བོད་མི་མང་སྤྱི་འཐུས་ལྷན་ཚོགས་ཀྱི་གསར་འགོད་གསལ་བསྒྲགས་ནང། ༢༠༡༢ ལོའི་ཟླ་ ༡ ཚེས་ ༢༣ ཉིན་ཁམས་བྲག་མགོ་རྫོང་ཐོག་ཏུ་བོད་མི་ཚོས་ “ བོད་ལ་རང་དབང་དགོས།” ཞེས་འབོད་ཚིག་སྒྲོག་བཞིན་རྔམ་སྟོན་ཁྲོམ་སྐོར་བྱེད་སྐབས། རྒྱ་གཞུང་ཉེན་རྟོག་པས་མང་ཚོགས་ལ་མེ་མདའ་བརྒྱབ་སྟེ། མི་ཁ་ཤས་བསད་ཡོད་པའི་གནས་ཚུལ་ཐོན་ཡོད་པ་དང་། གནས་ཚུལ་ཡོང་ཁུངས་གཞན་དུ་མི་ ༦ བསད་པའི་གནས་ཚུལ་ཐོན་ཡོད། འདས་གྲོངས་ཕྱིན་པའི་མི་གཅིག་གི་མིང་ལ་ཡོན་ཏན་ཟེར་བ་དང་། མི་སྐྱ་ཡིན་འདུག་པ་ཙམ་ལས་ཞིབ་ཕྲའི་གནས་ཚུལ་ད་དུང་གསལ་ཁ་མི་འདུག་ལ། གཞན་རྣམས་ཀྱི་གནས་ཚུལ་ད་དུང་རག་སོན་མ་བྱུང་ཞིང་། ས་གནས་སུ་བོད་མི་བརྒྱ་ཕྲག་དུ་མ་འཛིན་བཟུང་བྱས་ཡོད་འདུག དེ་བཞིན། མདོ་སྨད་དྷི་ཚ་དགོན་པའི་དགེ་བཤེས་དགུང་ལོ་ ༤༧ ཅན་ཚུལ་ཁྲིམས་རྒྱ་མཚོ་ལགས་ཆབ་སྲིད་ལ་བསྙད་བཏགས་འཛིན་བཟུང་བཀག་བསྐྱིལ་སྐབས་གཅར་རྡུང་ཚོད་མེད་བཏང་སྟེ། རང་ཁྱིམ་དུ་གློད་གྲོལ་གྱིས་ཟླ་བ་གཉིས་རིང་སྨན་གཏུགས་ཅི་ཙམ་བྱས་ཀྱང་ནད་ངོ་མ་ ཟིན་པར་ཕྱི་ཚེས་ ༢༢ ཉིན་གློ་བུར་རང་ཁྱིམ་དུ་དགོངས་པ་རྫོགས་འདུག
བྲག་འགོའི་དམར་གསོད་དོན་རྐྱེན་གྱི་དུས་ཚེས་ནི་རྒྱ་ནག་གི་དཔྱིད་གསར་དུས་ཆེན་ཏེ། ལོ་གསར་འཁེལ་ཡོད་པ་དང་། ཕྱི་ལོ་༢༠༠༩ ལོར་བོད་མི་གཅིག་དང་། ༢༠༡༡ ལོར་བོད་མི་ ༡༢ ཀྱིས་རང་ལུས་མེར་བསྲེགས་བཏང་ཡོད་པ་དང་། ཕྱི་ལོ་ ༢༠༡༢ ལོའི་ཟླ་ངོ་ཁ་མ་གང་བའི་དུས་ཚོད་ནང་བོད་མི་བཞི་ཡིས་སྔ་རྗེས་སུ་རང་ལུས་མེར་བསྲེགས་བཏང་སྟེ་འདས་གྲོངས་ཕྱིན་ཡོད་ཅིང་། རྒྱ་ནག་རྒྱལ་ཡོངས་སུ་ལོ་གསར་གྱི་སྤྲོ་དགར་རོལ་བཞིན་པའི་སྐབས་འདིར། འགོ་ལོག་དར་ལག རྔ་བ། བྲག་འགོ་སོགས་སུ་དྲག་ཆས་ཉེན་རྟོག་པ་དང་དམག་མིའི་དམ་དྲག་གིས་སྲོག་ནམ་འཕྲོག་མི་ཤེས་པའི་འཇིགས་དངངས་འོག་ལུས་ཡོད། ཅེས་བཀོད་ཡོད་པ་དང་།
ཡང་གསལ་བསྒྲགས་ནང་། གང་ན་གཉའ་གནོན་ཡོད་ན། དེ་རུ་ངོ་རྒོལ་ཡོང་རྒྱུ་ཡིན་པ་ཆོས་ཉིད་ཡིན་ཞིང་། ད་ལྟའི་ཆར་རྒྱ་གཞུང་གི་བྱེད་བབ་ནི། འགྲོ་བ་མིའི་ཡོངས་ཁྱབ་རིན་ཐང་དང་། རྒྱ་ནག་གི་རྩ་ཁྲིམས་ལ་ལྟོས་མེད་ཀྱིས། དྲག་གནོན་འབུར་འཇོམས་བྱེད་རྐྱང་དང་། བོད་མི་ངོ་རྒོལ་བྱེད་མཁན་གང་ན་སུ་བྱུང་ལ་བསད་བཟུང་བྱེད་པ་མ་ཟད། ད་དུང་དེ་དག་གི་མི་གཤིས་ལ་དམའ་འབེབས་དང་། བསྙོན་འཛུགས་ཅི་རིགས་ཀྱིས་ཞི་རྒོལ་དོན་རྐྱེན་གྱི་ངོ་བོ་ཁ་བསྒྱུར་གྱི་བྱེད་སྟངས་སྐྱུག་བྲོ་བོ་ཞེ་ཅིག་རྩོམ་བཞིན་ཡོད། ད་ནི་རྒྱ་གཞུང་གིས་ད་བར་ཞི་རྒོལ་ལས་འགུལ་རིམ་བྱུང་གི་འབྱུང་རྐྱེན་ལ་གཟུ་བོའི་སྒོ་ནས་བརྩད་ཞིབ་དང་། བོད་མིའི་ཁྲིམས་མཐུན་ལུགས་མཐུན་གྱི་དགོས་འདུན་ཁག་ལ་བསམ་ཞིབ་བྱ་རྒྱུའི་དུས་ལ་བབས་ཡོད་པ་དང་། དེའི་ཆེད་རྒྱལ་སྤྱིའི་རང་དབང་ལྡན་པའི་ཞིབ་འཇུག་ཚོགས་པ་དང་གསར་འགོད་པ་སོགས་ས་གནས་སུ་དངོས་དོན་རྟོག་ཞིབ་ཏུ་འགྲོ་རུ་འཇུག་དགོས་པའི་འབོད་སྐུལ་ནན་ཏན་ཞུ་རྒྱུ་དང་།རང་དབང་ཡུལ་གྲུའི་རྒྱལ་ཁབ་ཁག་ནས་རྒྱ་གཞུང་ལ་བོད་མིའི་ཐོག་ཡོངས་ཁྱབ་འགྲོ་བ་མིའི་ཐོབ་ཐང་དང་། རྒྱ་ནག་གི་རྩ་ཁྲིམས་སུ་འགན་ལེན་བྱས་པའི་ཐོབ་ཐང་ཁག་ལག་ལེན་དོན་འཁྱོལ་དགོས་པའི་གནོན་ཤུགས་སྤྲོད་དགོས་པའི་འབོད་བསྐུལ་ཤུགས་དྲག་ཞུ་རྒྱུ་ཡིན། ཞེས་བཀོད་འདུག
གསར་འགོད་པ། དོན་གོ
མི་གཅིག་ནས་དྲུག་བར་བསད་པའི་དབང་དུ་བཏང་ཡང་ཧ་ཅང་གི་ཉུང་ཞིག་བསད་པ་རེད། དེ་མིན་མི་༣༦ ཙམ་ལ་རྨས་སྐྱོན་ཕོག་པ་དེ་ཡང་གྲངས་ཀྱི་ཆ་ནས་ཉུང་ཉུང་ཞིག་ཡིན།
སྔོན་མ་ལོ་རབས་༨༠ ནང་ཐང་ཆེན་སྟེང་དུ་སློབ་ཕྲུག་སྟོང་ཕྲག་དུས་གཅིག་ཏུ་བསྡེབས་བསད་བཏང་མྱོང་ཡོད་པ་དེ་ཡིད་ལ་དྲན་དགོས།
ཤ་དང་རུས་པའི་འབྲེལ་ཐག་དམ་པོར་བཅིངས་པའི་སྤུན་ཟླའི་མི་རིགས་ཚོས་ངེས་པར་དུའང་བདེ་འཇགས་ལ་དོ་སྣང་དང་། སློབ་སྦྱོང་ལ་དོ་སྣང་། དཔལ་འབྱོར་ལ་དོ་སྣང་བཅས་བྱེད་དགོས། ད་དུང་དེ་བས་ཚེ་སྲོག་ལ་གཅེས་སྤྲས་བྱས་ཏེ་ཤེས་དཔལ་ལྡན་པའི་བོད་ལྗོངས་གསར་པ་ཞིག་འཛུགས་སྐྲུན་བྱེད་དགོས།
དེ་མིན་ད་ལྟའི་འཛམ་གླིང་དང་རྒྱ་ནག་གི་གནས་བབ་སོགས་ཕྱོགས་གང་ས་ནས་བལྟས་ཀྱང་ང་ཚོར་འགྲོ་ལམ་གྱི་ལམ་ཁ་གཞན་ཞིག་གདམས་ཁ་བྱེད་ནུས་པའི་དུས་བབ་ལ་སླེབས་མེད།
ཤི་བ་ལས་གསོན་པ་དེ་རླབས་ཆེ་ལ་ན་བ་ལས་བདེ་ཐང་དེ་གཟི་བརྗིད་ཆེ་བ་ཡོད་ཙང་བོད་མི་ཚང་མས་བློ་སེམས་གཅིག་ཏུ་སྤྲེལ་ཏེ་བདེ་འཐགས་ལ་དོ་སྣང་དང་ཚེ་སྲོག་ལ་གཅེས་སྤྲས་བྱེད་ཐུབ་དགོས།
དེི་ནི་ང་ཚོའི་རྒྱལ་ཁ་ཡིན་ལ་ང་ཚོའི་ཚེ་སྲོ་ཀྱང་ཡིན། ལ་རྒྱ་དང་རྒྱལ་གཅེས་པ་ཞིག་ཡིན་པའི་དབང་དུ་བཏང་ཚེ་ཐ་གཅིག་ཏུ་རང་སྲོག་བློས་བཏང་བྱེད་དགོས་པའི་ངེས་པ་གཏན་ནས་མེད།
ཤི་བ་ལས་གསོན་པ་རླབས་ཆེ་ལ་རྨས་པ་ལས་བདེ་ཐང་གཟི་བརྗིད་ཆེ་བ་ཡིན་སྟབས་ཚང་མས་ཚེ་སྲོག་གི་ལ་གཅེས་སྤྲས་བྱེད་ཐུབ་པ་ཙམ་གྱིས་ང་ཚོའི་རྒྱལ་ཁ་དང་མངོན་འདོད་ཡིན།
བྱས་ཙང་། མི་མང་གི་འཐུས་ཚབ་རེད་པཱ། མི་མང་གིས་ག་ཚོད་ཅིག་མྱང་གིན་འདུག ཡང་གཞུང་གི་ལང་ཕྱོགས། ཅིག་ཅིག་རེད་ལབ་ཀྱི་ཡིན་པས། སྐུ་མཁྱེན། མགྱོགས་པོར་ཡར་གཏུགས་མར་གཏུགས་ཞིག་བྱེད་རོགས་གནོངས།
འབོད་བསྐུལ་ཞོར་དུ། ལས་འགུལ་རྩོམ་དགོས་པ་མིའདུག་གམ། ལས་བྱེད་ཚོར།
རེད. གྲོས་ཚོགས་ནས་ཀྱང་བོད་མི་མང་གི་དགོས་འདུན་ལ་དགོངས་བཞེས་ཀྱིས་རྒྱལ་སྤྱིའི་སྟེང་ནས་རྒྱ་དམར་ཁེེ་རྐྱང་དུ་འཇོག་པའི་ལས་རིགས་སྤེལ་དགོས་ངེས་ཚད་ལ་སླེབས་འདུག
མ་ཟད་ཕྱི་བོད་གང་སུ་ཡོད་ཚང་མས་རང་ཐད་ནས་ལུས་དང་ལག་འགུལ་བའི་་ལས་རིགས་སྤེལ་རྒྱུ་བྱེད་ཡ།
ད་བར་འབོད་བསྐུལ་བྱས་ནས་ལོ་ ༥༠ ཕྱིན་པ་རེད། ད་དུང་འབོད་བསྐུལ། འབོད་བསྐུལ། འབོད་བསྐུལ་ཟེར་ན་ཅི་རེད། ཨ་རོ། ད་རྒྱ་རྒོལ་ཆེད་ལས་འགུལ་འདྲ་སྤེལ་རྒྱུ་དྲན་ནི་མ་རེད་པས།
ཁ་དང་ལག་པ་ཏོག་ཙམ་འགུལ་བསྐྱོད་བྱས་ན་ཨ་དྲག་ལྟ་དགོས་རེད། ཁ་རྐྱང་རྐྱང་བཤད་ནས་བསྡད་ན་འགྲིག་ཐབས་མིན་འདུག་གྰ།