ཉེ་ལམ་རྒྱ་ནག་སྲིད་འཛིན་གཞོན་པ་ཞིས་ཅིན་ཕིན་ཨ་རིར་རྒྱལ་དོན་འཚམས་གཟིགས་སུ་སྐྱོད་བཞིན་པའི་སྐབས་དང་བསྟུན་ཏེ། ཨ་རིར་གནས་སྡོད་བོད་མི་དང་བོད་དོན་རྒྱབ་སྐྱོར་བ་ཚོས་ཞིས་ཅིན་ཕིན་ལ་ངོ་རྒོལ་སྐད་འབོད་བྱས་ཡོད་པ་ལྟར། ཟླ་འདིའི་ཕྱི་ཚེས་ ༡༤ ཉིན་ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚོགས་ཆུང་གི་འཐུས་མི་ཁ་སི་ཊོམ་ཁ་རི་ལགས་དང་ཤཱ་རི་བྷོ་རོན་ལགས་གཉིས་ཀྱིས། བོད་ཀྱི་གནད་དོན་ཐོག་རྒྱ་ནག་སྲིད་འཛིན་གཞོན་པར་འབོད་སྐུལ་བསྒྲགས་ཡིག་ཅིག་སྤེལ་འདུག
ཡང་བསྒྲགས་ཡིག་དེའི་ནང་། “ དེང་སྐབས་བོད་ནང་རྒྱ་གཞུང་གིས་དྲག་གནོན་ཆེན་པོ་བྱེད་ཀྱི་ཡོད་པ་མ་ཟད། ལྷག་པར་དུ་གསར་འགྱུར་བརྒྱུད་ལམ་དང་དྲ་རྒྱ་སོགས་ལ་བཀག་སྡོམ་ནན་མོ་བྱེད་ཀྱི་ཡོད། ང་ཚོས་ཤེས་རྟོགས་བྱུང་བ་ལྟར་ན། ད་བར་རྒྱ་གཞུང་གི་དྲག་གནོན་འོག་བོད་ནང་བོད་མི་ ༢༠ ལྷག་གིས་རང་ལུས་མེར་བསྲེགས་བཏང་ཡོད་ལ། གནད་དོན་དེ་དག་ནི་རྒྱ་གཞུང་གིས་བོད་ནང་དྲག་པོའི་སྲིད་བྱུས་ལག་བསྟར་བྱས་ཏེ། བོད་མིའི་ཆོས་དང་རིག་གཞུང་རྩིས་མེད་རྡོག་རོལ་བཏང་བ་ལས་བྱུང་བ་ཞིག་རེད། བོད་མི་ཞི་རྒོལ་བའི་སྟེང་མེ་མདའ་བརྒྱབ་སྟེ་དྲག་གནོན་བྱས་པ་དེར་ང་ཚོའི་ངོས་ནས་བློ་འཚབ་ཆེན་པོ་བྱེད་ཀྱི་ཡོད། བོད་ནང་དོན་དམ་གྱི་ཞི་བདེ་དང་བརྟན་བརླིང་ཞིག་དགོས་ན། ༸ཏཱ་ལའི་བླ་མ་ལས་ལྷག་པའི་མི་གཅིག་ཀྱང་མེད་སྟབས། རྒྱ་ནག་གཞུང་གིས་༧ཏཱ་ལའི་བླ་མ་མཆོག་ལ་སྐྱོན་བརྗོད་ཁོ་ན་བྱ་རྒྱུའི་ཚབ་ཏུ། དངོས་ཡོད་གནས་ཚུལ་ལ་ངོས་འཛིན་གསལ་པོ་བྱས་ཏེ་བོད་མི་ཚོར་རང་སྐྱོང་ཚད་ལྡན་ཞིག་སྤྲོད་དགོས་པ་རེད་ ” ཅེས་འཁོད་འདུག
ཁྱེད་ཚོས་བོད་མི་རིགས་ཀྱིས་ད་ལྟ་མྱོང་བཞིན་པའི་ཡ་ང་བའི་སྡུག་བསྔལ་ལ་ལྷག་བསམ་རྣམ་དག་གི་སེམས་ཚོར་བསྒྲགས་ཡིག་སྤེལ་བར། ངེད་བོད་མི་རྩམ་གཟན་ཀུན་གྱིས་ཐུགས་རྗེ་ཆེ་ཞུ། སླད་ཀྱི་དུས་སུའང་རྒྱབ་བསྐྱོར་ལ་འགྱུར་བ་མེད་པར་མུ་མཐུད་ནས་བྱས་ཐུབ་ན་ཡག་པོ་འདུག
སྤུན་ཟླའི་མི་རིགས་ཀྱི་ཕུ་ནུ་ཚོས་ཀྱང་། ཕྱིའི་རོགས་བསྐྱོར་ལ་བློ་ཁ་མ་ཚིམས་པར་མི་རིགས་མཐུན་འབྲེལ་དང་། ༸རྒྱལ་བའི་དགོངས་པ་བདེ་བླག་ཏུ་བསྒྲུབ་ཕྱིར་སྒོ་གསུམ་གྱི་ནུས་སྤུངས་དགོས་པ་ཡང་གལ་ཆེན་རེད་དྲན་གྱི་འདུག
གྲོས་ཚོགས་ཀྱི་མི་སྣ་གཉིས་ཀྱིས་བདེན་དོན་གླེང་འདུག ཡིན་ནའང་། དངོས་གནས་ཤ་ཚ་ཚ་བྱས་ནས་གླེང་ཐུབ་མེད་པ་དང་། གསུངས་བཤད་ལ་ཧ་ཅང་གི་ཟུར་ཁའང་ཉུང་ཉུང་རེད། དེ་འདྲ་ཞིག་ཡིན་རྒྱུ་རེད། རྒྱ་ཁབ་དང་། དཔལ་འབྱོར། དམག་ཤུགས་སོགས་མེད་པའི་རིགས་ལ་དེ་ཙམ་མ་གཏོགས་རེག་གི་མ་རེད།
གསར་འགོད་པ་མཁས་དབང་ལགས།
༸ཏཱ་ལའི་བླ་མ་ལས་ལྷག་མེད། ཟེར་ན་ཅི་ཟེར་བགྱིད་ཡོད། བོད་རིགས་ས་ཡ་དྲུག་ག་འཆི་ཚར་བ་ཡིན་ནམ། ངས་འདིར་ཤོད་འདོད་པ་ནི། ༸ཏཱ་ལའི་བླ་མ་ལས་ལྷག་༼པ་༽མེད། ཅེས་པའི་པ་གལ་ཆེན་པོ་མིན་ནམ།
ཏ་ལའི་བླ་མ་ལས་ལྷག་མེད། ཟེར་བའི་གསར་འགྱུར་གྱི་མིང་དེ་མཐོང་སྐབས། རྒྱ་ནག་གིས་རྫུན་ལབ་ཆེན་པོ་ཞིག་སྨྲས་ཡོད་ས་རེད་བསམ་ཀློག་སྐབས། དོན་དུ་ཨ་རིས་མ་སྣས་ཏ་ལའི་བླ་མ་ལས་ལྷག་པའི་མི་མེད་ཟེར་བ་རེད་འདུག མིང་དེ་དག་ལ་དོ་སྣང་ངེས་ཅན་དུ་གནང་དགོས་འདུག
ཐུགས་རྗེ་ཆེ་རེད་་་་
ད་དུང་རྒྱལ་ཁབ་དང་ཚོགས་པ་གཞན་པས་ཀྱང་འདི་ལྟར་ང་ཚོར་རྒྱབ་སྐྱོར་དང་རྒྱ་གཞུང་ལ་འབོད་སྐུལ་མུ་མཐུད་ཞུས་ན་འགྱུར་བ་ཅུང་ཙམ་འགྲོ་བར་ཕན་ཐོགས་ཡོད་ངེས།
བཀའ་དྲིན་ཆེ་ལགས།
འདི་ལས་ལྷག་པའི་རོགས་རམ་བྱེད་རྒྱུ་མེད། ད་བོད་མི་ཚོས་རང་ངོས་ནས་ཤུ་རེ་བྱེད་དགོས
་