བྷེན་ལཱ་ཌན་ནི། ཨ་རིའི་དགུ་གཅིག་གཅིག་དོན་རྐྱེན་བྱུང་རྗེས་ཀྱི་འཇིགས་སྐུལ་ཤོག་ཁག་གི་དམིགས་འབེན་ཨང་དང་པོར་གྱུར་ཏེ། ལོ་སྔོན་མར་ཨོ་སཱ་མཱ་བྷེན་ལཱ་ཌན་ (Osama bin Laden) པཱ་ཀི་སི་ཐན་གྱི་ནུབ་བྱང་ས་ཁུལ་དམག་གི་རྟེན་གཞི་ཞིག་གི་ཉེ་འགྲམ་དུ་གནས་སྡོད་བྱེད་བཞིན་པ་ཤེས་རྟོགས་བྱུང་རྗེས། གསང་བའི་སྒོ་ནས་ཨ་རིའི་དམིགས་བསལ་དྲག་ཆས་དམག་ཆེད་གཏོང་གིས། སྔ་ལོའི་ཕྱི་ཟླ་ ༥ ཚེས་ ༢ ཉིན་བྷེན་ལཱ་ཌན་ཁོང་གི་སྡོད་ཁང་ནས་དམར་གསོད་བཏང་སྟེ། ཕུང་བོ་མཚོ་ནང་གཡུག་པའི་གནས་ཚུལ་བྱུང་ཡོད།
པཱ་ཀི་སི་ཐན་གཞུང་གིས། ཨ་རིའི་དྲག་ཆས་དམག་དང་གནམ་གྲུ་བཅས་ལ་ཆོག་མཆན་མ་ཞུས་པར་པཱ་ཀི་སི་ཐན་གྱི་རྒྱལ་ཁོངས་སུ་འཛུལ་བ་དང་། པཱ་ཀི་སི་ཐན་གཞུང་དང་གྲོས་བསྡུར་གང་ཡང་མ་བྱས་པར་བྷེན་ལཱ་ཌན་དམར་གསོད་བཏང་པའི་ཐད་ཨ་རིར་སྐྱོན་བརྗོད་བྱས་ཡོད་པ་མ་ཟད། རྗེས་སུ་པཱ་ཀི་སི་ཐན་གྱི་རྒྱལ་སྲུང་དམག་ལ་ཨ་རི་གཙོས་པའི་ཕྱི་ཕྱོགས་ཀྱི་དམག་མིར་ཆོག་མཆན་མེད་པར་པཱ་ཀི་སི་ཐན་ནང་འཛུལ་རིགས་ལ། པཱ་ཀི་སི་ཐན་གཞུང་གི་ཆོག་མཆན་ཞུ་མི་དགོས་པར་ཐད་ཀར་དྲག་རྒོལ་བྱ་ཆོག་པའི་བཀོད་ཁྱབ་བཏང་ཡོད།
ཐེངས་འདིར་པཱ་ཀི་སི་ཐན་གཞུང་གིས། བྷེན་ལཱ་ཌན་གྱི་སྡོད་ཁང་གཏོར་བཤིག་གཏོང་དགོས་པའི་རྒྱུ་མཚན་གང་ཡང་ཁ་གསལ་ཐོག་ཕྱིར་བསྒྲགས་བྱས་མེད།
གསར་འགོད་པ། བནྡེ་སྐྱབས།
རྒྱལ་ལོ། རྒྱལ་ལོ། ལྷ་རྒྱལ་ལོ།
དཀོན་མཆོག་གསུམ་པོ་ལྷ་རྒྱལ་ལོ།