དེ་རིང་ཞོགས་པར་བཀའ་ཁྲི་གཙོས་པའི་མང་གཙོའི་ཀ་བ་གསུམ་གྱི་མཛད་གཙོ་རྣམ་པས་ཐེག་ཆེན་ཆོས་གླིང་གཙུག་ལག་ཁང་དུ་བསྔོ་སྨོན་མཆོད་འབུལ་དང་འབྲེལ། ཕྱི་ཟླ་ ༢ ཚེས་ ༨ ཉིན་འཛམ་གླིང་ཡོངས་ཀྱི་བོད་མི་དང་བོད་མིར་རྒྱབ་སྐྱོར་ཡོད་མཁན་ཡོངས་ཀྱིས་ལས་འགུལ་སྤེལ་རོགས་ཞེས་འབོལ་སྐུལ་གནང་སོང་།
དེ་རིང་ཕྱི་ཚེས་ ༢༥ ཉིན་གྱི་ཞོགས་པའི་ཆུ་ཚོད་ ༩ སྟེང་ཐེག་ཆེན་གཙུག་ལག་ཁང་དུ་དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག བཀའ་ཁྲི་བློ་བཟང་སེངྒེ་མཆོག་གཙོས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་ལྷན་འཛོམས་ཐོག རྒྱ་གཞུང་གི་དྲག་གནོན་འོག་རང་ལུས་མེར་བསྲེགས་གཏོང་མཁན་རྣམ་པ་དང་། དྲག་གནོན་དམར་གསོད་བཏང་པའི་བོད་ཀྱི་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་དང་གུས་བཀུར་མྱ་ངན་ཞུས་ཡོད།
བསྔོ་སྨོན་མཆོད་འབུམ་ཟིན་རྗེས་བཀའ་ཁྲི་མཆོག་གིས། རྒྱ་གཞུང་གི་འཁྲེགས་བཟུང་སྲིད་ཇུས་དང་དྲག་གནོན་དམར་གསོད་འོག རང་ལུས་མེར་བསྲེགས་གཏོང་མཁན་ཚོའི་མཚན་དང་ལོ་སོགས་སྒྲོག་སྦྱོང་གནང་ཡོད་པ་དང་། བོད་ནང་ཞི་རྒོལ་བྱུང་ཡུལ་ས་གནས་ཁག་དང་ཞི་རྒོལ་བའི་ཐོག་དྲག་གནོན་འཛིན་བཟུང་བྱས་པའི་གནས་ཚུལ་སྐོར་ལ་གསུང་བཤད་གནང་ཡོད་པ་མ་ཟད། ཕྱི་ཟླ་ ༢ ཚེས་ ༨ རེས་གཟའ་ལྷག་པའི་ཉིན་རྒྱལ་སྤྱིའི་ཁྱོན་ཡོངས་ནས་བོད་དང་བོད་མིའི་ཆེད་གདུང་སེམས་མཉམ་སྐྱེད་ཀྱི་ལས་འགུལ་སྤེལ་དགོས་པའི་འབོད་སྐུལ་གནང་ཡོད་པ་རེད།
གསར་འགོད་པ། བནྡེ་སྐྱབས།
ལས་འགུལ་སྤེལ་རོགས་ཞེས་འབོད་བསྐུལ་རྐྱང་རྐྱང་མ་ཡིན་པར་ངེས་པར་དུའང་ལས་འགུལ་གྱི་རིགས་གང་འདྲ་ཞིག་སྤེལ་དགོས་དེ་གལ་ཆེ་རེད།
ལས་འགུལ་སྤེལ་སྟངས་ཐད་གྲོས་བསྡུར་བྱས་ཏེ་ལས་འགུལ་གང་ཞིག་གིས་ང་ཚོར་ཕན་གྱི་ཡོད་མེད་དང་གང་ཞིག་གིས་ང་ཚོར་དགེ་མཚན་ཡོད་མེད་བཅས་ལ་བསམ་གཞིགས་བྱས་ཏེ་དེ་ནས་རིམ་པས་མང་ཚོགས་སྣེ་འཁྲིད་དེ་ལས་འགུལ་དུས་ཐོག་ཆར་ལྟར་སྤེལ་ཐུབ་པ་དགོས།
འབོད་བསྐུལ་བྱས་པ་ཙམ་གྱི་འོག་ནས་ལས་འགུལ་སྤེལ་ནའང་གནད་དུ་སྨིན་པ་ཞིག་བྱང་དང་མ་བྱུང་ཐེ་ཚོམ་རེད། ཆབ་སྲིད་ཀྱི་ངོས་ནས་བཤད་ན་ལས་འགུལ་གང་ཞིག་སྤེལ་ནའང་ང་ཚོར་ཁེ་ཕན་ཡོད་མེད་བལྟ་ཐུབ་པ་དགོས།
གང་ལྟར་ང་ཚོའང་འཇམ་ཅག་གེར་མི་སྡོད་པར་ལས་འགུལ་ག་རེ་ཡིན་ཡང་སྤེལ་དགོས། གཙོ་བོ་རྒྱའི་དཔལ་འབྱོར་དང་ཕྱི་འབྲེལ་ལ་གནོད་པའི་ལས་འགུལ་རྒྱ་ཆེན་པོ་ཞིག་སྤེལ་ཐུབ་ན་ཧ་ཅང་ལེགས།
ལས་འགུལ་སྤེལ་ཟེར་དུ་ཡིན་གཅིག་མིན་གཉིས་མི་མང་མཉམ་འཛོམས་བྱས་ཏེ་སྐད་རྒྱག་པ་དང་འབོད་ཚིག་འདྲ་མིན་སྒྲོགས་དགོས་མི་འདུག་་་་་་་་དེ་ལས་ནུས་ཤུགས་དང་དགོས་ཕན་གཉིས་འཛོམས་ཀྱི་ལས་དོན་གལ་ཆེན་དེ་སྤེལ་ན་བཟང་གི་རེད་བསམ
དེ་ནི་་དེང་སྐབས་བོད་ནང་གི་ཛ་དྲག་གི་གནས་ཚུལ་དེ་དག་གཅིག་གཅིག་གཉིས་གཉིས་བྱས་ནས་རྒྱལ་སྤྱིའི་སྤྱི་ཚོགས་སྒང་དང་ཁྱད་པར་དུ་རྒྱ་ནག་མི་དམངས་ཀྱི་མདུན་དུ་གསལ་གསལ་ཐང་ཐང་ཞིག་བཟོས་རྒྱུ་དེ་རེད། དོན་དངོས་ཁྱོགས་བརྗོད་དང་དྲང་བོ་རྫུན་དུ་རྫི་བའི་རྒྱ་ནག་གི་བྱ་སྤྱོད་དེ་དག་དམར་ཤུལ་བྱས་དགོས་པ་རེད། རྒྱ་གཞུང་གིས་གཡོ་སྒྱུ་དང་ཆོ་འཕྲུལ་འདྲ་མིན་གྱིས་རྒྱལ་སྤྱིའི་སྤྱི་ཚོགས་དང་རྒྱ་ནག་མི་དམངས་རྣམས་་ལ་ཚུལ་མིན་གྱི་འཁྲབ་སྟོན་འདྲ་མིན་བྱས་དང་བྱེད་བཞིན་པ་རེད། དེར་བརྟེན་ང་ཚོས་ཀྱང་ནུས་ཤུགས་ཅི་ཡོད་དང་བློ་རིག་ཇེ་རྒོད་ཀྱིས་ང་ཚོའི་གཞི་ལུས་རྣམ་པའི་སྐྱོ་སྡུག་དང་ན་ཟུག་མིག་མཆུ་འོ་དོད་དེ་དག་འཛམ་གླིང་མི་དམངས་ཀྱི་མིག་ལམ་བཤམས་དགོས་པ་རེད།
བཀའ་ཁྲིས་དེ་སྔ་ནས་གསུངས་ཡོད། གོ་སྐབས་དམ་འཛིན་གནང་ནས་དྲིལ་བསྒྲགས་ཤུགས་ཆེན་གནང་རོགས། ང་ཚོ་ཚང་མ་རྒྱ་ནག་གཞུང་ཚབ་ཁང་དང་། མཉམ་འབྲེལ་རྒྱལ་ཚོགས་ཀྱི་སྒོ་ཁར་ད་ལོའི་དུས་འཁོར་དབང་ཆེན་ལ་འགྲོ་འགྲོ་བྱེད། ད་ཐེངས་བླ་མ་བཀའ་ཁྲི་སེངྒེ་ཡིན་དཱ།
ད་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་་དང་། མི་དམངས་སྐྱ་སེར་སུ་ཡིན་རུང་དུས་ལ་བབ་འདུག། ་ལས་འགུལ་ག་རེ་ཡིན་ན་ཡང་སྤེལ་བའི་དུས་ལ་ཐུགས་འདུག་བོད་པ་ཡིན་ད་ལང་ཤོག གཟིགས་དང་སྤུན་ཟླ་མང་པོའི་ཚེ་སྲོག་མེར་བསྲེགས་གཏང་བ་མཐོང་ཐོས་བྱུང་དུས་ཁྱེད་རྣམས་བཟོད་པ་འདུག་གམ། ་
བཀའ་ཁྲི་བློ་སེང་གཉིད་ལས་ཅུང་ཙམ་སད་ཁུལ་རེད། དུས་རྒྱུན་དུ་བསྔོ་སྨོན་མཆོད་འབུལ་བྱེད་སྲོལ་དེ་འདྲ་ལས། འབྲེལ་ཡོད་རང་དབང་ཅན་གྱི་ཚོགས་སྡེ་ཁག་འདྲ་མིན་ལ་ཞུ་གཏུག་དང་འབོད་སྐུལ་སོགས་ཡང་ཡང་བྱས་ན་ཡག་གི་རེད། བོད་ནང་གི་གནས་ཚུལ་ཚབས་ཆེན་དེ་དག་གི་དཔང་རྟགས་ནི་ཡི་གེ་དང་། འདྲ་པར། བརྙན་འཕྲིན་བཅས་ན་གསལ་ཐང་ངེར་ཡོད་པ་དེ་ལྟར་རེད། དཔང་རྟགས་དེ་དག་རྒྱལ་སྤྱིའི་ཁྱོན་ལ་ཁྱབ་ཐུབ་པའི་གསར་ལམ་ཁག་ལ་མཁོ་སྤྲོད་དང་འབྲེལ་ཛ་དྲག་གི་འབོད་སྐུལ་ཡང་ནས་ཡང་དུ་ཞུ་དགོས་པ་རེད། རྒྱལ་སྤྱིའི་ཁྲིམས་ལུགས་ལ་མཁས་པར་ཁས་འཆེས་པ་ཞིག་གི་ངོས་ནས། ཁྲིམས་མཐུན་གྱི་ངང་ནས་བོད་ཀྱི་གནད་དོན་དེ་ཁྲིམས་གཏུག་བྱ་མི་ཐུབ་ཀྱང་། ཚོགས་སྡེ་དེ་ཚོར་སུན་སྣང་གི་ནུས་པ་ཡོད་པའི་འབོད་སྐུལ་ཡང་ནས་ཡང་དུ་ནན་གྱིས་ཞུ་རོགས།
བོད་མིའི་སྒྲིག་འཛུགས་ཀྱི་སྲིད་སྐྱོངས་གསུམ་པ་འབུམ་རམ་པ་བློ་བཟང་སེང་མཆོག་གིས།
་་་་་་ ཕྱི་ཟླ་ ༢ ཚེས་ ༨ ཉིན་འཛམ་གླིང་ཡོངས་ཀྱི་བོད་མི་དང་བོད་མིར་རྒྱབ་སྐྱོར་ཡོད་མཁན་ཡོངས་ཀྱིས་ལས་འགུལ་སྤེལ་རོགས། ་་་་་་་་་་་་་་་་་་་་་
བསྔོ་སྨོན་མཆོད་འབུལ་དང་འབོད་སྐུལ་ཙམ་གྱིས་བོད་དོན་ཆེད་གཤེགས་ཟིན་དང་མ་ཟིན་པའི་རྒྱལ་གཅེས་དཔའ་བོ་ཚོའི་དམིགས་འདུན་འགྲུབ་མི་ཐུབ་ལ། གཞིས་ལུས་བོད་རྒྱ་ཆེའི་མི་མང་གིས་བོད་རྒྱལ་ཁབ་ཆེན་པོའི་ངོ་ཚབ་བཙན་བྱོལ་བོད་གཞུང་ལ་འཛིན་པའི་ཡིད་ཆེས་དང་རེ་བའང་རྒྱུན་གནས་སྲ་བརྟན་ཡོང་ག་ལ་ཐུབ།
རབ་བྱུང་ན་སྔར་ཉིས་སྟོང་བརྒྱད་ལོའི་ཛ་དྲག་ཚོགས་ཆུང་ལྟ་བུའི་ལས་འགུལ་ཚོགས་ཆུང་ཞིག་ཆེད་དུ་རྩ་་འཛུགས་བྱས་ནས་རྒྱལ་སྤྱིའི་ཐོག་ནུས་པ་ཐོན་པ་ཞིག་ངེས་པར་བྱེད་དགོས།
གང་ལྟར་དོན་ཕན་ནུས་ལྡན་གྱི་ལས་འགུལ་ཞིག་སྤེལ་མི་ཐུབ་ན། ནམ་ཞར་ལྟར་གྱི་ཁ་གཡང་དེ་བསྐྱར་དུ་སྒྲོགས་པ་ལས་བོད་བཙན་བྱོལ་གཞུང་གི་རང་མདོག་དངོས་གནས་དེ་གཞིས་ལུས་མི་མང་ལ་ཇི་མ་ཇི་བཞིན་བསྟན་ན་མི་བཟང་ངམ།