དེ་རིང་འདི་སུ་ཇཱ་བོད་ཕྲུག་ཁྱིམ་སྡེ་ཚོགས་ཁང་དུ་སློབ་གྲྭ་དེ་གའི་དགེ་ལས་སློབ་ཕྲུག་ཡོངས་ཀྱིས་བོད་ནང་གི་ཛ་དྲག་གནས་སྟངས་ལ་རྒྱབ་དཔུང་དང་གདུང་སེམས་མཉམ་སྐྱེད། བོད་བསྟན་པ་ཆབ་སྲིད་ཆེད་སྐུ་སྲོག་ཤོར་ཟིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གུས་འདུད་ཀྱི་བསྔོ་སྨོན་མཆོད་འབུལ་དང་། སྨོན་ལམ་གསུངས་པ་བཅས་ཀྱི་ལས་འགུལ་ཞིག་སྤེལ་ཡོད་འདུག
ཁོང་ཅག་གིས་བཏང་འབྱོར་བྱུང་བའི་གནས་ཚུལ་ནང་བཀོད་པ་ལྟར་ན། ཐེངས་འདིར་ཁོང་ཅག་གིས་ལས་འགུལ་དེ་ལྟར་སྤེལ་དོན་ནི། རྒྱ་གཞུང་གི་གཏིང་ནག་པའི་སྲིད་ཇུས་འོག་བོད་མི་རྣམས་ཨ་ཆད་འུ་ཐུག་ཏུ་གྱུར་ཏེ་རང་ལུས་མེར་བསྲེགས་ཤིང་། བོད་ལ་རང་དབང་དགོས་པ་དང་༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས་པའི་འབོད་སྒྲ་སྒྲོག་བཞིན་ཡོད་ཀྱང༌། རྒྱ་གཞུང་གིས་དེ་ལ་ཡ་ལན་སྤྲོད་རྒྱུ་ཕར་ཞོག ད་དུང་ཡ་ང་སྙིང་རྗེ་མེད་པར་དྲག་གནོན་བྱས་ཤིང༌། བོད་མི་ཚོའི་ཁྲོད་གང་བྱུང་མེ་མདའ་བརྒྱབ་སྟེ་བོད་མི་མང་པོ་དམར་གསོད་དང་རྨས་སྐྱོན་ཚབས་ཆེན་འབྱུང་བཞིན་ཡོད་སྟབས། སུ་ཇཱ་བོད་ཁྱིམ་སློབ་གྲྭའི་དགེ་སློབ་ཡོངས་ཀྱིས་བོད་བསྟན་སྲིད་ཆེད་གཅེས་སྲོག་ཤོར་བ་རྣམས་གང་མྱུར་སྤྱན་རས་གཟིགས་ཀྱི་གདུལ་བྱར་སྐྱེ་རྒྱུ་དང་། ཤུལ་ལུས་ནང་མི་སྤུན་མཆེད་ཚོར་གདུང་སེམས་མཉམ་སྐྱེད་མཚོན་ཕྱིར་མཆོད་འབུལ་གྱི་ལས་འགུལ་སྤེལ་བ་ཞིག་ཡིན་པ་དང་། རྒྱ་གཞུང་གིས་བོད་ནང་མི་སྤྱོད་ལས་འདས་པའི་ལས་དོན་ལག་བསྟར་བྱས་པར་ངོ་རྒོལ་དང་། སྲིད་བྱུས་དེ་དག་འཕྲལ་དུ་མཚམས་འཇོག་བྱ་དགོས་པའི་འབོད་སྐུལ་ཡང་ཞུ་བཞིན་ཡོད། ཅེས་བཀོད་འདུག
ཚེ་རིང།
༢༠༡༢/༠༡/༣༡ ཉིན་འདོན་སྤེལ་བྱས། ཀརྨ་རྡོ་རྗེས་སློབ་མ་ཞིག་བསད་པ་བདེན་པ་མ་རེད་བཤད་འདུག་ཀྱང་། ་་ཞེས་པའི་ལན་དུ།
སློབ་གྲྭས་རྒན་བདག་གིས། སློབ་ཕྲུག་གྲོངས་མཁན་དེས། སཽབ་གྲྭས་འཁོར་ཡུག་ནང་ལ་ཐ་མག་འཐེན་མི་ཆོག་བཞིན་དུ། དེ་ལྟར་འཐེན་པ་མཐོང་ནས་རྒན་བདག་དེས་ཉེས་ཆད་ལ་ཉེས་རྡུང་བཏང་ཞོར་དུ་མཆིན་པར་ཕོག་ནས་གློ་བུར་དུ་འདས་གྲོངས་སུ་སོང་བ་མ་གཏོགས། དགའ་མིན་དགའ་མདོག་གམ་། སྙིང་ནད་བཟུང་ནས་དམར་གསོད་བཏང་བ་མིན་པ་གསོན་ལུས་ནང་ཚོས་ཀྱང་ཁས་བླངས་མི་འདུག་ན། ཚེ་རིང་ཁྱེད་ཀྱིས་རང་བཟོ་བྱས་ན་རང་མདོག་སྟོན་པ་ལས་གཞན་སུ་ཞིག་ལ་ཕན་སྲིད་དམ། ད་ནས་བཞུགས་གདན་འཇགས་རོགས་གནང་། དྲ་གྲོགས་ལགས།
ཀརྨ་རྡོ་རྗེས་སློབ་མ་ཞིག་བསད་པ་བདེན་པ་མ་རེད་བཤད་འདུག་ཀྱང་། དེ་བདེན་པ་ཡིན་པ་མ་ཟད། དེའི་སྐབས་བོད་པའི་བརྒྱུད་ལམ་ཁག་ཏུ་སླེབས་པ་མ་ཟད། སློབ་གྲྭའི་ངོས་ནས་ཐག་གཅོད་ཁྱད་མཚར་དེ་འདྲ་བྱས་ཡོད་པ་རེད།
དེ་མིན་གྱི་ཁྱེད་ཀྱི་བསམ་ཚུལ་ལ་མོས་མཐུན་ཡོད།
འདས་པོའི་ཆེད་དུ་སྔོ་སྨོན་དང་མཆོད་འབུལ་གནང་བ་དེས་བརྒྱབ་སྐྱོར་གཅིག་དང་གདུང་སེམས་མཉམ་བསྐྱེད་བྱས་པ་མཚོན་གྱིན་ཡོད་སྟབས། ཡི་རང་ཞུ་དགོས་པའི་བྱ་བ་གཅིག་རེད།
ཡིན་ནའང་སྨོན་ལམ་དང་། དད་པ། རེ་བ་སོགས་ཁོ་ནས་བོད་ཀྱི་རྩ་དོན་དེ་སེལ་ཐབས་རྩ་བ་ནས་མེད་པ་རེད།
བྱས་ཙང་སློབ་གྲྭར་མཚོན་ན་སློབ་གསོ་ཡག་པོ་སྤྲོད་ཐུབ་པ་དེ་གཙོ་ཆེ་ཤོས་ཀྱི་ལས་འགན་ཨང་དང་པོ་དེ་ཆགས་ཡོད།
སུ་ཇཱ་སློབ་གྲྭའི་དགེ་སློབ་ཡོངས་ལ་བཀའ་དྲིན་ཆེ་ཞུ།
བོད་ཁྱིམ་སློབ་གྲྭ་ཡིན་པས་ཆ་ནས་དུས་ནམ་ཡང་ལས་འགུལ་དང་རྒྱབ་སྐྱོར་གནང་བ་འབོད་སྐུལ་ཞུ།
བཀུར་འོས་རིག་མཐུན་དྲ་གྲོཊ་(ཚེ་རིང་ལགས) འདས་པ་འདས་པ་རེད། དུས་གསུམ་ཁ་ཁར་རེད། སུ་ཇཱ་སློབ་ཞིག་གྲོང་པ་འདས་ཟིན་ལོ་རྒྱུས་རེད། སྐབས་འདིར་དེ་གླེང་དགོས་མ་མཆིས་ལགས།
ཁོང་ཚོའི་མཆོད་འབུལ་ལ་བསྔགས་རྗོད་དང་བཀའ་དྲིན་ཞུ།
མ་ཡུམ་སུ་ཇ་སློབ་གྲ་ནས་ད་ཐེངས་མཆོད་འབུལ་གནང་པ་དེར་རྗེས་སུ་ཡི་རངས་ཡོད། ཐུགས་རྗེ་ཆེ།
ཚེ་རིང་ལགས་ཀྱིས།
་་་་ལོ་སྔོན་མར་སློབ་གྲྭ་ཁོ་རང་ཚོས་སློབ་མ་ཞིག་དམར་གསོད་བཏང་བ་་་་ ཟེར་བ་འདི་བདེན་མ་ཡིན་ཡང་། ་་་་ ད་དུང་དུས་རྒྱུན་དགེ་རྒན་ཚོས་འགན་མ་ཁུར་བར་རྒན་བདག་སྔོན་དུ་བཏང་སྟེ། སློབ་མ་ཚོར་གཅར་རྡུང་བྱས་ཏེ། རྨས་སྐྱོན་བྱུང་བ་མང་པོ་རེད། དེའི་རིགས་ཀྱང་ཡར་རྒྱས་གཏོང་དགོས། ་་་ ཟེར་བ་འདི་བདེན་པ་རེད་ལགས།
བོད་པས་བོད་པར་ལམ་སྟོན་སྣེ་འཁྲིད་ནོར་བ་འཕྱུགས་པ་དང་། རྒྱ་གཞུང་གིས་ངན་རྩུབ་འཆར་གཞི་ལྡན་པའི་སྒོ་ནས་བོད་མིར་གདུག་རྩུབ་བཏང་བ་གཉིས་ལ་ཁྱད་པར་ཆེན་པོ་འདུག་གོ །
སུ་ཇཱ་སློབ་གྲྭའི་རྒྱའི་བཙན་འོག་ནས་གྲོངས་པའི་དཔའ་བོ་དཔའ་མོ་ཚོར་བསྔོ་སྨོན་བྱས་པར་རྗེས་སུ་ཡི་རངས་ཡོད། ཡིན་ཡང་ལོ་སྔོན་མར་སློབ་གྲྭ་ཁོ་རང་ཚོས་སློབ་མ་ཞིག་དམར་གསོད་བཏང་བ་དེར་ག་རེ་བྱེད་རྩིས་ཡོད། ད་དུང་དུས་རྒྱུན་དགེ་རྒན་ཚོས་འགན་མ་ཁུར་བར་རྒན་བདག་སྔོན་དུ་བཏང་སྟེ། སློབ་མ་ཚོར་གཅར་རྡུང་བྱས་ཏེ། རྨས་སྐྱོན་བྱུང་བ་མང་པོ་རེད། དེའི་རིགས་ཀྱང་ཡར་རྒྱས་གཏོང་དགོས།
འདི་ལས་འགུལ་དང་འབྲེལ་བ་མེད་ཀྱང་། གོ་སྒྲིག་པ་དང་འབྲེལ་བ་ཡོད་པས། འདིར་བྲིས་པ་ཡིན་ལ། ཚང་མས་དེའི་ཐོག་ཐུགས་སྣང་གནང་ན་ལས་ཀྱ་ཁྱད་མཚར་དེ་འདྲ་མང་པོ་འདུག