གཟའ་ལྷག་པའི་མཚན་མོར་ཆུ་ཆེན་རྫོང་ཨ་ཁོ་རིས་ཞང་དུ་རྒྱ་ནག་གི་དར་དམར་མར་ཕབས་ཏེ། བོད་ལ་རང་དབང་དང་རང་བཙན་དགོས་པའི་ཡིག་ཆ་འགྲེམས་གཏོར་བྱས་འདུག
དེ་རིང་ཕྱི་ཚེས་ ༡༢ ཉིན་རྒྱ་གར་དུ་གནས་སྡོད་གྲྭ་ཆོས་ཀྱི་གཡུ་བཀྲ་ལགས་ཀྱིས་འདི་གར་གནས་ཚུལ་བརྗོད་པ་ལྟར་ན། ཕྱི་ཚེས་ ༨ ཉིན་དགོང་མོ་རྔ་པ་ཁུལ་ཆུ་ཆེན་རྫོང་ཨ་ཁོ་རིས་ཞང་དུ། ས་གནས་སྲིད་གཞུང་དང་སྨན་ཁང་གཙོས་གཞུང་གི་ལས་ཁུངས་ཁག་ནང་གི་རྒྱའི་དར་དམར་མར་ཕབས་ཏེ། བོད་ལ་རང་དབང་དང་རང་བཙན་དགོས་པའི་ཡིག་ཆ་སོགས་འགྲེམས་གཏོར་བྱས་ཡོད་འདུག གནས་ཚུལ་དེ་བྱུང་རྗེས་རྒྱ་གཞུང་གིས་དམག་མི་མང་པོ་འགྲེམས་འཇོག་གིས་ཨ་ཁོ་རིས་ཞང་ལ་བཀག་སྡོམ་བྱས་ཏེ། ལམ་མདོ་ཁག་ཏུ་འགོག་སྲུང་ས་ཚུགས་བཙུགས་ཏེ་མང་ཚོགས་ལ་ཞིབ་བཤེར་ནན་མོ་བྱེད་བཞིན་ཡོད་འདུག ད་ལྟ་ས་ཁུལ་དེར་དྲ་རྒྱ་དང་ཁ་པར་བརྒྱུད་ལམ་ཡོངས་རྫོགས་བཀག་སྡོམ་བྱས་ཡོད་སྟབས། བོད་མི་འཇུ་བཟུང་བྱས་ཡོད་མེད་ཀྱི་ཞིབ་ཕྲའི་གནས་ཚུལ་གསལ་བོ་ཤེས་རྟོག་ཐུབ་ཀྱིན་མེད་པ་རེད།
ཨ་ཁོ་རིས་ཞང་ནི་ཆུ་ཆེན་རྫོང་ནས་སྤྱི་ལེ་ ༣༨ ལྷག་གི་ནུབ་བྱང་ཕྱོགས་སུ་ཡོད་པ་དང་། ཞང་འདིར་ས་ཁྱོན་སྤྱི་ལེ་གྲུ་བཞི་མ་ ༡༠༢༨ དང་མི་འབོར་སྟོང་ ༣ ལྷག་ཡོད་པ་རེད། ཞང་འདི་ནི་འབྲོག་སྡེ་ཞིང་ཞིག་ཡིན་ལ་སྡེ་བ་ ༡༠ ཡོད་འདུག ཨ་ཁོ་རིས་ཞང་ཐོག་ཏུ་ཐུབ་བསྟན་ཉི་ཤར་གླིང་དགོན་པ་ཆགས་ཡོད་འདུག
གསར་འགོད་པ། ཚེ་རིང་རྒྱལ།
![Wang made a research tour in Tibet from July 19 to 22. [Xinhua/Liu Bin]](https://tibettimes.net/wp-content/uploads/2026/07/1784796471071092378-360x180.jpg)
རྒྱ་དར་དམར་པོ་ཁྲག་གི་མཚོན་རྟགས་རེད།།
ཡར་ལ་སློང་ན་ཁྲག་ལ་རྒྱུན་ཆད་མེད།།
རྒྱ་དར་དམར་པོ་ཁྲག་གི་མཚོན་རྟགས་རེད།།
བོད་ཀྱི་ཁྲག་གིས་ཚོས་ཁ་བསྒྱུར་ནི་རེད།།
གངས་ཅན་པའི་དཔའ་རྒོད་ཁྱེད་ཚོར་མངོན་པ་བསྟོད་དོ། ད་དུང་མུ་འཐུད་ཤོག ཡིན་ནའང་ང་ན་མི་ཕོད་ཀྱང་ཁྱེད་ཚོ་བཤད་ཕོད་དགོས་ཟེར་བ་ལྟ་བུ་སྐད་ཆ་འདིའི་རིགས་དེ་བློ་བབ་ཡོད་མི་སྲིད། ཡིན་ནའང་ངེད་ཅག་ཚང་མ་བོད་མི་རིགས་དང་བོད་རྒྱལ་ཁབ་འདིའི་ཆེད་ལས་དོན་རྩོམ་དགོས།
ཧ་ཅང་དཔའ་རྟགས་ངོམ་འདུག་
ཞི་རྒྱ་ཆེ་བའི་ཞི་བའི་ལས་འགུལ་ལས། །
གཞན་སྲོག་གཅོད་པའི་ལས་ལ་འཇུག་དགོས་མེད། །
རྣམ་གྲངས་མང་བའི་ལས་འགུལ་མཐར་ཕྱིན་ལས། །
དབུས་ལམ་ཆེད་དུ་རང་སྲོག་གཏོང་དགོས་མེད། །
ཨ་ཁོ་རིས་ཀྱི་དཔའ་བོ་ཚོར་བསྟོད་བསྔགས་ཡོད། ་