༸གོང་ས་མཆོག་གི་ཐུགས་གསོའི་གསུང་འཕྲིན།

ཉེ་ཆར་ཕི་ལི་པིན་ནང་ཆུ་ལོག་གི་གནོད་འཚེ་བྱུང་སྟེ་མི་རྒྱུ་གཉིས་ཐད་ལ་གྱོང་གུད་ཆེན་པོ་ཕོག་ཡོད་པའི་ཐད།  ༸གོང་ས་མཆོག་གིས་ཐུགས་གསོའི་གསུང་འཕྲིན་དང་རོགས་དངུལ་སྩལ་ཡོད་འདུག

ཕྱི་ཚེས་ ༢༢ ཉིན་༸གོང་ས་མཆོག་གིས་ཕི་ལི་པིན་གྱི་སྲིད་འཛིན་ཨ་ཀི་ནོ་ (Benigno Aquino III) མཚན་ཐོག་ལ་ཐུགས་གསོའི་གསུང་འཕྲིན་ཞིག་སྩལ་ཏེ།  ཉེ་ཆར་ལྷོ་ཕྱོགས་མིན་ཌ་ནོའི་ (Mindanao) ས་ཁུལ་ནང་ཆུ་ལོག་གི་གོད་ཆག་ཚབས་ཆེན་འོག་ཡུལ་མི་མང་པོའི་ཚེ་སྲོག་ཤོར་བ་དང་། ཁང་ཁྱིམ་དང་རྒྱུ་ནོར་སོགས་ལ་གོད་ཆག་ཚབས་ཆེ་ཕོག་པར་བློ་ཕམ་དང་། གོད་ཆག་དེའི་འོག་ཚེ་སྲོག་ཤོར་བ་རྣམས་ཀྱི་ཆེད་གསོལ་འདེབས་སྨོན་ལམ་ཞུ་རྒྱུ་དང་། རྗེས་ཤུལ་ནང་མི་དང་གཉེན་ཉེ་རྣམས་ལ་གདུང་སེམས་མཉམ་སྐྱེ་ཞུ་རྒྱུ་མ་ཟད། ཆུ་ལོག་གི་གོད་ཆག་འོག་དཀའ་སྡུག་མྱོང་བཞིན་པ་རྣམས་མྱུར་དུ་དཀའ་ངལ་ལས་གྲོལ་ཆེད་སྨོན་ལམ་འདེབས་པ་གནང་རྒྱུ་ཡིན་པ་གསུང་ཡོད་པར་མ་ཟད། གདུང་སེམས་མཉམ་སྐྱེད་མཚོན་ཆེད་ཏཱ་ལའི་བླ་མའི་ཐེབས་རྩ་བརྒྱུད་རོགས་སྐྱོར་གྱི་འདེབས་ཕྲན་བུ་འབུལ་རྒྱུ་ཡིན་པའི་ཞལ་བཞེས་གནང་ཡོད་འདུག