གཟའ་མིག་དམར་གྱི་དགོང་མོ་ཤིན་ཅང་ཧྲ་ཁྲིག་རྫོང་དུ་ཚད་རིམ་ ༥་༢ ཅན་གྱི་ས་ཡོམ་ཞིག་བརྒྱབ་ཏེ། སྡོད་ཁང་ ༨༣༠ ལྷག་བརྡལ་བཤིག་ཏུ་གྱུར་ཡོད་འདུག
ཕྱི་ཚེས་ ༦ ཉིན་གྱི་དགོང་མོའི་ཆུ་ཚོད་ ༨ དང་སྐར་མ་ ༤༨ སྟེང་ཤིན་ཅང་ཧྲ་ཁྲིག་རྫོང་དུ་ཚད་རིམ་ ༥་༢ ཅན་གྱི་ས་འགུལ་ཞིག་བརྒྱབ་སྟེ། སྡོད་ཁང་ ༨༣༠ བརྡལ་བཤིག་རུ་གྱུར་ཡོད་པ་དང་། ཁྱིམ་ཚང་ ༡༦༦ ལྷག་གི་སྡོད་ཁང་ལ་གནོད་སྐྱོན་ཕོག་ཡོད་འདུག ད་ལྟའི་ཆར་ས་ཡོམ་གནོད་འཚེ་ཁྲོད་མི་ག་ཚོད་རྐྱེན་འདས་སུ་གྱུར་ཡོེད་མེད་ཀྱི་གནས་ཚུལ་ཤེས་རྟོག་བྱུང་མེད་པ་རེད།
ས་ཡོམ་བྱུང་ཡུལ་གྱི་ལྟེ་བ་ནི་སའི་གོ་ལའི་བྱང་ཐིག་ ༣༨་༤ དང་ཤར་ཐིག་ ༧༦་༩ སྣོལ་མཚམས་སུ་ཡོད་པའི་ཧཱ་རིག་ཁི་གྲོང་སྡེ་བཅུ་བཞི་པ་ཡིན་པ་དང་། ས་གཞི་ཡོམ་འགུལ་གྱི་སའི་གཏིང་ཚད་ནི་སྤྱི་ལེ་ ༡༠ ཙམ་ཡིན་འདུག ཧཱ་རིག་ཁི་གྲོང་སྡེ་ནས་ཧྲ་ཁྲིག་རྫོང་བར་སྤྱི་ལེ་ ༢༥ དང་ཀི་ཧྲི་གྲོང་ཁྱེར་བར་སྤྱི་ལེ་ ༡༤༥ ཡོད་འདུག
ཧྲ་ཁྲིག་རྫོང་ནི་ཤིན་ཅང་ཡུ་གུར་རང་སྐྱོང་ལྗོངས་ཀྱི་མི་གྲངས་འདུས་སྡོད་ཉུང་མང་ཤོས་ཀྱི་རྫོང་ཞིག་ཡིན་པ་དང་། ཝུ་རོའུ་མུའུ་ཆི་གྲོང་ཁྱེར་དང་བར་ཐག་སྤྱི་ལེ་ ༡༦༠༠ ལྷག་ཡོད་འདུག
གསར་འགོད་པ། ཚེ་རིང་རྒྱལ།
སྲོང་བཙན་དྲིན་ཆེན་འདི་པས་འཛམ་གླིང་ཐལ་བར་བརླག་པ་དང་། ལྷག་པར་རང་རིགས་ཀྱི་ཕ་སའང་ཤོར་དགོས་པ་བཟོས་འདུག་ན། ད་དུང་ཐེངས་གཅིག་ཡོང་བ་ཡིན་ན། བོད་དང་བོད་མི་ཟེར་བའི་ས་རྡུལ་མིང་ཚིག་ཙམ་ཡང་ལྷག་གི་མ་རེད།
གསར་འགྱུར་རེ་བཀོད་པར་ཐུགས་རྗེ་ཆེ།
ཆབ་ལྷ་ལགས མི་དགེ་བཅུ་སྤོང་ལ་སྲོང་བཙན་སོགས་དགོས་ཞེས. རྒྱ་མཚོའི་རྩ་ནསཀོ་ཀྱོང་མཆི་མས་སྦང་དོན་ཅི. འུ་ཅག་བོད་པ་ཚང་ཡོད་ཀི་མོ. ལྷག་དོན་རྒྱལ་བ་རིན་པོ་ཆེའི་ཆོས་ལུགས་དང་མ་འདྲེས་པའི་འཛམ་གླིང་ངམ་འཇིག་རྟེན་ཡོངས་ཀྱི་ཀུན་སྤྱོད་ཅེས་པ་པར་སྐྲུན་ཟིན་པ་དེ་ལས་ལྷག་ཅིག་དགོས་ཚེ. བཙན་སྤེལ་ལས་མ་འདས་པས་་་་
འདི་ལ་ཤར་ཏིར་ཀི་སི་ཐན་ཞེས་འབོད་དགོས་པ་ལས. ཤིན་ཅིང་ཞེས་དབང་བའི་སྒྱུར་ཆབ་སྲིད་ཀྱི་དམིགས་དགོས་བཏགས་པ་སྤྱོད་མི་རུང་ངོ. ང་ཚོར་ཡང་དབང་སྒྱུར་བ་དེས་ཞིས་ཙང་ཞེས་བོད་དེ་བོད་རང་སྐྱོང་ལྗོངས་ཙམ་ལ་གོ་ཨེ་ཐུབ་འབད་བཞིན་པ་བཞིན་ནོ
ཀྱེ་ཧུད། མུ་གེའི་ཐོག་ལ་ཟླ་ལྷག ཕལ་ཆེར་དེང་སང་ས་བདག་གནམ་བདག་ཚང་མ་སྨྱོ་གིན་ཡོད་ས་རེད།
ད་སྲོང་བཙན་སྒམ་པོའམ་འཛམ་གླིང་སེང་ཆེན་ཕེབས་ནས་འཛམ་གླིང་ཡོངས་ལ་མི་དགེ་བཅུ་སྤོང་གི་དགེ་བའི་ཁྲིམས་ཤིག་མ་བཅས་ན་སྣོད་བཅུད་ཆག་འཇིག་གི་ཉེན་ཁ་ཆེ་བ་འདྲ།