མཁྱེན་ལྡན་ཡོངས་ཀྱི་སྙན་ལམ་དེར།
ཀུན་གྱིས་མཁྱེན་གསལ་ལྟར། སྤྱི་ལོ་ ༡༩༥༩ ལོར་རྒྱ་ནག་གཞུང་ནས་བོད་ལ་དྲག་པོས་བཙན་འཛུལ་གྱིས་བོད་ཀྱིས་ཆོས་རིགས་གཞུང་རྨེགས་མེད་དང་བསྟན་འཛིན་གྱིས་སྐྱེས་ཆེན་གཙོས་བོད་རིགས་སྤུན་ཟླ་གྲངས་ལས་འདས་པ་དམར་གསོད་སོགས་འདོར་ན་མི་ཆོས་ལས་འདས་པ་བཙན་གནོན་དང་གནར་གཅོད་འོག་དགོན་སྡེ་དང་ཆོས་རིགས་ཉམས་ཉེས་ཚབ་ཆེན་བྱུང་དང་འབྱུང་བཞིན་པ་ལྟར། སྤྱི་ལོ་དུས་རབས་བཅུ་བདུན་པའི་སྐབས་སུ་ཕེབས་པའི་སྤྲུལ་པའི་གཏེར་སྟོན་ཆེན་པོ། གར་དབང་འགྲོ་འདུལ་གླིང་པའམ། རིག་འཛིན་ཆེན་པོ་ཉི་མ་གྲགས་པའི་གཏེར་ཆོས་འདི་དག་བོད་ནང་རིམ་བཞིན་ཉམས་ཉེས་ཚབ་ཆེན་བྱུང་སྟེ། ད་ཆར་དབང་ལུང་མན་ངག་རྒྱུན་ཆད་གྲབ་ཡོད་པ་མ་ཟད། དཔེ་རྒྱུན་ཡང་ཆད་ལ་ཉེ་བའི་སྐབས་དེར།
གང་དེའི་ཆོས་བརྒྱུད་འཛིན་པ་ཁག་གཅིག་ནས། སྤྱི་ལོ ༡༩༩༨ ལོར་བལ་ཡུལ་དུ། ཆོས་བརྒྱུད་མི་ཉམས་རྒྱུན་འཛིན་ཆེད། ༸སྔ་འགྱུར་གར་དབང་འགྲོ་འདུལ་གླིང་གསར་བཞེངས་དང། ཕྱི་ལོ ༢༠༠༠ ལོར། ༸གཏེར་ཆེན་གྱིས་ཡང་སྲིད་མཆོག་སྤྲུལ་སྐུ་ཕྲེང་བདུན་པ། ཨོ་རྒྱན་བསྟན་འཛིན་ཕུན་ཚོགས་རིན་པོ་ཆེར་སློབ་གཉེར་ཕུལ་ཕྱིར། དཔལ་ཡུལ་ཆོས་འཁོར་གླིང་བཤད་གྲྭ་རུ་གདན་འདྲེན་ཞུས་ནས། ད་ཆར་འཛིན་གྲྭ་དགུ་པ་ལས་ཐོན་ཟིན།
གཞན་ཡང་ཟ་ཧོར་མན་ཌིའི་མངའ་ཁོང་ཅོན་ཏ་ར་རུ། སྤྱི་ལོ་ ༢༠༠༩ ལོར། ཟབ་གསང་ཆོས་འཁོར་གླིང་དགོན་ཞེས་པར། བཤད་བསྒྲུབ་ཀྱིས་བསྟི་གནས་གསར་བཞེངས་བྱེད་བཞིན་པ་དེ་ཡང་ད་ཆར་གྲུབ་ལ་ཉེ། དེངས་སྐབས་འདིར། ལྷག་པར་གཏེར་ཆེན་གང་གིས་གཏེར་ཆོས་པོད་ཉེར་གཅིག་ཅན། སྤྱི་ལོ་ ༢༠༠༤ མ་དཔེ་བོད་ནས་གདན་འདྲེན་ཞུས་པ་དང། བལ་ཡུལ་སྔ་འགྱུར་གར་དབང་འགྲོ་འདུལ་གླིང་ཆོས་ཚོགས་དུ། དཔར་རྩ་གློག་ཀླད་དུ་བཅུག་ནས། ༢༠༠༩ བར་ལོ་ལྔ་ཙམ་རིང་ཡོངས་རྗོགས་བཅུག་ཐུབ་པ་བྱུང་བ་དང། ༢༠༠༩ མཁས་དབང་མཁན་ཆེན་ཚེ་དབང་རིག་འཛིན་མཆོག་ནས་ཐུགས་འཁུར་ཆེ་བཞེས་ཐོག རྒྱ་གར་སྨིན་གྲོལ་གླིང་བཤད་གྲྭའི་སློབ་གཉེར་བ་ཁག་གཅིག་ནས། ཞིབ་ཆའི་ཞུས་དག་ཚར་བརྒྱད་ཙམ་བྱས་། ཤོག་བུའི་སྤུད་ཚད་སོགས་གང་ལེགས་གདམས་གསེས་ངང། ད་ཆ་ལྡི་ལིར་དཔར་སྐྲུན་ཞུ་བཞིན་ཡོད་པ་དང། ལྷག་པར་འཆར་ཉེའི་ལོའི་ནང། ༸སྐྱབས་རྗེ་རྡོ་གྲུབ་རིན་པོ་ཆེ་ནས་དབང་ལུང་གནང་རྒྱུའི་ཞལ་བཞེས་བཟང་པོ་ཐོབ་པར་བརྟེན། ད་ལེན་མངགས་ཉོ་གནང་མཁན་མང་པོ་འདུག་པ་ལགས་པའི། འབྲེལ་ཡོད་དོན་གཉེར་ཅན་དགོས་ངེས་ཅན་རིགས་ཡོད་ན་སྔ་ཙམ་བསླུ་ཡོན་མངགས་གཏམ་ཡོད་པར་ཞུ།
ཐེངས་འདིར་དཔར་ཐེངས་ཚར་ ༢༠༠ མ་གཏོག་མེད་སྟབས། གལ་སྲིད་མ་མཁྱེན་པ་ཡོད་ན། མཁྱེན་པ་ཡོད་སླད་གསལ་བསྒྲགས་འདི་སྤེལ་བ་ཡིན། བསླུ་ཡོན་ཨར་སྒོར་ ༣༥༠། ཙམ་ལ་འབུལ་གྱི་ཡིན་པས་དགོས་ངེས་རིགས་ཡོད་ན། གཤམ་གསལ་གྱི་མཚན་དང་ཞལ་པར་ཨང་གྲངས་ཐོག་འབྲེལ་ལམ་གནང་བར་ཞུ།
འབྲེལ་བ་གནང་ཡུལ།
Lama Tenzin Jamyang
Tel: +919 85 763 1888
Zabsang Choekhorling Monastery
P.O. Chauntra, Distt. Mandi H. P India
Tell.No +91- 1908-251974
tenzin2002np@yahoo.com
Mr Konchok Lama +977-980-351-2092/
Ngagyur Garwang Drodulling
P.O.Box No.19638
Chabahil No.7
Kathmandu Nepal
(New Delhi)
Phuntsok Tsering
Mob: +91 98 9147 5553 ;
R, 27, Ramesh Park,
Laxmi Nagar, Delhi 110092 India
p_tsering2006@yahoo.ca
