རྒྱ་ནག་གི་དྲ་རྒྱའི་གསང་མྱུལ།

ཨ་རྒྱ་གཉིས་ཀྱི་འགྲན་རྩོད་དེ་རྣོ་ངར་ཅན་ཞིག་ཏུ་འགྱུར་རྒྱུ་རེད། ཨ་རིས་དམར་ཤོག་དེ་ཉིན་གཅིག་དམངས་གཙོའི་རྒྱལ་ཁབ་གཅིག་ཏུ་འགྱུར་རྒྱུའི་དམིས་འབེན་གཙོར་བཟུང་ཡོད།

དམར་ཤོག་དེས་ཨ་རིའི་སྟོབས་ཤུགས་ཉམས་དམས་སུ་བཏང་ནས་རིམ་བཞིན་འཛམ་གླིང་གི་ཆེས་སྟོབས་ཆེན་གྱི་རྒྱལ་ཁབ་གཅིག་རང་དེ་དམར་གཞུང་དེས་བྱ་ཐུབ་རྒྱུར་འབད་བརྩོན་བྱེད་པ་དང་རྨི་ལམ་གཏོང་བཞིན་ཡོད།

ཨ་རྒྱ་འདི་གཉིས་ཀྱི་བར་ན་བོད་ཀྱི་རྩ་དོན་དེ་ཡང་རྐང་རྩེད་སྤོ་ལོ་ལྟར་མཚམས་མཚམས་ཨ་རིས་གཡུགས། མཚམས་མཚམས་རྒྱ་མིས་གཡུགས་ཏེ་འགྲན་རྩོད་ཁྲོད་བོད་དོན་དེ་ཡང་མཚམས་མཚམས་ལ་རང་བཙན་གྱི་འཐབ་རྩོད་འདྲ་པོ། ཡང་རང་སྐྱོང་གི་འཐབ་རྩོད་འདྲ་པོ། ཡང་སྐབས་ལ་ལར་གལ་ཆེན་པོ་འདྲ་པོ། ཡང་དུས་གཅིག་ལ་གལ་ཆུང་འདྲ་པོ་སོགས་ཆོ་འཕྲུལ་བསྟན་པ་འདྲ་པོ་ཆགས་ཡོད།

གང་ལྟར་ནའང་ཨ་རིས་བོད་འདི་སྟོབས་ཤུགས་ཆེ་ཙམ་ཆགས་རྒྱུར་དམིགས་འབན་བཟུང་བཞིན་ཡོད་ལ་༸ གོང་ས་ཏྰ་ལའི་བླ་མའི་མཚན་སྙན་དང་། བོད་དོན་དེ་ཡང་ཡང་ཡང་འཛམ་གླིང་ནང་ཐོར་འདེགས་ཅན་དུ་གཏོང་གང་ཐུབ་བྱེད་བཞིན་ཡོད།

རྒྱ་གཞུང་དེས་བོད་དེ་རགྱ་ནག་གི་ཆ་ཤས་ཅན་ཞིག་ཡིན་ལ་རྒྱ་ནག་གི་ནང་སྲིད་ལའང་ཨ་རིས་ཐེ་ཇུས་བྱེད་དབང་མེད་ཚུལ་བཤད་བཞིན་ཡོད། གང་ལྟར་འཛམ་གླིང་གི་འཕེལ་ཕྱོགས་དང་། ཨ་རྒྱའི་འཕེལ་ཕྱོགས། རྒྱ་དཀར་ནག་གི་འཕེལ་ཕྱོགས་སོགས་འཁྲོད་དུ་བོད་དེ་ཡལ་དང་མི་ཡལ། ལངས་དང་མ་ལངས། ཤི་དང་གསོན། ཆགས་དང་འཇིག་སོགས་སུས་ཀྱང་བྲཇོད་ཐབས་བྲལ།

ཡིན་ནའང་༸ གོང་ས་མཆོག་གིས་བཀའ་སློབ་ལམ་སྟོན་ལྟར་རེ་བ་བཟང་ས་དང་གྲ་སྒརིག་སྡུག་ས་ནས་བྱེད་དགོས།

བསམ་ཤོག་གི་གྲངས་གནས་དེས་ང་ཚོ་ད་དུང་ཨ་རི་ལ་ཡིད་ཆེས་དང་ཨ་རི་ལ་རེ་བ་བརྒྱབ་སྡད་པ་མཚོན་པར་འདོད། སྟག་མཚེར་རིན་པོ་ཆེ་མཆོག་གིས་བོད་དོན་ཐོག་རེ་བ་ཞིག་རྒྱག་ས་ཞིག་ཡོད་ན་ནི་རྒྱ་གར་ཡིན། ཨ་རི་ལ་རེ་བ་མ་བྱེད་ཅེས་པའི་བཀའ་མོལ་དེ་མགོ་རྟིང་བསླགས་ནས་ཉན་པ་འདྲ་བོ་རེད།

དྲང་མོ་བཤད་ན་གསང་མྱུལ་བ་ཟེར་བ་འདི་རྒྱལ་ཁབ་ཚང་མར་ཡོད་ཡོད་པ་ཞིག་རེད། དྲ་ཐོག་གི་གསང་མྱུལ་བ་ཡང་དེ་བཞིན་རེད། གང་ལྟར་གསང་མྱུལ་བས་གསང་མྱུལ་བ་འཚོལ་རེས་དང་འགོག་རེས་འདི་ཡང་མི་མངོན་པའི་དམག་འཐབ་ཅིག་རེད། འཛུལ་མཁས་ན་འགོག་མཁས་པ་དང་འགོག་མཁས་ན་འཛུལ་ཡང་མཁས་པའི་འགྲན་རྩོད་འདི་ཡང་ང་ཚོ་མིའི་རིགས་ཀྱི་ལས་ཀ་འཐོལ་བ་དེ་རེད།

ད་ལྟའི་རྒྱ་ནག་གུང་ཁྲན་ནི་ཕྱོགས་གང་ས་ནས་ཚད་ལྡན་དང་ཡིད་ཆེས་བྱེད་ཆོག་སའི་རྒྱལ་ཁབ་ཞིག་གཏན་ནས་ཆགས་མེད་པ་ནི་གཡོ་སྒྱུའི་ལས་ཀ་འདི་གཅིག་པུས་ཀྱང་ར་སྤྲོད་གསལ་པོ་བྱས་ཡོད།