ཕྱི་ཚེས་ ༣ ཉིན་རྒྱ་ནག་ཧི་ནན་ཞིང་ཆེན་གྱི་ཁ་ཆེ་གྲོང་རྡལ་ཞིག་ནང་། རྒྱ་གཞུང་གི་ཉེན་རྟོག་པ་ཟུར་བ་ཞིག་གིས་སྤྱི་ཚོགས་ལ་འཁོན་ལེན་སློག་ཆེད་བྱིས་ ༥ དམར་གསོད་བཏང་འདུག
ཟླ་འདིའི་ཕྱི་ཚེས་༣ཉིན་རྒྱ་ནག་ཧི་ནན་ཞིང་ཆེན་ཀྲིག་ཁིག་གྲོང་ཁྱེར་ཧྲིན་ཆིག་རྫོང་ཧེ་ཏེན་ཁ་ཆེ་གྲོང་རྡལ་ནང་། རྒྱ་གཞུང་གི་ཉེན་རྟོག་པ་ཟུར་པ་ཞིག་གིས་སློབ་གྲྭར་བསྐྱོད་བཞིན་པའི་བྱིས་པ་ ༥ མགོ་སྐོར་བྲིད་བཏང་སྟེ་སོ་སོའི་ནང་ལ་ཁྲིད་རྗེས།མི་སྤྱོད་ལས་འདས་པའི་རྩུབ་སྤྱོད་སྣ་ཚོགས་སྤེལ་ཏེ་བྱིས་པ་ ༤ དམར་གསོད་དང་། བྱིས་པ་ ༡ སྲོག་ཉེན་ཡོད་པའི་རྨས་སྐྱོན་ཚབས་ཆེན་བཟོས་ཡོད་འདུག བྱིས་པ་དེ་དག་ཁྲོད་ཆེ་ཤོས་ལོ་ ༡༢ཙམ་ཡིན་པ་རེད། རྒྱ་གཞུང་གིས་སློབ་ཕྲུག་དམར་གསོད་ཀྱི་དོན་རྐྱེན་དེ་ཕྱིར་བསྒྲགས་མ་བྱས་པར་བཀག་སྡོམ་གསང་སྦས་བྱེད་བཞིན་ཡོད་འདུག
ཧེ་ཏེན་ཁ་ཆེ་གྲོང་རྡལ་གྱི་ཀོ་ཡུན་སྡེ་བའི་མང་ཚོགས་ཀྱིས་བརྗོད་པ་ལྟར་ན། དམར་གསོད་བཏང་ཟིན་པའི་བྱིས་པ་དེ་དག་གི་ཁྲོད་ནས་ ༣ ནི་ཁ་ཆེ་ཁྱིམ་ཚང་གི་བྱིས་པ་ཡིན་པ་དང་། དོན་རྐྱེན་བྱུང་ཡུལ་དང་བྱིས་པའི་ཁྱིམ་ཚང་གི་བར་ཐག་ཅུང་ཙམ་རིང་པོ་ཡོད་པ་དང་། རྐྱེན་ལམ་དུ་སོང་བའི་བྱིས་པ་ཚང་མ་ལོ་ ༡༠ ཡས་མས་རྐྱང་ཡིན་འདུག
གསར་ལམ་ཁག་ཏུ་གནས་ཚུལ་བཀོད་པའི་ནང་། བྱིས་པ་དམར་གསོད་གཏོང་མཁན་དེའི་མིང་ལ་ཅིན་མའོ་ཟེར་པ་དང་ད་ལྟ་ཁོ་ལོ་ ༢༢ ཡིན་འདུག དེ་སྔོན་ཁོས་ས་གནས་རྒྱ་གཞུང་གི་ཉེན་རྟོག་ལས་ཁུངས་ཤིག་ཏུ་ཉེན་རྟོག་པའི་ལས་ཀ་བྱེད་མྱོང་ཡོད་པ་དང་། རྗེས་སུ་ཉེན་རྟོག་པའི་ལས་གནས་ནས་ཕྱིར་ཕུད་བཏང་བས་རྐྱེན་གྱིས། སྤྱི་ཚོགས་ལ་འཁོན་ལན་སློག་ཆེད་དམར་གསོད་དོན་རྐྱེན་དེ་བཟོས་པ་ཞིག་ཡིན་སྐོར་བརྗོད་འདུག
གསར་འགོད་པ། ཚེ་རིང་རྒྱལ།
ཅིན་མའོ་ནི་མ་འོའི་ཡང་སྤྲུལ་མང་པོའི་ནང་ནས་མ་གཅིག་རེད་འདུག་ཟེར་ན་མི་འགྲིགས་པ་མི་འདུག ཨ་ཁ། རང་གཞན་གཉིས་ཕུང་ཁྱོད་་་་་
འདི་ལ་རྒྱ་གཞུང་གི་ཉེན་རྟོག་པ་ཟེར། གུང་ཁྲན་ཏང་གི་སློབ་གསོའི་འོག་གི་ལྟས་ངན་འདི་རིགས་ཧ་ཅང་མངས། རྒྱ་ཆེའི་མི་དམངས་ཀྱིས་འདི་རིགས་གསལ་རྟོགས་ཐུབ་རྒྱུ་གལ་ཆེ། འདི་ལ་ཁྱི་སྤྱང་ངན་འབྲེལ་ཞེས་པའི་ཁོ་རང་ཚོའི་ཁ་དཔེ་དེ་ཡང་ཧ་ཅང་འབྱོར།
སྤྱི་ཚོགས་ལ་མཁོན་ལན་སློག་ཆེད་མ་རེད་དོ. གུང་ཁྲན་རྒྱ་གཞུང་ལ་ཡིན་པ་མི་དེའི་སྔར་བབ་ལས་མི་ཤེས་པ་ཅི་འདུག