འབར་མ་གཞུང་གིས་བཙོན་པ་གློད་བགྲོལ་དང་གྲངས་ཉུང་མི་རིགས་ཐོག་དྲག་གནོན་མཚམས་འཇོག དེ་བཞིན། ཨང་སན་སུའུ་ཀེ་ཡི་དམངས་གཙོ་ཚོགས་པ་ཁྲིམས་མཐུན་ངོས་ལེན་སོགས་བཅོས་སྒྱུར་ཤུགས་ཆེར་བྱེད་བཞིན་འདུག
དེ་རིང་ཕྱི་ཚེས་ ༡༣ ཉིན་འབར་མ་གཞུང་གིས་ ༡༩༨༨ ལོའི་སློབ་མའི་དམངས་གཙོའི་གྱེན་ལངས་ཀྱི་སྣེ་ཁྲིད་པ་མཱེན་ཁོ་ནེན་ (Min Ko Naing)དང་། ༢༠༠༤ ལོའི་ངོ་རྒོལ་ཟིང་འཁྲུག་སྐབས་སོ་སོར་འཛིན་བཟུང་བཙོན་འཇུག་བྱས་པའི་གནད་ཡོད་ཆབ་སྲིད་བཙོན་པ་ཁག་ཅིག་གཙོས་པའི་བཙོན་པ་ ༦༥༡ གློད་གྲོལ་གཏོང་རྒྱུའི་ཐག་གཅོད་བྱས་ཏེ། ༢༠༠༤ ལོར་འཛིན་བཟུང་བྱས་པའི་སྲིད་བློན་ཟུར་པ་སྐུ་ཞབས་ཀེན་(Khin Nyunt) དང་། དམངས་གཙོའི་གྱེན་ལངས་མགོ་ཁྲིད་མི་སྣ་སྐུ་ཞབས་མེན་(Min Ko Naing)སོགས་གློད་གྲོལ་བཏང་འདུག
ཕྱི་ཚེས་ ༡༢ ཉིན་འབར་མ་གཞུང་གིས་ཀཱ་རེན་(Karen)གྲངས་ཉུང་མི་རིགས་ཐོག་དྲག་གནོན་མཚམས་འཇོག་དང་ཞི་འགྲིག་གྲོས་མོལ་བྱ་རྒྱུའི་ཁས་ལེན་ཐག་གཅོད་བྱས་ཡོད་འདུག ཀཱ་རེན་གྲངས་ཉུང་མི་རིགས་ནི་བོད་སྐད་བཤད་མཁན་གྱི་འབར་མའི་མི་འབོར་གྱི་བརྒྱ་ཆ་ ༧ ཙམ་ཟིན་པའི་གྲངས་ཉུང་མི་རིགས་ཤིག་ཡིན་ཞིང་། ༡༩༧༦ ནས་ཀཱ་རེན་གྲངས་ཉུང་མི་རིགས་ལ་ས་གནས་རང་སྐྱོང་གི་ཐོབ་ཐང་སྤྲད་ཡོད་ཀྱང་། ད་སྔ་འབར་མ་གཞུང་གིས་དྲག་གནོན་ཤུགས་ཆེར་བྱས་རྐྱེན། ཕན་ཚུན་བར་ཟིང་འཁྲུག་དང་ངོ་རྒོལ་རྒྱུན་དུ་འབྱུང་བཞིན་པར་བརྟེན། ཀཱ་རན་གྲངས་ཉུང་མི་རིགས་མང་པོ་ཐེ་ལན་ཊི་སོགས་སུ་སྐྱབས་བཅོས་ལ་ཆས་དགོས་བྱུང་ཡོད།
དེ་བཞིན་ཉེ་ཆར་ནས་འབར་མ་གཞུང་གིས་ལྕམ་ཨང་སན་སུའུ་ཀེའི་རྒྱལ་ཡོངས་དམངས་གཙོ་ཚོགས་པ་ཁྲིམས་མཐུན་ངོས་ལེན་བྱས་ཡོད་པ་མ་ཟད། ཕྱི་ཟླ་ ༤ ནང་གི་གྲོས་ཚོགས་འཐུས་མིའི་འོས་བསྡུའི་ཁྲོད་ཞུགས་ཆོག་པའི་རང་དབང་སྤྲད་ཡོད་འདུག ད་ལྟའི་ཆར་རྒྱལ་སྤྱིའི་སྤྱི་ཚོགས་ཀྱིས་འབར་མའི་དམངས་གཙོ་བཅོས་སྒྱུར་ལ་རེ་བ་ཆེན་པོ་མཐོང་བཞིན་པའི་སྐབས་ཤིག་ཆགས་ཡོད།
གསར་འགོད་པ། བནྡེ་སྐྱབས།
་་་་། ད་ལྟའི་ཆར་རྒྱལ་སྤྱིའི་སྤྱི་ཚོགས་ཀྱིས་འབར་མའི་དམངས་གཙོ་བཅོས་སྒྱུར་ལ་རེ་བ་ཆེན་པོ་མཐོང་བཞིན་པའི་སྐབས་ཤིག་ཆགས་ཡོད། ན། ང་ཚོའི་རྒྱ་ནག་པོའི་གཞུང་ཀྲུང་ཧ་མི་དམང་སྤྱི་མཐུན་རྒྱལ་ཁབ་འདི་ག་དུས་མང་གཙོ་བཅོས་སྒྱུར་འབྱུང་རེ་ཡོད་དམ། རྒྱ་རིགས་དང་བོད་རིགས་སོགས་གྲངས་ཉུང་མི་མང་ཚོ།
དེང་སང་གི་ཆབ་སྲིད་ཀྱི་གནས་ཚུལ་འགྱུར་ལྡོག་རིགས་ལ་བལྟས་ན། ཀྲུང་ཧ་མི་དམང་སྤྱི་མཐུན་རྒྱལ་ཁབ་ཀྱི་ཆབ་སྲིད་ལག་ལེན་བཏབ་ཚུལ་གྱིས་ཐད་ལ་འགྱུར་བ་ཞིག་འབྱུང་སྲིད། རེ་བ་ཆེ་ཤོས་དེ་ནི་ཀྲུང་ཧ་མི་དམང་སྤྱི་མཐུན་རྒྱལ་ཁབ་ཀྱི་སྒྲོམ་གཞི་འོག་ལས་མདས་པར། རང་སྲིད་རང་སྐྱོང་མིང་དོན་དང་ལྡན་པ་ཞིག་རག་རྒྱུ་དེ་མ་ཡིན་ནམ།