དེ་རིང་བོད་ཆུ་འབྲུག་ལོའི་ལོ་སར་ཚེས་ ༡ ཉིན་གུང་ཆུ་ཚོད་ ༡༢ སྟེང་། བཞུགས་སྒར་ཐེག་ཆེན་གཙུག་ལག་ཁང་གི་ཉེ་འཁྲིས་དཔའ་བོའི་རྗེས་དྲན་རྡོ་རིང་མདུན་དུ་དབུ་མའི་ལམ་ལས་འགུལ་ཁང་གི་གོ་སྒྲིག་འོག དྷ་ས་ནས་ལྡི་ལི་བར་༼རྒྱལ་ཚོགས་གཉིད་དཀྲོགས༽ཞེས་པའི་གོམ་བགྲོད་ལས་འགུལ་ཞིག་སྤེལ་མགོ་བརྩམས་སོང་། གོམ་བགྲོད་དབུ་འཛུགས་མ་གནང་གོང་གདན་ཞུའི་གཏམ་བཤད་པ་བོད་མི་མང་སྤྱི་འཐུས་ཚོགས་གཙོ་སྤེལ་པ་ཚེ་རིང་མཆོག་དང་། དྷ་ས་ཧིན་བོད་མཛའ་འབྲེལ་ཚོགས་པའི་ཚོགས་གཙོ་ཟུར་པ་རཱམ་ས་ཝ་རཱོབ་ལགས་གཉིས་གཙོས་པའི། ལས་འགུལ་བ་རྣམས་ལྷན་དུ་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་བླངས་ཤིང་། ཆུ་ཚོད་སྐར་མ་ ༡ རིང་འདས་གྲོངས་སུ་གྱུར་པའི་རྒྱལ་གཅེས་དཔའ་བོ་དཔའ་མོ་རྣམས་མྱ་ངན་གུས་དུད་ཞུས་རྗེས། ལས་འགུལ་བའི་འཐུས་ཚབ་པས་མཉམ་འབྲེལ་རྒྱལ་ཚོགས་ལ་ཆེད་དུ་འབུལ་འཆར་གྱི་སྙན་ཞུའི་སྟེང་ཁྲག་དམར་གྱི་ས་རྟགས་བསྐྱོན་པ་དང་། གོམ་བགྲོད་ལས་འགུལ་བ་ ༣༠ ཡིས་རང་ལུས་མེར་བསྲེགས་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྐུ་པར་སྐེ་ལ་བཏེགས་ཤིང་། ལག་ཏུ་བོད་ཀྱི་རྒྱལ་དར་དང་འབོད་ཚིག་འཕྲེད་བྱང་བཟུང་སྟེ་རྔ་རྡུང་བཞིན་གོམ་བགྲོད་དངོས་སུ་དབུ་འཛུགས་གནང་སོང་།
གོམ་བགྲོད་དབུ་འཛུགས་ཀྱི་མཛད་སྒོའི་ཐོག་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས། “ད་ལྟ་བོད་ནང་གི་ཛ་དྲག་གནས་སྟངས་འདིའི་ཐད། ང་ཚོ་བོད་རིགས་ཡོད་དོ་ཅོག་གིས་འགན་ཁུར་ཏེ། ཆེ་ཆུང་ལ་མ་བལྟས་པའི་སྒོ་ནས་ལས་འགུལ་སྤེལ་དགོས་པ་དེ་གལ་ཆེན་པོ་ཆགས་ཡོད་པ་རེད། ལས་འགུལ་ལ་རྣམ་གྲངས་མ་འདྲ་བ་ཡོང་གི་རེད། རྣམ་འགྱུར་སྟོན་སྟངས་མ་འདྲ་བ་ཡོང་གི་རེད། ངོ་བོ་མི་འདྲ་མང་པོ་ཡོང་གི་རེད། དེ་རིང་ཁྱོད་ཚོས་སྤེལ་བཞིན་པའི་ལས་འགུལ་འདི་ཡང་། ང་ཚོས་འཛམ་གླིང་སྒང་ལས་འགུལ་མང་པོ་ཞིག་སྤེལ་གྱིན་ཡོད་པའི་ནང་གི་ཆ་ཤས་ཤིག་ཆགས་བསྡད་ཡོད་པ་རེད། སྤེལ་མཁན་སྒྲིག་འཛུགས་མ་འདྲ་བ་ཡིན་ནའང་། སྒྲུབ་བྱའི་གནད་དོན་གཅིག་གི་སྒང་ལ་ཡིན་སྟབས། ཁྱེད་ཚོའི་ལས་འགུལ་དེ་ལམ་ལྷོང་ཡོང་བའི་སྨོན་འདུན་ཞུ” ཞེས་གསུངས་ཏེ། བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་སྐྱེད་ཆེད་བཙན་བྱོལ་དུ་གནས་པའི་བོད་མི་སྤྱི་སྒེར་ཚང་མས་སོ་སོའི་ངོས་ནས་གང་ཐུབ་ལས་འགུལ་སྤེལ་དགོས་པའི་འབོད་སྐུལ་གནང་སོང་།
དབུ་མའི་ལམ་ལས་འགུལ་ཚོགས་པའི་ཚོགས་གཙོ་སྤྱི་འཐུས་ཟླ་བ་ཚེ་རིང་ལགས་ཀྱིས་ངོ་སྤྲོད་གནང་བ་ལྟར་ན། རྒྱལ་ཚོགས་གཉིད་དཀྲོགས་ཀྱི་གོམ་བགྲོད་ལས་འགུལ་སྤེལ་མཁན་ཁྲོད་ས་རཱ་མཐོ་སློབ་དང་ནོར་གླིང་། སྒྲོལ་མ་གླིང་བཙུན་དགོན། སྨན་རྩིས་ཁང་། དེ་མིན་གྱི་ས་གནས་གཞན་བཅས་ནས་བོད་མི་གཞོན་སྐྱེས་མི་ ༣༠ ཡོད་པ་དང་། གོམ་བགྲོད་ལས་འགུལ་བའི་གྲངས་འབོར་དེའང་བོད་ནང་རང་ལུས་མེར་བསྲེགས་གཏོང་མཁན་རྣམས་དང་། ཉེ་ཆར་ཁམས་བྲག་མགོ་དང་གསེར་རྟ་སོགས་སུ་རྒྱ་གཞུང་གིས་མེ་མདའ་བརྒྱབ་ཏེ་དམར་གསོད་བཏང་བའི་བོད་མི་བཅས་ཀྱི་གྲངས་འབོར་མཚོན་ཆེད་ཡིན་ལ། དེ་རིང་ཕྱི་ཚེས་ ༢༢ ཉིན་བཞུགས་སྒར་ཐེག་ཆེན་གཙུག་ལག་ཁང་ནས་མགོ་བཙུགས་ཏེ། མོག་གྷན་ཁྲོམ་གཞུང་བརྒྱུད་དྷ་ཤོད་ཀ་ཊ་རི་དང་། ཨུ་རུ་ན། ཅན་ལྡི་གྷར་བར་དང་། སང་ཉིན་ཕྱི་ཚེས་ ༢༣ ཉིན་ཨམ་བྷ་ལ་དང་སོ་ནའེ་བྷ་སོགས་ལམ་བར་གྱི་གྲོང་ཁྱེར་ཁག་ནང་གོམ་བགྲོད་སྐད་འབོད་དང་གསལ་འགོད་གསལ་བསྒྲགས་སྤེལ་བཞིན་ལྡི་ལིར་བསྐྱོད་རྗེས། ཕྱི་ཚེས་ ༢༤ ཉིན་གྷན་དྷིའི་རྗེས་དྲན་བང་སོ་དང་ཅན་གྷིར་མན་གྷར་བཅས་སུ་གོམ་བགྲོད་སྐད་འབོད་དང་གསར་འགོད་གསལ་བསྒྲགས་སྤེལ་རྒྱུ་ཡིན་པ་དང་། དེ་བཞིན། མཉམ་འབྲེལ་རྒྱལ་ཚོགས་ཀྱི་ལས་ཁུངས་བཅས་སུ་བསྐྱོད་དེ་བོད་ནང་གི་ཛ་དྲག་གནས་སྟངས་ཐད་འབོད་སྐུལ་ཞུ་རྒྱུ་ཡིན་འདུག
རང་བཙན་དང་དབུ་མ་གང་ཡིན་ཡང་གཅིག་ཕན་གཅིག་གྲོགས་འགྲོ་རྒྱུ་གལ་ཆེ།
ལམ་དབུ་མ་ལ་མཚོན་ན་བཙན་བྱོལ་ནང་ན་དེ་མི་ཤེས་མཁན་དང་མི་མཁན་ཞིག་ཡོད་མ་རེད། བྱས་ཙང་དགོས་པ་གང་ཡང་མེད་པའི་་་དབུ་མའི་ལམ་གྱི་ལས་འགུལ་ཁང་་་ཟེར་བ་འདི་ལ་དོན་དག་ཅི་ཡང་མེད།
དབུ་ལམ་ཚོགས་གཙོ་ཟླ་བ་དཀྲུགས་རྒན་དང་་་སྐུ་སྒེར་བྲེ་སྲང་སྐུ་ངོ་གཉིས་ཀས་དབུ་མ་དང་རང་བཙན་བར་འགལ་བ་བཟོས། ༸གོང་ས་མཆོག་ལ་ཞུ་ལོག་ཕུལ་ཏེ་འདྲ་མིན་བཟོས་ཡོད་རེད་་ཁོང་གཉིས་ལ་དོགས་པ་ཆེ།
བསོད་རྒྱལ་ལ། བོད་པའི་སྤྱི་ཚོགས་ཀྱི་ཞན་ཆ་ཆེ་ཤོས་ནི་ནང་ཁུལ་ནས་རྐང་པས་འཐེན་རེས་བྱེད་པ་དེ་རེད། རང་ཉིད་མི་དགའ་བའི་རྒྱུ་མཚན་དེ་ལས་འགུལ་གྱི་ངོ་གདོང་ལ་བཞག་ནས་མི་གཞི་ལ་དམའ་འབེབས་དང་མཐོང་ཆུང་བྱེད་ཀྱིན་ཡོད་པ་དེ་ཁྱོད་དང་ཁྱོད་ལྟ་བུའི་ཆབ་སྲིད་ཚོར་བའི་རྗེས་འབྲངས་བ་ཁག་ཅིག་གི་ཞན་ཆ་ཆེ་ཤོས་རེད།
སྤྱི་འཐུས་ཟླ་བ་ཚེ་རིང་དང་ཁྱོད་ཚོ་ཁག་ཅིག་གི་བར་ཏུ་སྒེར་ནད་ཡོད་པ་ཚང་མས་ཤེས་གསལ་ཡིན། སྒེར་ནད་དེ་སྤྱི་དོན་ལ་མཉམ་བསྲེས་བྱེད་བཞིན་པ་ཁྱེད་ཀྱི་བྱ་སྤྱོད་ཅོལ་ཆུང་རེད།
དྲང་མོར་བཤད་ན་མི་དངོས་སྐུང་དེ་དྲ་ལམ་ནས་སྡིགས་དམོད་བྱེད་པ་འདི་སྡར་མའི་བྱེད་སྟངས་རེད། ཟླ་བའི་ཕྱོགས་གཏོགས་བྱེད་དགོས་པ་མེད་ལ། ཁྱོད་ལ་སྡང་དགོས་པའང་མེད། ཁྱོད་ཚོ་ཁག་ཅིག་གི་བྱ་སྤྱོད་དོགས་གཞི་ཅན་ཞིག་ལས་སུ་གང་ལ་ཕན་པ་ཞིག་མ་རེད།
རྩུབ་མོ་ཚིག་གིས་གཞན་སེམས་འཁྲུག་འགྱུར་ཞིང་།། བྱང་ཆུབ་སེམས་དཔའི་སྤྱོད་ཚུལ་ཉམས་འགྱུར་བས་གསུང་པ་ལྟར། སྐུང་ནས་གབ་ནས་མི་ལ་ཕོག་ཐུག་བཟོ་བ་འདི་མཚམས་འཇོག་རེ་བྱེད་ཐུབ་ན་འདི་ཕྱི་གཉིས་ཕན་རེད།
དེ་མིན་རང་མ་སྐྱིད་པ་དེ་སྡུག་གྱོང་ཁོ་ན་རེད། ཁྱོད་ལ་དོགས་པ་ཡོད་ཆོག་པ་ནང་བཞིན་ཁྱོད་རང་མི་ཡི་རྒྱུད་སྐུལ་པ་དང་། རྗེས་འདེད་པ། རྒྱུ་དངོས་ལྐོག་ལེན་པ་ཡིན་པའི་དོགས་པ་ཡོད་ཆོག་གི་རེད།
དབུ་མ་དང་རང་བཙན་དུ་དཀྲུག་ཤིང་བྱེད་པར་གྲི་འཛུགས་དགོས་པ་མ་རེད། རང་ཉིད་རང་བཙན་ལ་རྒྱབ་སྐྱོར་བ་ཞིག་ཡིན་མདོག་གིས་དབུ་མའི་ལམ་གྱི་ལས་འགུལ་པ་ཚོར་དངོས་ཤུགས་བརྒྱུད་གསུམ་ནས་མཐོང་ཆུང་དང་ལོག་བཤད་བྱས་བསྡད་པ་དེས་རང་བཞིན་གྱིས་འགལ་ཟླ་བཟོ་བཞིན་པ་ཆོས་ཉིད་རེད། འདི་ནི་དྲ་ཐོག་ནས་སེམས་གཏམ་ཙམ་ཡིན། དེ་མིན་ཁྱོད་ཀྱིས་རང་སྡུག་རང་གིས་ཅི་ཙམ་ཉོས་ཕྲག་དོག་འཕག་འགུལ་ཅི་ཙམ་བྱས་ཀྱང་ང་ལ་འབྲེལ་བ་སྤུ་ཙམ་མེད།
རྒྱ་རྙི་ལགས་ཁྱེད་ཀྱིས་དོགས་པ་ཟ་ཆོག་གི་རེད། འོན་ཀྱང་ངས་རང་བཙན་ལ་རྒྱབ་སྐྱོར་བྱེད་པ་དེ་དབུ་མའི་ལམ་གྱི་ཁ་བཏད་དུ་ལངས་མྱོང་མེད། རྩ་བའི་ཆ་ནས་ཅིའི་ཕྱིར་རང་བཙན་གྱི་ལངས་ཕྱོགས་བཟུང་ན་དབུ་ལམ་ལ་བར་ཆད་འགྲོའམ། དེ་ལས་ལྡོག་སྟེ་རང་བཙན་ལས་འགུལ་ནི་དབུ་ལམ་གྱི་མཐུན་རྐྱེན་དུ་འགྲོ་བ་རེད། མ་རེད་དམ། འདི་ལ་ལན་ཅིས་ཀྱང་འདེབས་རོགས་གྱིས། དེ་ལས་དབུ་ལམ་ཚོགས་པའི་ཚོགས་གཙོ་ཟླ་བ་ཚེ་རིང་གིས་སྐབས་རེ་དབུ་ལམ་ལ་རྒྱབ་སྐྱོར་བྱེད། སྐབས་རེ་དབུ་ལམ་ལ་ངོ་རྒོལ་བྱེད་ཀྱིན་ཡོད་པ་དེ་ཁྱེད་ཀྱིས་མ་རྟོགས་པ་རེད་དམ། ཡང་ན་ཁྱེད་ཕྱོགས་ལྷུང་གི་མུན་ནག་ནང་ཚུད་པ་རེད་དམ། ཡང་ན་ཆེད་མངགས་རྒྱ་དམར་གྱི་ལས་དོན་སྒྲུབ་ཀྱིན་ཡོད། ཁོང་གིས་སྤྱི་འཐུས་ནང་དབུ་མའི་ལམ་ལ་དགག་བྱ་བྱས་ཏེ་རང་ཐག་རང་བཅོད་ལ་རྒྱབ་སྐྱོར་བྱེད་པ་དེའང་ཁྱེད་ཀྱིས་མ་མཐོང་རེད་ག་རེ་རེད། དེ་ཙམ་མ་ཚད་ཟླ་ཚེ་འདི་སྤྱི་ཚོགས་ནང་གཡོ་རྩོང་མཁན་ཞིག་རེད། རེ་རེ་བཞིན་འདིར་བཀོད་པའི་སྐབས་སུ་མ་བབས། ཁྱེད་དངོས་གནས་དབུ་ལམ་ལ་རྒྱབ་སྐྱོར་བྱེད་མཁན་ཡིན་ན། དྷ་སའི་དབུ་ལམ་ཚོགས་པ་དེ་ལ་རྒྱབ་སྐྱོར་དགོས་མིན་རྟོགས་ཞིབ་ནན་མོ་དགོས། དེའི་ནང་གི་ཚོགས་མི་ཁག་གཅིག་གི་མཛད་སྤྱོད་ལ་གཟིགས་དང་། ངོས་རང་དབུ་ལམ་དང་རང་བཙན་གཉིས་ཀར་རྒྱབ་སྐྱོར་ཡོད་མཁན་ཡིན། དེ་གཉིས་པོ་གཅིག་ཕན་གཅིག་གྲོགས་བྱེད་དགོས། འོན་ཀྱང་དྷ་སའི་དབུ་ལམ་ཚོགས་པ་དེ་ལ་ཁོང་རྣམས་པས་བྱེད་ཕྱོགས་ལ་འགྱུར་བ་མ་གཏོང་བར་རྒྱབ་སྐྱོར་དུས་ནམ་ཡང་བྱེད་ཐུབ་ས་མ་རེད། ཁྱེད་ལམ་ནོར་ལ་ལྡོག་ཤེས་གནང་ན་བཟང་། དེ་མིན་ཁྱེད་ཀྱིས་ང་ལ་རྒྱ་མིའི་དངུལ་ཟ་མཁན་དང་དམོད་མོ་འདེབས་པ་དང་སྙད་འདོགས་ག་རེ་བྱེད་ནའང་། ངས་དུས་ནམ་ཡང་ཞེད་སྣང་བྱེད་སྲིད་ཀྱི་མ་རེད། སྨྲ་བརྗོད་འགོག་ཐུབ་ཀྱི་མ་རེད།
དོགས་པ་ཟ་ས་མང་པོ་རེད། བསོད་ནམས་རྒྱ་མཚོ་ཟེར་བའི་དཀྲུག་རྒན་འདིས་རྒྱ་གུང་ཁྲན་གྱི་དངུལ་ལོ་ག་ཚོད་ཟས་ཡོད་མེད་ལའང་དོགས་པ་རེད། བསོད་ནམས་དཀྲུག་རྒན་འདིས་རང་བཙན་ལ་རྒྱབ་སྐྱོར་བྱེད་ཁུལ་གྱིས་དབུ་ལམ་དང་རང་བཙན་བར་ཏུ་དཀྲུག་ཤིང་བྱེད་ཀྱིན་ཡོད་མེད་འང་དོགས་པ་རེད།
སྤྱིར་བཏང་ལས་འགུལ་སུ་ཞིག་གིས་སྤེལ་ན་རྗེས་སུ་ཡི་རང་ཡོད། འོན་ཀྱང་དཀྲུགས་རྒན་ཟླ་བ་ཚེ་རིང་གིས་དབུ་མའི་མིང་བྱང་འོག་ནས་དམིགས་ཡུལ་ཅི་ཞིག་བཅངས་ཡོད་པར་ཐེ་ཚོམ་གནས། དབུ་ལམ་ཚོགས་པ་འདི། མི་དམངས་ཀྱིས་མཐོང་ཆེན་བསླེབ་ཆེད་ལས་འགུལ་སྤེལ་བ་ཡིན་སྲིད། ཚོགས་པ་འདི་ཆེན་པོ་ཆགས་ན་སྤྱི་དོན་ལ་ཕན་པའི་ལས་ཀ་བྱེད་རྩིས་ཡོད་པར་ཡིད་ཆེས་དཀའ་འོ།།
འོ་ཡ་ཁ་སང་སྤྱི་འཐུས་ལྷན་ཚོགས་ཀྱིས་ལས་འགུལ་ཡག་པོ་སྤེལ་འདུག རྗེས་སུ་ཡི་རངས་ཡོད། ཡིན་ནའང་རྒྱུན་དུ་ང་འཆོང་གི་ཡིན། ཁོ་འཆོང་གི་ཡིན་ཟེར་ནས་ངར་ངར་ཤོར་བྱེད་བཞིན་པའི་སྤྱི་འཐུས་དབུས་གཙང་ཚོགས་གཙོ་ཟླ་བ་ཚེ་རིང་དང་། བུད་མེད་ཚོགས་ཟུར་བུ་མོ་ཚེ་རིང་། དབུས་གཙང་ཚོགས་ཟུར་སྒྲོལ་མ་ཚེ་རིང་གསུམ་གར་སོང་མི་འདུག་ཟེར། ད་དུང་རྡ་སའི་གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཕལ་ཆེ་བ་ལས་འགུལ་དེའི་ནང་མཉམ་བཞུགས་བྱས་ཀྱང་དབུ་མེད་ལམ་གྱི་ལས་འགུལ་ཁང་ཟེར་བས་སྤོར་གཅོག་སློག་ནས་ལས་འགུལ་ནང་མཉམ་ཞུགས་མ་བྱས་པར་ཁོ་ཚོས་ལས་འགུལ་ཟུར་དུ་སྤེལ་འདུག
དབུ་མའི་ལམ་གྱི་ལས་འགུལ་འདིར་ཡི་རངས་བྱེད་ཀྱིན་ཡོད་ལ་ལས་འགུལ་ལེགས་འགྲུབ་ཡོང་བའི་སྨོན་འདུན་ཡང་ཞུ་བཞིན་ཡོད།
ལས་འགུལ་སྤེལ་མཁན་ཚང་མ་ཡག་པོ་འདུག རྒྱལ་སྤྱི་ཟེར་བའི་མིང་བརྫིག་འདིས་བོད་པ་ཚོར་མཐོང་ཆུང་བྱེད་ཀྱིན་འདུག བོད་པ་རང་གིས་འགུལ་སྤེལ་དགོས། ལས་འགུལ་ཆེ་ཕྲ་ཆུང་གསུམ་ག་རེ་ཡིན་ཡང་དགོས་མཁོ་འདུག བོད་ནང་གི་བོད་མི་ཚོ་སྙིང་རྗེ། བོད་ནང་གི་བཙོན་པ་ཚོ་སྙིང་རྗེ། བོད་ཀྱི་གཞོན་ནུ་དང་། བོད་ཀྱི་དབུ་མ། ཚང་མས་ནུས་པ་གནང་རོགས།
དྲ་འབུ་བཀྲ་ཤིས་ཀྱི་ཁ་ལ་ལོ་མཇུག་གི་གླུད་དེ་བརྫངས་ནས་༢༠༡༢་བཀྲ་ཤིས་ཀྱི་ལོ་ནག་ཏུ་བཏང་ཆོག
བོད་རྒྱལ་གྱུར་ཅིག དབུ་མའི་ལམ་གྱི་ལས་འགུལ་བ་རྣམས་རྒྱལ་གྱུར་ཅིག བོད་རང་རང་དབང་རང་བཙན་གྱི་འཐབ་རྩོད་པ་རྣམས་རྒྱལ་གྱུར་ཅིག དྲ་འབུ་བཀྲ་ཤིས་མིང་ཅན་སོགས་བོད་ཀྱི་ལས་འགུལ་བའི་རིགས་རྗེས་འདེད་གཏོང་མཁན་གྱི་མི་ངན་བོད་འཚོང་བ་རྣམས་ཕམ་པར་རྒྱག་དགོས།
རྒྱལ་གཅེས་དཔའ་བོ་དཔའ་མོ་རྣམས་ཀྱི་ཞལ་ཆེམས་ལག་ལེན་དུ་བསྟར་ཏེ་བོད་རིགས་ནང་ཁུལ་མཐུན་སྒྲིལ་བྱེད་དགོས། བོད་མི་རྣམས་ལས་འགུལ་ལ་མཉམ་རུག་བྱེད་དགོས། དྲ་གྲོགས་རྣམས་ཀྱིས་ཀྱང་ནང་ཁུལ་གཏོར་གཤིག་དང་། ལས་འགུལ་བ་རྗེས་འདེད། ལས་འགུལ་བའི་སེམས་ཤུགས་གཅོག་ཐབས་བྱེད་པའི་དྲ་འབུ་རྣམས་རྒྱ་དགའ་རྣམས་ཡན་པོར་གཏོང་མི་རུང་།
དྲ་བདག་གིས་ཀྱང་བརྗོད་གཞི་དང་འཚམ་པ། དོན་དངོས་དང་འབྲེལ་བའི་མཆན་ལ་ཞིབ་གཤེར་བྱེད་དགོས་པ་ལས་ཟིན་བྲིས་འདི་རྒྱ་དགའ་རྣམས་ཀྱིས་ལས་འགུལ་བ་བརྡུང་བརྡེག་བྱེད་སར་བེད་སྤྱོད་བྱས་ན་མི་འགྲིག
བོད་པ་ཚོ་ལོངས་ཤོག བོད་མི་འབྱོན་ཐང་ཅན་རྣམས་ལོངས་ཤོག བོད་མི་དཔའ་བོ་རྣམས་ལོངས། དཔའ་མེད། འབྱོན་ཐང་མེད། ནུས་པ་མེད་མཁན་ཚོས་ཀྱང་གཞན་གྱི་ལས་འགུལ་ལ་ཁ་མ་གཏོང་། ཕྲག་དོག་མ་བྱེད། ལས་རྒྱུ་འབྲས་ལའང་རུང་ངེས་མ་རེད། རང་མི་དགའ་རྒྱུ་མཚན་དུ་བྱས་ན་བོད་སྤྱི་བའི་ལས་འགུལ་སྤེལ་སྐབས་འཁོན་འཛིན་མ་བྱེད། འདི་ཚོ་ཅོལ་ཆུང་རེད། དཀྲུགས་ཤིང་རེད། ལོངས་ཤོག བོད་རང་དབང་ལོངས།
བདེན་པ་ཉིད་རྣམ་པར་རྒྱལ་གྱུར་ཅིག དབུ་མའི་ལམ་རྣམ་པར་རྒྱལ་གྱུར་ཅིག
རྒྱལ་ཚོགས་གཉིད་ལས་དཀྲོག་དགོས་ན། རྒྱལ་ཚོགས་ཀྱི་ཁ་ལ་སྐྱག་པ་མ་བགོས་ན་ཁོ་ཚོ་བོད་མི་ཉམ་ཆུང་ཚོས་གཉིད་ལས་དཀྲོག་ཐུབ་ས་མ་རེད།
སྐུ་ངོས་ཟླ་བ་ཚེ་རིང་གི་ལས་འགུལ་འདི་འདྲ་ཞིག་སྤེལ་བ་དེ་སེམས་སྟེང་ནས་དགའ་བསུ་ཡོད་། འོན་ཀྱང་སྐུ་ངོས་མཆོག་ལ་མི་རིགས་ཀྱི་ལ་རྒྱ་ཡོད་ན་གཉེད་དཀྲོགས་དགོས་པ་དེ་རྒྱལ་ཚོགས་ཙམ་ག་ལ་ཡིན་གཞིས་བྱེས་གཉིས་ཀྱི་དབུས་གཙང་མི་མང་རྣམས་རེད་། ད་ལོང་ཤོག། བོད་ཁམས་ཡོངས་ལ་རང་དབང་མེད་ན་དབུས་གཙང་མི་དམངས་ལ་རང་དབང་ག་ནས་ཐོབ། བོད་རིགས་མི་མང་གི་རང་དབང་གི་འབོད་སྒྲ་མེད་ན་རྒྱལ་ཚོགས་ལ་ཐབས་ལམ་ག་ནས་ཡོད་། ལོང་ཤོག་སྟོད་པ་བ། ག་དུས་ཡིན་ན་གཞུང་གི་སྐྱབས་གསོལ་ལ་བསྟན་ནས་དུས་ཚུད་ཆོལ་གི་མ་རེད་། དྲང་བདེན་གྱི་ལམ་བུ་འཁྱེར་ནས་ལོང་ཤོག་མངའ་རི་བ། སྡ་སའི་སྐྱིད་སྡུག་ཁང་པ་དེ་ཁེ་ཕན་ཡོད་མདོག་ཆེ་རུང་ཁྱེད་རང་ལ་དག་པ་ག་ཡིན་། ལོང་ཤོག་དབུས་གཙང་མི་མང་རྣམས་ནང་ཁུལ་དབྱིན་དཀྲུགས་ཀྱི་དམགས་མཐབ་ལ་ཞུགས་པ་བཞིན་ལོང་ཤོག། དེ་རིང་ཁྱེད་རང་མི་མང་རྣམས་ཁ་ཡོད་ལག་སྟོང་དང་ཤ་ཡོད་སྙིང་མེད་ཀྱི་གྲས་སུ་ཡིབ་ནས་མ་སྡོད་པ་ཆིག་སྒྲིལ་ཀྱི་དར་ཆེན་འོག་ནས་ལོང་ཤོག།
རང་ཉིད་གཉིད་ལས་མ་སད་གོང་།།
གཞན་ཞིག་དཀྲོག་པར་འདོད་པ་མཚར།།
རྒྱལ་ཚོགས་རྒྱ་ཡིས་བཟི་སྨན་གྱིས།།
སད་རྒྱུ་མེད་པའི་གཉིད་དུ་ཡུར།།
གོམ་བགྲོད་བྱེད་པའི་གོམས་སྲོལ་དང་།།
དཔའ་གཏམ་མང་བོའི་བཙལ་བྱོལ་བ།།
གཞན་དང་མི་མཚུངས་རེ་བ་ཡིས།།
བོད་ཀྱི་ཡུལ་དུ་གཤར་ན་བཟང་།།
ལས་འགུལ་སྤེལ་བ་ལ་བསྔགས་བརྗོད་ཡོད། དབུ་མའི་ལམ་ལ་བརྒྱ་བཤད་སྟོང་བཤད་བྱེད་མཁན་གྱི་ཆབ་བྲག་ལྷ་མོ་སྐྱབས་ལགས་གང་དུ་ཡོད་དམ། གཉན་ཕྲང་གི་དུས་ཚོད་འདིའི་ནང་དུ་སྨྱུག་རྩེ་ནས་སྟོང་འབྲི་བྱས་པས་མི་ཕན། དོན་ངོ་མའི་ལག་ལེན་གྱི་ཆ་ནས་དགོས་ཀྱི།
ཟླ་བ་དབང་ཕྱུགས་ལགས།
((ད་ནི་བུ་རྒོད་པོ་ཡོད་ན་དཔའ་རྟགས་ངོམ་པའི་དུས་ཚོད་རན་ཡོད་མོད།))་་ད་ནི་་་ད་ནི་་་ད་ནི་་་་ད་ནི་དབུ་མའི་སྲིད་བྱུས་ལ་གྲུབ་འབྲས་མ་ཐོན།
ད་ནི་་ག་རེ་བྱེད་དགོས།
ད་ནི་་་་ཡོད་ཚད་ཕྱི་དྲག་སོང་།
ད་་་ནི་་་ཏིང་ཞོ་ཕེངས་མགོ་སྐོར་བཏང་བཞག་་་་་་ད་ནི་གང་དྲག
ད་་་ནི་དབུ་མའི་ལམ་གྱི་མིང་བྱང་ལག་ཏུ་བསྣམས་ནས་རྡ་སའི་དཀྲུགས་རྒན་ཟླ་བ་ཚེ་རིང་།
ད་་་ནི་་་ཡོད་ན་མ་འཕྱུགས་རོགས་་ལྟད་མོ་ལྟ་ཡ།
དབུས་གཙང་སྤྱི་འཐུས་ཟླ་བ་ཚེ་རིང་སོགས་དབུ་མའི་ལམ་གྱི་སྣེ་ཁྲིད་པ་དང་། ལས་འགུལ་པ་ཚང་མར་དགའ་བསུ་ཞུ། སྟོང་བཤད་རྒྱབ་ནས་བསྡད་པ་ལས་འཕག་འཚགས་རྒྱག་པའི་དུས་ཚོད་ཡིན།
ད་ནི་བུ་རྒོད་པོ་ཡོད་ན་དཔའ་རྟགས་ངོམ་པའི་དུས་ཚོད་རན་ཡོད་མོད་དྲ་འབུ་འདི་ཚོས་ནང་ལ་རྙོག་དྲ་རེ་བཤད་རྒྱུ་མ་གཏོག་རྒྱ་ཚང་ལ་ཕུ་ཙམ་ཡང་འདེབས་མི་ཐུབ། དཔའ་རྒོད་ཚོ། ཚོགས་པ་ཚོ།་ལོངས་ཤོག
འདི་ལྟར་ཡུལ་ཁྲིམས་དང་རྒྱལ་སྤྱིའི་མཐོང་སྣང་ལ་མི་གནོད་པའི་ལས་འགུལ་ཆེ་ཆུང་རིགས་སུ་ཞིག་གིས་སྤེལ་ན་དགའ་བསུ་ཡོད་དང་ཡོད།
རྗེས་སུ་ཡི་རངས་ཀྱི་གནས་རེད། ཁ་ཕོ་བཤད་ནས་བསྡད་པ་ལས་འདི་ལྟར་གོམ་བགྲོད་ལས་འགུལ་སྤེལ་ན་ལོས་བཟང་།
བཀུར་འོས་དབུས་གཙང་ཚོགས་གཙོ་བོད་མི་མང་སྤྱི་འཐུས་ཟླ་བ་ཚེ་རིང་ལགས་ཀྱི་གཙོ་བོས་ལས་འགུལ་བ་ཡོངས་ལ་གནམ་ལོ་གསར་བའི་འཚམས་འདྲི་དང་ཆབས་ཅིག་ཁྱོད་ཅག་གིས་ལས་དོན་བཟང་པོར་གུས་བརྩི་དང་དགའ་ཞུ་ཆེན་པོ་ཞུ་རྒྱུ་ཡིན།
དུས་ཐོག་ཆར་བ་རེད། རྒྱལ་ཚོགས་ཀྱི་གཉིད་བཀྲོགས་དགོས་པ་མ་ཟད་དྲ་འབུ་བཀྲིས་ཀྱི་རྣ་བ་འང་བཀྲོག་དགོས།
དབུ་མེད་ལས་མེད་ཚོགས་པས། །
ལས་འགུལ་སྤེལ་བ་ཕྱི་སོང་། །
བཙན་བྱོ་སྤྱི་ཚཽགས་ནང་ཁུལ། །
དཀྲུགས་ཤིང་རྒྱག་རྒྱུ་མང་སོང་། །
མཉམ་འབྲེལ་རྒྱལ་ཚོགས་སྟེང་ལ། །
སྙན་ཞུ་འབྲི་བ་འཕྱི་སོང་། །
རྒྱ་ནག་དམར་པོའི་སྲིད་གཞུང་། །
སྟོབས་ཆེན་རྒྱལ་ཁབ་ཆགས་ཚར། །
བོད་དོན་དབུ་མེད་ལམ་ནས། །
རྒྱ་ནག་རྒྱལ་ཁ་ཐོབ་སོང་། །
རྒྱ་ལོ་དོན་འགྲུབ་རྒད་པོར །
རེ་བ་སྟོང་ཟད་ཆགས་སོང་། །
རྒྱ་རི་བློ་གྲོས་སོང་ནས། །
རྒྱ་བོད་ཞི་མོལ་མི་དགོས། །
རྒྱ་མའི་རྣ་བའི་ནང་ལ། །
བོད་དོན་བཤད་པ་ཁག་ཙམ། །
མི་ལོ་སུམ་ཅུའི་རིང་གི །
སྲིད་ཇུས་དབུ་མེད་ལམ་ནས། །
བོདཔའི་གོ་སྐབས་ཡོད་ཚད།
ཀུང་བྲན་ཏིང་ལ་ཤོར་སོང་།
དབུ་མེད་ལམ་གྱི་ཚོགས་གཙོ། །
གཙོ་སྤྱི་འཐུས་ཟླ་བ་ཚེ་རིང་། །
དབུ་མེད་མིང་བྱང་ཁུར་ནས། །
བཙན་བྱོལ་དཀྲུགས་རྒྱུ་མང་སོང་། །