དེ་རིང་ཧྥེ་ལེ་པེན་ལྷོ་ཕྱོགས་ས་ཁུལ་དུ་རླུང་འཚུབ་དང་དྲག་ཆར་གྱི་རྐྱེན་པས་ཆུ་ལོག་བརྒྱབ་སྟེ་མི་ ༡༨༠ ལྷག་འདས་གྲོངས་སུ་གྱུར་འདུག
འདས་པའི་ཆུ་ཚོད་ ༢༤ རིང་ཧྥེ་ལེ་པེན་(Philippines) གྱི་ལྷོ་ངོས་མེན་ཌ་ནའོ་(Mindanao) མཚོ་གླིང་དང་། ཨ་ལེ་གྷན་(Iligan)གྲོང་ཁྱེར། ཀཱ་གྷ་ཡན་(Cagayan de Oro) སོགས་སུ་དྲག་ཆར་ཆེན་པོ་བབས་པ་དང་བསྟུན་ནས་རླུང་འཚུབ་ཤུགས་ཆེར་གཡུག་སྟབས། ཞོགས་པ་མི་རྣམས་ཉལ་བསྡད་པའི་སྐབས་སུ་མཚོ་ངོགས་ཀྱི་ཆུ་རླབས་གྲོང་ཁྱེར་དང་མཚོ་འགམ་ས་ཁུལ་ཁག་ནང་འཕྱུར་ཏེ། མི་ ༡༨༠ ལྷག་རྐྱེན་ལམ་དུ་ཕྱིན་ཡོད་པ་མ་ཟད་མང་ཆེ་བ་བྱིས་པ་ཡིན་འདུག
ཡུལ་མི་ཁྲི་ཕྲག་མང་པོ་ས་བབ་མཐོ་སར་ཉེན་ཡོལ་དུ་བྲོས་བྱོལ་ལ་འབྲོ་བཞིན་ཡོད་འདུག་ལ། ད་ལྟའི་ཆར་དམག་མི་འབུམ་ ༡ ཙམ་གྱིས་གོ་ཆག་བྱུང་པའི་ས་ཁུལ་དེ་དག་ཏུ་མྱུར་སྐྱོན་བྱེད་བཞིན་ཡོད་འདུག གོད་ཆག་འདིའི་ཁྲོད་མི་ག་ཚོད་ཅིག་རྐྱེན་འདས་དང་བོར་བརླག་ཏུ་ཕྱིན་པའི་གྲངས་ཚད་ཁ་གསལ་ཤེས་རྟོགས་བྱུང་མེད་པ་དང་། གོང་གི་འདས་གྲོངས་སུ་གྱུར་པའི་གྲངས་ཚད་དེ་ནི་ད་ལྟའི་ཆར་དངོས་སུ་ལག་སོན་བྱུང་པའི་གྲངས་འབོར་ཙམ་ཡིན་འདུག
ཧྥེ་ལེ་པེན་ནི་ནུབ་ཞི་བདེ་རྒྱ་མཚོའི་ཁུལ་དུ་ཡོད་པའི་ལྷོ་ཨེ་ཤ་ཡའི་རྒྱལ་ཁབ་ཅིག་ཡིན་ལ། ལོར་ལྟར་ཆ་སྙོམས་རླུང་འཚུབ་ཤུགས་ཆེ་བ་ཐེངས་ ༢༠ ཡས་མས་བྱུང་གི་ཡོད་ཀྱང་། ཐེངས་འདིའི་རླུང་འཚུབ་དང་ཆུ་ལོག་ནི་ཚབས་ཆེ་ཤོས་ཤིག་ཆགས་ཡོད་འདུག
གསར་འགོད་པ། བནྡེ་སྐྱབས།
ཡང་རྒྱལ་སྤྱིའི་གསར་འགྱུར་དུ།
ཧྥེ་ལེ་པེར་རྒྱ་གྲམ་དམར་པོའི་ལས་བྱེད་ཅིག་གིས་བརྗོད་དོན་ལ། ཆུ་ལོག་གིས་གྲོངས་པའི་མི་༦༡༣དང་། ༦༥༣བོར་འདུག ཡང་སྤྱི་ཁྱབ་ལྷན་ཁང་ཞིག་ནས་གནས་ཚུལ་སྤེལ་བ་ལྟར་ན། མི་༩༢༧ ཞིག་གི་ཕུང་པོ་རྒྱ་མཚོ་ནས་རྙེད་ནའང་། ད་དུང་ཡང་བོར་གྲངས་ཀ་་མི་ཉུང་བ་དང་། འཚོལ་མུས་སོ།།
ངས་འབོད་སྐུལ་ལ། ཀློག་མཁན་དག་གིས། ཉུང་མཐར་མ་ནི་༩༡༣ དང་།ང་ལ་གསོལ་བ་འདེབས་རོགསཞུའོ།།
ཐུགས་རྗེ་ཆེ་དེ་འདྲའི་གནས་ཚུལ་ཁ་གསལ་འགོད་ཐུབ་ན་མ་མཐའ་ཡང་མ་ནི་གཅིག་བགྲང་གི་རེད་པ་།་་་་་ད་དུས་མིན་གི་རྐྱེན་ལམ་དུ་གཏང་ཡ་དེ་ཇེ་མང་ནས་ཇེ་མང་དུ་འགྲོ་གི་འདུག་ག་།དེ་ནི་ཕལ་མིའི་བཟོས་པའི་ཉེར་ལེན་ལ་བརྟན་ནས་ཡིན་པ་མང་པོ་ཞིག་གི་ཞལ་ནས་གསུངས་གི་འདུག་ཕལ་ཆེ་ཡིན་པ་འདྲ་།་་་ད་དཀོན་མཆོག་མཁྱེན་ཕལ་ཆེ་ཉིས་སྟོང་བཅུས་གཉིས་ནང་བཞིན་ཕྱག་ས་རེད་།་ཚེ་འདས་རྣམས་དགས་པའི་ཞིང་དུ་སྐྱེ་བར་ཤོག་།
ཁ་སང་བཟའ་ཉི་མའི་ཉིན་གྱི་རྒྱལ་སྤྱི་གསར་འགྱུར་ལྟར་ན། ཧྥེ་ལེ་པེ་ནང་ཡོད་པའི་རྒྱ་གྲམ་དམར་པོའི། ཚོགས་མིས་བརྗོད་གསལ་ལ་ཆུ་ལོག་གི་རྐྱེན་གྱིས། མི་༦༥༢རྐྱེན་ལམ་དུ་ཕྱིན་ཡོད་དོ།
བཟའ་སྤེན་པའི་ཉིན་གྱི། འཛམ་གླིང་གསར་འགྱུར། SBS ལྟར་ན། ཧྥེ་ལེ་པེན་ནང་། མི་༤༤༠ གྲོངས་ཡོད་འདུག། ཨོཾ་མ་ནི་པདྨེ་ཧུཾཿ
སྟབས་ལེགས་པ་ཞིག་ལ། ང་ཚོ་བོད་རིགས་སློབ་མ་དག་ལ་དེ་ཙམ་དཀའ་ངལ་སྤྲད་མ་སོང་ལ། ལྷག་པར་དུ་སྡོད་ཁང་ཐོག་བརྩེགས་གཉིས་པ་འདུག་མཁན་རྣམས་ལ་དེ་བས་ཀྱང་དཀའ་ངལ་སྤྲད་མ་སོང་། འོན་ཀྱང་། ཐོག་བརྩེགས་དང་པོར་འདུག་མཁན་ཁག་གཅིག་ལ་ཆུ་ལོག་གིས་གནོད་སྐྱོན་ཐེབས་ཡོད་ཀྱང་། དཔལ་འབྱོར་གཅིག་པུ་ལས་ཚེ་སྲོག་གི་འཇིགས་པ་ལས་སྐྱོབས་ཐུབ་ཙམ་བྱུང་སོང་། གནས་སྐབས་གནམ་གཤིས་ཀྱིས་རྐྱེན་པས་དཀའ་ངལ་ཕྲན་བུ་ཞིག་འཕྲད་བཞིན་ཡོད་ན་ཡང་། ཡུལ་མི་གཞན་དང་བསྡུར་ན། ང་ཚོ་ལ་དཀའ་ངལ་གང་ཡང་མི་འདུག འོན་ཀྱང་། གནམ་གཤིས་བརྟག་དཔྱད་ཁང་གི་བརྗོད་པ་ལྟར་ན། ད་རུང་ཆུ་ལོག་དེ་ལས་ཆེ་བ་ཞིག་ཡོང་གི་ཡོད་རབས་བཤད་སོང་། ཡིན་ན་ཡང་། སྐྱོན་རྒྱུ་མ་རེད་འདོད་ཀི།
ཆར་རླུང་གི་འབྱུང་བའི་དབང་གི་སྐུ་སྲོག་ཤོར་བ་ཡིན་དེ་ནི་འབྱུང་བཞི་གནོད་འཚེ་ཡིན་པས་གནས་ལུགས་དང་རྒྱུ་མཚན་དེ་བས་བརྗོད་ཐབས་བྲལ། དེ་ནི་ཆོས་ཕྱོགས་ནས་བརྗོད་ན་སྔོན་བསགས་ལས་སྨོན་གྱི་དབང་གི་རེད་ཟེར་བ་རེད། བོད་མི་སྟོང་ཕྲག་མང་པོ་རྒྱ་ནག་དམར་གཞུང་གི་དྲག་གནོན་དང་གཉའ་གནོན་གྱི་དབང་གི་དུས་མིན་རྐྱེན་འདས་སུ་གཏོང་གི་ཡོད་པ་རེད། དེ་ནི་དམྱལ་བ་མི་ཡུལ་དུ་དངོས་སུ་ལག་སྟར་བྱེད་ཀྱི་ཡོད་པ་དངོས་ཡོད་མ་ཡིན་ནམ།
སྔོན་བསགས་ལས་དབང་བཙན་པོས། །
ཉམ་ཐག་འགྲོ་བའི་ཚེ་སྲོག །
དོན་མེད་ཆུ་ལ་བསྐུར་སྐབས། །
མིག་ཆུ་ཤོར་དགོས་བྱུང་བས། །
བསླུ་མེད་དཀོན་མཆོག་གསུམ་ལ། །
སྙིགས་དུས་སྐྱེ་འགྲོའི་ཚེ་སྲོག །
མྱུར་དུ་སྐྱོབ་པའི་སྨོན་འདུན། །
གདུང་ཤུགས་དྲག་པོས་འདེབས་ཡོད། །
ས་གཞི་ཆེན་པོའི་ལྷུ་ལག་བཙན་གྱིས་གཏོར།།
དུག་རྫས་ནག་པོས་དྭངས་གཙང་མཁའ་དབུགས་རྫོབ།།
འབྱུང་བཞི་མ་བསྙོམས་ཆུ་རླུང་དྲག་ཆར་ཚུབ།།
ཁྲི་མ་འབུམ་གྱི་ཚེ་སྲོག་ཐལ་བ་བརླག།
འཕྲུལ་ལས་རྒན་པོས་བསམ་སྦྱོར་རྡོ་ལས་རྩུབ།།
ཧམ་སེམས་རྒོད་པོའི་ལག་པ་ལྕགས་ལས་འཁྲེགས།།
རིན་ཐང་ན་སོའི་བང་མཛོད་འགོ་སྟིང་བསྒྱུར།།
ཁྲི་མ་འབུམ་གྱི་བདེ་སྐྱིད་ཐལ་བ་བརླག།
བསམ་ན་མིག་ལ་གཟེད་པའི་འཚེ་མ་རེད།།
བསྡད་ན་ཨ་ཅོག་གཀྲུགས་པའི་ངུ་སྒྲ་རེད།།
རིན་ཐང་ཚེ་སྲོག་བཅོས་པའི་གཤེན་མ་རེད།།
བདེ་སྐྱིད་གཞི་རྩར་བྲེགས་པའི་གདོན་མ་རེད།།
དེང་གི་འཕྲུལ་རིགས་ལག་རྩལ་གྱི་རྐྱེན་པས་འཛམ་གླིང་གང་ས་འབྱུང་བའི་འཇིགས་པ་ཡང་ཡང་བྱུང་དང་འབྱུང་བཞིན་ཏེ་སྐྱེ་འགྲོ་མང་པོའི་ཚེ་སྲོག་ཤོར་བཞིན་པ་འདིར་གཟིགས་དང་།།
རླུང་འཚུབ་དྲག་ཆར་རྒྱུ་མེད་རྐྱེན་མེདམིན། །
ཚེ་སྔོན་ལས་དང་ཁོར་ཡུག་ཉམས་པས་ལན། །
བོད་རིགས་ཚན་རིག་པ་རྣམས་ད་རེམས་རན། །
འཆི་རྐྱེན་ཤོར་རྣམས་བདེ་ནས་བདེ་བར་ཤོག །