ད་ནངས་ངྷ་ས་གཙུག་ལག་ཁང་དུ་༸གོང་ས་མཆོག་དབུ་བཞུཊ་ཐོག་ཁལ་ཁ་རྗེ་བཙུན་དམ་པ་མཆོག་ལ་བསྔོ་སྨོན་མཆོད་འབུལ་གཟབ་རྒྱས་ཤིག་གནང་སོང་།
སྐུ་སྒེར་ཡིག་ཚང་གི་གོ་སྒྲིག་འོག དེ་རིང་ཕྱི་ཚེས་ ༣ ཉིན་གྱི་སྔ་དྲོའི་ཆུ་ཚོད་ ༩ པའི་སྟེང་བཞུགས་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ༸གོང་ས་མཆོག་དབུ་བཞུགས་ཐོག་རྣམ་རྒྱལ་གྲྭ་ཚང་གི་མཁན་རིན་པོ་ཆེ་གཙོས་པའི་བླ་སྤྲུལ་དགེ་བཤེས་རྣམ་པ་དང་། དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་གཙོས་པའི་ཕྱག་རོགས་བཀའ་བློན་རྣམ་པ། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་བགྲེས་གཞོན་གཙོས་པའི་སྤྱི་འཐུས་རྒྱུན་ལས། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་གཙོས་པའི་ཁྲིམས་ཞིབ་པ་རྣམས་དང་། རང་དབང་ཅན་གྱི་སྡེ་ཚན་ཁག་གི་འགན་འཛིན་དང་། ངྷ་སའི་སེར་སྐྱ་མང་ཚོགས་བཅས་ཁྱོན་མི་ ༦༠༠ ལྷག་འདུ་འཛོམས་ཐོག ཉེ་ལམ་སོག་ཡུལ་རྒྱལ་ས་ཨཱ་ལིམ་པཱ་ཐིར་རུ་དགོངས་པ་གཞན་དོན་གཤེགས་པའི་ཇོ་ནང་བསྟན་པའི་མངའ་བདག་སྐྱབས་རྗེ་ཁལ་ཁ་རྗེ་བཙུན་དམ་པ་མཆོག་གི་ཆེད་དུ། ༼བདུན་འཁོར་རྒྱུད་མཆན༽ཀློག་འདོན་དང་བསྔོ་སྨོན་མཆོད་འབུལ་གཟབ་རྒྱས་ཤིག་གནང་སོང་།
མཆོད་འབུལ་སྨོན་ལམ་མཛད་སྒོའི་སྟེང་སྐུ་སྒེར་དྲུང་ཆེ་བྲེ་སང་ལགས་ཀྱིས། ཁལ་ཁ་རྗེ་བཙན་དམ་པ་མཆོག་གི་སྐུ་ཚེ་ཧྲིལ་པོའི་ལོ་རྒྱུས་མང་ཚོགས་ལ་ངོ་སྤྲོད་དང་། དམ་པ་ཁོང་གི་ཡང་སྲིད་གང་མགྱོགས་བྱོན་ཐུབ་རྒྱུར་རེ་བ་དང་སྨོན་ལམ་རྒྱག་བཞིན་ཡོད་སྐོར་གསུངས་སོང་།
ཁལ་ཁ་རྗེ་བཙུན་དམ་པ་སྐུ་ཕྲེང་བཅུ་གཅིག་པ་འཇམ་དཔལ་རྣམ་གྲོལ་ཆོས་ཀྱི་རྒྱལ་མཚན་མཆོག་ནི། ཕྱི་ལོ་ ༡༩༣༢ ལོར་བོད་དབུས་རྭ་ལོའི་གདུང་རྒྱུད་ཡབ་བློ་བཟང་འཇམ་དཔལ་ལགས་དང་། ཡུམ་དབྱངས་ཅན་ལྷ་མོ་ལགས་གཉིས་ཀྱི་སྲས་སུ་སྐུ་འཁྲུངས་ཤིང་། ༢༠༡༡ ལོར་༸གོང་ས་མཆོག་གི་བཀའ་དགོངས་བཞིན་སོག་ཡུལ་དུ་ཕེབས་ཏེ་འགྲོ་དོན་རྒྱ་ཆེར་བསྐྱངས་ཡོད་ལ། ༢༠༡༢ ཟླ་ ༣ ཚེས་ ༡ ཉིན་གྱི་ཞོགས་པར་སོག་ཡུལ་རྒྱལ་སར་དགོངས་པ་གཞན་དོན་དུ་གཤེགས་ཡོད་ཅིང་། ད་ལྟ་ཁོང་དགུང་ལོ་ ༨༡ ཡིན་འདུག
གསར་འགོད་པ། དཔལ་ལྡན།
འདི་ནི་ཇོ་ནང་བ་བློ་སློབ་ཆོས་རྒྱུད་དང་བཅས་པ་ལ་སྐུ་སྐེར་དངོས་ནས་་ཆེ་མཐོང་གནང་བ་རེད། ཧ་ཅང་ཡག་པོ་རེད་སྙམ། གཞན་ཡང་སྲིད་ལ་ལས་ཞབས་འདྲེན་བྱེདལ། ཡང་སྲིད་ལ་ལས་ཞབས་འདེགས་གནང་བས་ཡང་སྲིད་དགོས་མིན་ཧ་ཅང་བཤད་དཀའ། ད་དུང་ཡང་སྲིད་ལ་ལས་སྔོན་གནས་རྗེས་དྲིན་མིག་མཐོང་ལག་ཟིན་ལྟ་བུ་གནང་ཡོང་དུས་ཁས་མི་ལེན་རང་ལེན་མ་རེད་དམ། ཡང་ན་འགྲེལ་བཤད་གཞན་ཞིག་ཡོད།
དེང་དུས་སུ་ཡང་སྲིད་ཀྱི་རིན་ཐང་ཆུང་དུ་འགྲོ་ཡི་ཡོད་རེད། མ་འོངས་པར་དེ་ལས་ཀྱང་འགྲོ་སྲིད། ཨ་མ་དང་བླ་མ་གཉིས་ཀྱི་ཕྲུ་གུ་མང་ཆེ་བར་སྤྲུལ་སྐུའི་མཚན་གནས་ཡོད་རེད། ཐོས་བསམ་སྒོམ་གསུམ་བྱེད་ལོང་མེད་པར་ཨ་མའི་རྐུབ་ནས་ལྷུང་བའི་ལོ་གཅིག་གི་རྗེས་སུ་གསེར་ཁྲིའི་སྟེང་དུ་འཕགས་ཐུབ་པ་ཤ་སྟག་རེད། ཕྲུ་གུའི་ཕ་ཁུ་དགོན་བདག་ཡིན་པའི་རྐྱེན་གྱིས་ཁྲི་འདོན་མཛད་སྒོ་ནི་ལས་སླ་རུ་སོང་ཡོད་རེད། བླ་མ་དང་ ཨ་མ་ ཕྲུ་གུ་སོགས་སྐུ་འཁོར་ཡོངས་བརྫོགས་གཙུག་ལག་ཁང་གི་ལྡིང་ཆ་མཐོ་ཤོས་སྟེང་གི་མི་སྣ་རེད། ཡབ་ཡུམ་གཉིས་ཀྱིས་ཕྲུ་གུ་བསྐྱོར་ནས་གསེར་ཁྲིའི་སྒང་དེར་བཞགས་ནས་དགོན་པའི་ནང་གི་ཐོས་བསམ་སློབ་གཉེར་བྱེད་མཁན་ཚོར་མཇལ་དར་སྒྲོན་བཅུག་གི་ཡོད་པ་དང་། ཞོར་ལ་དཔར་གཉེར་མི་སྣའི་སྐུ་འཁོར་ཡོངས་བརྫོགས་འདྲ་པར་སྐྱོན་གྱི་ཡོད་རེད། ཁོང་ཚོའི་དམིགས་ཡུལ་ནི་སྲིད་དེ་རྒྱལ་ཕྱི་ནང་ཀུན་ཏུ་ཁྱབ་བསྒྲག་ཡགས་པོ་འགྲོ་བའི་ཆེད་དུ་རེད། མཇལ་དར་སྒྲོན་མཁན་ཚོ་ཡང་སྐུ་སྔོན་མའི་སྐུ་གསུངས་ཐུགས་ཀྱི་ཡོན་ཏན་དྲན་པས་དད་པ་དང་མོས་གུས་ཆེ་དྲག་པས་མ་ཡིན་པར། སོ་སོའི་དཔར་འབྱོར་འབྲེལ་ལམ་དང་། ཡང་ན་སྒྲིག་གཞི་གཞན་ཞིག་གི་ཆེད་དུ་ཡིན། དཔེར་ན་ཕོ་མོ་གཉེན་སྒྲིག་སྐབས་སུ་མག་པ་དང་བག་མ་གཉིས་ལ་ཇ་ནོམ་གྱི་མཆོད་པས་མཉེས་པར་བྱེད་ཀྱི་ཡོད་པ་དང་། མི་རིགས་སོ་སོའི་ཡུལ་སྲོལ་དང་མཐུན་པའི་རྟེན་འབྲེལ་མཛད་སྒོ་བྱེད་ཀྱི་ཡོད་པ་དེ་ཡང་དད་པ་དང་མོས་གུས་ཀྱིས་མ་ཡིན་པར་ཕན་ཚུན་བར་དཔལ་འབྱོར་འབྲེལ་ལམ་དང་ཉེ་འབྲེལ་འབྲེལ་ལམ་གྱི་ཆེད་ཙམ་རེད། བྱས་ཙང་ཡང་སྲིད་ངོས་འཛིན་བྱེད་པའི་ལུགས་སྲོལ་འདིའང་དེ་ག་རང་ཡིན་སྲིད་པས་་ནི་མ་འོངས་རྒྱལ་སྤྱིའི་ནང་ཕན་པ་ལས་གནོད་པ་ཆེ་བར་འོང་བའི་དོགས་གཞི་དང་སྔངས་་སྐྲག་ཁོ་ན་ལས་་མ་འདས།
སོང་ཙང་རང་ངོས་ནས་བཤད་ན་ཡང་སྲིད་ཕེབ་རྒྱུའི་རེ་བ་ལས་ཟློག་སྟེ། མིའི་སྤྱི་་ཚོགས་འདི་ཕྱི་གསལ་ནང་གསལ་ཡང་དག་ཞིག་ཆགས་ཐུབ་པའི་རེ་བ་ཡོད།
མཇུག་མཐར་ཁལ་ཁ་རྗེ་བཙུན་དམ་པ་མཆོག་གིས་སངས་རྒྱས་ཀྱི་གོ་འཕང་ཐོབ་པར་ཤོག །།།།
ཡང་ཡང་སྲིད་ན་སྲིད་པའི་ཁོ་ལག་རྒྱས།།
རྩ་བ་བདག་གཞན་བླ་སློབ་ཀུན་ལ་ཐུག།
ཆོས་མེད་དད་མེད་འདྲེས་པ་བཙོག་པའི་ཆུ།།
མ་ཡིན་གཞན་སྟོང་བསྟན་པའི་གཙང་བོ་རྒྱས།།
བོད་པ་གཞིས་ཆགས་མགོ་བདེ་དེ་ཚོས་སྐྱག་སྤྲུལ་བཟོས་པ་རེད། ཞབས་འདྲེན་དེ་ལ་ལྟོས་ཡ།་་་གཤམ་གྱི་དྲ་ཐག་ནང་ན་ཡོད་རེད
http://www.youtube.com/watch?v=z5Ka3bEN1rs&feature=related
ཡང་སྲིད་མིག་གི་མི་མཐོང་གི་སྨོན་ལམ་ཐོབ སྐྱག་རྫུན་སྐྱག་ནག་ཡིན་ནི་རེད། གཞིས་ཆགས་དེ་ཚོས་མི་ཚང་མ་མགོ་སྐོར་གཏོང་ནས་ཡང་སྲིད་བཟོས་། ཞབས་འདྲེན་གནམ་ས་ལ་མི་ཤོངས་བ་བཟོས་ཡོད།
ཀ་ལི་རིན་པོ་ཆེའི་ཡང་སྲིད་ཀྱི་ལོ་རྒྱུས་ལ་ལྟོས།
དེང་སང་ཡང་སྲིད་ཟེར་བའི་ཚིག་དེ་མཐོང་ཡོད་དུས་རང་བཞིན་དུ་སེམས་ལ་འཇིགས་སྣང་རེ་སྐྱེ་ཡོང་གི་འདུག
མཚམས་རེ་ཡང་སྲིད་དང་སྤྲུལ་སྐུ་ཟེར་བ་འདི་ཚོ་འདུག་ས་མཐོ་དམན་དང་ང་ཆེ་ཁྱོད་བཙན་རྩོད་ནས་འཛམ་གླིང་དམགས་ཆེན་གསུམ་པ་ཞིག་མི་བསླངས་པའི་ངེས་པ་མི་འདུག་བསམ་ནས་རང་བཞིན་དུ་སྐྲག་གི་འདུག
༧རྒྱལ་བ་ཇོ་ནང་གི་བསྟན་པའི་བདག་པོ་རིན་པོ་ཆེ་ཁོང་ལྟ་བུ་ལ་ཆ་མཚོན་ན་རྙོག་གླེང་གང་ཡང་མེད་པའི་བླ་ཆེན་ཞིག་རེད།
ང་ལྟ་བུ་ལ་ཆ་མཚོན་ན་སྤྱི་སྟངས་བོད་ཀྱི་ཡང་སྲིད་ལམ་ལུགས་ལ་རེ་བ་རྫོགས་སོང་བ་ཞིག་ཡིན།
རིན་པོ་ཆེའི་ཡང་སྲིད་འཁྲུལ་བྲལ་མྱུར་དུ་བྱོན་པའི་སྨོན་འདུན་དང་།
ཇོ་ནང་ཆོས་འབྱུང་ཟླ་སྒྲོན་ལས།
རྒྱལ་བའི་ལུང་བསྟན་ཇོ་ནང་ཀུན་མཁྱེན་དོལ་པོ་རྗེ་༡། །
ཆོས་གྲགས་༢བློ་དཔལ་༣ས་བཟང་༤མ་ཎི༥ཞིང་སྟོན༥དང་། །
ཐང་ཆེན་༧སྨན་ཆུ་༨རིན་ཚུལ་༩གྷ་རུང་༡༠ཕུན་ཚོགས་དཔལ་༡༡། །
ཐང་ཆུང་༡༢ཕྱོགས་རྒྱལ་༡༣ཉ་དབོན༡༤མཚན་མིན་༡༥བཅོ་ལྔ་འོ། །
ཞེས་གསུངས་པ་ལྟར་དཔལ་ཇོ་ནང་པའི་བསྟན་པ་རྟག་ཏུ་རྒྱས་འགྱུར་ཅིག །