འདི་ལོའི་ཕྱི་ཟླ་ ༡ ཚེས་ ༢༣ ཉིན་ནས་བོད་ཨ་མདོའི་ཕྱོགས་ཀྱི་ལོ་གསར་ཡིན་ཡང་། བོད་ནང་རང་ལུས་མེར་བསྲེགས་རིམ་བསྟུད་དུ་བྱུང་བས་བོད་ནང་གི་བོད་མི་ཚོས་ད་ལོའི་ལོ་གསར་གཏོང་གི་མེད་པ་ལྟར། མདོ་སྨད་རེབ་གོང་དུའང་ལོ་གསར་རྒྱུའི་ཚབ་ཏུ་མ་ཎི་གསོག་འདོན་དང་བསྔོ་སྨོན་སྐྱབས་འཇུག་གནང་བཞིན་ཡོད་འདུག
གནས་ཚུལ་བཏང་འབྱོར་ལ། རྒྱུན་སྲོལ་ལྟར་ན་ལོ་གསར་ཚེས་ ༡ ། ༣། ༥། ༩ བཅས་སུ་གཉེན་སྟོན་དང་ཁང་སྟོན། གྱ་སྟོན། མནོལ་སྟོན་སོགས་ཀྱི་བྱེད་སྒོ་གལ་ཆེན་རིགས་སྤེལ་སྲོལ་ཡོད་ནའང་། ད་ལོར་རེབ་གོང་གི་སྡེ་བ་ཡོངས་ཀྱིས་བྱེད་སྒོ་དེ་རིགས་རྟེན་འབྲེལ་ཙམ་རྒྱས་སྤྲོས་གང་ཡང་མེད་པ་བྱས་ཏེ། དེའི་འགྲོ་གྲོན་རྣམས་མཆོད་མེ་དང་བསྔོ་སྨོན་ཞལ་འདེབས་སུ་འབུལ་གྱིན་ཡོད་འདུག
ལོ་སར་ཚེས་གཅིག་ཉིན་ནས་བཟུང་སྡེ་བའི་གཞུང་དང་མི་ཚང་རེ་རེ་བཅས་མ་ཎི་གསོད་འདོན་གནང་ཡོད་པ་དང་། ལོ་གསར་མཇུག་བསྡུ་བའི་ཉིན་ཏེ་ཚེས་ ༩ ཉིན་སྡེ་མི་ཚང་མ་མཉམ་འཛོམས་ཀྱིས་མཆོད་མེ་འཇོག་པ་དང་མ་ཎི་གསོག་འདོན་གནང་བ་སོགས་བྱས་ཡོད་པ་ལས། ལོ་གསར་མཇུག་སྡོམ་མཛད་སྒོའི་འགྲོ་གྲོན་ཡོངས་རྫོགས་ཚེས་ ༡༥ ཉིན་རེབ་གོང་རོང་བོ་དགོན་ཆེན་གཙོས། རང་རང་ས་ཁུལ་གྱི་སྨོན་ལམ་ཚོགས་སྲོལ་ཡོད་པའི་དགོན་པ་ཁག་ཏུ་ཕུལ་ཏེ། ཚེས་ ༡༥ ཉིན་ཡུལ་མི་ཚང་མས་རང་ལུས་མེར་བསྲེགས་བཏང་བ་རྣམས་ཀྱི་ཆེད་དགེ་བ་རྫོགས་ཞིང་དུ་བསྔོ་རྒྱུ་ཡིན་འདུག
ང་ཚོ་བྱས་བསྡོད་པ་ཚོའི་འདི་ལྟར་བྱེད་མ་ཐུབ་ཀྱང་ལོ་གསར་སྐབས་ཁ་བཙུམ་ནས་འདུག་ཐུབ་དགོས་པ་རེད་སྙམ། གླུ་གར་དང་རྩེ་རིགས་སོགས་མདོར་ན་རྒྱས་སྤྲོས་སོགས་མ་བྱས་ན་མ་གཏོགས་སྐྱིད་སྡུག་མཉམ་མྱོང་ཟེར་བ་འགྲེལ་བཤད་ཇི་ལྟར་བྱེད།
ད་དུང་ཆོས་ཕྱོགས་གི་མཛད་སྒོ་སོགས་ལ་ཁག་བྱས་དེ་ལོ་གསར་བཏང་ན་དེ་བས་མི་རུང་། སྐྱིད་ཀྱི་གླུ་དབྱངས་མཉམ་ལེན་དང་སྡུག་གི་ཁུར་བོ་མཉམ་ཁུར་བྱེད་ན་སྡུག་དུས་དྲན་དགོས་པ་མ་ཡིན་ནམ།
ངོ་མ་བཟང་གི རྗེས་སུ་ཡི་རང་ཡོད། བཙན་བྱོལ་བོད་མིའི་སྒྲིག་འཛུགས་དང་མི་མང་ཚོས་ཀྱང་འདི་ལྟར་བྱེད་འོས།
ལྷ་རྒྱལ་ལོ། རེབ་ཁོང་ནི་ངོ་མ་རེ་བ་ཡོད་ས་ཞིག་རེད།
རྗེས་སུ་ཡི་རངས་ཡོད། རྣམ་དཔྱོད་ཅན་གྱི་ལས་ཀ་རེད། ཚེ་སྲོག་འགྲོ་མ་དགོས་པའི་ཐོག་ནས་ལས་འགུལ་མི་མཐུན་སྤེལ་ཅིག རྩ་ཁྲིམས་དང་བཅའ་ཁྲིམས་ནང་འཁོད་པའི་ཐོབ་ཐང་རྣམས་རྩོད་ཅིག ཡུལ་རེབ་གོང་པ་ལགས། རིག་པ་འབྱུང་བའི་གྲོང་ཁྱེར་ལགས།