ཉེ་ལམ་བལ་བོད་ས་མཚམས་འགྲམ་དུ་རྒྱ་གཞུང་གི་དམག་མིས་རྒྱ་གར་ནས་བོད་དུ་ལོག་བཞིན་པའི་བོད་མི་ཆོས་ཞུ་བའི་རླངས་འཁོར་ ༧ ཙམ་བཀག་ཉར་གྱིས་བོད་མིའི་ཅ་དངོས་རྣམས་བཙན་འཕྲོག་བྱས་འདུག
ངྷ་སར་གནས་སྡོད་བོད་ཀྱི་དགུ་བཅུ་གསུམ་ཚོགས་པའི་ཆབ་སྲིད་བཙོན་ཟུར་ཕུན་ཚོགས་སྒྲོལ་མ་ལགས་ཀྱིས་འདི་ག་གསར་ཁང་ལ་གནས་ཚུལ་ངོ་སྤྲོད་བྱས་དོན་ལྟར་ན། ཟླ་འདིའི་ཕྱི་ཚེས་ ༡༧ ཉིན་གྱི་མཚན་མོར་ཁམས་དང་ཨ་མདོ། ལྷོ་ཁ་དང་ལྷ་ས་གྲོང་ཁྱེར་བཅས་བོད་ནང་གི་ས་ཕྱོགས་འདྲ་མིན་ནས་ཡིན་པའི་ཕྱི་སྐྱོད་ལག་ཁྱེར་ཡོད་མཁན་བོད་མི་ཆོས་ཞུ་བ་རླངས་འཁོར་ ༧ ཙམ་བལ་བོད་ས་མཚམས་འགྲམ་བརྒྱུད་བོད་དུ་ལོག་སྐབས། རྒྱ་ནག་ས་མཚམས་དམག་མིས་ཀ་ཀོར་མེད་པར་བོད་མིའི་ཅ་དངོས་ཡོངས་རྫོགས་བཙན་འཕྲོག་བྱས་ཡོད་པ་མ་ཟད། བོད་མི་རེ་རེ་བཞིན་དོགས་འདྲི་དང་། ངོ་རྒོལ་བྱེད་མཁན་ལ་ཚ་འདྲི་དང་གདོང་ལ་མེ་མདའ་གཏད་དེ་ཞེད་སྣང་ཡང་སྐུལ་འདུག བོད་མི་དེ་དག་ལ་བལ་བོད་ས་མཚམས་འགྲམ་ནས་ལྷ་ས་གྲོང་ཁྱེར་བར་དམག་མིའི་སྡེ་ཚན་ ༡༢ གྱིས་སྔོག་བཤེར་བྱས་ཡོད་སྟབས། བོད་མི་དེ་ཚོ་ལྷ་སར་འབྱོར་སྐབས་མང་ཆེ་བའི་ལག་ཏུ་ཕྱི་སྐྱོད་ལག་ཁྱེར་ཙམ་ལས་ཅ་དངོས་གཞན་ཅི་ཡང་ལྷག་ཡོད་མི་འདུག
སྐབས་དེར་རྒྱ་དམག་མིས་བོད་མི་ཆོས་ཞུ་བའི་ལག་ནས་བཙན་འཕྲོག་བྱས་པའི་ཅ་དངོས་ཁོངས་སུ། གནས་མཆོག་རྡོ་རྗེ་གདན་ནས་ཕྱིར་དད་རྟེན་དུ་འཁྱེར་བཞིན་པའི་དུས་འཁོར་གྱི་སྐུ་པར་དང་། སྤྱན་རས་གཟིགས་དང་འཇམ་དཔལ་དབྱངས། ས་སྐྱ་གོང་མ། རྒྱལ་བ་ཀརྨ་པ་བཅས་ཀྱི་སྐུ་པར། སོ་སོས་རྒྱ་གར་གནས་ཆེན་ཁག་ཏུ་བརྒྱབ་པའི་པར། ངྷ་ས་སྨན་རྩིས་ཁང་ནས་ཉོས་པའི་རིན་ཆེན་རིལ་བུ་དང་བོད་སྨན། སྨན་རྩིས་ཁང་གི་སྐྲ་སྨན་དང་སྐྲ་སྣུམ། ངོ་སྣུམ། དེ་བཞིན། དུས་དབང་གི་རྩྭ་ཀུ་ཤུ་དང་སངས་རྒྱས་ཀྱི་རྟེན་སྐུ། མ་ཎི་རིལ་བུ། གནས་ཆུང་ཕྱག་གནས། རྡོར་གདན་ནས་ཉོས་པའི་ཕྲེང་བ།དུང་། ཇ་དམ། གྱོན་ཆས་གསར་པ། དཔེ་དེབ་སོགས་རྒྱ་གར་ནས་འཁྱེར་ཡོང་བའི་ཅ་དངོས་རྣམས་གཅིག་ཀྱང་མ་ལུས་པར་བཙན་འཕྲོག་བྱས་འདུག་ལ། གཞན། བོད་མི་ཆོས་ཞུ་བའི་ལམ་བར་གྱི་ཁ་ཟས་རྩམ་པ་དང་མར། ཆུར་བའི་ཁུག་མ་སོགས་ཀྱང་གྲིས་གཤགས་ཏེ་སྔོག་བཤེར་བྱས་ཡོད་འདུག
གསར་འགོད་པས་བཙོན་ཟུར་ཕུན་ཚོགས་སྒྲོལ་མ་ལགས་སུ་རྒྱ་དམག་གིས་བོད་མི་ཆོས་ཞུ་བའི་ཅ་དངོས་བཙན་འཕྲོག་བྱས་པ་ཐེངས་དང་པོ་ཡིན་མིན་སྐོར་དྲིས་སྐབས་ཁོ་མོས་བརྗོད་དོན།“ གནམ་གྲུའི་ནང་འགྲོ་མཁན་གྱི་གནས་སྟངས་སྐོར་གང་ཡང་ཤེས་རྟོགས་བྱུང་མ་སོང་། ཐེངས་འདིར་རླངས་འཁོར་ནང་འགྲམ་བརྒྱུད་དེ་འགྲོ་མཁན་ཞིག་ཡིན་ན། ཅ་དངོས་ཚང་མ་འཕྲོག་གི་ཡོད་ཚོད་རེད། བོད་དུ་ལོག་མ་ཐག་པའི་ངའི་སྤུན་མཆེད་ཀྱིས་བཤད་ན། ཁོང་ཚོ་ས་མཚམས་འགྲམ་གྱི་དམག་སྒར་ཞིག་ཏུ་འབྱོར་སྐབས། རྒྱ་ནག་ཉེན་རྟོག་པས་ཅ་དངོས་མང་པོ་ཁང་པ་ཞིག་གི་ནང་སྤུངས་ཏེ་བཞག་འདུགདེ་ཚོ་རྒྱ་གར་ནས་ཕྱིར་ལོག་མཁན་གྱི་བོད་མི་ཚོའི་ཅ་དངོས་རེད་ཅེས་བརྗོད་སོང་ཟེར།”
ཡང་གསར་འགོད་པས་ད་ལྟའི་ལྷ་ས་གྲོང་ཁྱེར་གྱི་གནས་སྟངས་སྐོར་དྲིས་པར། ཁོ་མོས་བོད་ནང་ཕྱིར་ལོག་མཁན་གྱི་ཆོས་ཞུ་བ་ཞིག་གིས་རྒྱ་དམག་གིས་བོད་མིའི་ཅ་དངོས་འཕྲོག་དགོས་དོན་སྐོར་ལ། “ ད་ཆར་ལྷ་ས་གྲོང་ཁྱེར་ནང་སྔོན་དང་མ་འདྲ་བར་དམ་དྲག་ཆེན་པོ་བྱེད་ཀྱི་འདུག ལམ་གྱི་བཞི་མགོ་ཁག་ཏུ་དམག་མི་ཕོན་ཆེན་འགྲེམས་འཇོག་བྱས་འདུག་ལ། དམག་མིའི་རྣམ་འགྱུར་ཡང་ཧ་ཅང་རྩུབ་པོ་འདུག་ཟེར། ད་ལོར་བོད་ནས་ཕེབས་པའི་ཆོས་ཞུ་བ་ཚོར་བོད་གཞུང་སྣེ་ལེན་ཁང་གིས་སྣེ་ལེན་ཡག་པོ་བྱས་པ་དང་། རྡོ་རྗེ་གདན་དུའང་བཀའ་ཁྲི་བློ་བཟང་སེང་གེ་གཙོས་པའི་བཙན་བྱོལ་བོད་གཞུང་གི་མགོ་ཁྲིད་ཚོས་ང་ཚོར་བཀའ་སློབ་ལམ་སྟོན་གནང་ཡོད་སྟབས། ཁོང་ཚོ་དེར་མ་དགའ་བ་ཡིན་ས་མ་རེད་ཟེར། ད་ལྟ་གཞི་ནས་བོད་དུ་ལོག་བཞིན་པའི་བོད་མི་ཚོས་ས་མཚམས་སུ་འཕྲད་ཀྱིན་པའི་དཀའ་ངལ་འདི་དག་ཤེས་པའི་ཐོག བོད་དུ་ལོག་ཐུབ་པ་ཞིག་སོ་སོའི་གྲ་སྒྲིག་གནང་རོགས་ཞེས་འབོད་སྐུལ་ཞུས་སོང་། ” ཞེས་བརྗོད་སོང་།
བོད་གཞུང་བདེ་སྲུང་ལས་ཁུངས་ཀྱིས་བརྗོད་དོན་ལྟར་ན། ད་ལོར་བོད་ནས་དུས་འཁོར་དབང་ཆེན་ཞུ་རུ་ཕེབས་མཁན་བོད་མི་ ༡༢༠༠༠ ཙམ་ཡོད་འདུག
ཨ་ཁ་རྒྱ་རོ་དེ་འདྲའི་སྡུག་རྩུབ་ལ་ཨང་། བོད་མིའི་ལས་ངན་ག་རེ་བསགས་པ་ཡིན་ན། བླ་མ་མཁྱེན། བླ་མ་མཁྱེན།
ཆབ་བྲག་ལྷ་མོ་སྐྱབས། བཟང་གི་ཡ་ཞེས་པའི་ཚིག་འདི་ཧ་ཅང་ཐལ་དྲགས་མི་འདུག་གམ། སོ་སོ་རང་ཉིད་ལ་མཛུབ་མོ་བཙུགས་དང་། རང་གི་སྲོག་དང་བསྡོས་ཏེ་འབད་པས་སྒྲུབ་པའི་བྱིན་རྟེན་ཁག་རྒྱ་དམར་གྱིས་བཙན་ཕྲོག་བྱས་ན་ག་འདྲ་ཡོང་ས་རེད།
ཁ་རྐྱང་རྐྱང་བཤད་ནས་སྡོད་མཁན་གྱི་བཙན་བྱོལ་བ་ཁྱོད་འདྲ་བོ་ལ་སྙིང་པོ་ཅི་འདུག
་་་་། ཁོང་ཅག་གི་ཅ་དངོས་དག་འཕྲོགས་ན་ཡང་དད་སེམས་དང་བོད་མིའི་ལ་རྒྱ་ནམ་ཡང་འཕྲོག་མི་ཐུབ། ་་་་ཟེར།
ཁོང་ཅག་གི་ཅ་དངོས་དག་འཕྲོགས་ན་ཡང་དད་སེམས་དང་བོད་མིའི་ལ་རྒྱ་ནམ་ཡང་འཕྲོག་མི་ཐུབ།
ཁོང་ཅག་གི་ཅ་དངོས་དག་འཕྲོགས་ན་ཡང་དད་སེམས་དང་བོད་མིའི་ལ་རྒྱ་ནམ་ཡང་འཕྲོག་མི་ཐུབ།
ཐེངས་འདིར་བོད་ནས་ཆོས་ཞུ་མང་ཙམ་ཕེབས་ཐུབ་པར་ཧ་ཅང་དགའ་བོ་བྱུང། ཁོང་ཅག་གི་ཅ་དངོས་དག་འཕྲོགས་ན་ཡང་དད་སེམས་དང་བོད་མིའི་ལ་རྒྱ་ནམ་ཡང་འཕྲོག་མི་ཐུབ། ཅ་དངོས་སྔོག་བཤེར་དང་འཕྲོག་པ་འདི་ཡང་ཁོ་ཚོ་ཅི་ཙམ་ཞིག་སྐྲག་གིན་ཡོད་པའི་རྟགས་རེད། དོན་མེད་དགྲ་བསགས་པ་རེད། བཟང་གི་ཡ། མུ་མཐུད་དེ་བོད་མི་དམངས་ལ་ངོ་རྒོལ་གྱི་སྤོབས་སེམས་བསྐྱེད་དང་ང་ཚོའི་ཆིག་སྒྲིལ་གྱི་འདུ་ཤེས་དང་ཞེ་འཁོན་དང་ངོ་རྒོལ་ལ་ཧ་ཅང་ཕན་ནོ།
ཆོས་ཞུ་བ་ཚོས་ཅ་དངོས་བརླགས་སོང་ན་ཡང་ཡིད་བཞིན་ནོར་བུའི་བཀའ་སློབ་ལམ་སྟོན་དག་ཡིད་ལ་དམ་པོར་བཟུང་ཡོད་ངེས། དེ་དག་གཅིག་ནས་གཉིས་བརྒྱུད་ཁྱབ་སྤེལ་གྱིས་ལག་ལེན་གང་ཐུབ་གནང་རྒྱུ་བྱུང་ན། ཁྱེད་ཅག་ཚང་མ་ཡིད་བཞིན་ནོར་བུའི་གསུང་གི་ཕོ་ཉ་བ་ཆགས་པ་རེད།
གསར་འགོད་པ་ལགས། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་མི་ཟེར་བ་ལས་དགུ་བཅུ་གསུམ་ཚོགས་པའི་ཟེར་ན་ཅུང་འགོད་ནོར་ཐེབས་མེད་འགྲོ ཁོང་མོ་རྒྱུན་ལས་དང་ལས་བྱེད་གང་ཡང་མིན་ན། དེ་ལྟར་བྲིས་ཏེ། རྗེས་སུ་བསྐྱར་ཞིབ་འདྲ་གཏོང་དགོས་ཚེ། ཁུངས་མེད་ལྟ་བུར་ཆགས་མི་འགྲོའམ།
གལ་སྲིད་མི་ཞིག་གིས་གནས་ཚུལ་འདིའི་སྐོར་དགུ་བཅུ་གསུམ་ལ་དྲིས་ཚེ། དགུ་བཅུ་གསུམ་གྱི་ངོས་ནས་ཁུངས་མེད་ལྟ་བུར་ཆགས་པ་མ་རེད་དམ།