ཉེ་ལམ་སུད་སུ་རྒྱ་ནག་གཞུང་ཚབ་ཀྱིས་ཛིའུ་རིག་གྲོང་ཁྱེར་གྱི་མགྲོན་ཁང་ཞིག་ཏུ་བོད་ཀྱི་ལོ་སར་སྤྲོ་ཚོགས་བསྡུས་ཡོད་ཀྱང་། ཁུལ་དེའི་གཞོན་སྐྱེས་ཁག་ཅིག་གིས་ངོ་རྒོལ་བྱས་སྟབས་ལོ་སར་སྤྲོ་ཚོགས་ལམ་ལྷོངས་བྱུང་མི་འདུག
ཟླ་འདིའི་ཕྱི་ཚེས་ ༤ ཉིན་སུད་སུ་ཛིའུ་རིག་གྲོང་ཁྱེར་གྱི་མགྲོན་ཁང་ཆེན་མོ་ཞིག་ཏུ། སུད་སུ་བཅའ་སྡོད་རྒྱ་ནག་གཞུང་ཚབ་ཁང་གིས། སུད་སུ་ཁུལ་གྱི་བོད་རིགས་ཚུད་པའི་ཁྱོན་མི་ ༡༠༠ ལྷག་འབོད་འགུག་གིས་བོད་ཆུ་འབྲུག་ལོའི་ལོ་སར་སྤྲོ་ཚོགས་བསྡུས་ཡོད་ཀྱང་། ཁུལ་དེར་གནས་སྡོད་བོད་རིགས་གཞོན་སྐྱེས་ཁག་ཅིག་གིས་ངོ་རྒོལ་སྐད་འབོད་བྱས་སྟབས། ལོ་སར་སྤྲོ་ཚོགས་དེ་ལམ་ལྷོངས་ལྡན་པ་ཞིག་བྱུང་མི་འདུག
ངོ་རྒོལ་ལས་འགུལ་ནང་ཞུགས་མཁན་སྐུ་ཞབས་འཇམ་དབྱངས་ལགས་ཀྱིས་གསར་ལམ་ཁག་ཏུ་བརྗོད་པ་ལྟར་ན། ལོ་སར་སྤྲོ་ཚོགས་དེར་བོད་ནས་མཚོ་ལྷོ་བོད་རིགས་རང་སྐྱོང་ཁུལ་མི་རིགས་ཟློས་གར་ཚོགས་པ་དང་། མཚོ་སྔོན་ཞིང་ཆེན་གེ་སེར་སྒྲུང་ཟློས་གར་ཚོགས་པ་གཉིས་དང་། དམངས་ཁྲོད་གཞས་པ་ཞང་མོ་མཚོ་དང་མཁར་བྱམས་རྒྱལ། སྒྲོལ་མ་སྐྱིད། གཡུ་སྒྲོན། གཡང་ཅན། རིན་ཆེན་ཚེ་རིང་། སྙིང་རྩེ་རྒྱལ་བཅས་ཁྱོན་མི་བཅུ་གཅིག་འབོད་འགུག་བྱས་ཡོད་འདུག
འཇམ་དབྱངས་ལགས་ཀྱིས་བརྗོད་དོན། “ ལོ་སར་སྤྲོ་ཚོགས་དེར་སུད་སུ་ཁུལ་དུ་བོད་མི་༢༠ཙམ་འཛུལ་ཞུགས་བྱས་འདུག ང་ཚོས་བོད་ཀྱི་རྒྱལ་དར་འཕྱར་བཞིན་ད་ལོར་བོད་ལ་ལོ་སར་མེད་ཅེས་ངོ་རྒོལ་སྐད་འབོད་བྱས་སྐབས། ལོ་སར་སྤྲོ་ཚོགས་སྟེང་ཞུགས་མཁན་བོད་མི་དེ་ཚོ་དོགས་མ་བདེ་བ་གནང་གི་འདུགརིགས་ཁ་ཤས་མི་ཚོགས་ཁྲོད་སྐུང་ནས་སྡོད་ཀྱི་འདུག ང་ཚོས་ངོ་རྒོལ་བྱས་པ་དེར་རྒྱུ་མཚན་གཉིས་ཡོད། གཅིག འདས་པའི་ལོ་གཅིག་རིང་བོད་མི་མང་པོ་འདས་གྲོངས་ཕྱིན་ཡོད་ཀྱང་། རྒྱ་ནག་གཞུང་ཚབ་ཀྱིས་མྱ་ངན་གྱི་ཚབ་ལ་ལོ་སར་སྤྲོ་ཚོགས་བསྡུས་སྟབས། ང་ཚོས་དེར་ངོ་རྒོལ་བྱས་པ་ཡིན། གཉིས། བོད་ནང་དུ་ཉིན་ལྟར་བོད་མི་མང་པོའི་ཚེ་སྲོག་ཤོར་བཞིན་པའི་སྐབས་ལ། སུད་སུར་སྡོད་མཁན་བོད་མི་རེ་ཟུང་རྒྱ་ནག་གཞུང་ཚབ་ཀྱིས་གོ་སྒྲིག་བྱས་པའི་ལོ་སར་སྤྲོ་ཚོགས་ཐོག་ཞུགས་ན་ཤིན་ཏུ་མི་འོས་པ་ཞིག་རེད་སྙམ་སྟེ་ངོ་རྒོལ་བྱས་པ་ཡིན། ” ཞེས་བརྗོད་བྱུང་།
གསར་འགོད་པ། དཔལ་ལྡན།
རྒྱའི་ལོ་གསར་གཏོང་པ་འོས་པ་རེད། འོན་ཀྱང་བོད་མ་ཚོ་རང་ལ་སེམས་ཞིག་ཡོད་པ་དང་སྨ་ཤིས་པ་དང་དོན་གོ་བའི་མི་ཞིག་ཡིན་ཚེ་འུ་ཚོའི་སྤུན་ཟླ་ག་ཚོད་ཞིག་དམར་གཞུང་གི་དྲག་པོས་དམར་གསོད་བཏང་སོང་ད་དུང་འདི་ལྟར་སླུ་འཁྲིད་བྱེད་བཞིན་ཡོད་པ་རེད། ཁྱེད་ཚོ་ལ་སེམས་ཞིག་ཡོད་ན་ཧ་གོ་རན་རེད། དངུལ་གྱི་གཡོ་འཁྲིད་ཡིན་ན་བོད་མི་རིགས་ཤིག་ཡིན་པ་མ་བརྗེད་རོགས་ཞུ།
རྒྱ་ནག་གཞུང་ཚབ་ཁང་ནས་བོད་ལོ་དང་རྒྱ་ལོ་གང་བཏང་ཡང་ཁོང་ཚོའི་བྱེད་སྟངས་དེ་འཛམ་གླིང་ཚང་མས་ཤེས་གསལ་རེད་དེ་ལ་ཞུ་རྒྱུ་མི་འདུག་སྟེ། མཛད་སྟོན་དེའི་ནང་མཉམ་ཞུགས་གནང་མཁན་བོད་རིགས་ཁག་ཅིག་ཡོད་པའི་གནས་ཚུལ་འདུག་པས། དེ་ལྟར་ངོ་མ་ཡིན་ཚེ་གསར་འགོད་པའམ། རང་གཞུང་དོན་གཅོད་སོགས་འབྲེལ་ཡོད་ཁུངས་སོ་སོ་ནས་བོད་མི་དེ་དག་གི་མིང་དང་། ཁ་སྦྱང་ཕ་ཡུལ་བཅས་ཞིབ་པར་བཀོད་ནས་དྲྭ་རྒྱའི་ནང་བཙུད་ཐུབ་ན་ཕྱིན་ཆད་མི་ངན་དེ་དག་ངན་པ་ལག་སྦྲེལ་མི་ཡོང་བར་ཕན་ཐོག་ཆེ་ངེས་ལགས། བཟང་པོ་དང་དཔའ་དར་དང་། ངན་པ་ལ་ཚར་བཅད་ངེས་པར་དུ་དགོས།
རྒྱ་ཡི་ལོ་གསར་བཏང་བ་རེད་དམ་་ཡང་ན་བོད་ཀྱི་ལོ་གསར་དེ་ཀའི་གཞུང་ཚབ་ཁང་ནས་བཏང་བ་རེད། ཨེ་ཤ་ཡི་རང་དབང་རླུང་འཕྲིན་ནས་ བོད་ལོ་གཞུང་ཚབ་ཁང་དེ་ནས་བཏང་བ་གཅར་འདྲའི་སྐབས་ལན་འདེབས་གནང་སོང་།
ཆབ་སྲིད་ཟེར་བ་འདི་ལ་དངོས་གནས་གོ་རིག་ཐོས་གསུམ་གལ་ཆེན་རེད། བོད་ནང་ནས་ཡོང་ནི་ཚོས་ཅང་ཤེས་ཀྱི་མེད་པ་ཡིན་རྒྱུ་རེད། འོན་ཀྱང་རྗེས་སུ་ཁོང་ཚོས་གཟབ་ཀྱི་རེད་པཱ།
སུད་སུར་གནས་སྡོད་འབྱམས་དབྱང་ལག་སོགས་ཐུགས་རྗེ་ཆེ་ངོ་མ་བོད་མི་མགོ་གཉིས་དེ་ཚོ་་
འདི་སྐོར་ངེས་པར་དུ་རྗེས་འདེད་བྱ་རྒྱུ་གལ་ཆེན་རེད། གཞན་བོད་ནས་ཡོང་མཁན་ཚོར་སེམས་ཚོར་ཟབ་མོ་སྤྲད་ཡོད་ངེས་པས་ཡག་པོ་བྱུང་བཞག
འདི་ཡང་རྒྱ་ནག་གི་གཡོ་ཇུས་གཏིང་ནག་ཅིག་ཅི་ལ་མིན།
ད་རེས་རྒྱ་ཡི་ལོ་གསར་ནང་འཛུལ་བཞུགས་བྱེད་མཁན་དེ་དག་གི་མིང་དང་པར་བཅས་ངེས་པར་དུ་དྲ་ལམ་ཁག་དུ་གཏོང་དགོས།
མི་དེ་དག་ནི་ག་དུས་ཡིན་ཡང་དོག་ཟོན་བྱེད་དགོས་ངེས་རེད། བོད་མི་ཡོད་དོ་ཅོག་གི་ལོ་གསར་བཏོང་གི་མིན་ཟེར་དུས་ཁོང་ཚོ་ག་རེ་བྱེད་ནས་རྒྱ་མི་དང་མཉམ་དུ་ལོ་གསར་ཡི་སྤྲོ་ཚོགས་ལ་མཉམ་བཞུགས་གནང་གི་ཡོད་རེད།
བོད་ནང་གི་མི་མང་དེ་ཚོའི་ཁྲག་དང་ཚེ་སྲོག་གི་མཆོད་པ་དེ་། ཕྱི་སྡོད་བོ་མི་ཁ་ཤས་གྱི་རྒྱ་ཡིས་བཀོད་སྒྲིགས་གྱི་ལོ་གསར་བཏང་བ་དེ་། མི་རིགས་ལ་མཐོང་ཆུང་དང་བོད་མིའི་རུས་པ་མེད་པ་ཀླད་པ་མེད་པ་།ཁོང་ཚོ་དུས་རྟག་དུ་དོག་ཟོན་བྱེད་དགོས་གལ་ཆེ། མིང་དང་ཕ་ཡུལ་གང་ཡིན་འདྲ་པར་སོག་དྲ་ལམ་ཁག་དུ་འགྲེམ་སྤེལ་བྱེད་གལ་ཆེ
རེད་རེད། ཕྱི་ཕྱོགས་ནས་ཀྱྲང་འགུལ་དགོས་ནི་རེད། གཞིས་མི་ཚོ་ཡིད་ཆད་ཀི་འཇུག་ཉན་ནི་མ་རེད། དེ་མ་གཏོགས་་་་་་་་་་་