ངས་ལོག་མཐོང་མིན་ན་ང་ཚོའི་ལམ་ཁ་དག་ལ་རུལ་དྲི་ཁ་འདུག

”གཞན་ལ་དཔྱད་བརྗོད་གཅིག་པོ་མ་ཡིན་པར། ང་ཚོ་ཉིན་རེའི་འཚོ་བའི་ནང་ལ་ཡང་བོད་དོན་ལ་ཕན་པའི་ལས་ཀ་ག་ཚོད་བྱས་འདུག ཆོལ་ཁ་དང་ཆོས་ལུགས་གིས་མཐེན་ཁྱེར་གྱིས་ལས་ཀ་ག་ཚོད་བྱས་འདུག རང་ཉིད་སོ་སོར་ལ་ཡང་དཔྱད་བརྗོད་ཞིག་བྱས་ན་ལེགས་པར་མཐོང་”ཞེས་པའི་སྐད་ཆ་འདི་སྙིང་བརྗེ་བོ་ཞིག་དང་ཡིད་ལ་འཐད་པོ་ཞིག་བྱུང་བ་མ་ཟད་དུས་རྟག་ཏུ་རང་གི་དྲན་ཤེས་ཀྱི་འཁོར་ཕྱོགས་དང་བསམ་གཞིག་བྱེད་ཕྱོགས་ཤིག་ཡིན། འོན་ཀྱང་ཁོ་བོས་མཆན་བྲིས་པའི་ཚིག་དུམ་ཁ་ཤས་དེ་ཁྱེད་ལ་དམིགས་པ་མིན་ཀྱང་ན་ཟུག་ཅིག་བཟོས་ཡོད་པ་འདྲ། གང་ལྟར་དོན་མེད་”སྙིང་ཆུང་ཟོལ་བརྫུ་ཁ་ཡང་མགོ་བདེ་ཞེས་མ་སྙད།།”ཅེས་པའི་ཚིག་ལ་བསམ་ན་ཁྱེད་ཀྱིས་བདག་གི་བསམ་པའི་ཁྱེར་ཕྱོགས་ལ་གཞིག་འབྲེལ་མ་བྱས་པའི་འཆར་ཡན་གྱི་གཏམ་ཞིག་ཡིན་པ་ལས་དོན་དངོས་གཞི་མེད་ཀྱི་ལོག་བཤད་དེ་འདྲ་དུས་ནམ་ཡང་བྱེད་མྱོང་མེད།
རྟག་ཏུ་རང་གིས་ཆེ་མཐོང་དང་བརྩི་མཐོང་འཇོག་ས་ཞིག་ཡོད་པ་ནི་མི་གཞི་ཡིན་པས་སོ། ཡང་”ལོ་དང་ཟླ་བའི་བགྲོད་ལམ་རྒྱལ་བས་བཀག་པ་མེད།།”རང་འདོད་རྣལ་མ་ཞིག་གཞན་གྱི་མགོ་ཐོག་ཏུ་བཞག་པ་ལས་མི་རིགས་ཀྱི་མདུན་ལམ་དང་ལམ་ཁ་ཡོད་ཚད་རྒྱལ་བས་བཀག་སོང་ཟེར་བའི་ཚིག་དོན་ཞིག་གང་དུ་འདུག དྲ་གྲོགས་གཟིགས་དང་། གལ་སྲིད་དེ་འདྲ་ཡོད་པ་ཡིན་ན་ཚོར་ཤེས་དང་མིག་ཟུང་གཅིག་ཏུ་བསྒྲིལ་ཏེ་འགྲེལ་བཤད་དང་བརྗོད་དོན་ཞིག་སྟོན་དང་དེ་ལུགས་ཀྱི་གོ་བཀོན་བྱེད་ཆོག དེ་མིན་ཁུངས་མེད་པའི་གཏམ་འཆར་དེས་རིགས་མ་གསུངས་རོགས་ཞུ་རྒྱུ་ཡིན།
གཞན་ཁྱེད་ཀྱི་ཚིག་དུམ་རྣམས་རང་གི་ཤེས་ཚོད་ལྟར་ན་སྡེབ་སྦྱོར་དང་ཚིག་མང་ཉུང་སོགས་མང་བས་བསླུ་ཐག་སྒྲིག་མ་ཤེས་པས་དགོངས་འགལ་མེད་པ་ཞུ།

གཞན་ཅོ་རི་ཉི་མ་དང་བརྩོན་རྒྱམ་སོགས་དྲྭ་གྲོགས་མང་པོ་ཞིག་ལ་མཚམས་འདྲི་ཡོད་པ་མ་ཟད་དོན་གནད་ལ་གཞིག་འབྲེལ་བྱས་པ་ཐུགས་རྗེ་ཆེ།

སངས་རྒྱས་སངས་རྒྱས་ཟེར་བའི་ཚིག་གི་བརྗོད་དོན་དང་།།
བདག་མེད་ཁ་ཡི་ནང་ནས་བརྗོད་པའི་གོ་དོན་དག།
རང་གིས་དོན་དངོས་མ་མཐོང་ཙམ་གྱིས་གཞན་དག་ལ།།
སྙིང་ཆུང་ཟོལ་བརྫུ་ཁ་ཡང་མགོ་བདེ་ཞེས་མ་སྙད།།

གལ་ཏེ་སྙིགས་མའི་དུས་མིན་བསམ་ནས་ཕན་ཐོགས་དང་།།
རྣམ་ཤེས་ཁ་མདོག་མི་འགྱུར་གནས་པའི་གདེང་ཚོད་སོགས།།
དོན་གྱི་དཀར་ངོགས་འཇིག་རྟེན་མཐོང་བའི་མིག་ཡོད་ན།།
ལོ་དང་ཟླ་བའི་བགྲོད་ལམ་རྒྱལ་བས་བཀག་པ་མེད།།

རྒྱལ་བའི་བཀའ་ལ་ཡིད་ཆེས་སྐྱེ་མིན་རང་གི་ལག།
སྙིགས་མའི་དུས་ལ་ངེས་ཤེས་སྐྱེ་མིན་བསམ་པའི་ལག།
འོན་ཀྱང་གཞན་ལ་སྐྱེས་བ་ཐོས་ཚེ་ཁྲེལ་བ་འདི།།
རང་གི་རྒྱུད་ཚོད་དཔོག་པའི་ནུས་པ་ཉམས་པའི་རྟགས།།

ལྕགས་བྱའི་རྗེས་ལ་བོང་རྒན་འདུར་ཞེས་བསླབ་བྱ་མེད།།
ཡོད་ཚོད་མཁོ་དགོས་མེད་ཅེས་གསུངས་བའི་ལམ་སྟོན་མེད།།
དེས་ན་གསར་བཏོད་ནུས་པའི་གསོན་ཚིགས་འགུལ་ཤིག་དང་།།
ཕྱོགས་བཅུའི་རྒྱལ་བས་ཕྱོགས་ཞེན་མ་གོས་དྲང་པོར་བྱེད།།

རང་དབང་རྒྱལ་ལགས།《བསམ་ཚུལ་འདི་ལ་རྒྱབ་སྐྱོར་ཡོད། ཡི་རངས་ཞུ།
ངོ་མ་རེད། ད་ཡིན་ན། རང་རང་གི་ལྟ་བ་དང་ལངས་ཕྱོགས་རྩོད་པའི་དུས་ཚོད་ཅིག་མིན་པར། སྤྱིའི་ནུས་ཤུགས་མཉམ་སྤུངས་བྱེད་པའི་དུས་བབ་གནད་འགག་ཅིག་རེད་ཨང་།
དེས་ན། ད་ནས་བཟུང་། འབོད་སྒྲ་གཅིག་དང་ལངས་ཕྱོགས་གཅིག་བཟུང་ནས། མ་འོངས་པའི་འཐབ་རྩོད་ལ་ཕན་ནུས་ཆེ་བའི་ཐབས་བྱུས་ཤིག་སྤྱད་དེ་འགྲོ་དགོས་པར་གལ་ཆེའོ།། 》ཁྱེད་ཀྱིས་གསུང་པ་བདེན།
འོན་ཀྱང་ང་ཚོའི་ཁ་ནས་ག་ཚོད་བཤད་ཀྱང་ལོས་ཆོག་ཏེ། དོན་དམ་དུ་ལག་ལེན་བསྟར་རྒྱུ་ཧ་ཅང་གལ་ཆེ། ད་དུང་ང་ཚོ་མཆན་འབྲི་མཁན་དག་གིས་ཀྱང་། གཞན་ལ་དཔྱད་བརྗོད་གཅིག་པོ་མ་ཡིན་པར། ང་ཚོ་ཉིན་རེའི་འཚོ་བའི་ནང་ལ་ཡང་བོད་དོན་ལ་ཕན་པའི་ལས་ཀ་ག་ཚོད་བྱས་འདུག ཆོལ་ཁ་དང་ཆོས་ལུགས་གིས་མཐེན་ཁྱེར་གྱིས་ལས་ཀ་ག་ཚོད་བྱས་འདུག རང་ཉིད་སོ་སོར་ལ་ཡང་དཔྱད་བརྗོད་ཞིག་བྱས་ན་ལེགས་པར་མཐོང་།
                                                               བོད་རང་བཙན། བོད་རྒྱལ་ལོ།།

སྤྱིར་ནས་བསམ་ཚུལ་འདི་ལ་མོས་གུས་ཞུ་བ་ལགས། ཡིན་ནའང་བརྗོད་དོན་རེ་ཟུང་གི་ཐད་ནས་དེ་འདྲིའི་གྲ་འགྲིག་པོ་དང་གཏིང་ཟབ་མོའི་གནད་དག་གླེང་ཐུབ་མི་འདུག་བསམ་ཐོག རང་ཉིད་ཀྱི་ལྟ་ཚུལ་ཕྲ་ལ་ཕྲན་བུ་རེ་བརྗོད་འདོད་བྱུང་།

དང་པོ། བོད་གངས་ཅན་པའི་སྐྱེས་བུ་རབ་འབྲིང་ཐ་གསུམ་དེ་སྔ་ནས་གཉིད་སད་བསྡད་ཡོད་མཁན་ཤ་སྟག་ཡིན་ལབ་ཚེ། ད་ལྟའི་བྱིས་བ་སྣ་ལུག་དག་གིས་ཀྱང་བདག་ལ་འཕྱ་དམོད་བྱེད་སྲིད་ན་ཐང་སྟེ། སྤྱི་ལོ་ཉིས་སྟོང་བརྒྱད་ལོའི་ཞི་རྒོད་ཆེན་མོའི་རྗེས་ནས་བཟུང་། བོད་གངས་ཅན་པའི་མི་བུ་མཐེ་བོང་ཙམ་ཞིག་གི་འགྲོ་འདུག་གནས་མལ་ཚུད་པའི་བློའི་ཁྱེར་ཚུལ་ལ་ཞིབ་འདང་ཞིག་རྒྱབ་ནས་བསམ་ན། བོད་གངས་ཅན་པ་གཉིད་སད་ཡོད་མེད་ཀྱི་སྐད་ཆ་འདི་བསྡུ་གསོ་བྱེད་འོས་བ་ཡིན། རྒྱུ་མཚན་མི་ལོ་དུ་མའི་རིང་བོད་མིའི་སེམས་ལ་ཉར་བའི་རེ་འདོད་དངོས་མ་ནི། ས་བྱི་ལོའི་ཞི་རྒོད་ཆེན་མོའི་སྐབས་སུ་གོ་ལ་ཟླུམ་པོ་འདིའི་སྒང་དང་གྲུ་གཟུར་ཙམ་ཡང་མ་ལྷག་པར་རྒྱང་བསྒྲགས་བྱས་ཟིན་པ་བཞིན། འཛམ་གླིང་མི་མང་གིས་ཀྱང་ཐོས་ཡོད་པས་མ་ཟད་མཐོང་ཡང་འདུག་མོད། འོན་ཀྱང་རེ་ཞིག་ཐབས་མཁས་ཐུགས་རྗེ་ཅན་གྱི་འཐབ་རྩོད་མཁན་ཉུང་ཉུང་དེ་ཡིན་ཙང་། མི་རྒྱུ་སྲོག་གསུམ་གྱི་འགྲོ་གྲོན་བཏང་བའི་དགོས་འདུན་སྐབས་སུ་འགྲུབ་ཐབས་མ་བྱུང་མོད། ད་ནི་ཅིས་ཀྱང་སྲིད་དོན་ཚོགས་པ་ཁག་གི་མི་སྣ་གྲགས་ཅན་དང་ཆེད་མཁས་བ་ཚོས་ཐབས་མཁས་ཐུགས་རྗེ་རེ་གནང་སྐྱོངས་ཡོང་དགོས་བའི་དུས་དང་རྐྱེན་ལ་ཐུག་བསྡད་འདུག་མ་གཏོགས། བོད་འབངས་རྣམས་གཉིད་སད་པས་མ་ཟད་མེ་ལྕེ་ལྷབ་ལྷབ་ཀྱི་ཁྲོད་ན་བོད་གངས་ཅན་པའི་རེ་བའི་སྣེ་མོ་ལ་གཅིག་རྗེས་གཉིས་མཐུད་ཀྱིས་འཐམས་ནས་བསྡད་འདུག

གཉིས་བ། དོན་དངོས་ཐོག་མནོ་བསམ་མ་བཏང་བའི་སྐད་ཆ་མ་རེད། བོད་འབངས་རྣམས་ཀྱིས་རང་ཉིད་མི་ཞིག་གི་སྐྱེས་ནས་འཆི་བའི་བར་ཀྱི་གནད་དོན་མང་བོ་ཞིག་ལ་བསམ་གཞིགས་བྱས་མཐར། བོད་གངས་ཅན་པའི་སྤྱི་དོན་ལ་ཕན་པའི་བྱ་བ་གལ་ཆེན་དེ་རང་ཉིད་ཚེ་སྲོག་དཔངས་ལ་བཙུགས་ནས་པེ་ཅིན་གཞུང་དང་འཛམ་གླིང་གི་ཆེས་མཐོའི་མི་སྣ་ཁག་ལ་དགོས་འདུན་ཞིག་བཏོན་ཡོད་པ་འདི་བཞིན། མཐར་ཐུག་གི་བློའི་འབའ་ས་དང་གཏིང་ཐག་བཅད་པའི་བསམ་གཞིགས་གནད་མ་དེ་རེད། འོན་ཀྱང་རེ་འབྲས་ཞིག་ད་དུང་མ་སོན་ན། འགག་རྐྱེན་གང་ལ་ཐུག་འདུག ཕྱིར་འདང་མི་རྒྱགས་དབང་མེད་དང་ལས་ཀྱི་སྣེ་མོ་བ་དག་གི་ཁ་བཤད་ལག་ལེན་གཉིས་གཤིབ་བསྡུར་ཞིག་ཅིས་ཀྱང་མི་བྱེད་ཐབས་མེད་རེད།

གསུམ་པ། བོད་གངས་ཅན་པའི་རྩ་དོན་ཆེད་དེ་རིང་གི་ཉིན་མོ་ལ་ཐུག་གི་བར་བསམ་ཤེས་དང་བསྟུན་མཁས་ཀྱིས་དབུ་མའི་ལམ་གཙོ་བཟུང་གིས་པེ་ཅིན་གཞུང་ལ་ཞི་མོལ་ལན་བརྒྱ་ཆད་མཐུད་ཀྱིས་དམིགས་པ་རྩེ་གཅིག་ལ་གཏད་པ་རེད་དེ། ད་བར་དུ་གྲགས་འགུལ་གང་ཡང་མ་བྱུང་བ་རེད། སྔོན་མ་ཡིན་ན་གཞུང་ངོས་ནས་ཀྱང་ལོ་ངོ་ཁ་ཤས་ནང་ནང་བོད་རྒྱ་ཞི་མོལ་ལ་རེ་འབྲས་མ་སོན་པ་ཡིན་ན། ལངས་ཕྱོགས་ལ་འགྱུར་བ་རེ་གཏོང་དགོས་ཚུལ་གླེང་མྱོང་ཡོད་བ་བཞིན། རྦད་དེ་རང་བཙན་གྱི་སྐད་ཆ་ས་འོག་ལ་སྤས་དགོས་བའི་བསམ་ཚུལ་ཞིག་སུ་གང་གིས་ཀྱང་འདོན་མི་ཤེས་བ་ལྟར་ན། ཕྱིར་ནུར་བྱས་ནས་འདས་སོང་ལ་བསྐྱར་ཞིབ་དེ་དགོས་དང་དགོས། མཐར་གནས་སྐབས་སུ་འདི་ཙམ་ཀྱིས། བརྗོད་དོན་གྱི་ཆ་ནས་དང་ཡིག་ནོར་གང་མང་ཡོད་སྲིད་པས་བསམ་ཚུལ་གང་ཡང་ཡོང་ཆོག

“མཉེས་གཤིན་བྱམས་བརྩེས་འགྲོགས་ཐབས་འཚེ་མེད་ལམ།”
འདི་ནི་རིས་མེད་མི་རྣམས་ཀུན་སྤྱོད་ལམ།
“མཐའ་གཉིས་སྤངས་པ་གཉིས་སྨན་དབུ་མའི་ལམ།”
འདི་ཉིད་མི་རིགས་རིས་མེད་བདེ་དགའི་ལམ།

“འཇིགས་རུང་དྲག་མཚོན་མ་མཆིས་ཞི་བདེའི་ཡུལ།”
འདི་ནི་མཚོན་དང་དམག་འཐབ་སྤངས་པ་ཡི།
རིས་མེད་རྒྱལ་ཁབ་འཆམ་མཐུན་གཞི་རྩ་སྟེ།
“བསྐྲུན་པའི་ཐབས་ཚུལ་འགྲུབ་ལ་མཐུ་དཔུང་སྐྱེད”

སངས་རྒྱས་བྱང་སེམས་མངོན་སུམ་བཞུགས་ན་ཡང།
དེ་ཡི་བཀའ་དགོངས་མི་བརྩི་ལོག་པའི་ལམ།
དོན་དུ་གཉེར་བའི་ངང་ཚུལ་འདིར་བསམས་ན།
སྙིགས་མའི་དུས་ཞེས་བརྗོད་པར་ངེས་ཤེས་སྐྱེ།