ཕྱི་ཟླ་ ༢ ཚེས་ ༢༠ ཉིན་རྔ་པ་འཛམ་ཐང་དུ་རང་ལུས་མེར་བསྲེཊ་ཁྲོད་འདས་གྲོངས་སུ་ཕྱིན་པའི་འདས་པོ་དམ་པ་སྣང་གྲོལ་ལགས་ཀྱིས། ཁོང་འདས་གྲོངས་སུ་མ་ཕྱིན་གོང་རང་ཁྱིམ་དུ་འཁོར་ཐག་ཅིག་གི་ནང་ཁ་ཆེམས་ཞིག་བཞག་ཡོད་འདུག་ལ། ཁོང་གི་ཁ་ཆེམས་དེ་རོགས་པ་ཁ་ཤས་ཀྱིས་ཡིག་ཐོག་ཏུ་བཀོད་དེ་འདི་གར་བསྐུར་འདུག
འདས་པོ་དམ་པ་སྣང་གྲོལ་ལགས་ཀྱི་ཁ་ཆེམས་དེའི་ནང་དུ་འཁོད་དོན། “ བོད་ཆོལ་ཁ་གསུམ་གྱི་བོད་རིགས་སྤུན་ཟླ་ཚོས་ངེས་པར་དུ་རྡོག་རྩ་གཅིག་སྒྲིལ་གནང་རོགས། གལ་སྲིད། ཁྱེད་རང་ཚོས་བོད་སྤྱི་བའི་ལས་དོན་བསྒྲུབ་ཐུབ་ཀྱི་མེད་ནའང་། བོད་ལ་གནོད་པའི་ལས་དོན་རིགས་རྩ་བ་ནས་མ་སྤེལ་རོགས། ལྷག་པར་དུ་ནང་རྐུན་དང་ནང་འཛིང་ནམ་ཡང་མ་བྱེད་རོགས། བོད་ཀྱི་སྐད་ཡིག་དང་གྱོན་ཆས་ཀྱི་མཚོན་པའི་བོད་ཀྱི་རིག་གཞུང་ལ་ངེས་པར་དུ་བདག་པོ་རྒྱག་རོགས་ ” ཞེས་འཁོད་འདུག
འདས་པོ་དམ་པ་སྣང་གྲོལ་ལགས་ནི་རྔ་པ་ཁུལ་འཛམ་ཐང་བར་མ་ཡུལ་ཚོ་ཆོས་རྗེ་ཚོ་བའི་སྡེ་མི་ཕ་སྤྱན་གཟིགས་དང་མ་སྙིང་མོ་གཉིས་ཀྱི་བུ་ཡིན་པ་དང་། ཁོང་གིས་རང་ལུས་མེར་བསྲེགས་གཏོང་སྐབས་རང་ལོ་༡༨ ཙམ་ཡིན་འདུག
ང་རང་གི་དངོས་ནས་དཔའ་བོ་དམ་པ་ཁོང་བློ་བདེ་བ་ཞིག་འབད་བརྩོན་བྱ་ངེས་ཡིན།
ཁོང་གི་ཞལ་ཆེམས་དེ། ང་ཚོ་བཙན་བྱོལ་བས་དང་དུ་ལེན་ཕོད་མཁན་ཨེ་ཡོད་ན། གལ་སྲིད་ཚང་མ་ལག་ལེན་མ་ཐུབ་ནའང་སྣ་ཁ་གང་རུང་ཞིག་ལག་ལྟར་ཐུབ་ན་ཅི་འདྲའི་བཟང་།
མཁོ་སྤྲོད་གནང་བར་ཐུགས་རྗེ་ཆེ། འཁོར་ཐག་ངོ་མ་དེ་དྲ་ལམ་དུ་བཞག་སྐལ་བྱུང་ན་དམིགས་བསལ་གྱི་ཚོར་ཤུགས་ཡོད་ངེས་ལགས།
དཔའ་བོའི་བསམ་དོན་བཞིན་ང་ཚོ་དོག་རྕ་གཅིག་ཏུ་འགྲིལ་དགོས་སོ།།