དེ་རིང་སྔ་དྲོར་དེ་སྔའི་བོད་གཞུང་ཤེས་རིག་ལས་ཁུངས་ཀྱི་དྲུང་ཆེ་གཡུ་ཐོག་ཀརྨ་དགེ་ལེགས་ལགས་ཀྱིས་བཀའ་དྲུང་གི་ལས་འཁུར་ཞུས་ཡོད་འདུག
བོད་གཞུང་དྲ་བར་གནས་ཚུལ་སྤེལ་བར། དེ་རིང་སྔ་དྲོའི་ཆུ་ཚོད་ ༩ པའི་ཐོག་གཡུ་ཐོག་ཀརྨ་དགེ་ལེགས་ལགས་ཀྱིས་ཐོག་མར་བཀའ་ཁྲི་བློ་བཟང་སེང་གེ་མཆོག་ལ་གསར་མཇལ་ཞུས་ཤིང་། བཀའ་བློན་ཁྲི་པ་མཆོག་གིས་འཚམས་འདྲི་དང་བཀའ་དྲུང་གི་ལས་དོན་སྒྲུབ་ཕྱོགས་ཐད་གསུང་མོལ་སྙིང་བསྡུས་ཤིག་གནང་རྗེས་བཀའ་དྲུང་ལས་ཁུངས་སུ་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཇལ་དར་སྒྲོན་པ་དང་བསྟུན། བཀའ་དྲུང་ཡིག་ཚང་དང་དབུས་འཆར་འགོད་ལས་ཁུངས། བཀའ་ཤག་ངེས་མེད། སྡེ་ཚན་ཁག་གི་འགན་འཛིན་ལས་བྱེད་ཡོངས་ནས་འཚམས་འདྲིའི་མཇལ་དར་སྒྲོན་སྐབས། བཀའ་དྲུང་ཡིག་ཚང་གི་དྲུང་འཕར་ཚེ་རིང་དབང་ཕྱུག་ལགས་ཀྱིས་རེ་རེ་བཞིན་ངོ་སྤྲོད་གནང་ཡོད་འདུག
གཡུ་ཐོག་ཀརྨ་པ་དགེ་ལེགས་ལགས་ཀྱིས་གནས་སྐབས་རིང་བཀའ་དྲུང་དང་ཤེས་རིག་ལས་ཁུངས་ཀྱི་དྲུང་ཆེའི་ལས་འགན་གཅིག་ལྕོགས་གནང་རྒྱུ་ཡིན་འདུག་ལ། དེ་སྔའི་བཀའ་དྲུང་མི་འགྱུར་རྡོ་རྗེ་ལགས་ལྷོ་ཨ་ཧྥི་རི་ཀའི་སྐུ་ཚབ་དོན་གཅོད་དུ་བསྐོ་བཞག་གནང་ཡོད་པ་ལྟར་ད་ཆར་འགྲོ་ལུགས་སྒྲུབ་བཞིན་ཡོད་འདུག
![Changpa nomads walk on a rugged path in Ladakh's Chushul valley [Tarushi Aswani/Al Jazeera]](https://tibettimes.net/wp-content/uploads/2026/10/Screen-Shot-2026-10-16-at-2.29.07-PM-360x180.png)
དྲུང་ཆེ་གཡུ་ཐོག་ཀརྨ་དགེ་ལེགས་ལགས་ལ། བཀྲ་ཤི་བདེ་ལེགས་ཞུའོ།།
ཡང་བོད་ཀྱི་གཏམ་དཔེར།
མི་ངན་གྱི་དཔོན་པོ་ལས།
མི་བཟང་གི་གཡོག་པོ་དགའ། ཟེར་བ་དེ་ཡང་དྲན་བྱུང་ལགས།
སྐར་མདའི་སྐར་མདའ་ཀྱོག་ཀྱོག་རེད་འདུག་ལ། ཤར་མདའི་མདའ་ཡང་། ཤར་ཕྱོགས་སུ་གཏད་ཐུབ་ན་མི་ལེགས་སམ། ལགས། དྲ་གྲོགས་ལགས།
ཤེས་རིག་དྲུང་ཆེ་ཀརྨ་དགེ་ལེགས་དེ་རིང་ནས་བཀའ་དྲུང་གི་ལས་ཀ་བྱེད་ཀྱི་ཡོད་པ་གཟི་བརྗེད་རེད། འུ་ཅག་བོད་མི་རིགས་ཀྱི་སྐད་ཡིག་དེ་གལ་ཆེན་འཛིན་གྱི་ཡིན་པས་ཡིད་ཆེས་ཡོད། གཙོ་བོ་དེང་དུས་རིག་གཞུང་ཤེས་དགོས་པ་གལ་ཆེན་རེད་འོན་ཀྱང་བོད་མི་རིགས་ཀྱི་ཡབ་མེས་ནས་རྒྱུད་པའི་རིག་གཞུང་དེ་མཉམ་ཆགས་མི་འགྲོ་བ་གལ་ཆེན་རེད། མ་གཏོང་ད་སྐབས་བོད་ནས་གསར་དུ་ཕེབས་མཁན་གང་མང་ཞིག་ཡོད་པས་བཀའ་དྲིན་རེད་མ་གཏོང་འུ་ཚོས་བཙན་བྱོལ་པ་རྣམས་འདི་ལྟར་ལོ་གང་མང་ཞིག་འགྲོ་བ་ཡིན་ན་ད་སྐབས་རྒྱ་གར་ནང་དུ་ཡོད་པས་རྒྱ་གར་ཁམས་པ་ཟེར་པ་ལྟ་བུ་ཞིག་མི་ཆགས་པས་ངེས་པ་མི་འདུག་བསམ་བྱུང་། དཔེར་ན་ད་སྐབས་གཞི་ཆགས་ཁག་གི་ནང་དུ་རྒྱ་གར་དང་གཉེན་སྒྲིག་བྱེད་ཀྱི་ཡོད་པ་དང་རྒྱ་གར་གྱི་ལྟ་བའི་བོད་ལ་ཤན་ཞིག་གི་ཡོད་པ་བོད་སྐད་བརྗེད་ནས་རྒྱ་གར་སྐད་རྒྱག་གི་ཡོད་པ་སོགས་བློ་ཕམ་པ་མང་པོ་ཞིག་འདུག་ད་སྐབས་བོད་ནང་གི་སྤུན་ཟླ་གང་མང་ཞིག་གི་བོད་མིའི་རང་དབང་དང་བོད་མིའི་ཆོས་དང་རིག་གཞུང་སོགས་ཀྱི་དབང་གི་རང་སྲོག་ཤོར་གྱི་ཡོད་པ་མ་རེད་དམ།
ལས་གནས་འདིར་ཆབ་སྲིད་མཁས་ཅན་ཞིག་དགོས་ཚོད་རེད་མ་གཏོགས། མི་ཚེ་ཆ་ཚང་དྲུང་ཆེའི་ལས་གནས་ལ་གཏོང་མཁན་ཞིག་དགོས་དོན་མི་འདུག ལྷག་པར་དུ་གྲྭ་པ་ཞིག་ལས་གནས་གལ་ཆེན་འདི་འདྲར་གནས་སྤོར་བྱས་པ་ནི་འོས་བབ་མེད་པ་ཞིག་ཏུ་མཐོང་སོང་།
བཅོས།
གསར་འགོད་རྒྱུས་མྱོང་ཅན་དེས་གནས་ཚུལ་ལན་སྟངས་ཀྱང་མ་འདྲ་བ་ཞིག་འདུག གསར་འགྱུར་འདིའི་རིགས་མང་དུ་རེག་ཐབས་བྱ་རྒྱུ་ནི་ཤིན་ཏུ་ནས་གལ་ཆེན་ཞིག་རེད།
དེ་རིང་གི་གསར་འགྱུར་འདི་ནི་བཀའ་ཤག་གི་དྲུང་ཡིག་གསར་རྙིང་བརྗེ་བསྒྱུར་ཐད་རེད། བཀའ་དྲུང་ནི་འཛིན་སྐྱོང་གི་སྡེ་ཚན་ཚང་མའི་གནས་ཚུལ་ཡར་བཀའ་ཤག་ཏུ་ཞུ་མཁན་དང་མར་ལས་ཁུངས་ཁག་ཏུ་ཁྱབ་བསྒྱུར་བྱེད་མཁན་གྱི་ཟམ་པ་ལྟ་བུ་ཆགས་ཡོད་ལ། དྲུང་ཡིག་ཆེན་མོ་ཚང་མའི་ནང་བཀུར་བཟོ་ཆེ་ཤོས་དེ་རེད། འཛིན་སྐྱོང་དང་འབྲེལ་བའི་ལྷན་ཁང་ཁག་གི་གནས་ཚུལ་ཆུང་ཚགས་རིགས་བཅས་མང་ཆེ་བ་ཟམ་པ་འདི་བརྒྱུད་བཀའ་ཤག་གི་གྲོས་རྭར་སླེབས་ཀྱི་ཡོད་ལ། བཀའ་དྲུང་གི་སྙན་གསེང་ཞུ་ཕྱོགས་རང་དོན་ཡིད་བྱེད་ཀྱི་གཞན་དབང་དུ་ཚུད་པ་ཡིན་ན་རྦད་དེ་རི་ལུག་པ་ཐག་པས་མི་ཟིན་ཟེར་བ་དེ་ཆགས་ཉེན་ཡོད་པས། བཙན་བྱོལ་སྒྲིག་འཛུགས་ནང་གི་ལས་གནས་གཞན་ལས་བཀའ་དྲུང་ནི་གལ་འགངས་ཤིན་ཏུ་ཆེ་བ་ཞིག་རེད། དེས་ན་ཤེས་ཡོན་ལྡན་པའི་སྐུ་གཞོགས་ཀརྨ་དགེ་ལེགས་ལགས་ཀྱིས་བཀའ་དྲུང་གི་མཛད་འཕྲིན་རྣམས་༧གོང་ས་མཆོག་གི་དགོངས་གཞི་དང་མཐུན་ལ། གང་ཟག་ལ་མི་རྟོན་པར་ཆོས་ལ་རྟོན་པའི་དོན་དམ་རྩ་དོན་ལ་སྨན་པའི་བགྱི་བ་ལེགས་གྲུབ་ཡོང་བའི་འཚམས་འདྲི་དང་སྨོན་འདུན་ཞུ།
གཞན་གསར་འགོད་པས་བཙན་བྱོལ་སྒྲིག་འཛུགས་ནང་གི་སྤྱི་ཚོགས་དང་འབྲེལ་བའི་གནང་སྒོ་ཁག་དང་། ལས་བྱེད་གནས་སྤོ་གསར་བསྐོ་སོགས་ཀྱིས་མཚོན་ལས་དོན་གང་མང་མང་མི་མང་ལ་དུས་ལྟར་གསར་འགྱུར་གྱི་ལམ་ནས་ངོ་སྤྲོད་བྱ་ཐུབ་ན། གཞུང་མང་བར་གྱི་བརྩེ་བ་དང་དམ་ཚིག་ཟབ་ཏུ་འགྲོ་བར་སེམས་པས་སྐུལ་མ་བཅས།
འཚམས་བཀྲ་ཤིས་བདེ་ལེགས་དང་བྱ་བ་ནམ་འགྲོ་ཡོང་བར་སྨོན།།