ཉེ་སྔོན་བོད་ནང་བོད་མི་སྐྱ་སེར་ ༡༧ གྱིས་སྔ་ཕྱིར་རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་སྤྱོད་དབང་སྒྱུར་སྲིད་ཇུས་ལ་ཞི་བའི་ངོ་རྒོལ་གྱི་གནས་སྟངས་ཐད། ཧྥ་རན་སི་གཞུང་གིས་བློ་འཚབ་གནང་གི་ཡོད་པ་མ་ཟད། རྒྱ་གཞུང་གིས་བོད་མིའི་ཡུལ་སྲོལ་གོམས་གཤིས་དང་རིག་གནས་སྲུང་སྐྱོབ་བྱ་དགོས་པའི་རྨང་གཞིའི་ཐོག བོད་མི་རིགས་དང་ལྷན་དུ་གྲོས་མོལ་གནང་དགོས་པའི་གནང་དགོས་པའི་འབོད་སྐུལ་གནང་འདུག
ཕྱི་ཚེས་ ༡༩ ཉིན་ཧྥ་རན་སིའི་ཕྱི་འབྲེལ་མགྲིན་ཚབ་པ་ཝེ་ལི་རའོ་(Bernard Valero)ལགས་ཀྱིས་གསར་འགོད་ལྷན་ཚོགས་ཐོག “བོད་མི་སྐྱ་སེར་དེ་དག་གིས་རང་ལུས་མེར་བསྲེགས་ཀྱིས་རྒྱ་གཞུང་ངོ་རྒོལ་གནང་བ་དེ་ནི། ཁོང་ཚོ་ཐབས་ཟད་འུ་ཐུག་གི་གནས་སྟངས་འོག་ལྷུང་བའི་རྐྱེན་གྱིས་རེད། ཧྥ་རན་སིའི་གཞུང་གིས་ཆོས་དད་རང་དབང་དང་། བོད་མི་རིགས་ཀྱི་ཡུལ་སྲོལ་གོམས་གཤིས་དང་རིག་གནས་སྲུང་སྐྱོབ། འགྲོ་བ་མིའི་ཐོབ་ཐང་བཅས་ལ་གུས་བརྩི་བྱེད་དགོས་པ་ནན་སྐུལ་ཞུ་རྒྱུ་མ་ཟད། བོད་མི་རིགས་ཀྱི་ཆོས་དང་རིག་གཞུང་ལ་གུས་བརྩི་ལྡན་པའི་རྨང་གཞིའི་ཐོག རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྒྲོམ་གཞིའི་འོག་ཕྱོགས་གཉིས་ཀྱིས་གྲོས་མོལ་གནང་རྒྱུར་འབོད་སྐུལ་གནང་རྒྱུ་ཡིན་ལ། དེ་ནི་གནད་དོན་སེལ་ཐབས་ཀྱི་ཐབས་ལམ་གཅིག་པུ་རེད།” ཅེས་བརྗོད་དེ། ཧྥ་རན་སིའི་གཞུང་གིས་ད་ལྟའི་ཆར་བོད་མི་རྣམས་ཀྱིས་རང་ལུས་མེར་བསྲེགས་ཀྱིས་ཞི་བའི་ངོ་རྒོལ་གནང་བཞིན་པའི་གནས་སྟངས་ཐད་བློ་འཚབ་གནང་གི་ཡོད་པ་མ་ཟད། ཧྥ་རན་སིའི་གཞུང་གིས་རྒྱ་གཞུང་དང་འབྲེལ་མོལ་གྱི་བརྒྱུད་རིམ་ཁྲོད་ཡུ་རོབ་མནའ་མཐུན་དང་རྒྱ་ནག་བར་གྱི་གྲོས་མོལ་སྒྲོམ་གཞིའི་འོག དུས་རྒྱུན་རྒྱ་གཞུང་ལ་འགྲོ་བ་མིའི་ཐོབ་ཐང་གནས་སྟངས་ལ་བརྩི་འཇོག་དགོས་པའི་གསལ་འདེབས་བྱས་ཡོད་སྐོར་བརྗོད་འདུག
རྒྱ་གཞུང་གི་བོད་ཐོག་འཛིན་པའི་དྲག་སྤྱོད་དབང་སྒྱུར་སྲིད་ཇུས་ལ་ངོ་རྒོལ་ཆེད། ད་ལྟའི་བར་བོད་ནང་བོད་མི་སྐྱ་སེར་ ༡༧ གྱིས་རང་ལུས་མེར་བསྲེགས་བཏང་ཡོད་པ་དང་། བལ་ཡུལ་དང་རྒྱ་གར་ནང་དུའང་དཔའ་བོ་ཐུབ་བསྟན་དངོས་གྲུབ་ཀྱིས་མཚོན་པའི་བོད་མི་སྐྱ་སེར་ ༤ གྱིས་རང་ལུས་མེར་བསྲེགས་ཀྱི་ངོ་རྒོལ་གནང་ཡོད་པ་རེད། དེ་དག་ཁྲོད་མི་ ༡༡ འདས་གྲོངས་ཕྱིན་ཡོད།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ཕོ་རང་སིས་སྔ་ཕྱིར་འགྲོ་བ་མིའི་ཐོབ་ཐང་དང་ལྷག་དོན་བོད་དོན་ཐོག་ཐུགས་འཁུར་འདི་འདྲ་བཞེད་བཞིན་ཡོད་པ་དེར་བསྔགས་བརྗོད་བྱེད་འོས་ཞིག་རེད།
ད་དུང་རྒྱ་ནག་མི་དམངས་ལའང་རང་དབང་དང་དམངས་གཙོའི་ཐོབ་ཐང་ངེས་དགོས་ངེས་ཞིག་ཡིན། ཐུགས་རྗེ་ཆེ།
ས་ངན་འགག་ནས་བུ་ངན་ཇོ་རུས་བསྟོད་བསྔགས་གནང་བར་དགའ་བོ་བྱུང། གང་ཞེ་ན། ང་ལ་བསྟོད་བསྔགས་རེག་མྱོང་མེད་ཁར། ཇོ་རུ་ཁོང་གིས་ཀྱང་སུ་ལ་བསྟོད་མྱོང་མེད་པས་སོ།
ང་ཚོས་ཁྱེད་རེད་ལབ་པ་ལས་སོ་སོས་ང་ཡིན་ལབ་ན་ཡག་མོད། འོན་ཀྱང་ད་ཆ། ང་ཚོས་དེ་མ་རེད་ཞུས་ཚེ། ལས་སྣེ་ཚོས་ ་
ཕར་བདེན་གཡོལ་རྩིས། རང་བདེན་ཟ་རྩིས། ལས་གང་ཡང་
མི་གནང་བ་འདུག་གོ།
དྲ་གྲོགས་བསྟན་འཛིན་ཆོས་རྒྱལ་ལགས་ཀྱིས་དོ་སྣང་ཆེན་པོས་སྐྱོན་བརྗོད་ཐེར་འདོན་གནང་བར་ཐུགས་རྗེ་ཆེ་ཞུ།
བལ་ཡུལ་དུ་སྐུ་ཞབས་བག་བྲོ་ཟེར་བ་གཅིག་གིས་རང་ལུས་མེར་བསྲེགས་བཏང་ནས་བལ་པོས་ཉེན་རྟོག་པ་ལས་ཡུལ་ཐུབ་པ་བྱུང་ཡོད་པ་དང་། ཡང་བུད་མེད་གཅིག་གིས་རང་ལུས་མེར་གཏོང་ཐག་བཅད་ནས་རང་ལུས་ལ་མེ་གཏོང་དུས་གཞན་པ་བོད་མི་གཞན་གྱིས་བཀག་ཐུབ་པ་བྱུང་ཡོད། རྒྱ་གར་དིལ་ལི་གསར་པར་གཞོན་ནུའི་ཚོགས་མི་གཅིག་གིས་རང་ལུས་ལ་མེར་བསྲེག་རང་གི་རྐང་པ་ནས་བཏང་བ་གསར་བརྒྱུད་ལམ་ཁག་ལ་ཡོངས་གྲགས་རེད།
འོན་ཀྱང་། གྲངས་འདྲེན་སྐབས་ཀྱི་རྩོད་པར་ང་ནི་བཞུགས་འདོད་མེད་ལ། ང་ནི་བོད་མི་སུ་ཡིན་ན་ཡང་རང་ལུས་མེར་གཏོང་མི་དགོས་པར་རང་གཞན་གཉིས་ལ་མ་གནོད་པར་རང་གཞན་གཉིས་ཕན་ཆེད་དུ་ཞི་བས་སྒོ་ནས་ངོ་རྒོལ་མཐར་ཕྱིན་པ་བྱེད་དགོས་འདུག་ཟེར་མཁན་ཅིག་ཡིན་ལགས།
ཨ་རོགས་ཚེ་རིང་རྒྱལ་ལགས། བལ་ཡུལ་དང་རྒྱ་གར་དུ་མི་གསུམ་གྱིས་རང་སྲེག་བཏངས་ཟེར་བ་དེ་་ཧྥརིན་སིའི་མགྲིན་ཚབ་པས་གསུང་བརེད་དམ། དེ་ཡིན་ན་ང་ཚོས་བརྡ་ལོག་སྤྲད་པའི་ནག་ཉེས་རེད། གལ སྲིད་ཁྱེད་ཀྱིས་གསུང་བ་ཡིན་འང་བརྡ་ལོག་མ་སྤྲོད་རོགས་ཞུའོ།། བཀའ་ཁྲི་དང་ཁྱེད་གཉིས་གཙོས་རྒྱུད་སྒྲོག་པ་དག་གི་མིག་ལམ་ན་ལྷག་པ་ཚེ་རིང་མེད་དོན་གང་ཡིན་ནམ། འགན་འཁུར་ཡོད་པའི་ཐོག་ནས་གསར་འགྱུར་འགོད་རོགས་ཞུ་ཞེས་ལག་ཐལ་མོ་སྦྱར་ནས་རེ་བ་བཤད་ཀྱིན་ཡོད། ཁོ་བས་ལྷག་ཚེ་གང་མང་གླེང་ཡོད། མ་ཟད་ཁ་སང་རང་ཨ་ཁུ་སྟོན་པས་བགྲེང་འདུག་པ་མཐོང་ལེ་ཡོད། ཡང་ཡང་འདི་འདྲ་གནང་ན་ཁོང་ཁྲོ་གཏན་ནས་འགོག་ཐུབ་མི་འདུག་གོ།
ཧྥ་རན་སིའི་ཕྱི་འབྲེལ་མགྲིན་ཚབ་པས་རྒྱ་གཞུང་གིས་བོད་མི་དང་ལྷན་དུ་གྲོས་མོལ་གནང་དགོས་པའི་འབོད་སྐུལ་གནང་བར་ཐུགས་རྗེ་ཆེ་དང་། བཀའ་དྲིན་ཆེ་ཞེས་ཞུའོ། །