བོད་རིགས་ན་གཞོན་རྩོམ་པ་པོ་མེ་ལྕེ་ལགས་ཉེ་ལམ་ཀློད་གྲོལ་ཐོབ་ཏེ་ཕྱིར་རང་ཁྱིམ་དུ་འབྱོར་ཡོད་འདུག
ཟླ་སྔོན་མའི་ཕྱི་ཚེས་ ༡༩ ཉིན་རྒྱ་ནག་གཞུང་གིས་ཀན་སུའུ་མི་རིགས་དཔེ་བསྐྲུན་ཁང་དུ་ཕྱག་ལས་གནང་བཞིན་པའི་བོད་རིགས་ན་གཞོན་རྩོམ་པ་པོ་གཅོད་པ་ཀླུ་རྒྱལ་ལམ་སྨྱུག་མིང་ལ་༼ མེ་ལྕེ ༽ཞུ་བ་ཁོང་ལན་ཀྲུའུ་གྲོང་ཁྱེར་གྱི་རང་ཁྱིམ་ནས་རྒྱ་ནག་བདེ་འཇགས་ཉེན་རྟོག་མི་སྣས་རྒྱུ་མཚན་ཅི་ཡིན་གསལ་བཤད་ཅི་ཡང་མེད་པར་བཙན་འཁྲིད་གྱིས་བདུན་ཕྲག་ ༢ ལྷག་གི་རིང་བཀག་ཉར་བྱས་ཡོད་པ་ལྟར། ཟླ་འདིའི་ཕྱི་ཚེས་ ༤ ཉིན་ཁོང་ཀློད་གྲོལ་བཏང་སྟེ་ཕྱིར་རང་ཁྱིམ་དུ་འབྱོར་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། ཉེ་ཆར་རྒྱ་ནག་བདེ་འཇགས་མི་སྣས་ཁོང་རང་ཁྱིམ་ནས་བཙན་འཁྲིད་སྐབས་ཁོང་གི་བཟའ་ཟླས་ཁོང་གིས་ད་ལྟའི་བར་ཁྲིམས་འགལ་གྱི་ལས་ཀ་ཅི་ཡིང་བསྒྲུབ་མེད་པ་དང་གནས་ཚུལ་ཅི་གསལ་བཤད་ཅི་ཡང་མེད་པར་ཁྲིམས་མེད་ལུགས་མེད་ཀྱིས་འཛིན་བཟུང་བྱེད་དགོས་པའི་རྒྱུ་མཚན་ཅི་ཡིན་དྲིས་ཡོད་ཀྱང་། བདེ་འཇགས་མི་སྣས་འཛིན་བཟུང་བྱེད་དོན་དང་ནག་ཉེས་ཅི་ཡིན་ཁོ་རང་གིས་ཤེས་ཀྱི་རེད་ཅེས་བཤད་པ་ལས་ཁོང་གི་ཆུང་མར་འཛིན་བཟུང་གི་རྒྱུ་མཚན་ཅི་ཡང་གསལ་བཤད་བྱས་མེད་པ་ཟད། འཛིན་བཟུང་བྱས་རྗེས་ཉེན་རྟོག་མི་སྣ་ཁག་བགོས་ཀྱིས་ཁོང་གི་ཁྱིམ་དང་ལས་ཁུངས་སུ་ཡོང་སྟེ་ཅ་དངོས་ཡོངས་ལ་བསྔོག་བཤེར་གྱིས་གློག་ཀླད་དང་༼ཤར་དུང་རི།༽ དུས་དེབ། ཁོང་གིས་བརྩམས་པའི་དེབ་ཁག་ཅིག་གཞུང་བཞེས་བཏང་ཡོད་འདུག་ལ། ཉེ་ལམ་གློད་གྲོལ་བཏང་རྗེས་ཀྱང་རྒྱ་ནག་གཞུང་གིས་ཁོང་མི་གཞན་ལ་ཐུག་འཕྲད་བྱེད་མི་ཆོག་པ་དང་། བཙོན་འཇུག་སྐབས་ཀྱི་གནས་ཚུལ་མི་གཞན་སུལའང་བཤད་མི་ཆོག་པའི་བཙན་བཀའ་བཏང་བ་སོགས་སྟངས་འཛིན་ལྟ་རྟོག་འོག་གནས་ཡོད་འདུག
གསར་འགོད་པ། དོན་གོ
གཞོན་སྐྱེས་རྩོམ་པ་པོ་ཁོང་ལྷོད་གྲོལ་ཐོབ་པར་འཚམས་འདྲི་ཞུ།
ཁོང་གི་ཕྱག་ལས་མུ་མཐུད་དེ་གནང་ཐུབ་པའི་རེ་བ་ཡོད།
ད་དུང་ད་རེབ་ཀྱི་བདུན་གཉིས་ཀྱི་མྱོང་བ་དངོས་གསལ་བཤད་ཀྱི་རྩོམ་ཡིག་གསར་པ་ཞིག་སྤེལ་བའི་རེ་བའང་ཡོད།
བོད་ཀྱི་རྩོམ་པ་པོ་སྐད་གྲགས་ཅན་ཚོ་མུ་མཐུད་དུ་ཁ་ལྕེ་ཆ་ཚང་མེད་པར་བཟོ་རྒྱུའི་རྟགས་མཚན་ངོ་མ་ཞིག་རེད། དམར་ཕྱོགས་པ་འདི་ཚོ་ད་གང་བྱེད།