བོད་ནས་མེ་འབར་ཐུབ་ན་བཙན་བྱོལ་ནས་དུ་བ་འཕྱུར་ཐུབ་དགོས།

བཙན་བྱོལ་ནང་གི་དུ་བ་འདི་རྩའི་དུ་བ་རེད་ནམ་སང་ཤི་འགྲོ་ཀི་རེད། བོད་ནང་གི་མེ་དང་དུ་བ་གཉིས་ཀ་བོད་མི་རིགས་ཀྱི་ཤ་ཁྲག་ལས་བྱུང་བ་རེད། དུ་བ་འཕྱུར་སྟངས་དང་མེ་འབར་སྟངས་ཁྱོན་ནས་འདྲ་ཀི་མ་རེད།

བོད་མིས་ཡར་ལངས་ལས་འགུལ་གྱི་མེ་གཏང་སྟེ།
དྲིལ་བསྒྲག་གི་དུ་བ་རྒྱལ་སྤྱིའི་ཐོག་ཏུ་འཕྱུར་འཇུག་དགོས། བོད་ནང་ལུས་སྲོག་ལོངས་སྤྱོད་ཚང་མ་བློས་གཏོང་བཞིན་དུས། ང་ཚོ་འཇམ་ཐིང་ངེར་སྡད་བཟོད་ག་ལ་ཡོད། ལས་འབྲས་ལའང་མི་རུང་། ཕན་འབྲས་ཡོད་མེད་ལ་མ་བསྟོས་པར་དབུ་མ་དང་རང་བཙན་གྱི་ལྟ་བ་གང་ཡིན་རུང་སོ་སོའི་འདོད་པ་བཞིན་ལས་འགུལ་སྤེལ་དགོས། 

བལྟས་ཡོང་དུས་མཆན་འགོད་པ་ཁག་ཅིག་སེམས་ཤུགས་ཆག་པའི་གཟོ་འདུག ད་ལྟ་བོད་ནང་ཛ་དྲག་ཏུ་གྱུར་པའི་སྐབས་སུ་སེམས་ཤུགས་མི་ཆག་པར་སྙིང་ལ་རུས་པ་འཇུག་དགོས། བཙན་བྱོལ་སྒྲིག་འཛུགས་ཀྱིས་གཞི་རྩའི་སྣེ་ཁྲིད་ལམ་སྟོན་དང་། རྒྱལ་སྤྱིའི་ཐོག་སྙན་ཞུ་འབུལ་བ། དེ་བཞིན་གཞུང་སྒེར་གཉིས་ལས་གྲུབ་པའི་ཛ་དྲག་ཚོགས་ཆུང་ཞིག་འཕྲལ་མར་བཙུགས་ཏེ་གནས་ཚུལ་མཁྱེན་རྟོགས་དང་
བརྒྱུད་བསྒྲགས། ལས་འགུལ་གྱི་གོ་རིམ་དང་མཇུག་འབྲས་སོགས་ལ་ལས་འཆར་འགོད་རྒྱུ་དང་། གཞུང་སྒེར་གསར་ལམ་ཁག་གིས་དུས་ལྟར་གནས་ཚུལ་མཁོ་སྒྲུབ། གནས་ཚུལ་འབྱུང་ཡུལ་གྱི་འབྲེལ་ཡོད་བོད་མི་ཚོས་ཀྱང་གནས་ཚུལ་ཤེས་རྟོགས་ཀྱིས་གསར་ལམ་ཁག་དང་ཛ་དྲག་ཚོགས་ཆུང་ལ་གནས་ཚུལ་འབུལ་བ། ཛ་དྲག་ཚོགས་ཆུང་དེ་ངོས་ནས་རྒྱལ་སྤྱིའི་གསར་ལམ་ཁག་ཅིག་ལ་འབྲེལ་མཐུད་ཀྱིས་བོད་ཀྱི་ཛ་དྲག་གནས་སྟངས་རྒྱལ་སྤྱིའི་གསར་ལམ་ཁག་ནས་འབར་འཇུག་རྒྱུ། ཆབ་སྲིད་ཚོགས་པ་ཁག་གིས་དུས་བསྟུན་ལས་འགུལ་ཁག་ལ་རམ་འདེགས་སམ། ཡང་ན་དམིགས་ཡུལ་གཅིག་གི་སྟེང་ལས་འགུལ་འདྲ་མིན་སྤེལ་རྒྱུ། ཤེས་ཡོན་ཅན་ཚོས་ཐབས་ཇུས་འདོན་པ་སོགས་ཚང་མས་མཉམ་རུབ་བྱས་ན་གྲུབ་འབྲས་གང་འཚམས་ཐོན་ངེས།

༄། བཙན་བྱོལ་བོད་མིའི་དུ་བ་ནུབ་ཕྱོགས་ལ་འཕྱུར་གྱིན་ཡོད།
ནུབ་ཕྱོགས་ལ་འཕྱུར་ནས་རང་གི་ཁ་གསོ་ཐབས་འབའ་ཞིག་གི་ཕྱོགས་ལ་འཕྱུར་གྱིན་ཡོ།
བཙན་བྱོལ་བོད་མིའི་དུ་བ་བོད་ཀྱི་སྐད་ཡིག་གི་ཐོག་ལ་འཕྱུར་གྱིན་ཡོད། རང་གི་སྐད་ཡིག་ལ་བརྙས་བཅོས་དང་མཐོང་ཆུང་བྱེད་པའི་ཕྱོགས་ལ་འཕྱུར་གྱིན་ཡོད།
བཙན་བྱོལ་བོད་མིའི་དུ་བ་རྐུབ་རྟེགས་དང་འཐེན་ཁྱེར་གྱི་ཕྱོགས་ལ་འཕྱུར་གྱིན་ཡོད།
རྐུབ་རྟེགས་སུ་མཐོ་དང་ཆོལ་གསུམ་འཐེན་ཁྱེད་སུ་མཁས་ཀྱི་ཕྱོགས་ལ་རྒྱུན་མི་ཆད་པར་འཕྱུར་གྱིན་ཡོད།

རེད་ཡ། བོད་ནང་ནས་རྒྱལ་ཁབ་དང་མི་རིགས་ཀྱི་ཆེད་དུ་ཁ་ཞེ་མེད་པར་བསམ་པ་དག་པའི་སྒོ་ནས་ལུས་སྲོག་ལོངས་སྤྱོད་ཆ་ཚང་བཏོང་ཕོད་དུས། བཙན་དུ་ཡོད་པ་དག་གིས་ཁོང་རྣམ་པ་དག་གི་རོ་ཟ་རོ་ཚོང་ཤེས་ཙམ་བྱས་ནས་མ་བསྡད་པར་ལས་འགུལ་སྤེལ་ལུས་ཀྱང་དགོས། གཞིས་ལུས་སྤུན་ཟླ་ཁྱི་སྔོན་གྱི་གློ་བ་བྱས། བྱེས་སུ་རང་གི་ཁ་ཕོར་དང་རྐུབ་སྟེགས་རྩོད་དེ་བསྡད་ན་ངོ་མ་རྒྱུ་འབྲས་ལ་རུང་གི་མ་རེད། མི་དགོས་ས་དེར་༼རིས་མེད་སྨོན་ལམ་༽ལྟ་བུ་ཆབ་སྲིད་ཀྱི་གདིང་ཆ་བསྐྲུན་ཏེ་ནང་ཁོལ་ལ་གཡོ་སྒྱུ་བཀྲབ་མི་འདུག་པར། མཐུན་སྒྲིལ་ལ་གཏོར་བཤིག་གཏོང་མི་འདུག་པར། ཡོད་ན་ད་ལས་འགུལ་སྤེལ་དང་།

རང་བཙན་གྱི་དུ་བ་འཕྱུར་དགོས་སམ། ཡང་ན། གཉིས་སྨན་དབུ་མའི་དུབས་སྒྲིག་འཐུས་ཡོད་དམ།