བལ་ཡུལ་གཞུང་གིས་བོད་ནས་བྲོས་བྱོལ་དུ་ཡོང་མཁན་བོད་མི་ལྔ་བལ་བོད་མཐའ་མཚམས་ནས་འཛིན་བཟུང་གིས་ཕྱིར་རྒྱ་ནག་ལ་རྩིས་སྤྲོད་བྱས་འདུག
ཟླ་འདིའི་ཕྱི་ཚེས་ ༨ ཉིན་བོད་ནས་བྲོས་བྱོལ་དུ་ཡོང་བའི་རང་ལོ་ ༣༠ ནས་ ༤༠ བར་ཡིན་པའི་སྐྱེས་པ་གསུམ་དང་བུད་མེད་གཉིས་བཅས་བལ་བོད་ས་མཚམས་ལྷོ་མུ་སི་ཐང་ས་གནས་སུ་བསླེབས་སྐབས། བལ་ཡུལ་མཐའ་མཚམས་ཉེན་རྟོག་དམག་མིས་བཀག་ཉར་འཛིན་བཟུང་བྱས་ཡོད་པ་མ་ཟད། བོད་མི་ཚོ་སྣུམ་འཁོར་ནང་བཅུག་ཏེ་ཕྱིར་རྒྱ་ནག་གི་མཐའ་མཚམས་དམག་མིར་རྩིས་སྤྲོད་བྱས་ཡོད་འདུག་ལ། བོད་མི་དེ་དག་གི་མཚན་ཅི་ཡིན་དང་ཕ་ཡུལ་གང་ཡིན་གྱི་གནས་ཚུལ་ཅི་ཡང་ཤེས་རྟོགས་བྱུང་མེད་པའི་སྐོར་འབྲེལ་ཡོད་མི་སྣ་ཞིག་གིས་ཨེ་ཤ་རང་དབང་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱས་འདུག
གསར་འགོད་པ། དོན་གོ
བོད་འདི་རྒྱལ་སྤྱིའི་ཚོང་རྫས་རྩ་ཆེན་ཞིག་ཆགས་འདུག། བོད་འདིའི་དྲིན་ལ་བརྟེན་ནས་འཛམ་གླིང་རྒྱལ་ཁབ་ཁག་གི་ཚོང་ལས། ལམ་ལྷུང་ཡོང་གི་ཡོད། རྒྱ་ནག་དང་འཆམ་ན་ངོ་བསྟོད་བཤད་བྱེད། མ་འཆམ་ན་སྨད་ར་དང་གནོན་ཤུགས་སྤྲད་བྱེད། གང་ལྟར་བོད་འདི་རྒྱ་ནག་ནས་ཁེ་བཟང་ལེན་བྱེད་ཙམ་མ་གཏོགས། ཤ་ཚ་དང་བདེན་པར་ལྟ་མཁན་སུ་ཡང་ཡོད་པར་མི་སྣང་། བལ་ཡུལ་གཅིག་པུར་མ་རེད། འཛམ་གླིང་རྒྱལ་ཁབ་ཚང་མས་བོད་འདི་སྔ་མོ་ནས་རྒྱ་ནག་ལ་བཙོང་བཞིན་ཡོད།
ཆོག་མཆན་ཡིག་ཆ་མེད་པར་རྒྱལ་ཁབ་གཉིས་ཀྱི་ས་མཚམས་བརྒལ་རྒྱུ་འདི་ཡང་ཐར་དཀའ་ཙམ་མིན་ནམ། འདི་ལ་ཐབས་ཤེས་གཞན་གཅིག་བཙལ་ན་མི་ལེགས་སམ།
ད་བོད་མིའི་སྒྲིག་འཛུགས་ཀྱིས་ག་རེ་གནང་ནས་བསྡད་ཡོད་དམ།་
ལམ་སྐབས་ནས་བོད་མི་ཚོས་དཀའ་ངལ་གང་འདྲ་ཞིག་མྱོང་གི་ཡོད་མེད་འུ་ཚོ་ཚང་མའི་དེ་ལྟར་མྱོང་ནས་ཡོང་པ་རེད། ད་སྐབས་བལ་བོད་ས་མཚམས་ཀྱི་མི་སེལ་ཚོ་སོ་སྲུང་དུ་འདུག་བཅུགས་ནས་དངུལ་གྱི་གླ་ཆ་སྤྲོད་བཞིན་ཡོད་པ་རེད། མ་ཟད་ལམ་ཁྲིད་དང་དམག་མའི་བར་གྲོས་བྱས་ནས་བུ་མོ་ཆུང་ཆུང་ཚོ་ལ་བཙན་གཡག་བྱེད་ཀྱི་ཡོད་པ་སོགས་འབྲེལ་ཡོད་བོད་མི་ཞིག་གི་བརྗོད་སོང་དེ་འདྲ་རེད། ད་སྐབས་ཟབ་ཟབ་མ་གནང་ན་ཉེན་ཁ་ཆེན་པོ་རེད་འདུག་དེ་བཞིན་ཨ་ནེ་གང་མང་ཞིག་ལ་བཙན་གཡབ་བྱས་ནས་སྡོམ་པ་ཤོར་བཅུགས་ཡོད་པའི་གནས་ཚུལ་ཡང་འདུག
བལ་ཡུལ་གྱི་བྱེད་སྟངས་འདི་ཚོས་སྙིང་རྩ་གཟན་གི་་་ངོ་མ་གཟན་གི་་་་བཤད་ཐོག་གཏམ་ཐོག་ན་མེད་པ། གུང་ཁྲན་གྱིས་ལག་པའི་རྩེད་ཆས་ལྟབུ་གྱུར་འདུག་མོད། གུང་ཁྲན་ཡིན་ཡང་རུང་བལ་ཡུལ་ཡིན་ཡང་རུང་མང་ཚོགས་ཀྱི་རེ་འདུན་གྱི་ཉི་མ་ནམ་ཡང་འགེབས་ཐུབ་ཀྱི་མ་རེད་སྙམ། མང་ཚོགས་ཀྱི་བསམ་བློ་ཕལ་ཆེར་ང་ཚོས་ཤེས་ཐུབ་པ་འདུག ས་གནས་ཉེན་རྟོག་པ་དང་སྒེར་དོན་ལྷུར་ལེན་པ་རེ་གཉིས་ཀྱི་བྱེད་སྟངས་རེད་ལ། འོན་ཀྱང་ལས་ཀྱི་སྣེ་མོ་བ་གཅིག་གཉིས་ཤིག་གི་བྱེད་སྟངས་དེས་བལ་ཡུལ་གྱི་བྱེད་སྟངས་ཇེ་སྡུག་དུ་ཕྱིན་པའི་རྣམ་འགྱུར་རང་བཞིན་གྱིས་མཚོན་ཐུབ་་་ངེས་་་