༢༠༡༡ ལོར་བོད་ནང་སྔ་རྗེས་སུ་བྱུང་བའི་གལ་ཆེའི་གསར་འགྱུར་ཆེ་ཁག་ ༡༠ ཕྱོགས་བསྡུས།
ཕུན་ཚོགས།
༢༠༡༡ ཕྱི་ཟླ་ ༣ ཚེས་ ༡༦ ཉིན་གྱི་ཕྱི་དྲོའི་ཆུ་ཚོད་ ༤ ཙམ་ལ་རྔ་པ་ཀིརྟི་དགོན་པའི་རང་ལོ་ ༢༠ ཡིན་པའི་གྲྭ་ཕུན་ཚོགས་ལགས་ཀྱིས།བོད་ནང་གི་བོད་མི་ཚོར་རང་དབང་དང་འགྲོ་བ་མིའི་ཐོབ་ཐང་དགོས་པའི་འབོད་ཚིག་འོག་རྔ་པ་ཁྲོམ་གཞུང་དུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཏེ། ཕྱི་ཉིན་ཞོགས་པའི་ཆུ་ཚོད་ ༤ ཙམ་ལ་འདས་གྲོངས་སུ་གྱུར་ཡོད། གནས་ཚུལ་དེར་རྐྱེན་བྱས་ཏེ་རྒྱ་དམག་མི་སྟོང་ཕྲག་མང་པོ་འགྲེམས་འཇོག་གིས་དགེ་འདུན་པ་ ༣༠༠ ལྷག་འཛིན་བཟུང་དང་། གྲྭ་བ་ཁག་ཅིག་ལ་ཁྲིམས་ཆད། ཀིརྟི་དགོན་གྲོང་གཉིས་ལ་དམ་དྲག་ཤུགས་ཆེར་བྱས་ཡོད།
ཚེ་དབང་ནོར་བུ།
༢༠༡༡ ཕྱི་ཟླ་ ༨ ཚེས་ ༡༥ ཉིན་གྱི་བོད་ནང་གི་ཉིན་གུང་ཆུ་ཚོད་ ༡༢ ཙམ་ཁམས་རྟའུ་ཉ་མཚོ་དགོན་པའི་རང་ལོ་ ༢༩ ཡིན་པའི་གྲྭ་ཚེ་དབང་ནོར་བུ་ལགས་ཀྱིས། ཁམས་རྟའུ་རྫོང་གི་ཁྲོམ་གཞུང་དུ ”༸གོང་ས་མཆོག་བོད་ནང་གདན་འདྲེན་ཞུ་དགོས།རྒྱ་ནག་གིས་བོད་མི་ཚོར་མཐོང་ཆུང་བྱེད་ཀྱི་འདུག “ཅེས་སོགས་འཁོད་པའི་ཡིག་ཆ་གཏོར་བ་དང་། རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཏེ་འདས་གྲོངས་སུ་གྱུར་ཡོད་ལ། ཕྱིས་སུ་རྒྱ་ནག་གཞུང་གིས་ཉེན་རྟོག་པ་དང་དམག་མི་མང་པོ་འགྲེམས་འཇོག་གིས་རྟའུ་ཉ་མཚོ་དགོན་པར་ཆུ་དང་གློག་བཅད་དེ་གྲྭ་མང་ལ་གནོན་ཤུགས་དང་སུན་གཙེར་རབ་དང་རིམ་པ་བཟོས་ཡོད་པ་མ་ཟད། དགེ་འདུན་པ་འཛིན་བཟུང་དང་ས་གནས་མི་མང་ཐོག་དམ་དྲག་ཤུགས་ཆེར་བྱས་ཡོད།
བློ་བཟང་དཀོན་མཆོག་དང་བློ་བཟང་སྐལ་བཟང་།
༢༠༡༡ ཕྱི་ཟླ་ ༩ ཚེས་ ༢༦ ཉིན་གྱི་སྔ་དྲོའི་ཆུ་ཚོད་ ༡༠ ཡས་མས་སུ་རྔ་པ་ཀིརྟི་དགོན་པའི་རང་ལོ་ ༡༨ ཡིན་པའི་གྲྭ་བློ་བཟང་སྐལ་བཟང་ལགས་དང་རང་ལོ་ ༡༨ ཡིན་པའི་གྲྭ་བློ་བཟང་དཀོན་མཆོག་གཉིས་ཀྱིས་རྔ་པ་རྫོང་གི་ཁྲོམ་གཞུང་དུ་ “༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས།” ཞེས་རང་ལུས་མེར་བསྲེགས་ཀྱིས་ངོ་རྒོལ་སྐད་འབོད་བྱས་ཡོད་ཅིང་། ཅང་མ་འགོར་བར་ཉེན་རྟོག་པ་དང་དྲག་ཆས་དམག་མི་མང་པོ་ཡོང་སྟེ་བཙན་འཁྲིད་ཀྱིས་ད་ལྟའི་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་ཡོད།
སྐལ་བཟང་དབང་ཕྱུག
༢༠༡༡ ཕྱི་ཟླ་ ༡༠ ཚེས་ ༣ ཉིན་གྱི་བོད་ནང་གི་ཉིན་རྒྱབ་ཆུ་ཚོད་ ༢ ཡས་མས་སུ་རྔ་པ་ཀིརྟི་དགོན་པའི་དུས་འཁོར་གྲྭ་ཚང་གི་རང་ལོ་ ༡༧ ཡིན་པའི་གྲྭ་སྐལ་བཟང་དབང་ཕྱུག་ལགས་ཀྱིས། རྔ་པ་རྫོང་གི་གཞུང་ལམ་སྟེང་ྋགོང་ས་མཆོག་གི་སྐུ་པར་ཞིག་ལག་ཏུ་བཟུང་སྟེ་རང་ལུས་མེར་བསྲེག་གིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཡོད་པ་དང་། ཕྱིས་སུ་རྒྱ་ནག་ཉེན་རྟོག་མི་སྣས་མཐའ་བསྐོར་ཏེ་གཅར་རྡུང་གཏོང་ཞོར་བཙན་འཁྲིད་བྱས་ཏེ། གར་ཡོད་ཅི་བྱུང་གི་གནས་ཚུལ་ཅི་ཡང་མེད་པར་ལྷག་ཡོད།
མཁའ་དབྱིངས་དང་ཆོས་འཕེལ།
༢༠༡༡ ཕྱི་ཟླ་ ༡༠ ཚེས་ ༧ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༡༡ དང་ཕྱེད་ཀའི་སྟེང་རང་ལོ་ ༡༩ ཡིན་པའི་ཆོས་འཕེལ་དང་། རང་ལོ་ ༡༨ ཡིན་པའི་མཁའ་དབྱིངས་གཉིས་ཀྱིས་རྔ་པ་རྫོང་གི་ཁྲོམ་གཞུང་དུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཡོད་པ་དང་། ཕྱི་ཚེས་ ༡༠ ཉིན་མཁའ་དབྱིངས་ལགས་འབར་ཁམས་ཀྱི་སྨན་ཁང་ཞིག་ཏུ་སྐུ་གྲོངས་ཡོད་པ་དང་། ཆོས་འཕེལ་ལགས་ཕྱི་ཚེས་ ༡༢ ཉིན་སྐུ་གྲོངས་ཡོད་འདུག ཁོང་གཉིས་ཀྱི་སྐུ་ཕུང་ནང་མིར་རྩིས་སྤྲོད་མ་བྱས་པར་རུལ་ཐལ་ཞིག་ནང་མིར་རྩིས་སྤྲོད་བྱས་འདུག
ནོར་བུ་དགྲ་འདུལ།
༢༠༡༡ ཕྱི་ཟླ་ ༡༠ ཚེས་ ༡༥ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༡༡ ཙམ་ལ་རྔ་པ་རྫོང་ཆེ་རྗེ་ཞང་སོ་རུ་མའི་པདྨ་ཚང་གི་རང་ལོ་ ༡༩ ཡིན་པའི་ནོར་བུ་དགྲ་འདུལ་ལགས་ཀྱིས། རྔ་པ་རྫོང་གི་ཁྲོམ་གཞུང་དུ་ “བོད་ཁ་བ་ཅན་ལ་རང་དབང་རང་བཙན་དགོས། ༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས” ཞེས་སྐད་འབོད་བྱེད་བཞིན་རང་ལུས་མེར་བསྲེགས་ཀྱིས་ངོ་རྒོལ་སྐད་འབོད་བྱས་ཡོད་པར། ཉེན་རྟོག་པས་མེ་བསད་དེ་གཅར་རྡུང་བཙན་འཁྲིད་བྱས་རྗེས་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་རྟོགས་མེད་པར་ལྷག་ཡོད།
བསྟན་འཛིན་དབང་མོ།
༢༠༡༡ ཕྱི་ཟླ་ ༡༠ ཚེས་ ༡༧ ཉིན་གྱི་བོད་ནང་གི་ཉིན་གུང་ཆུ་ཚོད་ ༡ ཡས་མས་སུ་རྔ་པ་རྫོང་མ་མའི་བཙུན་དགོན་གྱི་རང་ལོ་ ༢༠ ཡས་མས་ཡིན་པའི་བཙུན་མ་བསྟན་འཛིན་དབང་མོ་ལགས་ཀྱིས། རྔ་པ་རྫོང་མཁར་དང་བར་ཐག་སྤྱི་ལེ་ ༣ ཙམ་ཡོད་པའི་སུམ་མདོའི་ཟམ་ཁ་རུ་ “༸གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་ཆོས་དད་རང་དབང་དགོས།” ཞེས་སྐད་འབོད་དང་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་གྲོངས་ཡོད། ཕྱིས་སུ་ཉེན་རྟོག་པ་དང་དམག་མི་མང་པོ་ཡོང་སྟེ་དགོན་པ་དང་གྲོང་སྡེ་ཡོངས་ལ་བཀག་སྡོམ་ནན་མོ་བྱས་ཡོད།
ཟླ་བ་ཚེ་རིང་།
༢༠༡༡ ཕྱི་ཟླ་ ༡༠ ཚེས་ ༢༥ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༩ དང་ཕྱེད་ཀའི་སྟེང་དཀར་མཛེས་དགོན་ཁྲོན་པེ་ཁམས་ཚན་གྱི་གྲྭ་ཟླ་བ་ཚེ་རིང་ལགས་ཀྱིས། དགོན་པའི་གཏོར་རྒྱག་སྐབས་གློ་བུར་དུ་རང་ལུས་ལ་སྣུམ་བཤོས་ཏེ་མེ་སྦར་ཡོད་པ་མ་ཟད། དམར་ལྷབ་ལྷུབ་ཀྱི་མེ་ལྕེའི་ཁྲོད་ ”༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་ལ་རང་དབང་དགོས། མི་རིགས་འདྲ་མཉམ་དགོས།” ཞེས་སྐད་འབོད་བྱས་ཡོད་པ་དང་། ཕྱིས་སུ་དགོན་པའི་དགེ་འདུན་པ་དང་མི་མང་གིས་ཉེན་རྟོག་པའི་ལག་ནས་བཙན་འཕྲོག་གིས་དགོན་པའི་ནང་འཁྲིད་དེ་སྨན་བཅོས་སོགས་བྱས་ཏེ་སྲོག་ཉེན་ལས་མཐར་ཡོད་ཀྱང་། རྒྱ་ནག་གི་སྟངས་འཛིན་ལྟ་རྟོག་འོག་ལྷག་ཡོད།
དཔའ་ལྡན་ཆོས་མཚོ།
༢༠༡༡ ཕྱི་ཟླ་ ༡༡ པའི་ཚེས་ ༣ ཉིན་གྱི་བོད་ནང་གི་ཆུ་ཚོད་ ༡༢ དང་སྐར་མ་ ༥༠ ཙམ་ལ་ཁམས་རྟའུ་བྲག་དཀར་བཙུན་དགོན་དགའ་ལྡན་ཆོས་གླིང་གི་བཙུན་མ་དཔའ་ལྡན་ཆོས་མཚོ་ལགས་ཀྱིས། རྫོང་པཱེན་ཧོ་གཞུང་ལམ་སྟེང་ “བོད་ལ་རང་དབང་དགོས། ༸གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག ༸གོང་ས་མཆོག་བོད་ལ་གདན་འདྲེན་ཞུ་དགོས།” ཞེས་སྐད་འབོད་བྱེད་བཞིན་རང་ལུས་མེར་བསྲེགས་ཀྱིས་ངོ་རྒོལ་སྐད་འབོད་བྱས་ཏེ་འདས་གྲོངས་སུ་གྱུར་རྗེས། རྒྱ་དམག་གིས་དགོན་གྲོང་གཉིས་ལ་དམ་དྲག་ཤུགས་ཆེར་བྱས་ཡོད།
བསྟན་འཛིན་ཕུན་ཚོགས།
༢༠༡༡ ཕྱི་ཟླ་ ༡༢ ཚེས་ ༡ ཉིན་གྱི་སྔ་དྲོ་ཁམས་ཆབ་མདོ་ཀརྨ་ཞང་གྱིང་ཐང་གྲོང་ཚོའི་རང་ལོ་ ༤༦ ཡིན་པའི་བསྟན་འཛིན་ཕུན་ཚོགས་ལགས་ཀྱིས། ཀརྨ་ཞང་ཐོག་ཏུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཡོད་པ་དང་། ཕྱིས་སུ་ས་གནས་ཉེན་རྟོག་མི་སྣས་མེ་བསད་རྗེས་སྨན་ཁང་དུ་འཁྲིད་ཡོད་ཀྱང་། ཕྱི་ཚེས་ ༦ ཉིན་ཁོང་འདས་གྲོངས་སུ་གྱུར་བའི་གནས་ཚུལ་འབྱོར་ཡོད་པ་མ་ཟད། རྒྱ་ནག་གཞུང་གིས་ཁོང་གི་བཟའ་ཟླ་འཛིན་བཟུང་དང་ནང་མི་གཞན་ལ་དམ་དྲག་ཤུགས་ཆེར་བྱས་ཡོད་འདུག
གསར་འགོད་པ། དོན་གོ
༼བོད་ཀྱི་དུས་བབ་ཚགས་པར་ལས་འདིར་བཀོད༽
བོད་རྒྱལ་ལོ
གུས་འདུད་རྟག་ཏུ་ཡོད། བོད་ཁམས་རྒྱལ་གྱུར་ཅིག
6. མཁའ་དབྱིངས་དང་ཆོས་འཕེལ།
༢༠༡༡ ༡༠འི་༧ ཉིན་གྱི། །
སྔ་དྲོའི་ཆུ་ཚོད་ ༡༡ ཕྱེད་ཀའི་སྟེང་། །
རང་ལོ་ ༡༩ ཡིན་པའི་ཆོས་འཕེལ་དང་། །
རང་ལོ་ ༡༨ ཡིན་པའི་མཁའ་དབྱིངས་གཉིས། །
རྔ་པ་རྫོང་གི་ཁྲོམ་དུ་ངོ་རྒོལ་སྐད་འབོད་བྱས།
7. ནོར་བུ་དགྲ་འདུལ།
༢༠༡༡ ༡༠འི་༡༥འི་ཉིན། །
སྔ་དྲོའི་ཆུ་ཚོད་ ༡༡ ཙམ་ལ། །
རྔ་པ་རྫོང་གི་རང་ལོ་ ༡༩ པ། །
ནོར་བུ་དགྲ་འདུལ་ངོ་རྒོལ་སྐད་འབོད་བྱས། །
8. བསྟན་འཛིན་དབང་མོ།
༢༠༡༡ ༡༠འི་༡༧ ཉིན། །
ཉིན་གུང་ཆུ་ཚོད་དང་པོ་ཡས་མས་སུ། །
རྔ་པའི་བཙུན་དགོན་རང་ལོ་ ༢༠ ཅན་། །
བསྟན་འཛིན་དབང་མོས་ལགས་ཀྱིས་ངོ་རྒོལ་སྐད་འབོད་བྱས། །
9. ཟླ་བ་ཚེ་རིང་།
༢༠༡༡ ༡༠པའི་ ༢༥འི་ཉིན། །
སྔ་དྲོའི་ཆུ་ཚོད་ ༩ དང་ཕྱེད་ཀའི་སྟེང་། །
དཀར་མཛེས་དགོན་པའི་ཟླ་བ་ཚེ་རིང་གིས། །
༸རྒྱལ་བ་རིན་པོ་ཆེ་བོད་ཡོངས་ལ། །
གདན་འདྲེན་ཞུ་དགོས་ཞེས་སོགས་སྐད་འབོད་བྱས། །
༡༠༽ དཔའ་ལྡན་ཆོས་མཚོ།
༢༠༡༡ ༡༡འི་༣ ཉིན་གྱི། །
བོད་ནང་ཆུ་ཚོད་ ༡༢ སྐར་མ་ ༥༠ ཙམ། །
བྲག་དཀར་བཙུན་མ་དཔའ་ལྡན་ཆོས་མཚོ་ཡིས། །
བོད་ལ་རང་དབང་དགོས་སོགས་སྐད་འབོད་ནང་། །
༸གོང་ས་མཆོག་སྐུ་ཁྲི་ལོར་བརྟན་པར་ཤོག །
༸གོང་ས་མཆོག་ཁོང་བོད་ལ་གདན་འདྲེན་དགོས། །
ཞེས་སོགས་སྐད་འབོད་བྱེད་བཞིན་རང་ལུས་ལ། །
མེ་སྤར་ངོ་རྒོལ་སྐད་འབོད་བྱས་ནས་གྲོངས། །
༡༡༽ བསྟན་འཛིན་ཕུན་ཚོགས།
༢༠༡༡ ༡༢པའི་ ༡ ཉིན་གྱི། །
སྔ་དྲོ་ཁམས་ཀྱི་ཆབ་མདོ་ཀརྨ་ཐང་གྲོང་དུ། །
རང་ལོ་ ༤༦ ཡིན་པའི་བསྟན་འཛིན་ཕུན་ཚོགས་ཀྱིས། །
རང་ལུས་མེར་བསྲེགས་བཏང་ནས་རྒྱ་ནག་གཞུང་ལ། །
ངོ་རྒོལ་སྐད་འབོད་བྱས་ནས་རང་སྲོག་དོར། །
ཕྱིས་སུ་རྒྱ་ནག་གཞུང་གིས་ཁོང་གི་བཟའ། །
ཟླ་འཛིན་སོགས་བཟུང་གར་སོང་མེད་གྱུར། །
བོད་ནང་ནས་བྱུང་བའི་གནས་ཚུལ་གཅིག་བུ་རེད་དེ། འདི་འདྲའི་སྐབས་སུ་གསར་འགྱུར་གྱི་མཇུག་ཏུ་ལྡི་ལིའི་ཤེས་རབ་ཚེ་རྡོར་གྱི་གནས་ཚུལ་ལ་ཡང་གསལ་བཤད་ཏོག་ཙམ་གནང་རྒྱུ་གལ་ཆེ། དེ་མ་གཏོགས་ཁ་ཉིན་གྱི་བཀའ་ཁྲིས་བཀྲ་བྷེ་བོར་བ་འདྲ་ཞིག་མི་ཆགས་པའི་ངེས་པ་མི་འདུག
འདིའི་ནང་དུ་ལྡི་ལི་ནས་བཏང་བའི་གནས་ཚུལ་དེར་མ་ཚུད་པ་ཅི་ཡིན་ནམ།
དཔའ་བོ་དཔའ་མོ་འདི་དག་གི་གཟི་བརྗིད་ལ་ནམ་ཡང་ཉམས་པ་མེད།
1. ཕུན་ཚོགས།
༢༠༡༡ ༣པའི་༡༦ ཉིན། །
ཕྱི་དྲོའི་ཆུ་ཚོད་ ༤ ཙམ་ལ། །
རྔ་པའི་ཀིར་དགོན་གྲྭ་པ་ལོ་༢༠། །
ཕུན་ཚོགས་ལགས་ཀྱིས་ངོ་རྒོལ་སྐད་འབོད་བྱས། །
2.ཚེ་དབང་ནོར་བུ།
༢༠༡༡ ༨པའི་༡༥འི་ཉིན། །
ཉིན་གུང་ཆུ་ཚོད་ ༡༢ ཙམ། །
ཁམས་རྟའུ་དགོན་པའི་རང་ལོ་ ༢༩། །
ཡིན་པའི་ཚེ་དབང་ནོར་བུས་ངོ་རྒོལ་བྱས། །
3.བློ་བཟང་དཀོན་མཆོག་དང་བློ་བཟང་སྐལ་བཟང་།
༢༠༡༡ ༩པའི་༢༦ ཉིན། །
སྔ་དྲོའི་ཆུ་ཚོད་ ༡༠ ཡས་མས་སུ། །
ཀིར་དགོན་རང་ལོ་ ༡༨ ཡིན་པའི་གྲྭ །
བློ་བཟང་སྐལ་བ་བཟང་པོ་དང་། །
རང་ལོ་ ༡༨ ཡིན་པའི་གྲྭ་བློ་བཟང་། །
དཀོན་མཆོག་གཉིས་ཀྱིས་ངོ་རྒོལ་སྐད་འབོད་བྱས། །
5.སྐལ་བཟང་དབང་ཕྱུག
༢༠༡༡ ༡༠པའི་༣ ཉིན་གྱི། །
བོད་ནང་ཉིན་རྒྱབ་༢པ་ཡས་མས་སུ་། །
རྔ་པའི་དགོན་པའི་ ༡༧ ཡིན་པའི་གྲྭ །
སྐལ་བཟང་དབང་ཕྱུག་ལགས་ཀྱིས་ངོ་རྒོལ་བྱས། །
….. 6. 7. 8. 9. 10………