ཆུ་ལོག་གིས་མི་ ༡༨༠ རྐྱེན་ལམ་དུ་བཏང་འདུག

ཡང་རྒྱལ་སྤྱིའི་གསར་འགྱུར་དུ།
ཧྥེ་ལེ་པེར་རྒྱ་གྲམ་དམར་པོའི་ལས་བྱེད་ཅིག་གིས་བརྗོད་དོན་ལ། ཆུ་ལོག་གིས་གྲོངས་པའི་མི་༦༡༣དང་། ༦༥༣བོར་འདུག ཡང་སྤྱི་ཁྱབ་ལྷན་ཁང་ཞིག་ནས་གནས་ཚུལ་སྤེལ་བ་ལྟར་ན། མི་༩༢༧ ཞིག་གི་ཕུང་པོ་རྒྱ་མཚོ་ནས་རྙེད་ནའང་། ད་དུང་ཡང་བོར་གྲངས་ཀ་་མི་ཉུང་བ་དང་། འཚོལ་མུས་སོ།།
ངས་འབོད་སྐུལ་ལ། ཀློག་མཁན་དག་གིས། ཉུང་མཐར་མ་ནི་༩༡༣ དང་།ང་ལ་གསོལ་བ་འདེབས་རོགསཞུའོ།།

ཁ་སང་བཟའ་ཉི་མའི་ཉིན་གྱི་རྒྱལ་སྤྱི་གསར་འགྱུར་ལྟར་ན། ཧྥེ་ལེ་པེ་ནང་ཡོད་པའི་རྒྱ་གྲམ་དམར་པོའི། ཚོགས་མིས་བརྗོད་གསལ་ལ་ཆུ་ལོག་གི་རྐྱེན་གྱིས། མི་༦༥༢རྐྱེན་ལམ་དུ་ཕྱིན་ཡོད་དོ།

སྟབས་ལེགས་པ་ཞིག་ལ། ང་ཚོ་བོད་རིགས་སློབ་མ་དག་ལ་དེ་ཙམ་དཀའ་ངལ་སྤྲད་མ་སོང་ལ། ལྷག་པར་དུ་སྡོད་ཁང་ཐོག་བརྩེགས་གཉིས་པ་འདུག་མཁན་རྣམས་ལ་དེ་བས་ཀྱང་དཀའ་ངལ་སྤྲད་མ་སོང་། འོན་ཀྱང་། ཐོག་བརྩེགས་དང་པོར་འདུག་མཁན་ཁག་གཅིག་ལ་ཆུ་ལོག་གིས་གནོད་སྐྱོན་ཐེབས་ཡོད་ཀྱང་། དཔལ་འབྱོར་གཅིག་པུ་ལས་ཚེ་སྲོག་གི་འཇིགས་པ་ལས་སྐྱོབས་ཐུབ་ཙམ་བྱུང་སོང་། གནས་སྐབས་གནམ་གཤིས་ཀྱིས་རྐྱེན་པས་དཀའ་ངལ་ཕྲན་བུ་ཞིག་འཕྲད་བཞིན་ཡོད་ན་ཡང་། ཡུལ་མི་གཞན་དང་བསྡུར་ན། ང་ཚོ་ལ་དཀའ་ངལ་གང་ཡང་མི་འདུག འོན་ཀྱང་། གནམ་གཤིས་བརྟག་དཔྱད་ཁང་གི་བརྗོད་པ་ལྟར་ན། ད་རུང་ཆུ་ལོག་དེ་ལས་ཆེ་བ་ཞིག་ཡོང་གི་ཡོད་རབས་བཤད་སོང་། ཡིན་ན་ཡང་། སྐྱོན་རྒྱུ་མ་རེད་འདོད་ཀི།

སྔོན་བསགས་ལས་དབང་བཙན་པོས། །
ཉམ་ཐག་འགྲོ་བའི་ཚེ་སྲོག །
དོན་མེད་ཆུ་ལ་བསྐུར་སྐབས། །
མིག་ཆུ་ཤོར་དགོས་བྱུང་བས། །

བསླུ་མེད་དཀོན་མཆོག་གསུམ་ལ། །
སྙིགས་དུས་སྐྱེ་འགྲོའི་ཚེ་སྲོག །
མྱུར་དུ་སྐྱོབ་པའི་སྨོན་འདུན། །
གདུང་ཤུགས་དྲག་པོས་འདེབས་ཡོད། །

རླུང་འཚུབ་དྲག་ཆར་རྒྱུ་མེད་རྐྱེན་མེདམིན། །
ཚེ་སྔོན་ལས་དང་ཁོར་ཡུག་ཉམས་པས་ལན། །
བོད་རིགས་ཚན་རིག་པ་རྣམས་ད་རེམས་རན། །
འཆི་རྐྱེན་ཤོར་རྣམས་བདེ་ནས་བདེ་བར་ཤོག །