དུས་དབང་གི་འགྲོ་སོང་ཕུད་ལྷག་དངུལ་ཧིན་སྒོར་འབུམ་ ༧༡༥ ཙམ་རེད།

བོད་ཀྱི་གཞོན་ནུ་ལྷན་ཚོགས་ཀྱིས་དངས་བླངས་ཐོག་་་ཟེར་ན་ཅུང་འགྲིག་ཡོད་མིན་མི་ཤེས། ཉེ་ཆར་གསལ་བསྒྲགས་གཅིག་གིས་དུས་དབང་གོ་སྒྲིག་ཚོགས་ཆུང་ནས་སྡེ་སྲུང་བཀའ་བློན་བརྒྱུད་ནས་བོད་ཀྱི་གཞོན་ནུ་ཚོགས་པ་ལ་རོགས་པ་ཞུས་ཚུལ་མཐོང་སོང་།

དངུལ་རྩིས་ཡག་པོ་གནང་འདུག

ཆོས་ཁས་ལེན་མཁན་ཞིག་ཡིན་ན་དགེ་འདུན་ལ་བསྐུར་བ་མ་འདེབས། ད་ལེན་དུས་དབང་སྐབས་དངུལ་བྱུང་བ་རྣམས་དགེ་འདུན་ལ་དད་དམ་གཙང་མ་ཡོད་མཁན་རྣམས་ཀྱི་འབུལ་བ་ཞིག་རེད། དེ་མིན་ཁ་གཏོང་མཁན་རྣམས་ནས་དངུལ་ཇི་ཙམ་ཞལ་འདེབས་འབུལ་ཡོད་དམ། དངུལ་གྱི་ཐོག་ལ་འདོགས་པ་ཡོད་ན་ད་ལྟ་རྩིས་ཁྲར་ཚང་མ་དགའ་ལྡན་ཕོ་བྲང་ཡིག་ཚང་ལ་ཡོད་པ་དེ་ལ་གཟིགས་ཞིབ་གནང་ན་འཐུས་དེ་མིན་གཏོང་བཤད་ཙམ་གྱི་མི་འཕན། བོད་ཀྱི་གཞོན་ནུ་ལྷན་ཚོགས་ནས་དྭང་བླངས་ཐོག་སྤྱི་ཚོགས་ཞལ་འདེབས་ཞུས་ཀྱི་ཡིན་ཟེར་ནས་དུས་དབང་མ་ཚོགས་གོང་གསར་འགོད་གསལ་བསྒྲགས་བྱས་ཐ་མ་དེ་ལ་འབུམ་བདུན་དང་ཕྱེད་ཀ་འགྲོ་སོང་ཕྱིན་སོང་ཟེར་ནས་དུས་དབང་ཡིག་ཚང་ལ་ནས་དངུལ་ཞུས་ཡོད་པ་ཚང་མས་མཁན་དགོས། བོད་མི་སྤྱི་ལ་སེམས་ཤུགས་ཡོད་མཁན་ཞིག་ཡིན་ན་དངུལ་ལྷག་འབུལ་ས་དེ་ནོར་མེད་པ་འདྲ་ཞིག་རེད། དེ་མིན་བཙན་བྱོལ་གཞུང་ལ་ཁ་གཏོང་མཁན་ཞིག་ཡིན་ན་སྒྲིགས་པ་ནམ་ཡང་ཡོང་ཡ་ཡོད་མ་རེད། ཚང་མས་མི་དེ་ཚོའི་རིགས་ལ་ཟབ་དགོས།

བླ་རྒན་ཚོ་ལྕགས་ཀྱི་མྱི་ཡིས་སྒུག་ནས་བསྡད་ཡོད། གལ་སྲིད་ཁྱོ་ཚོས་གསལ་བཤད་མེད་ན་ནོར་འཁྲུལ་ངོས་ལེན་བྱས་པ་དང་ཁྱད་པར་མེད། བླ་རྒན་ཚོ་ངས་མ་ཤི་བར་དུ་སྒུག་རྒྱུ་ཡིན།

ཀརྨ་རྡོ་རྗེ་ལགས། དེ་ཙམ་ཡིན་ན་ནོར་འཁུལ་རེད། གང་ཡིན་ཞེ་ན་གཞོན་ལྷན་གྱི་རང་བཙན་རྩོད་པ་ཙམ་མ་ཡིན་པ་སྤྱི་ཚོགས་ཞབས་ཞུ་འབུར་ཐོན་གང་མང་ཞུས་ཡོད། འདི་ལོའི་དུས་དབང་སྐབས་སྤྱི་ཚོགས་ཞབས་ཞུ་གནང་མཁན་ཤུགས་ཆེ་ཤོས་རེད། དེ་ལ་འགྲོ་སོང་ཧ་ཅང་ཆེན་པོ་སོང་ཡོད་ཚོད་རེད། ངས་རྩིས་ཁྲ་མཐོང་ཐོས་མ་བྱུང་། དེ་ཙམ་ལ་བསམ་བློ་གཏང་ན་དངོས་ནས་ཐོབ་ཐང་ཡོད་པ་རེད། ང་མྱི་རྐྱང་ཞིག་ཡིན་པས་རྗེས་སུ་ཡིན་རུང་བྱེད་པ་ལས་གཞན་བྱ་ཐབ་བྲལ། བར་དོ་བ་ལགས། འདི་ཆུད་ཟོས་ཟེར་གྱི་མ་རེད། འདི་ལ་དྲང་བདེན་མིན་པའི་སྤྱི་ཚོགས་ཞབས་ཞུ་ཟེར་བ་རེད།

ལྕགས་ཀྱི་མྱི་ལགས།
གཞོན་ལྷན་ལ་ཞལ་འདེབས་མ་ཐོབ་པ་ནི། རང་བཙན་ལམ་དུ་ཕྱིན་པས་མིན་ནམ། ཚོགས་ཆུང་འགན་ཡོད་པ་རྣམས་དབུ་མ་པ་ཅིག་ཡིན་ན། རང་བཙན་རྩོད་མཁན་སོགས་ལ་ཞལ་འདེབས་གནང་བ་ཡིན་ན་རྒྱ་བོད་ཞི་སྒྲིག་བྱ་རྒྱུའི་ལམ་ཁ་ཁེགས་འགྲོབ་མིན་ནམ། ང་ཡང་གཞོན་ལྷན་གྱི་ལས་འགུལ་ལ་དགའ་ཡང་ཁ་རྩེའི་རང་བཙན་དམིགས་ཡུལ་ལ་ང་ཡང་མི་དགའ་བ་ལྟར་རོ། །

བསོད་ནམས་རྒྱ་མཚོ་ལགས་ཀྱིས”ཕྲན་བུ་མ་འགྲིག་པའི་གནས་ཚུལ་ཡོད་སྲིད་པ་རེད། དེ་འཇིག་རྟེན་ཆོས་ཉིད་རེད་”ཅེས་གསུང་གི་འདུག་པ་བློ་རྒྱ་ཅན་གྱི་གཏམ་བཤད་ཡིན་ངེས་རེད། འོན་ཀྱང་སྐུ་ཉིད་དུས་དབང་ལ་དངོས་སུ་ཕེབས་ཡོད་ཚེ། སྐུ་སྲུང་བུད་མེད་དག་གིས་མི་སྐྱ་དང་གྲྭ་པ་དག་ལ་ལག་པ་རེག་ཙམ་རེག་ཙམ་ལས་མི་བྱེད་པའམ་ཡང་ན་བྱེད་མཁན་མེད་པ་དང་། གསུང་ཆོས་རྭ་བའི་ནང་ཁ་པར་དང་པར་ཆས་མང་པོ་ཁྱེར་ཡོད་པ་མཐོང་ཡོད་ངེས་རེད། འདི་དག་ཀྱང་ཕྲན་བུ་མ་འགྲིག་པ་ཞིག་ལ་བརྩི་གི་ཡིན་ནམ། ད་དུང་གཉེན་ཁ་ཆེ་བ་ནི་ཐང་གཅིག་ཞིབ་བཤེར་བྱེད་མཁན་མི་འདུག་པ་ཤེས་ཡོད་ཚེ་དེ་ཡང་ཕྲན་བུ་མ་འགྲིག་པ་ཞིག་ལ་འཇོག་གི་ཡིན་ནམ། ད་དུང་མང་པོ་མང་པོ་རེད་གླེང་མི་ཚར་བ་ཞིག

དུས་དབང་གོ་སྒྲིག་ཚོགས་ཆུང་ལ་ཐུགས་རྗེ་ཆེ་ཞུ་རྒྱུ་ཡིན།
གང་ཡིན་ན་མིན་ན། དུས་དབང་གོ་སྒྲིག་ཚོགས་ཆུང་གི་དྲིན་ལ་བརྟེན། ས་སྟེང་རྒྱ་བསྟན་ཡོངས་ཀྱི་མངའ་བདག འཛམ་གླིང་ཞི་བདེའི་དེད་དཔོན་ཆེན་པོ་༧གོང་ས་སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་རྗེ་བཙུན་ངག་དབང་བློ་བཟང་ཡེ་ཤེས་བསྟན་འཛིན་རྒྱ་མཚོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེ་དཔལ་བཟང་པོ་ཞལ་སྔ་ནས་དཔལ་དུས་ཀྱི་འཁོར་ལོའི་བཀའ་དབང་ཟབ་མོ་ཞུ་མཁན་སློབ་མ་འབུམ་ཕྲག་བརྒལ་བ་བྱུང་འདུག མ་ཚད་ཁྱེད་རྣམས་པས་རང་ནུས་ལ་དཔག་པའི་ཧུར་ཐག་གནང་ཡོད་པར་ཡིད་ཆེས་ཡོད། ང་ཚོ་དྲ་འབུ་དག་གིས་ཁྱེད་རྣམ་ལ་རྗེས་སུ་ཡི་རང་ཞུ་རྒྱུ་ལས་སྐྱོན་འདོགས་བྱེད་འོས་པ་རྩ་བ་ནས་མིན། ཕྲན་བུ་མ་འགྲིག་པའི་གནས་ཚུལ་ཡོད་སྲིད་པ་རེད། དེ་འཇིག་རྟེན་ཆོས་ཉིད་རེད་ལ། སུ་ཡིན་རུང་སྐྱོན་མེད་གཅིག་ཁག་པོ་རེད། ད་དུང་མི་ཧ་ཅང་མང་པོ་དང་ཆར་ཡང་ཤུགས་ཆེར་བབབ་པར་བརྟེན་ཁྱེད་རྣམས་ལ་ཧ་ཀྱང་ཁག་པོ་བྱུང་ཡོད་རེད། ཡིན་ཡང་ཁྱེད་རྣམས་པས་ཚོགས་རླབས་པོ་ཆེ་བསགས་སོང་།  སླད་དུ་ཡང་ད་ལོ་བཞིན་༧ གོང་ས་མཆོག་ནས་དུས་དབང་གནང་བར་སྐལ་བཟང་ཐོབ་སོང་ན། ཁྱེད་རྣམ་པས་དུས་དབང་སྐབས་སུ་གོ་འགྲིག་དང་ཡང་ན་མཐུན་རྐྱེན་སྦྱོར་རོགས་ཞུའོ། ཐུགས་རྗེ་ཆེའོ། དུས་དབང་གོ་སྒྲིག་ཚོགས་ཆུང་ལགས།།

དུས་དབང་གོ་སྒྲིག་ཚོགས་ཆུང་ལ་ཞུ་རྒྱུ།  ཁྱེད་རྣམ་པའི་གཏོང་ཕོད་དེ་ངོ་མ་ཧ་སེང་པ་ཞིག་རེད།  འོན་ཀྱང་བོད་མིའི་རྩ་དོན་ཆེད་དུས་རྟག་ཏུ་ཕྱག་ལས་གནང་མཁན་ཆབ་སྲིད་བཙོན་པ་རྣམས་ཀྱི་ཆེད་མ་དངུལ་ག་ཚོད་ཞིག་བཏང་ཡོད།   མ་ཟད་བོད་མིའི་བསྟན་སྲིད་ཆེད་དུ་ཕྱག་ལས་གནང་མཁན་དང་ད་སྐབས་བཙོན་འོག་ཏུ་ཡོད་པ་རྣམས་སྐྱོབ་ཐུབ་ཆེད་དངུལ་ག་ཚོད་ཞིག་བཏང་ཡོད་ངོ་མ་ཐབ་སྐྱོ་རེད།   

འདི་ནས་སྐད་ཆ་དྲི་རྒྱུ་འགའ་ཤས་ཡོད། དུས་དབང་གོ་སྒྲིག་ཚུགས་ཆུང་གིས་བཙོས་པའི་འབྲེལ་ཡོད་རྣམས་པ་སོགས་ཀྱིས་ལན་གནང་རོག་ཞུ།

མོན་པའི་གྲ་པ་དེས་༧གོང་ས་མཆོག་གི་སྐུའི་ཕྱ་ཁོ་ཚོས་བྱས་རྗེས་བཞག་རབས་དེ་ཁོ་རང་གཅིག་པུའི་སྐད་ཆ་རེད་པས། ཚོགས་ཆུང་གི་སྐད་ཆ་རེད། འདི་ནི་བདེ་སྲུང་ལས་ཁུངས་ལ་མཐོང་ཆུང་བྱས་པ་རང་ཡིན། སྤྱིར་བཏང་སྐུ་ཕྱ་སྐོར་ནས་བཤད་ན། ལམ་འགྲོ་རྒྱུགས་ནས་སྐྱོན་ཆག་མ་བྱུང་བ་རེད་མ་གཏོགས། ཁ་པར་མང་པོ་ཞིག་ནང་ལོག་ཁྱེར་ཡོད་པ་རེད། འདུག་གདན་དང་རུམ་ཁུགས་སོགས་སུ་གཏན་ནས་སྔོག་གིན་མི་འདུག

རེས་མེད་སྨོན་ཟེར་བ་འདི་སུས་བཙུགས་པ་རེད་དམ། དེའི་ཚོགས་ཆུང་སུ་དང་སུ་ཞིག་རེད། ཚོགས་པ་དེ་སུ་དང་སུས་དུས་ཚོད་ག་དུས་ལ་བཙུགས་པ་རེད་དམ། རེས་མེད་སྨོན་ལམ་ལ་བྱུང་བའི་ཚུང་བྱུང་རྣམས་ག་བ་ཡོད་རེད་དམ། འདི་འདྲ་ཞིག་བཙུགས་པ་ལ་བོད་ཀྱི་ཆོས་རྒྱུད་ལྔས་ཆོག་མཆན་སྤྲད་ཡོད་དམ། གཏན་ནས་སྤྲོད་ཡོད་མ་རེད། འོ་ན། ག་རེ་བྱས་ནས་འདི་འདྲ་ཚོགས་ཆོག་གི་ཡོད་རེད། འདི་ནི་བཙན་དབང་གིས་མིང་ཐོབ་བེད་སྤྱད་བྱས་དེ་མིང་གྲགས་བཟོས་པ་དང་། དཔལ་འབྱོར་མཁོར་སྒྲུབ་བྱས་པ་རང་རེད།

ད་ལྟའི་འབུམ་རྒྱ་རེ་བྱས་པ་མང་པོ་ཞིག་གཞུང་གི་ལས་ཁུངས་རྣམས་ལ་ཕུལ་འདུག དེ་ཚོས་གནད་ཐོག་ཏུ་སྨོན་པ་ཞིག་གཏོང་རྒྱུའི་ཁག་ཐེག་སུས་བྱས་ཡོད། གཞུང་གིས་ནམ་རྒྱུན་གཏོང་བཞིན་པའི་ཚབ་ལྟ་བུ་བྱས་ནས་དེ་ཚོ་གཏོང་ན་ནི་གཏོང་དགོས་ས་དེར་ཕན་ཐོག་ཏག་ཏག་བྱུང་མེད་པ་རེད།

དངུལ་འདི་ཚོ་བེད་སྤྱོད་གཏོང་མཁན་ཚོགས་ཆུང་ཞིག་བཙུགས་ནས། དེང་སང་བཙན་བྱོལ་ནང་གི་ལས་མེད་མང་པོ་འདི་རྣམས་དང་། གཞིས་ཆགས་ཁག་གི་གཙོས་གསར་འབྱོར་ཉམས་ཐག་འདི་ཚོ་ལ་ཁ་ཡོད་ལག་ཡོད་ཀྱི་རོགས་སྐྱོར་བྱས་ན་གང་འདྲ་འདུག་པས།

ད་ལྟའི་སློབ་ཡོན་གྱིས་མ་དངས་ནས་ལས་ཀ་ཕྲན་ཚེགས་གཉེར་ནས་འདུག་ཡོད་པའི་གཞོན་སྐྱེས་མང་པོ་འདི་ཚོ་ལ་སློབ་ཡོན་གྱི་རོགས་རམ་བྱས་ནས་བོད་ཀྱི་ཤེས་ཡོན་པ་གསོ་སྐྱོང་བྱས་ན་གང་འདྲ་འདུག་པས། ནམ་རྒྱུན་བོད་པས་གཞན་དག་གི་སྟེང་ནས་རོགས་སྐྱོར་ཚུར་མ་རག་པ་ངུ་དགོད་བྱེད་ཀྱི་ཡོད་ཀྱང་། རང་གི་ལག་པར་དངུལ་འབྱོར་དུས་གཏོང་ས་མ་རག་པའི་ཟོལ་འདྲ་བྱས་ནས་ཡར་མར་གཏོང་བཞག་ན་ལེན་པོ་གཏན་ནས་མི་འདུག

ད་དུང་བོད་ནང་ལ་དཀའ་ངལ་མང་པོ་འཕྲད་ཀྱིན་ཡོད་རེད། དེ་ཚོའི་ཆེད་དུ་དཀའ་ངལ་སེལ་ཐབས་ཀྱི་ཐབས་ལམ་འཐེན་ནས་རོགས་རམ་འབྱོར་ཐབས་དང་། གནས་ཚུལ་རྣམས་ཡར་རག་པའི་ཆེད་དུ་འགྲོ་སོང་གཏོང་པ་སོགས་བྱས་ན་གང་འདྲ་འདུག་པས

༸ གོང་ས་མཆོག་གིས་རྩིས་ཁྲ་ཁ་གསལ་དང་ད་དུང་དབྱིག་ཡིག་ནང་དུ་ཁ་གསལ་བཀོད་དེ་དངུལ་ལྷག་མ་རྣམས་ཁག་སོ་སོར་ཞལ་འདེབས་སུ་ཕུལ་ཏེ་གཙང་མ་ཟོས་ཞེས་བཀའ་ཕེབས་པ་དེ་ཧ་ཅང་གི་གནད་འགག་གཅིག་རེད།

ཨ་མཆོད་ཀྱི་བཤད་པ་ལྟར་བྱུང་བ་དང་སོང་བའི་དངུལ་གྱི་གྲངས་ཀའི་ཐད་བྱུང་བའི་དངུལ་གྱི་རྗེས་སུ་༣༣༢༤༩ དང་སོང་བའི་དངུལ་གྱི་རྗེས་སུ་ཡང་གཅིག་མཚུངས་སུ་ ༣༣༢༤༩ བཅས་བཀོད་འདུག

བྱུང་བ་དངུལ་གྲངས་ ༣༢༩༣༣༣༢༤༩ དང་སི་བ་དངུལ་ ༢༤༥༨༣༣༢༤༩ བཅས་ལས་དངུལ་ལྷག་༧༡༥༠༠༠༠༠ བཅས་བཀོད་འདུག སྤྱིར་བཏང་རྩིས་པ་ཚད་ལྡན་ཞིག་གིས་འགྲོ་གྲོན་དང་སོང་དངུལ་གྱི་སྐོར་རྩིས་ཁྲ་ཁ་གསལ་སྤུས་དག་ཚད་ལྡན་ནམ་ཡིད་རྟོན་ཕེར་བའི་རྩིས་ཁྲ་ཞིག་བཟོས་ན་དངུལ་གྱི་ལྷག་མའི་གྲངས་ཀྱི་སྐབས་སུ་ ༧༡༥༠༠༠༠༠ ལྟ་བུ་དངུལ་ལྷག་བྱེ་བ་བདུན་དང་། ས་ཡ་གཅིག འབུམ་ལྔ་ཞེས་བཀོད་དུས་རྩིས་ཀྱི་ལས་ཀར་དཽ་སྣང་དང་རྩིས་ཀྱི་གནད་འགག་ཤེས་མཁན་གྱི་མི་གཅིག་གི་ངོས་ནས་བཤད་ན་ལྷག་མ་ཧིར་སྒོར་འབུམ་ལྔ་ཏག་ཏག་གཅིག་བཀོད་ཡོད་པ་མཐོང་དུས་རྩིས་ཁྲ་དེར་སྐྱོན་གནད་གཅིག་ཡོད་པ་རང་བཞིན་གྱིས་ལྟ་དུས་ནས་ཤེས་རྟོགས་ཐུབ་ཀྱིན་རེད།

ངས་འདིར་ཁོང་རྣམ་པས་དངུལ་ལྐོག་ཟ་བྱས་པའི་དོག་པ་བྱེད་ཀྱིན་མེད། ཡིན་ནའང་རྩིས་ཁྲ་བཟོ་དུས་གྲྭ་པ་དང་། བླ་མ། མཁན་པོ། སྤྲུལ་སྐུ་བཅས་ཀྱིས་དངུལ་རྩིས་ཚད་ལྡན་ཞིག་བཟོ་སྟངས་ཀྱི་ཤེས་ཡོན་དང་ཉམས་མྱོང་བཅས་མེད་སྟབས་རང་བཞིན་སྐྱོན་ཆ་ཞིག་ལྷག་གིན་ཡོད་པ་རེད།

དཔེར་ན་སྤྱིར་བཏང་གི་ཤེས་ཡོན་ཁྱོན་ནས་མེད་པའི་མི་གཅིག་ལ་དྲི་བ་ཞིག་བཏང་ནས་ཁྱེད་ཀྱི་བྱས་ན་དུས་འཁོར་ཆེན་སྐབས་སུ་སྦྱིན་བདག་དང་མི་དམངས་མི་གྲངས་འབུམ་གཉིས་ཙམ་ཞིག་གིས་ཞལ་འདེབས་ཕུལ་བ་དང་འགྲོ་སོང་གི་ལྷག་མ་དེར་འབུམ་ལྔ་ཏག་ཏག་ལྷག་སྲིད་པ་རེད་དམ་ཞེས་དྲིས་ན་ཕལ་ཆེར་ཁོས་ཚོད་དཔག་ཁོ་རང་བྱས་ནའང་མཇུག་གི་འབུམ་ལྔ་ཏག་ཏག་གཅིག་གྲངས་འདི་འདྲ་ཞིག་ཡོང་མི་སྲིད་པ་རེད་སྙམ་ཞིག་རྩིས་ཀྱི་ཤེས་ཡོན་མེད་ཀྱང་རང་བཞིན་གྱིས་བློ་ལ་ཤར་ཐུབ་པའི་གནས་སྟངས་གཅིག་རེད།

དེ་ནས་གསར་འགོད་པ་ཚོས་སྦྱིན་བདག་གཅིག་རང་གི་མིང་སྦོས་ནས་མ་བསྡད་པར་ཁྱོན་སྦྱིན་ག་ཚོད་ཡོད་པ། སུ་སུ་ཡིན་པ། ག་གནས་ཡིན་པ། དངུལ་ག་ཚོད་ཙམ་སྦྱིན་བདག་གནང་བའི་ཁ་གྲངས་བཅས་གསལ་པོར་བཀོད་དགོས། སྦྱིན་འདི་ཚོ་སྤྱི་ཚོགས་འཁྲོད་དཔལ་འབྱོར་གྱི་ཤུགས་རྐྱེན་ཆེན་པོ་ཤ་སྟག་ཡིན་ལ་ལྷག་སྦྱིན་བདག་ཚོར་མཚོན་གཅིག་ནས་བསོད་ནམས་བསགས་པ་དང་། གཉིས་ནས་རང་ཉིད་ཀྱི་ཁྱིམ་བརྒྱུད་སོགས་སྙན་གྲགས་མི་ཉམས་པ་དང་། གསུམ་ནས་དཔལ་འབྱོར་བདེ་སྤྱོད་ཚུལ་བཞིན་གཏོང་བའི་གནས་སྟངས་དེ་སྤྱི་ཚོགས་སྟེང་མི་དམངས་རྣམས་ཀྱི་ཤེས་རྟོགས་ཐུབ་དགོས་པ་དེ་གནད་འགག་གཅིག་ཆགས་ཀྱི་ཡོད་པ་རེད།

གསར་འགོད་པ་འདི་ཚོར་ཀླད་པ་སྨིན་པའི་ཤེས་ཚད་མེད་ཙང་ལས་དོན་གྱི་གནད་འགག་དེ་ཤེས་ཀྱིན་མི་འདུག

གསུམ་པ་དེ་རྩིས་ལྷག་གི་མ་དངུལ་རྣམས་འབུམ་ ༡༠༠ རེ་ཏག་ཏག་གཅིག་བཟོས་ནས་ཁ་ཤས་གཅིག་ལ་རྡོག་རྡོག་ཏུ་བསྒྲིལ་ནས་སྤྲོད་སྟངས་དེ་ཕལ་ཆེར་ངས་བལྟས་ན་འོས་མཚམས་ཞིག་མཐོང་མ་སོང་། གང་ཡིན་ཟེར་ན་དཔེར་ན་བོད་ཀྱི་གཞོན་ནུ་ལྷན་ཚོགས་འདིས་སྔ་ཕྱིར་སྤྱི་ཚོགས་སྟེང་དུ་ཞབས་འདེགས་རབ་དང་རིམ་ཞུས་པ་རེད་ལག་ད་རེས་ཡང་ཧ་ཅང་གིས་ལས་དོན་ཚགས་ཚུད་དང་སྤྱི་ཚོགས་ཀྱི་ཞབས་ཞུ་གང་མིན་ཚད་གཅིག་བསྒྲུབས་སོང་། ད་བཞིན་བུད་མེད་ལྷན་ཚོགས། ད་དུང་བོད་མིའི་སྤྱི་ཚོགས་ཁྲོད་ཆབ་སྲིད་ཀྱི་ལས་འགུལ་སྤེལ་མཁན་རིགས་དགུ་བཅུ་གསུམ། འགྲོ་བ་མིའི་ཐོབ་ཐང་། མང་གཙོ་ཚོགས་པ་ལ་སོགས་ཁྱོན་ཡོངས་ལ་འབུམ་༥༠ ཙམ་རེ་བྱས་ཏེ་ཕུལ་གོ་འགཻམས་ཐུབ་ན་གནད་དུ་སྨིན་པ་ཞིག་ཡོངས་ཀྱི་རེད།

ཆོས་ཕྱོགས་དང་། གྲྭ་བཙུན། བླ་སྤྲུལ། དགོན་སྡེ་སོགས་རྐྱང་རྐྱང་ཐོག་འགྲོ་གྲོན་གཏོང་རྒྱུ་མང་དྲགས་ན་ཉིན་གཅིག་བོད་རྐུབ་ལུག་པའི་ཉི་མ་དེ་ཤར་གྱི་རེད། དེ་སྔ་ཡིན་ནའང་ཆོས་ཕྱོགས་ཁོ་ན་ཆེད་དུ་དངུལ་བཏང་། ཉིན་མ་བསྐྱལ། དུས་ཚོད་བཏང་བ་རེད། མཐུག་ཏུ་ག་རེ་བྱུང་སོང་ལྟོས་དང་། ད་ལྟའི་གནས་སྟངས་ཐབས་སྡུག་འདི་འདྲའི་སྒང་ལ་སླེབས་པ་རེད།

ངས་ལོ་མང་རིང་བསམ་གཞིགས་གང་མང་བྱས་པ་བརྒྱུད་ཤེས་རྟགས་དང་མྱོང་ཚོར་ཐོག་ནས་བྱས་ན་བཙན་བཅོལ་ཁྲོད་དི་བོད་མིའི་གནས་སྟངས་ཀྱི་ངོས་ནས་བཤད་ན་གཞིས་ཆགས་ཁག་ཏུ་ཡོད་པའི་མི་དམངས་རྣམས་དཔལ་འབྱོར་གྱི་གནས་སྐྱོ་པོ་རེད། གདན་ས་ཁག་དང་། དགོན་སྡེ་ཁག་གི་ཁང་པ་རྣམས་ལྷ་ཡུལ་གྱི་ཕོ་བྲང་ས་ལ་ཕོས་པ་ལྟར་རེད། འཚོར་གནས་དང་མཐུན་རྐྱེན་དེ་ཚོར་བསམས་ན་དཔེ་མི་སྲིད་པའི་ཡག་པོ་རེད།

མི་དམངས་ཀྱི་འཁྲོད་དུ་ད་དུང་ཡང་ས་ཆ་འགའ་ཤས་ཤིག་ལ་ཉིན་རེའི་ཟ་མ་ཡང་བཟའ་རྒྱུའི་དཀའ་ངལ་ཡོད་པ་འགའ་ཤས་ཤིག་ན་ནིང་སྤྱི་འཐུས་ཚོས་ཕྱོགས་བསྐྱོད་བྱས་པའིསྐབས་སུ་དངོས་སུ་མཐོང་ཐོས་བྱུང་ཡོད་པ་རེད།

དེ་འདྲ་སོང་ཙང་ད་མི་དམངས་དང་། ཆབ་སྲིད་ཀྱི་ཆེད་དུ་ལས་འགུལ་དང་། དཔལ་འབྱོར། མཐུན་རྐྱེན་སོགས་བསྐྲུན་དགོས་རྒྱུ་དེ་གལ་ཆེ་ཤོས་ཤིག་ཆགས་ཀྱིན་ཡོད་པ་རེད།

བསམ་བློ་ཡག་པོ་བཏང་ནས་ལས་ཀ་མ་བྱེད་མ་ཐུབ་ན་རང་སྲིད་དགྲ་ལ་ལོག་ནས་རང་ཉིད་ཀྱི་མི་དམངས་དང་ཆབ་སྲིད་རང་ཉིད་ཀྱིས་ཉམས་དམས་སུ་བཏང་དང་གཏོང་བཞིན་འདུག

ས་ཡ་དང་བྱེ་བ། དུང་ཕྱུར་སོགས་བོད་ཀྱི་ཐ་སྙད་ཁུངས་ཡོད་རེད། འབུམ་བརྒྱ་དང་ཁྲི་བཅུ་གཅིག་སོགས་ལ་ཞིབ་ཏུ་བསམས་ན་མི་དགའ་འམ།

ད་རུང་བོད་ནས་ཕེབས་པའི་བླ་སྤྲུལ་ཚང་མ་མི་སྐྱ་དང་ཐོབ་ཐང་གཅིག་མཚུངས་བཟོས། བཙན་བྱོལ་ནང་ན་་་མཁན་བླ་དགེ་བཤེས་་་ཟེར་ལག་ཁྱེར་དམིགས་བསལ་ཅིག་སྤྲད་དེ་གསར་འབྱོར་ལ་མཐོང་ཆུང་བྱས་སོང་། ད་རུང་བཤད་ན་གསར་འབྱོར་ཡིན་པ་རྒྱལ་བ་རིན་པོ་ཆེས་ངོས་འཛིན་བྱས་པའི་ཡི་གེ་སྟོན་གྱི་ཡོད་མཁན་མཁན་ཚོར་དམིགས་བསལ་བྱས་འདུག དེ་ཡང་ཡག་པོ་མ་རེད་་དེ་འདྲ་བྱས་ན་ཡག་པོ་མི་འདུག

གུར་ཕུགས་ས་་་ས་ཐག་རིང་བའི་སྐྱོན་འདུག

ད་རུང་གསར་འབྱོར་འགྲོ་ས་འི་ལུས་བཤེར་བྱེད་མཁན་དེ་ཚོས་་་ཞོགས་པ་སྔ་མོ་ཆོས་ཞུ་ལ་འགྲོ་དུས་་ཁོང་ཚོས་ཞོགས་ཇ་འཐུང་ལ་འགྲོ་རྒྱུ་ཡིན་ཟེར་ནས་་ཆུ་ཚོད་་་༣༠་་ཙམ་རེ་སྒུགས་བཅུག་ནས་གསར་འབྱོར་ལ་མཐོང་བྱས། ཁོ་རང་ཚོ་རེས་མོ་བྱས་ནས་ལས་ཀ་མ་བྱས་པ་སོགས་མང་ནི་རེད་།

“དུས་དབང་སྐབས་ཕྱོགས་ཡོངས་ནས་གོ་སྒྲིག་ཚགས་ཚུད་བྱུང་ཐུབ་པ། ལྷག་པར་དུ་༧གོང་ས་མཆོག་གི་སྐུ་ཕྱྭ་དང་སྐུ་ཁམས་བདེ་ཐང་ངང་དུས་དབང་ཡོངས་སུ་ལེགས་གྲུབ་བྱུང་པ་བཅས་ནི་དུས་དབང་གོ་སྒྲིག་ཚོགས་ཆུང་གི་བྱས་རྗེས་ཤིག་དང་”ཞེས་བཤད་པ་ནི་འགན་འཛིན་སྤྲུལ་སྐུ་ཐུབ་བསྟན་ཡར་འཕེལ་གྱིས་ཧམ་བཤད་མགོ་སྐོར་ཙམ་ལས་ང་ཚོ་དུས་དབང་ལ་དངོས་སུ་ཡོང་མཁན་དག་གིས་འདི་འདྲ་ཞིག་ཡིན་མིན་ཤེས་ཡོད་པས་མི་མགོ་མ་གཡོག་ཅེས་གསོལ་བ་འདེབས་བཞིན་ཡོད། མ་ཟད་ང་རང་དངོས་ནས་དུས་དབང་ལ་རྒྱ་སྒོར་ཆིག་ཁྲི་ལྔ་སྟོང་ཙམ་ཞལ་འདེབས་སུ་ཕུལ་བ་ལ་ཡང་འགྱོད་ནས་ཡོད། རྒྱུ་མཚན་ནི་ཁྱེད་གོ་སྒྲིག་པས་གོ་སྒྲིག་ཚགས་ཚུད་མེད་སྟབས་རྒྱུ་དངོས་ཆུད་ཟོས་བཏང་བ་མཐོང་ཡོད་པས་ཡིན།

༧གོང་ས་སྐྱབས་མགོན་ཆེན་པོས་འདི་ལྟར་རྩིས་ཆུབ་དགོས་སྐོར་གསུངས་མེད་ན་གལ་སོང་ཙམ་ཡང་གོ་རྒྱུ་མ་རེད། ད་བར་དུས་དབང་ཐང་ག་ཚོད་འཚོག་རེད་ད་ལོ་མ་སྟོག་ཞལ་འདེབས་དངུལ་ལྷག་མ་མེད་པ་འེ་རེད། ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅོས་ཀྱི་གྲྭ་བཙུན་ཁོངས་ཚན་རིག་སློབ་གཉེར་བ་རྣམས་ཀྱི་མཐུན་རྐྱེན་ཐེབས་རྩའི་ཆེད་ངྷ་ས་བོད་ཀྱི་དཔེ་མཛོད་ཁང་བརྒྱུད་ཧིན་སྒོར་འབུམ་བརྒྱ་ ༡༠༠༠༠༠༠༠དེ་ ཆོས་རྒྱུད་ག་གེ་མོ་མ་སྟོག་གཞན་ལ་ཕན་རྒྱུ་མ་རེད་ཡ་་་་་་་་་་་ད་བར་་

ཐོག་མར་དུས་དབང་གོ་སྒྲིག་ཚོགས་ཆུང་ལ་འཚམས་འདྲི་ཙམ་ཞུ་རྒྱུ་ཡིན།
སྤྱིར་འདིའི་སྐོར་ལ་ཁོ་བོ་ཁ་གྲགས་འདོད་མ་སྐྱེས་མོད་ཁྱེད་ཅག་གིས་”དུས་དབང་སྐབས་ཕྱོགས་ཡོངས་ནས་གོ་སྒྲིག་ཚགས་ཚུད་བྱུང་ཐུབ་པ། ལྷག་པར་དུ་༧གོང་ས་མཆོག་གི་སྐུ་ཕྱྭ་དང་སྐུ་ཁམས་བདེ་ཐང་ངང་དུས་དབང་ཡོངས་སུ་ལེགས་གྲུབ་བྱུང་པ་བཅས་ནི་དུས་དབང་གོ་སྒྲིག་ཚོགས་ཆུང་གི་བྱས་རྗེས་ཤིག་དང་།”ཞེས་བྲིས་འདུག་པ་ནི་ངོ་ཚ་མེད་པའི་ཧམ་པ་རྫབ་ཆེན་ཞིག་ཏུ་གྱུར་སོང་བས་འདིར་འདིའི་སྐོར་རང་གི་མཐོང་ཕྱོགས་ཅུང་ཟད་ཞུ་འདོད་སྐྱེས།
ད་ལོའི་དུས་དབང་གོ་སྒྲིག་ཚོགས་ཆུང་ནི་བྱེས་རྗེས་ཕར་ཞོགས་ཚགས་ཚུད་མེད་པའི་སྐྱོན་ཆེ་ཤོས་དེར་གྱུར་སོང་། གོ་ཐོས་ལ་ཚོགས་པའི་ནང་ཁུལ་དུ་མཐུན་འབྲེལ་མེད་ཚུལ་ཞིག་འདུག་པ་བདེན་སྲིད་ལ་དེ་ལྟར་ན་དེ་འདྲ་ཞིག་ལས་ཡོང་རྒྱུ་ཡང་ཅི་ཡོད།
༡། དུས་བསྟུན་གོ་སྒྲིག་མེད་པ། སྤྱིར་མི་ཚོགས་ཚོད་དཔག་ལས་བརྒལ་ཡོད་པ་ལ་ཞུ་རྒྱུ་མེད་ཀྱང་མི་ཚོགས་མང་དུ་འཕེལ་བ་གཟིགས་རིམ་བཞིན་དེ་ལྟར་གྱི་གོ་སྒྲིག་ཅིག་དགོས་པ་དེ་མི་འདུག གཟུགས་མཐོང་བརྙན་ཞིག་ཡོད་པ་ནི་ཐོག་མའི་དུས་ནས་ཡོད་པ་ལ་མི་འབོར་ཚོད་དཔག་ལས་བརྒལ་རིམ་བཞིན་བརྙན་འཕྲིན་དང་སྒྲ་འཕྲིན་སོགས་ཕྱོགས་གང་མང་ལ་འཛུགས་དགོས་མོད་སྔར་ཡོད་ལས་མང་དུ་སོང་གཅིག་ཀྱང་མ་ཐོས།
༢། ཆོས་ཞུ་བ་ལ་ཞབས་ཞུ་མེད་པ། ཆོས་ཞུ་བ་ནི་དབང་ཞུ་བར་ཕེབས་པ་ཡིན་ཞིང་གསུང་ཆོས་ར་བར་མ་ཤོངས་མཁན་རྣམས་ཡལ་བར་དོར་བ་སོང་བ་ནོར་འཁྲུལ་ཆེ་ཤོས་དེ་ཡིན། ང་ཚོ་མཆོད་རྟེན་ཕྱོགས་སུ་སྡོད་མཁན་ལ་ནི་བུམ་ཆུ་དང་དབང་རྫས་གཞན་ཕར་ཞོགས་ཀུ་ཤ་དང་མིག་དར་སྤྲོད་མཁན་ཡང་སླེབས་མ་སོང་།
༣། རྒྱུ་དངོས་ཆུད་ཟོས། ཉིན་མཐའ་མའི་ཉིན་ལྟོ་གཡོ་བ་མང་དྲག་པ་དང་འགྲེམས་མ་ཐུབ་པར་སྣོད་ཆེན་དང་སྣོད་ཆེན་བྱས་འཕྱོས་སོང་བ་ཡུལ་མིའི་མིག་ལམ་དུ་ཡང་མ་མཛེས་པར་གྱུར། ཚོགས་འགྲེམས་མཁན་མེད་མི་ཐུག་ཚད་ལ་འཁྱེར་རོགས་ཞེས་ཨུ་ཚུགས་རྒྱགས་པའི་གནས་ཚུལ་འདུག ང་ཚོ་ལ་ཚོགས་རྫས་མིང་ཙམ་ཡང་བྱུང་མ་སོང་།
༤། གསུང་སྒྱུར་མཁན་གྱི་འཕྲུལ་རིག་ལེགས་པོ་མི་འདུག FM ཐུང་རླབས་ཀྱི་གསུང་སྒྲུར་གྱི་སྒྲ་རྣམས་ལན་མང་པོར་ཆད་འགྲོ་བ་དང་སྙོབ་ཚད་མི་འདུག དམའ་མཐར་ཡང་ཆོས་བ་གང་དུ་བསྡད་ཡོད་པ་ཙམ་ལ་སྙོབ་དགོས་ཚོད་ལ་མཆོད་རྟེན་ཕྱོགས་ལ་ཡང་ཡག་པོ་ཞིག་སྙོབ་ཀྱི་མི་འདུག
༥། གསུང་ཆོས་ར་བའི་ནང་དུ་ང་མ་ཐར་བས་མང་པོ་ཞུ་རྒྱུ་མེད་ཀྱང་བརྙན་འཕྲིན་ཉུང་དྲགས་པའི་ཚོར་སྣང་གསལ་བོར་བྱུང་། གསང་སྤྱོད་ཀྱང་དུས་ཐོག་གཙང་མ་བཟོ་རྒྱུ་ཡིན་ཚུལ་ཁ་པོ་གསུང་ན་ཡང་དེ་ལྟར་མེད་ཚུལ་གོ་ཐོས་བྱུང་།
མཐའ་ན་གསུང་ཆོས་ར་བ་གང་པོ་ལ་ཡང་ཞབས་ཞུ་ཡག་པོ་ཞིག་ཞུ་མ་ཐུབ་ན་གོ་སྒྲིག་ཚག་ཚུད་ཡག་པོ་བྱུང་བ་དང་། བྱས་རྗེས་སུ་རློམ་དུ་རི་བ་ཞིག་ཅི་ཡོད། དེ་ཧམ་པ་མིན་ན་ཅི་རེད།
དེ་ལས་ཀྱང་”༧གོང་ས་མཆོག་གི་སྐུ་ཕྱྭ་དང་སྐུ་ཁམས་བདེ་ཐང་ངང་དུས་དབང་ཡོངས་སུ་ལེགས་གྲུབ་བྱུང་པ་བཅས་ནི་དུས་དབང་གོ་སྒྲིག་ཚོགས་ཆུང་གི་བྱས་རྗེས་ཤིག་དང་།”ཞེས་ཟེར་བ་ནི་ཅི་འདྲའི་དགོད་བྲོ་བ་ཞིག་མིན་ནམ། འདི་གོ་སྒྲིག་ཚོགས་ཆུང་གི་བྱས་རྗེས་ལ་ཇི་ལྟར་གྱུར་བ་ཡིན་གསུང་རོགས་ཞུ།