དེང་སྐབས་རྒྱ་ནག་ནང་ཝེ་ཐི་ནེམ་དང་ལའོ་ཝོ། འབར་མ་བཅས་ཀྱི་བུད་མེད་མང་པོ་བསླུ་འཁྲིད་བྱས་རྗེས། བུད་མེད་རེར་རྒྱ་སྒོར་ཁྲི་ ༢ ནས་ ༥ བར་གྱི་རིན་གོང་བླངས་ཏེ་བཙོང་བཞིན་ཡོད་འདུག
ཉེ་སྔོན་རྒྱ་ནག་ཉེན་རྟོག་སྡེ་ཁག་གི་མགོ་གཙོ་ཁྲིན་ཧྲི་ཆིས་ཀྱིས་རྒྱ་ནག་ཉིན་རེ་གསར་ཤོག་སྟེང་གནས་ཚུལ་བརྗོད་དོན། རྒྱ་ནག་ནང་ཚོང་བསྒྱུར་བྱེད་བཞིན་པའི་བུད་མེད་ཕལ་ཆེ་བ་ནི། ཝེ་ཐི་ནེམ་དང་ལའོ་ཝོ། འབར་མ་བཅས་ཀྱི་གཞི་རིམ་ཞིང་གྲོང་གི་བུད་མེད་རྣམས་ཡིན་པ་དང་། ཁྲིམས་འགལ་མི་ཚོང་རྒྱག་མཁན་དག་གིས་བུད་མེད་དེ་དག་ལ་རྒྱ་ནག་ནང་ལས་ཀ་གང་ཡག་རག་ཐུབ་པར་མ་ཟད། འབྱོར་ལྡན་གྱི་ཁྱོ་ག་འཚོལ་བདེ་བའི་སྐོར་གྱི་མགོ་སྐོར་བཏང་སྟེ་རྒྱ་ནག་ནང་བསླུ་འཁྲིད་བྱས་རྗེས། རིན་གོང་རྒྱ་སྒོར་ཁྲི་ ༢ ནས་ ༥ བར་བླངས་ཏེ་རྒྱ་ནག་ཞིང་གྲོང་གཞི་རིམ་ཁུལ་གྱི་ཆུང་མེད་པའི་སྐྱེས་པ་རྣམས་ལ་བཙོང་བཞིན་ཡོད་པ་དང་། སྐྱེས་པ་དེ་དག་གིས་འཇིགས་སྐུལ་བྱས་ཏེ་བུད་མེད་དེ་དག་སོ་སོའི་ཆུང་མར་བཙན་གྱིས་ཉར་བཞིན་ཡོད་འདུག
དོན་རྐྱེན་དེའི་འབྱུང་གཞི་གཙོ་བོ་ནི་དེང་སྐབས་རྒྱ་ནག་ནང་འཆར་ལྡན་བུ་སྐྱེས་སྲིད་ཇུས་ཀྱི་རྐྱེན་པས། ཕོ་མོའི་གྲངས་འབོར་གྱི་བསྡུར་ཚད་ལ་ཧེ་བག་ཆེན་པོ་བྱུང་བས་ཡིན་འདུག ལོ་སྔོན་མར་རྒྱ་ནག་གི་མི་གྲངས་ཞིབ་བཤེར་སྐབས། རྒྱ་གཞུང་གིས་བསྒྲགས་པའི་ཕོ་མོའི་གྲངས་འབོར་བསྡུར་ཚད་ནི་ ༡༡༨ དང་ ༡༠༠ ཡིན་པ་དང་། རྒྱལ་སྤྱིའི་ཆེད་མཁས་པ་ཚོས་བསྡོམས་རྩིས་བྱས་པ་ལྟར་ན། དོན་དངོས་ཐོག་རྒྱ་ནག་ནང་ཕོ་མོའི་བསྡུར་གྲངས་ཀྱི་ཚད་ནི་ ༡༢༡ དང་ ༡༠༠ ཡིན་པ་དང་། ཕོ་མོའི་བསྡུར་ཚད་ཀྱི་ཧེ་བག་དེ་ནི་རྒྱ་གཞུང་གིས་བྱིས་པ་གཅིག་མ་གཏོགས་སྐྱེས་མི་ཆོག་པའི་འཆར་ལྡན་བུ་སྐྱེས་ཀྱི་སྲིད་ཇུས་སྤེལ་བ་ནས་བཟུང་། རྒྱ་ནག་ནང་མི་ཚང་ཕལ་ཆེ་བས་བྱིས་པ་ཕོ་ཁོ་ན་མ་གཏོགས་བྱིས་པ་མོ་སྦྲུམ་པ་ཤེས་ཚེ་མངལ་ཕྱིར་འདོན་བྱེད་བཞིན་ཡོད་པས་རྐྱེན་གྱིས་ཡིན་འདུག
གསར་འགོད་པ། ཚེ་རིང་རྒྱལ།
ཆབ་བྲག་ལགས་ལ་མུ་མཐུད་ཡོད་ དུས་ཚོད་ཧ་ཅང་འགྱུར་བ་ཕྱིན་ཡོད་པ་རེད་ དུ་རབས་འདི་ནི་འདོད་རྔམ་ ཆགས་སེམས་ རང་དོན་ལ་དོན་གཉེར་ཁོ་ན་ཞིག་རེད་
རིན་གོང་བླངས་ནས་བཙོན་པ་ཡིན་རྒྱུ་མ་རེད། བཙོ་པ་མིན་འགྲོ། ཧཧཧཧ
ཀུ་རེ་ཡིན། བཙོང་པ་མིན་འགྲོ།
འདི་ནི་དུས་རབས་གསར་བའི་བུད་མེད་ཚོའི་ལས་དབང་གི་སྲིད་ཇུས་ཀྱི་མཇུག་འབྲས་ཡིན་པས་སུས་ཀྱང་བཟློག་ཏུ་མེད་ལ། ད་དུང་བུད་མེད་སྐྱར་སྟོང་མ་ཚོར་དེ་ལྷག་ཏུ་མཁོ་ཡོད།
གང་ལྟར་གཙོ་བོ་རང་ཉིད་ཀྱི་ཟབ་ཟབ་མ་བྱས་པ་ཡིན་ན་མགོ་སྐོར་གཏོང་གི་རེད། མ་ཟད་ད་སྐབས་ཚོང་རྫེས་ཡག་ཤོས་བུད་མེད་རེད་འདུག་དེ་རྒྱ་བོད་ཕྱི་གླིང་སོགས་ཚང་མའི་ཉོ་རྒྱུས་རྒྱུ་ཆ་ཞིག་ཆགས་ཡོད་པ་རེད། དེ་ཉོས་པས་དགེ་མཚན་ཡང་ལོ་རེ་རེར་བཞིན་ནད་ཚ་འདྲ་མིན་ཞིག་འབྱུང་གི་ཡོད་པ་དངོས་ཡོད་རེད་མ་ཡིན་ནམ།
རྒྱ་ནག་ནང་ཝེ་ཐི་ནེམ་དང་ལའོ་ཝོ། འབར་མ་བཅས་ཀྱི་བུད་མེད་མང་པོ་བསླུ་འཁྲིད་བྱས་རྗེས་ཚོང་རྫས་སུ་གྱུར་བཞིན་ཡོད་ན། བོད་མོ་ཡང་དེ་འདྲའི་གྲས་སུ་མི་ཚུད་པའི་ཐབས་ལ་ཚང་མས་འབད་དགོས་ཏེ། ཁོང་རྣམས་ང་ཚོའི་སྲིང་མོ་དང་ཨ་མ་དང་རྨོ་མོར་བརྩིས་དགོས་པས་སོ། །
ལྟོས་ཨ་་་ འདིའི་རྗེས་ལ་བོད་པའི་བུ་མོ་ཚོ་མ་གཏོགས་འགྲོ་ས་མེད།
མང་ན་དཀའ། ཉུང་ན་དཀའ། མེད་ན་དཀའ། ཡོད་ན་ཡང་དཀའ། མ་གཞི་དཀའ་ངལ་ཚང་མ་འདོད་རྔམ་གྱིས་བསླུས་པ་མིན་ནམ།