ཉིན་འདི་འགར་རྒྱ་གར་གནས་མཆོག་རྡོ་རྗེ་གདན་དུ། དཔལ་རྒྱལ་བ་ཀརྨ་པ་དབུ་བཞུགས་ཐོག་བཀའ་བརྒྱུད་སྨོན་ལམ་ཆེན་མོ་ཐེངས་ཉེར་དགུ་པ་འཚོགས་བཞིན་ཡོད་འདུག
ཟླ་འདིའི་ཕྱི་ཚེས་ ༡ ཉིན་ནས་ཕྱི་ཚེས་ ༨ ཉིན་བར་གནས་མཆོག་རྡོ་རྗེ་གདན་དུ། བཀའ་བརྒྱུད་སྨོན་ལམ་ཆེན་མོ་ཐེངས་ཉེར་དགུ་པ་དེ་འཚོགས་བཞིན་ཡོད་པ་དང་། ཐེངས་འདིའི་སྨོན་ལམ་ཆེན་མོའི་སྟེང་སྒྲུབ་བརྒྱུད་བསྟན་པའི་མངའ་བདག་དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་དབུ་བཞུགས་ཐོག འཇམ་མགོན་ཀོང་སྤྲུལ་རིན་པོ་ཆེ་མཆོག་དང་རྒྱལ་ཚབ་རིན་པོ་ཆེ་མཆོག་གཙོས་པའི་བཀའ་བརྒྱུད་པའི་བླ་སྤྲུལ་མཁན་པོ་རྣམ་པ་དང་། འཛམ་གླིང་ཕྱོགས་མཐའ་ཁག་ནས་ཕེབས་པའི་དགེ་འདུན་པ་སྟོང་ཕྲག་མང་པོ་འདུ་འཛོམས་བྱུང་ཡོད་འདུག
ད་བར་བཀའ་བརྒྱུད་སྨོན་ལམ་ཆེན་མོ་འདི་རྒྱ་གར་ཁོ་ན་ཙམ་མིན་པར། བྱང་ཨ་རི་དང་ཁེ་ཎ་ཌ། ཡུ་རོབ། ཨོ་སི་ཊོ་ལི་ཡ། ཐའེ་ཝན། ཧོང་ཀོང་། སིང་གྷ་ཕོར། མཱ་ལེ་ཤི་ཡ། ཧིན་རྡུ་ཎི་ཤི་ཡ་སོགས་འཛམ་གླིང་རྒྱལ་ཁབ་ ༥༠ ཙམ་གྱི་ནང་སྐོང་ཚོགས་གནང་ཐུབ་ཡོད་འདུག
བཀའ་བརྒྱུད་སྨོན་ལམ་ཆེན་མོ་འདི་ནི་ཀརྨ་པ་སྐུ་ཕྲེང་བདུན་པའི་སྐབས་ཐོག་མར་བྱུང་བ་ཞིག་ཡིན་པ་དང་། བོད་ནང་དུས་འགྱུར་རིམ་པར་བྱུང་སྟབས་རེ་ཞིག་སྨོན་ལམ་ཚོགས་མ་ཐུབ་པར་ལྷག་ཡོད་ཀྱང་། བོད་གཞུང་མང་གཉིས་བཙན་བྱོལ་དུ་འབྱོར་རྗེས། སྐྱབས་རྗེ་ཀ་ལུ་རིན་པོ་ཆེ་མཆོག་དང་འབོ་དཀར་རིན་པོ་ཆེ་རྣམ་གཉིས་ཀྱིས། ༡༩༨༣ ལོར་རྒྱ་གར་དུ་བསྐྱར་གསོ་གནང་བ་ཞིག་ཡིན་འདུག ༢༠༠༤ ལོར་རྒྱལ་བ་ཀརྨ་པ་མཆོག་གིས་སྨོན་ལམ་ཆེན་མོའི་སྒྲིག་གཞི་འདུལ་ཁྲིམས་དང་མཐུན་པར་བསྐྱར་བཅོས་གནང་ཡོད་འདུག
སེངྒ་སྨོན་ལམ་འཚོགས་ནོ་བཟང་གི་མོ།
ཁྱེད་ཚོས་ཀ་ལི་རིན་པོ་ཆེའི་ཡང་སྲིད་སྤྲུལ་སྐུ་སྐྱག་སྤྲུལ་ཞབས་འདྲེན་དེའི་་youtube ཐོག་བཞག་ཡོད་པའི་སྐྱབ་གཏམ་དེ་མར་ལེན་རོགས། བཀའ་བརྒྱུད་པ་ཡོངས་ལ་གསོལ་བ་འདེབས།
སྐྱག་སྤྲུལ་འདི་སུས་ངོས་འཛིན་བྱས་པ་ཡིན་ན་ཡང་ངོས་འཛིན་བྱེད་མཁན་དང་མི་ཆོས་བླ་མའི་རྫུན་བཤད་ནས་དགེ་སློང་གི་སྡོམ་ཤོར་མཁན་སྟེ། སྤྲུལ་སྐུ་ངོས་འཛིན་བྱེད་མཁན་རྣམས་ལ་ཡང་རེ་བ་ཞུས་པ་ཡིན།
འབྲེལ་ཐག་འདི་དང་ད་རུང་ཡོད་ས་རེད།
http://www.youtube.com/watch?v=z5Ka3bEN1rs&feature=related
༧དཔལ་རྒྱལ་བའི་དབང་པོ་ཀརྨ་པ་དབུ་བཞུགས་ཀྱི་ཐོག་འདི་ལྟ་བུའི་རླབས་ཆེན་གྱི་སྨོན་ལམ་ཞིག་ཚོགས་ཐུབ་པ་ནི་ཁ་བ་གངས་ཅན་པའི་གཟི་བརྗིད་ཡིན་པས་རང་ཉིད་དངོས་སུ་འཚོགས་མ་ཐུབ་ཀྱང་རྗེས་སུ་ཡི་རང་སྒོམ་བཞིན་ཡོད།
ཀརྨ་པ་གཉིས་འདས་མ་ད་གསུམ་བྱུང་མྱོང་མེད་པས་སྤྱི་ཚོགས་ནང་དུ་རྙོག་གླེང་བཟོ་སའི་སྐད་ཆ་དེ་འདྲ་མ་བཤད་ན་བཟང་།
ཁྱོད་རང་ཨ་མའི་བུ་དངོས་གནས་ཡིན་ན།
ཉིན་གཅིག་ཀརྨ་པ་གཉིས་དང་སི་ཏུ་ཞ་མར་རྣམས་ཀྱི་སྨོན་མལ་མཉམ་དུ་འཚོགས་ནས་བཀའ་བརྒྱུད་པ་གཅིག་སྒྲིལ་ཡོང་བར་ཤོག།