ཁ་སང་སྤྱི་འཐུས་ཚོགས་ཁང་དུ་སྤྱི་འཐུས་ཚོགས་གཙོ་དང་བཀའ་བློན་ཁྲི་པ་གཙོས་པའི་བཀའ་སྤྱིའི་ཚོགས་མི་བཅུ་གསུམ་ཙམ་གྱིས་ད་ལྟའི་བོད་ནང་གི་ཛ་དྲག་གནས་སྟངས་ཐོག་བཀའ་བསྡུར་གནང་འདུག
བོད་ནང་གི་གནས་སྟངས་ཛ་དྲག་ཏུ་འགྱུར་བཞིན་པའི་སྐབས་འདིར། བོད་ཕྱི་ལོགས་སུ་སྡོད་མཁན་བཙན་བྱོལ་བོད་གཞུང་མང་གཉིས་ཀྱིས་རྒྱལ་སྤྱིའི་སྟེང་བོད་དོན་དྲིལ་བསྒྲགས་ཀྱི་ལས་འགུལ་སྣ་ཚོགས་ཤིག་སྤེལ་ཡོད་ལ། སྐབས་འདི་དང་བསྟུན་ཏེ། ཁ་སང་ཕྱི་ཚེས་ ༡༤ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཁང་དུ། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གཙོས་པའི་སྤྱི་འཐུས་རྒྱུན་ལས་རྣམ་པ་དང་། དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་གཙོས་པའི་ཕྱག་རོགས་བཀའ་བློན་རྣམས་ལྷན་འཛོམས་ཐོག མ་འོངས་པར་བཀའ་སྤྱི་གཉིས་ཀྱི་བོད་དོན་ཐད་ལས་འགུལ་སྤེལ་ཕྱོགས་ཀྱི་སྲིད་བྱུས་དང་ལངས་ཕྱོགས། བོད་ནང་གི་ཛ་དྲག་གནས་སྟངས་ཐོག་སྐབས་བབ་ལས་འགུལ་ཇི་ལྟར་སྤེལ་རྒྱུ་དང་། དེ་མིན་གནད་དོན་ཁག་ཅིག་གི་ཐོག་བཀའ་བསྡུར་གནང་ཡོད་འདུག
གསར་འགོད་པ། དཔལ་ལྡན།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
གཅིག་རྗེས་གཉིས་མཐུད་མེ་ལྕེ་དགུང་དུ་མཆེད།།
འདོན་བཟང་སྐད་བཟང་གསུང་དབྱངས་འུར་ཆེམ་ཆེམ།།
མཁས་ལས་ཆེས་མཁས་བཀའ་སྤྱི་ལྷན་དུ་འཛོམས།།
བོད་ལ་ཡོད་པ་ཚང་མ་བསྟན་དང་ཐལ།།
དེ་དངོས་ཡོད་ཀྱི་ཛ་དྲག་ཚོགས་འདུ་ཞིག་ཡིན་ན། ད་ལྟའི་བོད་ཀྱི་དཀའ་ངལ་དེ་དག་རྒྱལ་སྤྱིའི་སྟེང་ལ་དྲིལ་བསྒྲགས་ཤུགས་ཆེན་དང་འབྲེལ་ནས་རྒྱ་གཞུང་གི་དཔོན་ཇག་དེ་ཚོ་ཁྲིམས་གཏུག་ངེས་ཅན་དུ་བྱ་དགོས་པ་རེད། དེ་དང་ཆབས་ཅིག་དབུས་བོད་མིའི་སྒྲིག་འཛུགས་ཀྱི་སྒྱིད་ལུག་གི་སྲིད་ཇུས་སམ་ལངས་ཕྱོགས། ཡང་ན་དབུ་མའི་ལམ་ཞེས་བརྗོད་ཆོག་པ་འདི་དག་ལ་དོན་དངོས་ཀྱི་བསྐྱར་ཞིབ་ཅིག་ངེས་པར་དུ་བྱ་དགོས་གལ་ཆེ་བར་མཐོང་། དེ་མིན་ཅིག་ཅིག་གི་ཚོགས་འདུ་དང་། མུག་མུག་གི་གྲོས་ཆོད་འདྲ་ལབ་ནས་བསྡད་ན་གྲུབ་འབྲས་གང་ཡང་མི་ཐོན་པ་འདས་པའི་ཉམས་མྱོང་གིས་མཐོང་གསལ་རེད།
ལྷན་འཛོམས་རྟག་པར་ཡོད་ཡོད་པ་རེད། གནད་ལ་ཁེལ་བའི་གྲོས་ཆོད་ཅིག་གལ་ཆེན་རེད་མ་གཏོགས། གངས་སྐྱིད་ས་མཐིལ་ཆུང་ཆུང་དེའི་ནང་ནས་མ་འཛོམས་ས་ཟི་འགྲོ་ནི་མ་རེད།
ལྷན་འཛོམས་འདི་ལྟ་བུ་ཞིག་ཕྱི་དྲགས་མེད་ན་སྔ་དྲགས་མེད། གྲ་སྒྲིག་ཨང་གསལ་ངང་གྲོས་ཆོད་དང་ལག་སྟར་ལ་སྒུག་ནས་ཡོད།