འཛམ་གླིང་ནང་པའི་ཚོཊ་ཆེན་སྟེང་ཆིབས་བསྒྱུར།

ཕྱི་ནང་ཀུན་གཟིགས་ཀུན་གྱི་མགོན་དུ་ཕེབས།།
དུས་ངན་སྙིགས་མར་སྙིགས་རོའི་ཁེངས་པ་ཚོགས།།
ཐུགས་བསྐྱེད་གཙང་མས་གཙང་སེལ་དག་མཛད་དེ།།
གོ་ལའི་དཀྱིལ་དུ་དཀྱིལ་ཀྲུང་ངོ་བོ་གནས།།

གངས་རི་ར་བའི་སྐོར་པའི་ཞིང་ཁམས་འདིར།
ཕན་དང་བདེ་བ་མ་ལུས་བྱུང་པའི་གནས།
སྤྱན་རས་གཟིག་དབང་བསྟན་འཛིན་རྒྱ་མཚོ་ཡི།
ཞབས་པད་སྲིད་མཐའི་བར་དུ་རྟེན་གྱུར་ཅིག།

བོད་པ་ཀླད་མེད་མང་པོས་ཀྱང་བཀའ་ཁྲི་མཆོག་དང་བོད་མིའི་བསྒྲིགས་འཛུགས་ལ་དངོས་སུ་ཁ་གཏོང་བ་དང་། ༸གོང་ས་མཆོག་ལ་ཟུར་ཟ་སོགས་བྱེད་བཞིན་ཡོད་པས་འདི་རིགས་ལ་བོད་པ་ཚང་མས་གཟབ་དགོས་མ་ཟད་བདེན་དོན་གྱིས་ཁ་གཏད་གཅོག་དགོས།

ཡ་ཧོའུ་གསར་འགྱུར་ནང་ང་ཚོར་སྐྱོན་བརྗོད་བྱས་ཡོད་ན་ང་ཚོས་དེ་ལ་ལན་རྒྱག་དགོས་པ་ལས་སེམས་པ་མ་སྐྱིད་པ་བྱེད་ན་ཏོག་ཙམ་གླེན་རྟགས་བསྟན་པ་རེད། སྤྱིར་ང་ཚོའི་སྨྱུ་གུའི་མདུང་རྩེ་གཏད་ས་རྒྱ་ནག་གུང་ཁྲན་གཞུང་སྤྱི་དང་ལྷག་པར་ཀླད་རྙིང་མཁྲེགས་བཟུང་ཅན་གྱི་རྒྱ་གོག་དེ་ཚོ་ཡིན། ཡང་དོལ་འདྲེ་རྗེས་འབྲངས་པ་བོད་མིའི་ཞབས་འདྲེན་པ་དེ་ཚོ་ཡང་ང་ཚོའི་དགྲ་བོ་ཆུང་ཆུང་ཞིག་ལ་རྩིས་ཆོག

དེ་རིང་བཀའ་ཁྲི་བློ་སེང་ཡོ་རོབ་ལ་སོང་བའི་སྐོར་ཞིག་ཡ་ཧོའུ་གསར་འགྱུར་ནས་མཐོང་སོང་། གསར་འགྱུར་རྩོམ་ཡིག་དེ་དང་དེའི་འོག་གི་མཆན་ཁ་ཤས་ཀྱང་བཀླགས་པ་ཡིན། མཆན་དེ་ཚོའི་ནང་ན་བཙན་བྱོལ་བོད་གཞུང་དང་༸གོང་ས་མཆོག བཀའ་ཁྲི་བློ་སེང་སོགས་ལ་སྐྱོན་བརྗོད་སྣ་ཚོགས་བྱས་འདུག་པ་མང་ཙམ་མཐོང་སོང་། སོ་སོ་སེམས་མི་བདེ་བ་དང་ཁོང་ཁྲོ་སྐྱེས་པ་འདྲ་ཞིག་ཆགས་བྱུང་། དེ་ནས་དུས་བབས་སྒང་ནས་གསར་འགྱུར་འདི་བཀླགས་པ་ཡིན། ད་རེས་རྒྱ་ནག་གི་མིག་ནང་ལ་རྐང་བརྫི་ཞིག་བྱེད་ཐུབ་འདུག་ཨང་བསམ་ནས་དགའ་བ་འདྲ་སྐྱེས་བྱུང་། སེམས་ཡང་ལྷོད་ལ་ཏོག་ཙམ་བབས་སོང་།