༸གོང་ས་མཆོག་གི་ཕྱག་དཔེ་གསར་པ།

གངས་ཅན་བོད་ཀྱི་མཁས་པའི་གཙུག་རྒྱན་ཆེན་པོ་ཙོང་ཁ་བས་སྟོན་པ་དད་པའི་བསྟོད་ཚིག་འདི་དྲན་དུ་བཅུག ཁྱེད་གསུང་དུ་མ་ཅི་ཞིག་མོད། །ཆ་ཤས་རེ་ཡི་དོན་སྤྱི་ཙམ། །འོལ་སྤྱི་ཙམ་གྱིས་ངེས་པ་རྙེད། །དེ་ལ་མཆོག་གི་བདེ་བ་བསྟེར། །

ཞེས་པ་ལྟར། ཁྱེད་ནི་ནམ་ཞིག་སྟོན་པ་ཉིད། །སྟོང་དང་སྙིང་རྗེའི་མངའ་བདག་མཆོག །གོ་ལ་ཧྲིལ་པོའི་སྐྱེ་འགྲོ་རྣམས། །འདྲེན་པའི་དེད་དཔོན་ཁྱེད་ལས་གཞན། །
ཞེས་མངོན་པར་བསྟོད་དོ།

ཆུང་ཚེ་རིང་གི་བསྒྱུར་རྩོམ་ཐོག་ལ་ཚང་མས་རྒྱབ་སྐྱོར་བརྒྱ་ཆ་བརྒྱ་ངོས་ལེན་ཡོད། འོན་ཀྱང་བསྟན་འཛིན་རིག་བཟང་གི་སྐོར་ལ་ད་ལྟ་བཤད་ཚོད་སྔ་དྲག་འདུག མ་གཞི་ནས་ཁོང་ནི་ཨིན་ཡིག་ཐོག་ལ་ལོ་ངོ་ཁ་ཤས་ལས་སྦྱང་མེད་པ་ལ་བསྒྱུར་བ་ནི་ཚད་ལྡན་ཞིག་ཡོང་གི་་ཡོད་མེད་ཤེས་ཚོད་ཐིག་དཀའ་སེ་འདུག སྤྱིར་བོད་ཡིག་ཡག་པོ་ཡོད་པ་གང་ཞིག་ཨིན་ཡིག་ཤེས་ཚད་དེ་ཙམ་མེད་ན་ཡང་བསྒྱུར་རྩོམ་དེ་ཡག་པོ་ཞིག་མཐོང་སྲིད། ཁོ་བོས་བལྟས་ན་ན་ག་སངས་རྒྱས་བསྟན་དར་གྱི་བསྒྱུར་རྩོམ་དེ་ལེགས་པོ་ཞིག་ཏུ་མཐོང་། ཁོང་ནི་བོད་ཨིན་གཉིས་ཀ་ཐོག་ལ་བྱང་ཆུབ་པ་ཞིག་མ་ཟད། ཉམས་མྱོང་ཀྱང་ཕུན་སུམ་ཚོགས་པ་ཡོད། དེ་ཙམ་མ་ཟད། ཚན་རིག་གི་བསྒྱུར་རྩོམ་ཐོར་བུ་མང་པོ་ཞིག་ཚན་རིག་དུས་དེབ་ནང་ཐོན་པ་ཁག་ལ་བལྟས་ན་བསྒྱུར་རིན་ཆོག་པ་ཞིག་ཏུ་མཐོང་།

གངས་རི་ར་བས་བསྐོར་བའི་ཞིང་ཁམས་འདིར། །
ཕན་དང་བདེ་བ་མ་ལུས་འབྱུང་བའི་གནས། །
སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །
ཞབས་པད་སྲིད་མཐའི་བར་དུ་བརྟན་འགྱུར་ཅིག །

སྟོང་ཉིད་སྙིང་རྗེ་ཟུང་དུ་འཇུག་པའི་ལམ། །
ཆེས་ཆེར་གསལ་མཛད་གངས་ཅན་བསྟན་འགྲོའི་མགོན། །
ཕྱག་ན་པདྨོ་བསྟན་འཛིན་རྒྱ་མཚོ་ལ། །
གསོལ་བ་འདེབས་སོ་བཞེད་དོན་ལྷུན་འགྲུབ་ཤོག །

མཇའ་དང་སྦྲང་ཆར་སིམ་སིམ་བབས་པས་རྩི་དང་མེ་ཏོག་ལྡེམ་ལྡེམ་འཁྲུངས་སོང་།།
ལྷ་དང་ལྷ་མོ་བརྗིད་བརྗིད་བྱིན་པས་དྲི་ཟས་གླུ་དབྱངས་སྙན་སྙན་བསྒྲགས་སོང་།།
དགྲ་དང་གདོན་རྣམས་ཕམ་ཕམ་བྱས་པས་རྟགས་དང་མཚན་མ་ཡང་ཡང་བསྟན་པས།།
ལུས་དང་སེམས་པ་ཧེབ་ཧེབ་བྱས་བཞིན་སྐེ་དང་ལག་གཉིས་ཧྲེང་ཧྲེང་བཟེད་ཡོད།།

མཚོན་པ་ཞིག་ལས་ཅི་ཡང་མེད་ཀྱང་སྐུ་ཚེ་གཏན་པའི་སྨིན་ལམ་ཞུས་བཞིན།།
དད་མདུན་ཞིག་གིས་བཙན་གྱིས་བཙིར་བའི་དམར་ཆུང་སྙིང་གི་ངང་སྒུག་རིང་མོ།།
བྱ་རྒོད་ནག་མོའི་ཤྭ་ལ་གཟེར་ལྟར་འཇལ་བའི་སྐལ་བར་འདི་ལྟར་བསྲིངས་ཡོད།།
ཁྱེད་ཀྱི་སྐྱབས་དང་བརྩེ་བས་མ་དོར་ཐུགས་དང་རླབས་ཀྱིས་སྐྱོབ་པར་མཁྱེན་ནོ།།

སྟོང་ཉིད་སྙིང་རྗེ་ཟུང་དུ་འཇུག་པའི་ལམ།།
ཆེས་ཆེར་གསལ་མཛད་གངས་ཅན་བསྟན་འགྲོའི་མགོན།།
ཕྱག་ན་པདྨོ་བསྟན་འཛིན་རྒྱ་མཚོ་ལ།།
གསོལ་བ་འདེབས་སོ་བཞེད་དོན་ལྷུན་འགྲུབ་ཤོག།

བསྟན་འཛིན་རིག་བཟང་དང་ཆུང་ཚེ་རིང་གཉིས་གང་རུང་གིས་༧གོང་ས་མཆོག་གི་ཕྱག་དེབ་འདི་བོད་བསྒྱུར་གནང་ཐུབ་ན་ཅི་འདྲའི་དགའ་བ་ལ།

འཛམ་གླེང་ཞི་བདེའི་དད་དཔོན་ཆེན་པོ་༧གོང་མཆཽག་སྐུ་ཚེ་ཡུན་བརྟན་གྱིས་སྨོན་འདུན་གྲངས་མེད་དང་བཅས་གལ་ཆེའི་གསུང་རྩོམ་དེ། སྐད་རིགས་གཉིས་ལ་ཐོགས་པ་མེད་མཁན་དག་གིས་གང་མགྱོགས་གངས་ཅན་པའི་སྐད་ཡིག་དུ་ཕབ་སྒྱུར་བྱེད་ཐུབ་པའི་རེ་བ་བྱེད་བཞིན་ཡོད།

རྩོམ་སྒྲིག་པ་ལགས་སུ་ཞུ་རྒྱུར། དེ་རིང་དགོང་མི་ཟིན་བྲིས་དག་གཅིག་ཀྱང་སྒོ་འབྱེད་ཐུབ་ཀྱིན་མི་འདུག་པ་འདིའི་གནད་གང་ཡིན་མཁྱེན་མིན་དང་། མཁྱེན་ན་གང་ཡིན་གསལ་བཤད་ཞིག་ཡོང་བའི་རེད་བ་ཆེ། དེ་ཡང་རབ་ན་འདིའི་མཇུག་ན་ལམ་སང་མཆན་ཞིག་འཇོག་རོགས་གནོངས་དང་།

༸གོང་ས་མཆོག་གི་གསུང་རྩོམ་འདི་བོད་ཡིག་ཐོག་མྱུར་ཏུ་མཇལ་ཐུབ་པའི་རེ་འདོད་ཧ་ཅང་ཆེ། མ་ཟད་བསྟན་འཛིན་རིག་བཟང་དང་ཆུང་ཚེ་རིང་གཉིས་གང་རུང་གིས་བསྒྱུར་བ་ཞིག་ཡིན་ན་དེ་བས་དགའ་བ་གནོན་པར་དཀའ། ཞར་ལ་ཁོང་གཉིས་སུ་ཡིན་ན་རུང་གིས། བོད་ཡིག་ཐོག་བསྒྱུར་གནང་ཡོང་བར་གསོལ་བ་ཕུར་ཚུགས་སུ་འདེབས་བཞིན་ཡོད།