གཟའ་ཟླ་བའི་ཉིན་ཨ་རིའི་སྲིད་འཛིན་ཨོ་བྷ་མས་པཱ་ཀི་སི་ཐན་ནང་གི་ཨོལ་ཁོ་ཊ་སོགས་འཇིགས་སྐུལ་རིང་ལུགས་པའི་ཤོག་ཁག་སྟེང་དྲག་གནོན་བྱ་གཏན་འཁེལ་པའི་ཁྱབ་བསྒྲགས་བྱས་འདུག
ཕྱི་ཚེས་ ༣༠ ཉིན་གྱི་ཁྱབ་བསྒྲགས་སྐབས་ཨོ་བྷ་མས་ཨ་རིའི་ངོས་ནས་ཨོལ་ཁ་ཊ་སོགས་དྲག་སྤྱོད་པའི་སྟེང་དྲག་གནོན་བྱ་རྒྱུ་དེ་ལས་འགན་ཆེ་ཤོས་ཤིག་ཡིན་པ་མ་ཟད། ངེས་པར་དུ་བསྒྲུབ་དགོས་པའི་ཨ་རིའི་གཞུང་གི་འགན་འཁྲི་ཞིག་ཀྱང་ཡིན་པ་དང་། གལ་ཆེ་ཤོས་དྲག་སྤྱོད་པའི་སྟེང་དྲག་གནོན་བྱ་སྐབས་ཕྱོགས་ཡོངས་ནས་གཟབ་ནན་བྱ་དགོས་པ་དེ་ཡིན་པར་བརྗོད་འདུག
ཉིན་དེའི་ཨ་རིའི་སྲིད་འཛིན་ཨོ་བྷ་མས་ཁྱབ་བསྒྲགས་སྤེལ་བའི་ནང་། ད་སྔ་ཨ་རིའི་གཞུང་གི་ངོས་ནས་དྲག་སྤྱོད་པ་གང་དུ་ཡོད་པ་དེར་ཁ་གཏད་དང་། འཇིགས་སྐུལ་རིང་ལུགས་པ་ཚར་གཅོད་བྱ་རྒྱུར་རྒྱུ་དངོས་གང་ཐད་ནས་ནུས་པ་བཏོན་ཡོད་ལ། ཁྲིམས་མེད་ལུགས་མེད་ཀྱི་པཱ་ཀི་སི་ཐན་ནང་གི་ས་ཁུལ་མང་པོ་ཞིག་ཨོལ་ཁ་ཊ་སོགས་དྲག་སྤྱོད་ཤོག་ཁག་གིས་བཟུང་ཡོད་སྟབས།ས་ཁུལ་དེ་དག་ནང་ཨ་རི་གཞུང་གིས་དྲག་གནོན་བྱ་རྒྱུ་ཡིན་པར་གཏན་འཁེལ་གྱི་ཁྱབ་བསྒྲགས་བྱས་ཡོད།
ལོ་སྔོན་མའི་ནང་ཨ་རིའི་དྲག་ཆས་དམག་པཱ་ཀི་སི་ཐན་ནང་གསང་པའི་སྒོ་ནས་འཛུལ་ཏེ་བྷེན་ལཱ་ཊན་དམར་གསོད་བཏང་པ་སོགས་ཐེངས་མང་པོར་པཱ་ཀི་སི་ཐན་གྱི་རྒྱལ་ཁོངས་སུ་འཛུལ་སྟབས། ༢༠༡༡ ལོའི་ལོ་མཇུག་ཏུ་པཱ་ཀི་སི་ཐན་གཞུང་གིས་ཨ་རི་སོགས་ལ་པཱ་ཀི་སི་ཐན་གྱི་ཆོག་མཆན་མེད་པར་རྒྱལ་ཁོངས་སུ་འཛུལ་ཚེ། པཱ་ཀི་སི་ཐན་དམག་གིས་ཐད་གར་དྲག་རྒོལ་བྱ་ཆོག་པའི་བཀའ་འཁྲོལ་གནང་ཡོད་པ་རེད།
གསར་འགོད་པ། བནྡེ་སྐྱབས།
སྟོབས་ཤུགས་གང་ཡང་མེད་པའི་པྰ་ཀི་སེ་ཐེན་དེར་མཚོན་ན་རང་ཉིད་ཀྱི་དཔང་དུ་ཨ་རིར་སྤྱི་ཚོགས་ཀྱི་བདེ་འཇགས་ལ་གནོད་པའི་དྲག་སྤྱོད་རིང་ལུགས་པའི་རྟེན་གཞི་གསར་འཛུགས་བྱེད་དུ་བཅུག་པ་དེར་རྒྱུ་མཚན་ངེས་ཅན་ཡོད།
སྐུ་ཞབས་ནག་པོ་འདི་བརྒྱབ་ལ་ཆེས་སྟོབས་ཤུགས་ཆེ་བའི་ཨ་རིའི་དམག་དཔུང་དང་། གོ་མཚོན། རྒྱུ་ཤུགས། མི་ཤུགས། ནུས་ཤུགས་སོགས་ཕྱོགས་ཡོངས་ནས་སུ་ཀྱང་འགྲན་འཐབ་མེད་པ་ཞིག་ཡོད།
སྐུ་ཞབས་བློ་རིག་གྲུང་བའི་བུ་ཕྲུག་གཅིག་ཡིན་སྟབས། པྰ་ཀེ་སི་ཐེན་ལ་དེ་འདྲའི་དཔའ་དང་བློ་ཁོག་གཅིག་གང་ནས་རྙེད་པ་ཡིན་ནམ། ཞེས་ཚིག་འདི་དྲི་རྟགས་ཆེན་པོ་ཞིག་རེད།
དེའི་བརྒྱབ་ལྗོངས་སུ་ཨ་རིར་ཐད་ཀར་འགྲན་རྩོད་བྱེད་ཀྱིན་པའི་རྒྱ་ནག་འདི་མི་མངོན་པའི་བརྒྱབ་ནས་ངན་ཇུས་ཆ་ཚང་བྱས་དང་བྱེད་བཞིན་པ་དེ་རེད། ད་ལྟ་ཨ་རིིའ་དམག་གི་གཙོ་ཤུགས་ཀྱི་ཁ་ཕྱོགས་ལྷོ་ཤར་ཨེ་ཤ་ཡའི་ནང་དུ་ཁ་བསྒྱུར་བྱས་པ་དེས་རྒྱ་ནག་འདིར་ཐད་ཀར་ཉེན་ཁའི་གནས་སྟངས་གཅིག་མིག་ཟུར་གཅིག་བལྟས་པ་རེད།
ཨ་རྒྱ་གཉིས་ཀྱི་འགྲན་རྩོད་ལས་ང་ཚོས་ལྟད་མོ་གཅིག་མཐོང་ངེས་ཡིན།
སྲིད་ཨོ་བྷ་མ་ནས་འཇིགས་སྐུལ་པ་ལ་རྡུང་ལེན་དགོས་ཚུལ་འདི་ནི་འཛམ་གླིང་སྤྱིའི་བདེ་འཇགས་དང་། ལྷག་པར་ཨ་རི་རང་གི་ཉེན་སྲུང་ཞིག་རེད།
རྒྱ་ནག་སྲིད་གཞུང་འདི་ཉིད་ནི་འཇིགས་བསྐུལ་བ་ཞིག་ཡིན་པ་སུས་ཀྱང་ཁས་ལེན་གྱིན་མེད་ལ། དེར་མ་ཟད་ལོ་རྗེས་མར་ཨ་རིའི་སྲིད་འཛིན་གྲོས་ཚོགས་གོང་མར་ཐོབ་ན། རྒྱ་ནག་དང་མཉམ་དུ་ཚོང་འབྲེལ་སྔར་ལས་ཅེ་ཆེར་གཏོངས་འཆར་ཡོད། ཕར་ཆེར་ཡག་པོ་རེད། འཛམ་གླིང་ལ་བདེ་འཇགས་འོང་ན་བོད་ལའང་ཡར་རྒྱས་འགྲོ་སྲིད་པ་རེད།
གང་ལྟར་བོད་རྒྱའི་དཀའ་ངལ་དེ་བོད་རང་གི་སེལ་ཐབས་དགོས་པ་རེད།
བོད་སྐུ་དྲག་རང་ལུགས་ཀྱིས་འཀའ་ངལ་འདི་ད་ལྟ་ང་ཚོར་བཞག་པ་རེད། བོད་རེ་བས་འཕོངས། ། རྒྱ་དོག་པས་འཕོངས། །
རྒྱ་ནག་གཞུང་གིས་བྷུའུ་ཤིའི་སྐབས་ཀྱི་བུ་ལོན་རྣམས་ཁྱེད་ཀྱི་གཞུང་ཆབ་སྲིད་ཀྱི་ཚོང་རྒྱབ་ཆོག་པའི་འདོད་པ་བསྟན་འདུག་པ་དེ། འཇིགས་སྐུལ་མིན་ན་ཅི་ཞིག་ཡིན་ནམ། རྒྱ་ནག་གི་ཞི་དྲག་གི་འཇིགས་སྐུལ་ལ་ག་རེ་གནང་རྩིས་ཡོད་དམ།
སྐུ་ཞབས་ནག་རིལ་ཨའོ་བྷ་མ་ལགས། རྒྱ་ནག་གཞུང་འདི་བ་མངོན་པར་མི་གསལ་བའི་དྲག་སྤྱོད་པ་ཡིན་ཁྱེད་ནས་མཁྱེན་གསལ་ལྟར་ལགས་པས། དེ་ག་རེ་བྱ་རྩིས་ཡོད་དམ།