ད་ནངས་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་གིས་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་ཚིགས་ (www.tibet.net) ཞེས་པ་དབུ་འབྱེད་གནང་སྟེ། དྲ་རྒྱའི་བརྒྱུད་ལམ་ནས་རྒྱལ་སྤྱི་དང་རྒྱ་ནག་ནང་བོད་དོན་དྲིལ་བསྒྲགས་དགོས་པའི་འབོད་སྐུལ་གནང་ཡོད།
དེ་རིང་ཕྱི་ཚེས་ ༡༤ ཉིན་གྱི་སྔ་དྲོའི་ཆུ་ཚོད་ ༡༡ སྟེང་དབུས་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། བཀའ་བློན་ཁྲི་པ་བློ་བཟང་སེང་གེ་མཆོག་གིས་ཉེ་ལམ་བསྐྱར་བཟོ་བྱས་པའི་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་ཚིགས་(www.tibet.net) ཞེས་པ་དབུ་འབྱེད་གནང་སོང་ལ།མཛད་སྒོའི་ཐོག་བཀའ་ཁྲི་བློ་བཟང་གེ་མཆོག་གིས་བོད་མིའི་སྒྲིག་འཛུགས་ཀྱི་དྲ་ཚིགས་བསྐྱར་བཟོ་བྱེད་མཁན་དང་འབྲེལ་ཡོད་ལས་བྱེད་ཚོར་བསྔགས་བརྗོད་དང་འབྲེལ། དྲ་ཚིགས་བསྐྱར་བཟོ་དགོས་དོན་དང་དྲ་ཚིགས་ཀྱི་གལ་ཆེའི་རང་བཞིན་སྐོར་ངོ་སྤྲོད་གནང་སྟེ། “ ད་ཆར་དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་ཚིགས་ཀློག་མཁན་ཟླ་རེར་འཛམ་གླིང་རྒྱལ་ཁབ་ཁག་ ༡༤༥ ཙམ་ནས་མི་ ༣༥༠༠༠༠༠ ཙམ་ཡོད་ཅིང་། དེ་དག་ཁྲོད་ཀློག་མཁན་མང་ཤོས་ཀྱི་རྒྱལ་ཁབ་ཨ་རི་དང་རྒྱ་གར། ཁེ་ན་ཌ། ཡུ་རོབ། རྒྱ་ནག་བཅས་ཡིན་སྟབས། གཞུང་འབྲེལ་དྲ་རྒྱ་འདི་ལ་བོད་དང་རྒྱ་ནག་ས་ཁུལ་ཁག་ཏུ་ལྟ་ཀློག་བྱེད་བཞིན་པ་ཧ་ཅང་གསལ་པོ་རེད། མ་འོངས་པར་དྲ་རྒྱ་འདི་ཡར་རྒྱས་བཏང་སྟེ་ཟླ་རེར་ཀློག་མཁན་མི་ས་ཡ་ ༦ ཙམ་བྱུང་ན་བོད་མི་ས་ཡ་ ༦ ཡོད་སྟབས་རྟེན་འབྲེལ་ཡག་པོ་ཞིག་ཏུ་མཐོང་གི་ཡོད། འཛམ་གླིང་སྤྱི་ཡོངས་ཀྱི་གནས་སྟངས་ཐོག་དྲ་རྒྱ་འདི་གལ་ཆེན་ཡིན་པ་མ་ཟད། བོད་མིའི་ཆབ་སྲིད་དང་སྤྱི་ཚོགས་ལའང་དྲ་རྒྱ་འདི་གལ་ཆེན་ཆགས་ཡོད་དུས། ང་ཚོས་མུ་མཐུད་དུ་བོད་ཡིག་དང་རྒྱ་ཡིག་དྲ་རྒྱ་གཉིས་ཡར་རྒྱས་གཏོང་རྒྱུར་འབད་བརྩོན་བྱེད་ཀྱི་ཡོད་ ” ཞེས་གསུངས་སོང་།
བཀའ་དྲུང་ཡིག་ཚང་གི་ལས་བྱེད་བསྟན་འཛིན་ལེགས་བཤད་ཀྱིས་ངོ་སྤྲོད་བྱས་དོན་ལྟར་ན། དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་ཚིགས་འདི་ཕྱི་ལོ་ ༢༠༠༡ ལོར་ (TCRC) གློག་ཀླད་སྡེ་ཚན་གྱིས་གསར་བཟོ་གནང་བ་ཞིག་ཡིན་ཞིང་། དུས་ཀྱི་དགོས་མཁོ་དང་བསྟུན་ཏེ་ཉེ་ཆར་བསྐྱར་བཟོ་བྱས་པ་ཞིག་ཡིན་འདུག དྲ་ཚིགས་དེའི་ཇུས་འགོད་ཐོག་སྔར་དང་མི་འདྲ་བར་གསར་གཏོད་ཀྱི་རྣམ་པའི་ཐོག་བསྐྱར་བཟོ་བྱས་ཡོད་པ་མ་ཟད། ངོ་དེབ་ (facebook) དང་། ཡོ་ཊོ་བྷི་(youtube)། ཟིན་བྲིས་(blog)། ཊེ་ཊེར་(twitter)། (social network )སོགས་ལེ་ཚན་ཁ་ཤས་གསར་དུ་ཁ་སྣོན་བརྒྱབ་ཡོད་འདུག གཞན་དྲ་ཚིགས་དེར་གསར་འགྱུར་གྱི་པར་དང་དུས་དེབ་(Tibetan Bulletin)། དཔེ་དེབ། གལ་ཆེའི་ཡིག་ཆ་སོགས་ནང་འཇུག་དང་། གནས་ཚུལ་དང་གསར་འགྱུར་རིགས་ལ་ཐོ་འགོད་བྱས་ཏེ་རང་ཉིད་ཀྱི་མཆན་སོགས་བཏབ་ཆོག་པ་བཟོས་འདུག ལྷག་པར་དུ་བོད་ནང་ཛ་དྲག་གི་གནས་ཚུལ་སོགས་བྱུང་ན། དབུས་བོད་མིའི་སྒྲིག་འཛུགས་ཀྱིས་དྲ་ཚིགས་བེད་སྤྱོད་གཏོང་མཁན་ཚོའི་(Email) གློག་འཕྲིན་ཁ་བྱང་ཐོག་གནས་ཚུལ་ངོ་སྤྲོད་ཞུ་རྒྱུ་ཡིན་ལ། དྲ་ཚིགས་དེའི་ངོ་དེབ་སྟེང་བཀའ་བློན་ཁྲི་པ་གཙོས་བོད་མིའི་སྒྲིག་འཛུགས་ཀྱི་མགོ་ཁྲིད་རྣམས་ཕྱོགས་བསྐྱོད་སྐབས་ཀྱི་གནས་ཚུལ་དང་། བཙན་བྱོལ་བོད་མིའི་སྤྱི་ཚོགས་ཀྱི་གནས་ཚུལ་སོགས་ཞིབ་ཕྲར་འགོད་རྒྱུ་ཡིན་འདུག
སྐུ་ཞབས་བསྟན་འཛིན་ལེགས་བཤད་ལགས་ཀྱིས་བརྗོད་དོན། “ ང་ཚོས་དྲ་རྒྱ་འདི་འདྲ་ཞིག་བཟོ་དགོས་པའི་དམིགས་ཡུལ་ནི་དྲ་རྒྱ་འདི་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་རྒྱ་ཆགས་ཡོད་སྟབས། བོད་མིའི་སྒྲིག་འཛུགས་ཀྱི་ལྷན་ཁང་ཁག་བདུན་དང་། རང་དབང་ཅན་གྱི་སྡེ་ཚན་གསུམ། བོད་མི་མང་སྤྱི་འཐུས་ལྷན་ཁང་། ཆེས་མཐོའི་ཁྲིམས་ཞིབ་ཁང་བཅས་ཀྱི་གནས་སྟངས་རྣམས་མང་ཚོགས་ལ་གསལ་བཤད་གནང་རྒྱུ་དང་། བོད་མིའི་སྒྲིག་འཛུགས་ཀྱི་གནས་སྟངས་དུས་ཐོག་རྒྱལ་སྤྱིའི་སྟེང་ངོ་སྤྲོད་དང་དྲིལ་བསྒྲགས། རྒྱལ་སྤྱིའི་ངོས་ནས་བོད་མིའི་སྒྲིག་འཛུགས་དང་བོད་དོན་ལ་དོ་སྣང་ཡོང་ཐབས་སུ་འབད་བརྩོན་ཞུ་རྒྱུ་བཅས་ཡིན ” ཞེས་བརྗོད་སོང་།
དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་ཚིགས་དེ་བོད་ཡིག་དང་དབྱིན་ཡིག རྒྱ་ཡིག་བཅས་སྐད་ཡིག་གསུམ་ནང་བཀོད་སྤྱོད་བྱེད་ཀྱི་ཡོད་པ་དང་། ད་ཆར་གཞུང་འབྲེལ་དྲ་ཚིགས་འདི་འཛམ་གླིང་རྒྱལ་ཁབ་ཁག་ ༡༤༥ ནང་ལྟ་ཀློག་བྱེད་ཀྱི་ཡོད་འདུག
གསར་འགོད་པ། དཔལ་ལྡན།
དགོངས་དག བསྟན་འཛིན་ཆོས་རྒྱལ་མིང་ཅན་གྱི་རིག་པ་ལས་“མི་སྤར་མོ་གང་གིས སྐད་རིགས་ལོང་བ་གང་ཤེས་མཁན་ བཙན་བྱོལ་བོད་རིགས་ཡན་པས་དཀའ་ངལ་རང་སེལ ཆ་རྐྱེན་ལྷུན་གྲུབ་ཡིན་ཡིན་ཏུ བེད་མེད་འཇོག་དགོས་ཅི”ཞེས་པ་འདི་དག་གོ་བ་ལྟ་ཅི་ཀློག་སྐབས་ཀྱང་སྔགས་ཡིག་ཀློག་པ་བཞིན་འདུག དྲ་རྒྱ་དོ་དམ་པས་དྲ་བའི་སྟེང་དུ་བརྡ་སྤྲོད་ཀྱི་འགྲོས་དང་མཐུན་པར་སྟངས་འཛིན་བྱས་ན་ལེགས། འདི་དྲ་རྒྱ་ཞིག་གི་སྤུས་ཚད་དང་འབྲེལ་ཡོད་པ་མ་བརྗེད་རོགས།
རྒྱལ་སྤྱིའི་ཐོག་བོད་མིའི་སྒྲིག་འཛུགས་ཟེར་པ་ཚང་མའི་ཤེས་ཐུབ་བྱུང་ན་ཡག་པོ་རེད། རྒྱ་མི་རིགས་ཡིན་ན་ཡང་བོད་མིའི་དམིགས་ཡུལ་དང་ལྟ་བ་བསམ་བློའི་འཛིན་སྟངས་སོགས་ཕན་ཚུན་ངོ་ཤེས་ན་དེ་ནས་གྲོས་མོར་སོགས་གང་ཡིན་རུང་ལྟ་ཚུལ་གསར་བ་ཡོད་ངེས་ཡིན་དུས་ང་ཚོས་གཙོ་བོ་ད་དུང་བསྟོན་པ་མ་ཡིན་པར་དངོས་ཡོད་ཐོག་ཕན་ཐོག་ཡོད་པ་ཞིག་དང་རྒྱལ་སྤྱིའི་ཐོག་ནས་དྲ་ལམ་འདི་རྒྱུད་ནས་བོད་དོན་ཧ་གོ་ཐུབ་པ་ཞིག་བྱུང་བ་ཡིན་ན་དགེ་མཚན་རེད་ཟེར་ན་ཆོག་འདི་ནི་ཡང་བཀའ་ཁྲི་མཆོག་གི་དེང་དུས་ཀྱི་ཤེས་ཡོན་གྱི་གོ་རྟོགས་ལེགས་བས་རྟགས་མཚན་ཞིག་མ་ཡིན་ནམ།
ད་ཆ་དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་ཚིགས་ཀློག་མཁན་ཟླ་རེར་འཛམ་གླིང་རྒྱལ་ཁབ་ཁག་ ༡༤༥ ཙམ་ནས་མི་ ༣༥༠༠༠༠༠ ཙམ་ཡོད་ན། དེའི་ནང་ན་བོད་རིགས་ཀློག་མཁན་བརྒྱ་ཆ་ག་ཚོད་ཟིན་ཡོད་དམ།
རང་རིགས་ས་ཡ་༦་པོ་ཡིག་རྨོངས་ལས་གྲོལ་མ་ཐུབ་པར་གཞན་མི་ས་ཡ་༦གིས་བཀླགས་པ་ཙམ་གྱིས་གློ་བ་བདེ་བར་ཅིག་ཡོང་ཐུབ་བམ།
ད་དུང་བོད་ཡིག་དྲ་རྒྱ་ཀློག་མཁན་གྱི་གྲངས་ཐོ་མ་བཏོན་ན་མ་གཏོགས་ངོ་ཚ་བའི་གནས་སུ་འགྱུར་ངེས་མ་རེད་པེ། ལགས། སྲིད་སྐྱོང་བློ་སེང་མཆོག་ལགས།
ཧ་ཅང་ལེགས སྲིད་སྐྱོང་མཆོག་གིས་གནད་དུ་འཁེལ་བའི་ཕྱག ལས་གནང་གི་འདུག་ག དུས་ཡུན་སྐར་མ་གཅིག་ལ་མི་ཁྲི་མ་འབུམ་ལ་ཤེས་སུ་འཇུག་ཐུབ་པས དྲ་རྒྱ་ལས་གལ་ཆེན་ནུས་ཆེན་ཅིག་མེད་ཅེས་བཤད་ཆོག རྒྱལབ་རིན་པོ་ཆེའིཁྲྀ་ཝེ་ཁྲྀ་ལ་རྗེ་འབྲེང་བ་ས་ཡ་གཉིས་ལྷག་ཡོད་པ་བཞིན་ནོ
ད་དུང་རེ་སྐུལ་ཅིག་ནི ཧྥ་རིན་སྀ་དང་འཇར་མིན སྀ་པྀན་ནི་ཞྀ་བཅས་ཀྱི་ཐོག་ཏུ་ཡོད་པའང་གནང་རོགས་ཞུ མི་སྤར་མོ་གང་གིས སྐད་རིགས་ལོང་བ་གང་ཤེས་མཁན་ བཙན་བྱོལ་བོད་རིགས་ཡན་པས་དཀའ་ངལ་རང་སེལ ཆ་རྐྱེན་ལྷུན་གྲུབ་ཡིན་ཡིན་ཏུ བེད་མེད་འཇོག་དགོས་ཅི
བཀའ་ཁྲི་འདི་མི་རྣམ་རྟོག་ཆེན་པོ་ཅན་ཞིག་རེད། དང་པོར་བརྒྱད་བརྒྱད་བརྒྱད་ཡིན་ནམ་ཞིག་བརྩིས་སོང་། ད་ནི་ས་ཡ་དྲུག་བརྩིས་སོང་། ཁྲིམས་ལུགས་མཁས་ཅན་ཞིག་རྣམ་རྟོག་གི་རྒྱ་རུ་ཚུད་པ་འདི་ནི་ལེགས་ཉེས་གང་ཡིན་ནམ། བཀའ་ཁྲིའི་བོད་ཡིག་གི་དྲུང་ཡིག་ཡག་པོ་ཞིག་རྒྱང་འཕུད་བཏང་ནས་ཅང་མ་འགོར་བར་དབྱིན་ཡིག་གི་དྲ་རྒྱ་གསར་བ་ཞིག་སྒོ་འབྱེད་བྱས་སོང་། ཡ་ཡ་ཡ། ད་ཉི་མ་རིང་དུ་རིང་དུ། རྩམ་པ་ཞིམ་དུ་ཞིམ་དུ་འགྲོ་ལེ་རེད་ད།
དྲ་ཚིགས་ལེགས་བཅོས་གནང་བ་བཟང་གི ཁ་བྱང་བརྗེས་པ་ཡིན་ནམ་ཅི། དེ་རིང་ད་དུང་སྒོ་འབྱེད་ཐུབ་ཀྱི་མི་འདུག
རེད་རེད། ངོ་ཚོས་མུ་འཐུད་ནས་དྲྭ་ལམ་འཚོལ་རྒྱུ་གལ་ཆེན་ཡིན།
པེ་ཡག་པོ་འདུག བྱོལ་སོང་རྒྱལ་བོ་སེང་གེ་ཡིས་ཨིན་ཡིག་གནམ་དུ་འཕྱར། བོད་ཡིག་རྨག་མེད་དུ་བཅོམས། བོད་ཡིག་གི་དྲ་རྒྱ་ནག་ཁུངས་སུ་བཞག གཞུང་འབྲེལ་ཡིག་ཆ་ཚང་མ་ཨིན་ཡིག་ནང་བཟོས་སོང་། ད་མི་འདིས་བསྐྱལ་ཐག་ཆོད་ཅིག་ལ་བསྐྱལ་ས་རེད།
པེ་ཡག་པོ་འདུག བྱོལ་སོང་སེང་གེ་འདི་པེ་ཡག་པོ་རེད། ད་བོད་ཡིག་རྨག་མེད་དུ་ཐོངས། བོད་ཡིག་དྲ་བ་ནག་ཁུངས་ནས་བཞག་སྟེ་གཞུང་འབྲེལ་ཡིག་ཆ་ཚང་མ་ཟླ་བ་ཁ་ཤས་ནང་ཨིན་ཡིག་ནང་བསྒྱུར་ཚར་སོང་། ད་མི་འདི་ལ་རེ་བ་མེད་ཐག་ཆོད་རེད། ཚང་མས་རྒྱ་ནག་འཐབ་ཕྱོགས་གཅིག་གྱུར་ཁང་གི་ཕྱོགས་སུ་ཆས་ན་མི་དགའ་འམ། ཧཧཧཧཧཧ