི་འདྲ་བཤད་ཀྱི་འདུག དེ་ལས་ཀླུ་མཁར་བྱམས་ལྟར་དངོས་མིང་བཀོད་ནས་བཤད་ན་བུ་བཟང་རྟགས་རེད། མ་གཞི་ནས་རང་བཙན་པའི་མིང་ཐོག་ནས་ཞལ་འདེབས་ཀྱིས་དངུལ་ཁང་རྒྱག་འཇུག་མཁན་འདི་ཚོར་འདྲེ་མགོ་རྡོས་ཡང་ཐེངས་གཅིག་ཉེན་བརྡ་ཞིག་བཏང་དགོས་ས་རེད་གདའ།

    Reply
  12. ཁྱུང་ཆེན་རང་གྲོལ། says:
    ལོ་ 14 སྔོན།

    རྭ་ལོ་ཟེར་བ་འདི་ཚོས་ག་དུས་ཡིན་ནའང་། འབྲེལ་མེད་དོན་གཞན་ཞིག་བཤད་འདུག་རྒྱུར་ངོ་ཚའམ། དངོས་གནས་ཞུས་ན་དྲ་བའི་ཞབས་མཆན་པ་རྣམས་ནི་ལས་མེད་ཞེ་གཅིག་རེད་ཅེས་བཤད་ཀྱི་ཡོད་པ་དེ་འདི་འདྲ་མིན་ན་གང་ཡིན། ཁྱེད་ཚོས་ཅིག་ཤེས་ཀྱི་ཡོད་ན། གོང་གི་མ་རྩོམ་དེ་རྩབ་ཧྲལ་དུ་བཏང་ནས་གད་སྙིགས་ནང་གཡུག་ཞོག དེ་དུས་ང་ཚོས་བུ་སུ་བཟང་། མགོ་སུས་འཚོས་ལྟ་ཡ། དེ་མིན་བསམ་བཞིན་ལངས་ཕྱོགས་ཀྱི་བར་ལ་ཐལ་བ་རྩུབ་བཞིན་པ་འདིས་ཁུངས་འཁྱོལ་སོང་ན་གནམ་ས་འདིའང་ལན་གཅིག་བརྗེ་དགོས་ཀྱི་རེད་གདའ། ཧཧཧཧཧ གོ་སོང་ངམ། ཨ་མའི་བུ་ལ་ཡོན་ཏན་ཡོད་ན། དགའ་ལྡན་ཁྲི་ལ་བདག་པོ་མེད་གསུངས་པ་ལྟར། བུ་བཟང་བོ་ཚོ་ཡོན་ཏན་ཡོད་ན། བོད་ཀྱི་ཡི་གེ་འདི་མགོ་ལ་འཕྱར་ནས་དམག་འཁྲུག་རྒྱོབ་དང་དེ་དཔའ་རྟགས་དངོས་གནས་པ་རེད། དེ་མིན་བྱབ་ཆུང་གི་སྐད་ཆ་འདི་འདྲ་བཤད་བསྡད་ན། རིག་པ་ཅན་རྣམས་ཐང་ཆད་ཅིང་། རྒྱ་ནག་ཚང་ཡང་གད་མོ་ཤོར་གྱི་རེད་གདའ།

    Reply
  13. ཟླ་བ་བསོད་ནམས། says:
    ལོ་ 14 སྔོན།

    ལས་སླ་མདོག་ལ། ཡིན་ལ་མིན་གྱི་གླེང་ཕྱོགས་འདི་འདྲིའི་རིགས་ལ་ནམ་ཡང་རྒྱབ་སྐྱོར་མེད། བསམ་བསམ་འདོད་འདོད་པོ་གླེང་ནས་དབུ་མའི་ལམ་ལ་འགྲེལ་བརྗོད་བྱེད་སྟངས་འདི་རིགས་ལ་བསྟེན། དབུ་མའི་ལམ་གྱི་རིན་ཐང་ཉམས་གསོ་བྱེད་པ་ལས་ཉམས་དམས་སུ་གཏོང་ཀྱིན་བསམ་པ་དྲན་བྱུང་། དགོངས་འགལ་མེད་པ་ཞུ།

    Reply
  14. རུ་གསར་ཚང་། says:
    ལོ་ 14 སྔོན།

    དགའ་ལྡན་ཁྲི་ཟུར་ཡང་དོལ་ཚོགས་ཀྱིས་བསྒྲུགས་ནས་རྒྱ་གཞུང་ལ་རྔན་པར་སྤྲད་འདུག་གཱ འོ་ན་འདིས་རྣམ་འགྱུར་ཅི་ཞིག་སྟོན་གྱིན་འདུག ཤར་རྒྱལ་བ་ཙོང་ཁ་པའི་རྒྱལ་ཚབ་ཀྱང་འདི་འདྲ་ཞིག་ཡིན་ན་ཤར་ཁུག་ལ་ཅི་ཁག འོན་ཀྱང་ཁྲི་ཟུར་དང་ཤར་ཁུག་གཉིས་ཀྱི་འཛུལ་སར་མཚུངས་བསྡུར་བྱེད་སའི་གཞི་ཁོ་རང་མེད་པ་ཚང་མས་ལོས་ཤེས། འོན་ཁ་ཤས་ཀྱིས་གཉིག་པ་འདྲ་བོ་རེ་ཤོད་ཀྱིན་འདུག དེ་ནི་ཕྲག་དོག་དང་འགྲན་སེམས་ཀྱིས་རང་སེམས་རྣལ་དུ་མ་བབས་པའི་ལབ་རྡོལ་ཙམ་ལས་དོན་དངོས་དང་ཅུང་ཙམ་ཡང་བཅར་ཐུབ་མེད། ཟླ་བ་ཚེ་རིང་སྤྱི་ཚོགས་ཞབ་ཕྱི་བ་ཞིག་ཡིན་པ་ལས་སྤྱི་ཚོགས་གཏོར་བཤིག་མཁན་མིན། རྡ་སའི་ཁོར་ཡུག་གཙང་བཟོའི་ལས་གཞི། ལས་མེད་ཚོགས་པའི་ལས་གཞི། མི་མང་ལ་ནང་ཆོས་ངོ་སྤྲོད་ཀྱི་ལས་གཞི། མདོར་ན་རྡ་སར་བྱུང་བའི་དཀའ་ངལ་དང་རྙོག་དྲ་ཆེ་ཆུང་ཅི་ཞིག་ཐོན་ཡང་ཟླ་བ་ཚེ་རིང་ཐོན་མེད་ས་དང་ཁོང་གིས་རང་མ་བཏོན་ས་ཞིག་རྩ་བ་ནས་མེད་ཟེར་ཆོག
    ཁོང་གིས་གཞུང་རྒྱུ་སྒེར་བདག་ཟེར་བ་དེ་ཡང་ཆེད་དུ་གླེང་ཕྱོགས་བཟོ་འདོད་ལས་དོན་དངོས་དང་འབྲེལ་མེད། དེ་འདྲའི་མི་གཞི་མེད་མཁན་ཞིག་ཡིན་ན་མང་ཚོགས་ཁྲོད་ཁོང་ལ་དགའ་བསུ་དང་རྒྱབ་སྐྱོར་འདི་འདྲའི་མང་པོ་ཐོན་མེད། ཁོང་གིས་ཉིན་རེའི་མང་ཚོགས་ཀྱི་མི་ཚེ་དང་འབྲེལ་བའི་ཕན་ཐོགས་གནང་གི་ཡོད་པ་ལས་མ་འོངས་པར་ཕན་ཐོགས་ཡོད་སྐོར་གྱི་ཁ་གཡང་སྒྲོག་ནས་བསྡད་མེད།

    གཞུང་གི་ལངས་ཕྱོགས་དང་ལྟ་བ་ལམ་དབུ་མ་ཡིན་ན་ལམ་དབུ་མའི་ཚོགས་པ་ཟུར་འཛུགས་བྱེད་མི་ཆོག་པ་ག་རེ་ཡིན་ནམ། འོ་ན། ང་ཚོའི་གཞུང་དམངས་གཙོ་དང་འགྲོ་བ་མིའི་ཐོབ་ཐང་ཡོད་བཞིན་དུ་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ཁང་ཞེས་ཚོགས་པ་སྔོན་མ་ནས་བཙུགས་ཡོད་པ་མ་ཤེས་པ་ནི་ཡིན་དོན་མེད།

    དབུ་མའི་ལམ་གྱི་ལས་འགུལ་ཁང་ལ་ངོ་རྒོལ་བྱེད་པ་ལས་༧གོང་ས་མཆོག་གི་དབུ་ལམ་ལ་མཐའ་བཞི་དང་སྤྲོས་པ་བརྒྱད་སོགས་ཀྱིས་འགྲེལ་ལོག་རྒྱག་མཁན་དག་ལ་རྒོལ་ན་རེད། དབུ་ལམ་འདི་ལ་༧གོང་ས་མཆོག་གིས་གཉིས་ཕན་དབུ་མའི་ལམ་ཞེས་འགྲེལ་བཤད་ཁ་གསལ་གོ་བདེ་འདི་འདྲ་ཞིག་ཡོད་བཞིན་དུ་དེ་འདྲའི་འགྲེལ་ལོག་རྒྱག་དགོས་དོན་མི་འདུག་གཱ

    དེ་ནས་དེང་སང་རང་རེའི་སྤྱི་ཚོགས་ཁྲོད་རྟོན་བཞི་གོ་ཟློག་གིན་འདུག དཔེར་ན། དོན་ལ་མི་རྟོན་ཚིག་ལ་རྟོན། ཆོས་ལ་མི་རྟོན་གང་ཟག་ལ་རྟོན་གྱིན་འདུག དེའི་སྒང་ལ་རྟོན་པ་གཉིས་འཐོལ་བ་སླེབས་འདུག དེ་ནི། གང་ཟང་ལའང་མི་རྟོན་རང་གི་ཕྲག་དོག་ལ་རྟོན་ཟེར་བ་འདི་རེད།

    Reply
  15. བློ་བཟང་། says:
    ལོ་ 14 སྔོན།

    རྭ་ལོ་ལགས། མི་ཞིག་ཡིན་དྲང་མོར་བཤད་པའི་བློ་སྟོབས་དགོས་ནི་རེད། ་ཤར་ཁུགས་ཀྱི་སྐྱག་ལབ་བརྒྱབ་ནས་དུས་ཚོད་མེད་མདོག་དང་། ་ཁ་རྒྱ་ནག་ལ་གཏོད་དགོས་་ཞེས་རང་ལ་སློབ་གསོ་གནང་་འདུག་ག ཁོས་ཁ་རྒྱ་ནག་ལས་བོད་གཞུང་དང་བཀའ་ཁྲི་ལ་བསྐོར་ཏེ་འཁྲབ་སྟོན་ཅི་བྱེད་ལོ་རྒྱུས་ལ་གསལ་ཡོད། མཐའ་མར་ཟླ་ཚེ་ཚང་གི་འཁྲབ་རྭ་ལ་སླེབས་ཐུབ་པ་བྱུང་བ་རེད།

    Reply
  16. རྭ་ལོ། says:
    ལོ་ 14 སྔོན།

    བློ་བཟང་ལགས་ཕེབས་པར་དགའ་ཡོད། བོད་ཀྱི་གཏམ་དཔེར། དྲང་པོར་བཤད་ན་མྱི་མི་དགའ། དབྱུག་པ་ཕྱར་ན་ཁྱི་མི་དགའ། ཟེར་གི་རེད། ནམ་རྒྱུན་ཀློག་གི་ཡོད་མ་གཏོགས་འབྲི་གི་མེད། ད་མཚམས་རེེར་ཨུ་ཐུག་པ་འདྲ་ཞིག་ཀྱང་འདུག དེའི་རྐྱེན་གྱིས་གང་ཟག་དང་ཚོགས་པར་མ་ལྟོས་པར་སྐད་ཆ་རེ་བཤད་པའི་ཁུལ་ཡིན། གལ་སྲིད་ཕོག་སོང་ན་དེ་ལ་་གོ་ཤེས་ཀྱི་ལམ་ཁ་ཡོད་ན་འཚོལ་གི་ཡིན། མེད་ན་ང་ལ་ཡང་ཁག་མེད་པའི་གནས་སྟངས་ཤིག་ཆགས་གི་རེད་འདོད།

    Reply
  17. བློ་བཟང་། says:
    ལོ་ 14 སྔོན།

    གྲོགས་རྭ་ལོ་ལགས། ཁྱེད་ཀྱིས་བཤད་པ་དངོས་གནས་གནས་ལུགས་ཡོད་ཀི། ༧གོང་ས་མཆོག་གིས་རྨད་དུ་བྱུང་བའི་ལམ་དེར་ད་ལྟ་རྡ་སའི་ཁྲམ་པ་ཁ་ཤས་ཀྱི་འཁྲབ་སྟོན་བྱེད་སའི་སླས་རྭ་ལྟ་བུ་གྱུར་འདུག ལམ་འདི་དྭངས་ཤར་དང་དམ་ཆོས། ཤར་ཁུགས་སོགས་འདུ་ས་དང་ཚང་ས་ཡིན་པས་ཚར་འདུག་རེས།

    Reply
  18. རྭ་ལོ། says:
    ལོ་ 14 སྔོན།

    ༧གོང་ས་མཆོག་གི་ཐུགས་དགོངས་ན་ཡོད་པའི་དབུ་མའི་ལམ་དེ་ད་སྐབས་འདི་ལྟར་ནང་འཁྲུག་དང་། རྫུན་མ། ཁྲམ་པ། གཡོ་སྒྱུ། ཕྲག་དོག ཕྲ་མ། ཞེ་འཁོན་ལ་སོགས་པ་སྤུངས་ས་དང་། སྦ་ས། འགེབ་ས། གཡུལ་ས། འགོ་ས། སྐོར་ས་ཞིག་ཆགས་འདུག ད་ནི་ཕལ་ཆེར་ཚར་ཚར་བ་འདྲ་བོ་རེད། ལྷག་པར་དུ་ད་ཐེངས་དབུ་མའི་ལམ་ཞེས་པའི་ཚོགས་པ་འདི་འཛུགས་མཁན་དག་གིས་རང་མདོག་ངོ་མ་དེ་ཕྱི་ལ་བསྟན་སོང་།

    ༧རྒྱལ་བ་རིན་པོ་ཆེ་སྐུ་རྐྱང་ལ་ལྷག་ས་རེད། ཁོང་གི་དབུ་མའི་ལམ་དེ་ཡང་ཁྲམ་པ་ཚོའི་འཁྲབ་སྟོན་བྱེད་སའི་སྟེགས་བུ་ཞིག་ལ་འགྱུར་ས་རེད།

    Reply
  19. བློ་བཟང་། says:
    ལོ་ 14 སྔོན།

    ངས་ལྟོས་ན་དབུ་མའི་ལམ་ལས་འགུལ་ཁང་ཟེར་བ་འདི་བོད་གཞུང་ལ་བློ་གཏད་དང་ཡིད་ཆེས་མེད་པའི་ཚོགས་པ་ཡོད་ན་མེད་ན་དེ་རེད། བོད་གཞུང་གིས་མང་གཙོའི་སྤྱི་མོས་ཐོག་ནས་དབུ་མའི་ལམ་ལ་འགྲོ་གི་ཡོད་བཞིན་དུ་ཟུར་ནས་མི་འཁྲབ་ཁ་ཤས་ཤིག་གིས་འཁྲབ་ས་འདིར་ཅུང་ཧ་སངས་དགོས་འདུག ད་ཤར་བྱ་འཕུར་ལམ་ཇེ་སྡུག་རེད། ་སྤྱི་རྫས་སྒེར་བདག་བྱས་ནས་བོད་གཞུང་ཁྲིམས་ལ་བསྐྱལ་མཁན་གྱི་ཉེས་ཅན་ཟླ་ཚེ་སོགས་ཀྱིས་བློ་སེང་བཀའ་ཤག་ལ་རྒྱབ་བསྐོར་སྟངས་ཤིག་རེད།་བོད་མི་ཚོས་ཤེས་ཚད་རེད།

    Reply
  20. རྭ་ལོ། says:
    ལོ་ 14 སྔོན།

    ང་ཅུང་ཧང་སངས་ས་ནི། བཀའ་ཁྲིས་རྡོག་རྒྱག་གཞུས་ནས་མར་གཡུག་པའི་མི་དེ་དབུ་མའི་ལམ་ལས་འགུལ་ཁང་གིས་ཉི་མ་དེ་ག་རང་ལ་ཡར་སྒྲིག་པ་འདི་རེད། དབུ་མའི་ལམ་ལས་འགུལ་ཁང་གིས་བཀའ་ཁྲི་ལ་རྣམ་འགྱུར་འདི་འདྲ་ཞིག་འཛིན་དགོས་དོན་གང་ལ་ཐུག་པ་རེད། འདིའི་རྒྱབ་ན་གང་ཟག་སུ་ཞིག་གི་བྱུས་ཆེན་སྦས་ཡོད་པ་རེད། ཤར་ཁུག་ལ་ལས་ཀ་དེ་རག་པར་མ་དགའ་བ་ནི་མིན། སྐྱུག་བྲོ་བའི་འཁྲབ་བྱུས་གཞན་པ་དག་ལ་ཞེ་མེར་བ་ཡིན།

    Reply
  21. ལུང་རྟོགས། says:
    ལོ་ 14 སྔོན།

    གོང་གི་དོན་ཚན་བཅུ་གཅིག་པོ་ཚང་མར་ངོས་ལེན་དང་རྒྱབ་སྐྱོར་ཡོད། རྩོམ་ཡིག་འདི་འདྲ་རེ་སྤེལ་ཐུབ་ན་ངོ་མ་སྤྱི་ཕན་གྱི་ལས་ཀ་རེད། ཡི་རང་ཡོད།

    Reply
  22. ཤར་ཕྱོགས་ཁུག་རྟ། says:
    ལོ་ 14 སྔོན།

    དྲ་གྲོགས་རྣམས་པ་ཕེབས་ནས་བསམ་ཚུལ་གསུངས་བ་དང་དོ་སྣང་གནང་བ་ཐུགས་རྗེ་ཆེ།

    རྩོམ་གྱི་རྗོད་དོན་ལ་བགྲོ་གླེང་གནང་བ་ཕུད་གཞན་ལ་ལན་འདེབས་གནང་རྒྱུའི་དུས་ཚོད་མི་འདུག བཙན་བྱོལ་བོད་མིའི་དཀྱིལ་འཁོར་འདིའི་ཟུར་དང་འོག་ཏུ་ཟགས་ཟིན་པ་རེ་ཤོས་ལ་བཤད་སྲོལ་ཞིག་ཡོད་པ་ནི། དབུ་མའི་ལམ་ལ་བསྐྱོད་མཁན་དག་ནི་ཁེ་ཕན་རང་ལུགས་པ་ཉག་ཅིག་ཏུ་གླེང་བ་འདི་རེད། ལར་ནས་མི་དེ་ཚོའི་གྲས་ཀྱིས་ཁ་རྒྱ་ནག་གཏོད་རྒྱུ་བཞག་ནས་དངོས་གནས་ཅིག་གླེང་གི་ཡིན་ན། དེ་འབྲེལ་གྱི་ཁེ་ཕན་རྗེས་སུ་སྙེགས་ཚུལ་གསུངས་བ་ཡིན་ན། ང་ཚོའི་རྣམ་འབྱེད་ཤེས་རབ་བོད་ཀྱི་ཡི་གེར་དྲངས་ནས་རྩེད་མོ་རྩེ་ཆོག དེ་མིན། མི་རེ་ཤོས་ཀྱིས་སྤྲུལ་བ་སྟོང་འགྱུར་གྱི་ལས་དོན་འདི་རྣམས་བཞད་གད་ཀྱི་རྒྱུ་ཁོ་ནར་ཟད་དོ།
    རེ་བ་གཞན་ཞིག་ནི། དབུ་མའི་ལམ་པ་བ་རྣམས་ཀྱིས་རང་གི་གཞུང་ལུགས་དང་མཐུན་པའི་བོད་ཀྱི་སྲོག་སྐྱོབ་བྱ་བའི་ལས་འཆར་བསམ་ཚུལ་ཅི་ཡོད་འདིར་སྤུངས་ཐུབ་ན། ང་ཚོས་ག་ལེར་བགྲོ་གླེང་བྱས་ཆོག

    Reply
  23. འཇིགས་བྲལ་བསྟན་འཛིན། says:
    ལོ་ 14 སྔོན།

    http://www.tibetexpress.net/bo/blog/viewpost/6980
    དྲ་ཐག་འདི་ནས་འདི་འདྲ་ཞིག་མཐོང་གི་འདུག
    གང་ཟག་ལ་ལྟོས་པའི་དབུ་མའི་ལམ་དང་རྩ་དོན་ལ་ལྟོས་པའི་དབུ་མའི་ལམ།
    ཟེར་བ་ཞིག་འདུག ཁྱོན་ཡོངས་ཀྱི་ཞིབ་འཇུག་གནང་མཁན་ཞིག་ཡིན་ན་ཏན་ཏན་ཀློག་དགོས་པ་ཞིག་འདུག ཐེངས་འདིར་སྤེལ་བའི་བསམ་ཚུལ་ལ་ལྟ་སྟངས་གསར་པ་ཞིག་རྙེད་རྒྱུར་ཐེ་ཚོམ་མི་འདུག དེ་ནི་མང་ཚོགས་ཀྱི་ངོས་ནས་སྤྱི་ཚོགས་ནང་གི་ལྟ་ཚུལ་མང་པོ་ཤེས་དགོས་པ་དེ་རེད།

    Reply
  24. རང་དབང་རྒྱལ། says:
    ལོ་ 14 སྔོན།

    མ་གཞི་ནས། (དབུ་མའི་ལམ་)ཞེས་པ་འདི་ནི། དཀའ་རྙོག་སེལ་ཐབས་ཀྱི་རིགས་ལམ་ཞིག་ཡིན་ན། བེད་སྤྱོད་གཏོང་སྟངས་ནོར་ཉན་གི་མ་རེད་དེ། དེང་སང་། སྐྱབས་བཅོལ་བའི་ཚོགས་པ་དང་སྒེར་བ་ཆེས་མང་པོ་ཞིག་གིས། དབུ་མའི་ལམ་འདི་ཐབས་བྱུས་ཤིག་གི་ངོ་བོར་མ་བཟུང་བར་སྒེར་དོན་བསྒྲུབ་བྱེད་ཀྱི་ལག་ཆར་བཀོལ་ཤུགས་ཆེ་བས་ན། དབུ་མའི་ལམ་འདིའི་རིན་ཐང་ཉམས་དམས་སུ་སོང་དང་འགྲོ་བཞིན་པ་འདི་རེད།
    སོང་ན། ད་ནས་བཟུང་། དབུ་མའི་ལམ་འདིའི་ཁྱད་ནུས་གོང་འཕེལ་དུ་གཏོང་ཐབས་སུ། རིག་པ་བསྒྲིམས་དགོས་པ་ལས། ཁེ་ཕན་དང་སྦྲེལ་ལད་འཁྲབ་སྤྱད་ཀྱི་རིགས་ལམ་ཐེབས་ཆག་ཅིག་ཏུ་གྱུར་སོང་ན། དེ་ནི། ཁེ་ཕན་རིང་ལུགས་པའི་འགན་འཁུར་བྱེད་སྟངས་ལས་བསམ་པ་རྣམ་དག་གིས་འགན་འགན་ལེན་བྱེད་སྟངས་ཤིག་མ་རེད་དམ།
    ལྷག་པར་དུ། འདི་ནས་ངེས་པར་དུ་གླེང་དགོས་པ་ཞིག་ལ། སྐབས་འདིར་ཤར་ཁུག་གིས་བཏོན་པའི་ཐབས་བྱུས་རྣམས་ནི། དབུ་མའི་ལམ་གྱི་རིག་པ་བསྐྱེད་སྟངས་ཤིག་མ་རེད། བྱས་ན། ད་ནས་བཟུང་། དབུ་མའི་ལམ་ལ་འབྲེལ་བ་ཡོད་པའི་ཚོགས་པ་དང་མི་སྒེར་བ་ཚང་མས་གཟབ་ནན་བྱེད་དགོས་པའི་དུས་ཚོད་ཅིག་རེད་ཨང་།

    Reply
  25. གནས་ཚང་། says:
    ལོ་ 14 སྔོན།

    མ་གཞི་དབུ་མའི་ལམ་ནི་འགྲོ་བ་མིའི་རིགས་ལ་ལམ་སྟོན་ཐུབ་པའི་གཞུང་ལུགས་ཤིག་ཏུ་འགྱུར་བའི་རེ་བ་ཤིན་ཏུ་ཆེ་ནའང་། ད་ལྟ་མི་ཁག་ཅིག་གིས་ལམ་ཁ་འདིའི་ཁ་ཐུར་ལ་གཏད་ཟིན་པས། སྐྱ་མིན་སེར་མིན་ཞིག་ཏུ་འགྱུར་ཟིན་ལ། ཆོས་མིན་ཏང་མིན་ཞིག་ལ་བསྒྱུར་ཟིན་པས། གོང་ས་མཆོག་སྐུ་བཞུགས་ཐོག་ཡོ་བསྲང་མ་གནང་བ་ཡིན་ན། ལམ་འདི་འགག་རྒྱུ་ཉག་གཅིག་ལས་ལྷག་མི་འདུག

    Reply
  26. འབྲོང་བུ་སོག་ཚ། says:
    ལོ་ 14 སྔོན།

    རྒྱལ་བས་གཟིགས་པའི་དབུ་མའི་ལམ་ཆེན་དང་། །རྨོངས་དད་ཅན་གྱི་དབུ་མའི་ལམ་ཆེན་དང་། །སྤྲེ་ལད་ཅན་གྱི་དབུ་མའི་ལམ་ཆེན་གསུམ། །གངས་ཅན་པ་རྣམས་མུན་ནག་ནང་དུ་གཡུག།

    Reply
  27. བློ་བཟང་། says:
    ལོ་ 14 སྔོན།

    ༧གོང་ས་མཆོག་གིས་ལམ་སྟོན་གནང་བའི་དབུ་མའི་ལམ་ནི་མིའི་རིགས་ཀྱི་དཀའ་རྙོག་སེལ་བྱེད་ཀྱི་ལམ་ཡག་པོ་ཞིག་ཡིན་ཡང་། བོད་ཀྱི་སྤྱི་ཚོགས་ནང་དབུ་མའི་ལམ་ཁ་ལ་འཁྱེར་ནས་འཁྲབ་སྟོན་བྱེད་མཁན་ཚོ་སྙིང་རྗེ་བའི་ཡུལ་ཡིན།དཔེ་མཚོན་གསལ་ཤོས་སྟེ་ཤར་ཕྱོགས་ཁུག་རྟ་ཅན་ཡིན།་ཁོས་ཉིན་ཤས་ནང་འཁྲབ་སྟོན་བྱས་སྟངས་ལ་ལྟོས་དང་།མི་ཚོ་གད་མོ་ཤོར་ཡོང་།ཁྱེད་ལ་ཀླད་རྙིང་དམ་ཆོསདང་རྡ་སའི་མི་ཁྲམ་ཟླ་ཚེ། ཀླད་སྐྱོན་དྭང་ཡོན། ཕག་པ་ཆབ་བྲག་སོགས་དངོས་གནས་མི་ཡག་པ་དག་རག་འདུག

    Reply
  28. དམག་ལོག་ says:
    ལོ་ 14 སྔོན།

    དབུ་མའི་ལམ་ནི་ངོ་གཉིས་མའི་ལམ་རེད། བོད་མི་ཚོ་རང་ཚུགས་བརྟན་པོ་དགོས་པ་གལ་ཆེན་པོ་རེད།

    Reply
  29. ཀརྨ་རྡོ་རྗེ། says:
    ལོ་ 14 སྔོན།

    ཤར་ཕྱོགས་ཁུག་རྟས།
    ཤར་༽གྱི་རྒྱལ་ཁམས་གུང་ཕྲན་རྒྱ་ཡུལ་དུ། །
    ཕྱོགས་༽བཞི་འཚམས་བརྒྱད་མཐའ་བསྐོར་རི་བསྐོར་དང་། །
    ཁུག་༽ཁུག་ཡུལ་ལུང་མི་མངས་ཡོད་ཚད་ཀྱིས། །
    རྟ་༽མགྱོགས་་མང་གཙོའི་མེ་མཆེད་ལྟར་འབར་ནས། །

    ཐུབ་པས་དབུ་མ་གསུངས་པའི་བྱིན་རླབས་དང་། །
    ༸གོང་ས་མཆོག་གིས་དབུས་ལམ་བཀའ་དྲིན་སྩལ། །
    ཤར་ཕྱོགས་ཁུག་རྟས་དབུས་ལམ་ཁུངས་ལུང་སྤེལ། །
    ཀརྡོ་ང་ཡང་དབུས་ལམ་མཆོག་ཏུ་མཐོང་། །

    Reply
  30. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    དབུ་མའི་ལམ་གྱི་བཤད་པ་དང་ལག་ལེན་དཔེ་མཚོན་འགའ་གསལ་བསྒྲགས་བྱས་པ་ཡག་བྱུང། ཁ་སྣོན་ཞིག་ལ།
    ༡༢༽ དབུ་མའི་ལམ་དང་མཐུན་པའི་ལས་འགུལ་གང་ན་སུ་ཞིག་གིས་སྤེལ་བཞིན་པ་དག་ལ་རྒྱབ་སྐྱོར་དང་མཉམ་འབྲེལ་གནང་དགོས།
    ༡༣༽ བོད་རྒྱ་ཞི་མོལ་གྱི་འབྲེལ་མཐུད་དེ་ཉིད་ཞི་མོལ་དངོས་གཞིར་འགྱུར་བར་རྣམ་དཔྱོད་ཅན་ཚོས་བསམ་གཞིགས་ཀྱིས་བསམ་ཚུལ་བཤད་དགོས་ལ་རང་ནུས་འདོན་དགོས།
    ༡༤༽དབུ་མའི་ལམ་མི་མང་ལས་འགུལ་ཁང་ནས་མུ་མཐུད་ལས་གཞི་སྣ་མང་དང་རྒྱ་སྐྱེད་ལ་འབད་རྒྱུ་བཅས།

    Reply
  31. མི་ཆུང་། says:
    ལོ་ 14 སྔོན།

    ཁབ་རྩེ་གཉིས་ཀྱིས་ཚེམ་བུ་མི་འོང་། བློ་རྩེ་གཉིས་ཀྱིས་དོན་མི་བསྒྲུབ། ཅེས་པ་ལྟར་རང་རེ་བ་རྣམས་མི་འབོར་ཉུང་ལ། དེའི་ཐོག་མི་རིགས་ཀྱི་རང་དབང་འཐབ་རྩོད་ཁྲོད་བོད་མིའི་སྒྲིག་འཛུགས་དང་། གོང་ས་མཆོག་གི་བཀའ་དགོངས་འོག་འགྲོ་མི་ཉུང་བ་འདིས། ལུས་སེམས་གཉིས་ཀྱི་ནུས་ཤུགས་ཀྱི་གོང་བུ་འཐོར་ཞིག་ཏུ་ཕྱིན་པ་དང་། ལྷག་དོན་མཐོ་རིམ་གྱི་དཔོན་རིགས་ཚོའི་ཁྲོད་དུ་ཡང་། སྦྲུལ་དུག་ལྟ་བུའི་ལྕེ་གཉིས་སྐྱོང་མཁན་མང་སྟབས། གོང་ས་མཆོག་གི་ཐུགས་བཞེད་འགྲུབ་རྒྱུར་ངལ་བ་ཤུགས་ཆེན་འཕྲད་མུས་ཡིན།

    Reply
  32. མྱི་ནག་ཚང་། says:
    ལོ་ 14 སྔོན།

    འདི་འདྲ་བ་བྲིས་བསྡད་ན་ཁག་པོ་འབྱུང་ས་རེད། ཨ་མའི་བུ། འདི་ལས་ལྷག་པ་ཞིག་ཨེ་འཁྱོང་ལྟ་རོགས།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese