ཉེ་ལམ་བོད་ནང་གི་བོད་མི་གཉིས་ཀྱིས་རང་ལུས་མེར་བསྲེགས་བཏང་བའི་སྐབས་དང་བསྟུན་ཏེ། སྤྱི་འཐུས་ལྷན་ཚོགས་ཀྱིས་རྒྱ་གཞུང་ལ་བོད་མིར་དྲག་གནོན་མཚམས་འཇོག་དགོས་པའི་ནན་སྐུལ་ཞུས་འདུག
ཟླ་འདིའི་ཕྱི་ཚེས་ ༣ ཉིན་ནས་ཚེས་ ༥ ཉིན་བར། མདོ་སྨད་རྔ་པ་རྫོང་དང་རྨ་ཆུ་རྫོང་གཉིས་སུ་བོད་རིགས་ན་གཞོན་བུད་མེད་གཉིས་ཀྱིས། རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་དང་༧གོང་ས་མཆོག་བོད་ལ་གདན་འདྲེན་ཞུ་ཆེད། རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་ཡོད་པ་དང་། གནས་སྟངས་དེའི་ཐོག་ཁ་སང་ཕྱི་ཚེས་ ༥ ཉིན་བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་གཞུང་ལ་བསྐྱར་དུ་ཛ་དྲག་གི་འབོད་སྐུལ་ཞུས་འདུག
འབོད་སྐུལ་ཞུ་ཡིག་དེའི་ནང་འཁོད་དོན། “ བོད་མི་མང་སྤྱི་འཐུས་ལྷན་ཚོགས་ཀྱིས་བོད་ནང་བྱུང་བའི་རང་ལུས་མེར་བསྲེགས་ཀྱི་གནས་ཚུལ་རྣམས། རྒྱ་ནག་གཞུང་དང་རྒྱལ་སྤྱིའི་སྲིད་གཞུང་ཁག་དང་། གཞུང་འབྲེལ་མིན་པའི་ཚོགས་སྡེ་ཁག་ལ་ཐེངས་མང་ཞུས་ཡོད་ཀྱང་། རྒྱ་གཞུང་གིས་བོད་ནང་གི་བོད་མི་ཚོའི་དགོས་འདུན་ཁག་དང་། དབུས་བོད་མིའི་སྒྲིག་འཛུགས་ཀྱི་རེ་འདུན་ལ་བསམ་ཞིབ་བྱ་རྒྱུ་ལྟ་ཞོག དེ་ལས་ལྡོག་སྟེ་ཁུངས་མེད་ལུང་མེད་ཀྱི་འཁྱོག་བཤད་དང་ངན་ཁག་སྣ་ཚོཊ་གཡོགས་ཏེ། བོད་ནང་མུ་མཐུད་དྲག་ཆས་དམག་མི་དང་གོ་མཚོན་འབོར་ཆེན་འགྲེམས་འཇོག་བྱེད་བཞིན་ཡོད། ལྷག་པར་དུ། རྒྱ་ནག་དཔོན་རིགས་ཚོའི་རྗོད་བཞིན་པའི་འཆམ་མཐུན་སྤྱི་ཚོགས་ཟེར་བ་དང་། མི་རིགས་འདྲ་མཉམ་ཟེར་བ་དག་ནི། འཛམ་གླིང་མི་དམངས་རྣམས་ལ་མགོ་སྐོར་གཏོང་ཆེད་ཁོ་ན་རེད། རྒྱ་གཞུང་གིས་བོད་ཐོག་འཛིན་པའི་མཁྲེགས་བཟུང་སྲིད་བྱུས་ལ་བསྒྱུར་བཅོས་མ་བཏང་བ་ཡིན་ན། ད་དུང་ཡང་བོད་ནང་རང་ལུས་མེར་བསྲེགས་ཀྱི་ལས་འགུལ་སྣ་ཚོགས་ཤིག་འབྱུང་སྲིད་སྟབས། གནད་དོན་དེའི་འགན་ཡོངས་རྫོགས་རྒྱ་གཞུང་རང་ཉིད་ཀྱིས་འཁུར་དགོས་ཞེས་ཐེངས་མང་ཞུས་པ་ལྟར། ད་དུང་ཡང་ནན་ཏན་གྱིས་འབོད་སྐུལ་ཞུ་རྒྱུ་ཡིན་ ” ཞེས་འཁོད་འདུག
ཡང་གསལ་བསྒྲགས་དེར་མུ་མཐུད་དུ་འཁོད་དོན། “ འཛམ་གླིང་མཉམ་འབྲེལ་རྒྱལ་ཚོགས་དང་། མང་གཙོ་དང་འགྲོ་བ་མིའི་ཐོབ་ཐང་ལ་བརྩི་འཇོག་བྱེད་མཁན་རྒྱལ་ཁབ་དང་། ཚོགས་སྡེ་ཁག་དང་མང་ཚོགས་བཅས་ཀྱིས། བོད་ནང་སྐྱ་སེར་ཕོ་མོ་དབྱེར་མེད་ཐོག་རང་གི་གཅེས་པའི་བུ་ཕྲུག་དང་། ཕ་མ་དང་གཉེན་ཉེ། རྒྱུ་ནོར་ཡོངས་རྫོགས་རྒྱབ་ཏུ་བསྐྱུར་ཞིང་རང་ལུས་མེར་བསྲེགས་བྱས་ཏེ། ༧གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་རང་དབང་དགོས། བོད་མིར་འགྲོ་བ་མིའི་ཐོབ་ཐང་དགོས་ཞེས་པའི་རེ་འདུན་དེ། འགྲོ་བ་མི་ཞིག་གིས་རང་ཉིད་ཀྱི་ཐོབ་ཐང་རྩོད་པའི་ལས་དོན་ཡིན་སྟབས། འགྲོ་བ་མིའི་ཐོབ་ཐང་ལ་བརྩི་སྲུང་བྱེད་མཁན་གྱི་ཁྲིམས་ལུགས་དང་ཚོགས་སྡེ། རྒྱལ་ཁབ་ཅིག་ཡོད་ན། བོད་ནང་གི་བོད་མི་ཚོའི་རེ་འདུན་དང་ཐོབ་ཐང་བརྩི་སྲུང་བྱ་རྒྱུར་རོགས་རམ་གནང་རོགས་ ” ཞེས་ནན་སྐུལ་ཞུ་རྒྱུ་ཡིན།
མཐའ་མར་གསལ་བསྒྲགས་དེར། “ རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ཀྱི་དྲིལ་བསྒྲགས་ནི་འཁྱོག་བཤད་དང་གཞི་འཛིན་ས་མེད་པ་ཞིག་ཡིན་ལ། རྒྱ་གཞུང་གི་དྲིལ་བསྒྲགས་དངོས་ཡོད་ཡིན་ན་བོད་ནང་ནུབ་ཕྱོགས་གསར་འགོད་པ་དང་། རྒྱལ་སྤྱིའི་ཞིབ་འཇུག་ཚོགས་པ་སོགས་འགྲོ་རྒྱུར་བཀག་འགོག་བྱ་དགོས་དོན་གང་ཡང་མེད། དངོས་ཡོད་གནས་ཚུལ་ཤེས་རྟོགས་ཡོང་ཆེད། གསར་འགོད་པ་དང་ཞིབ་འཇུག་ཚོགས་པ་སོགས་གང་མགྱོགས་གཏོང་ཐབས་བྱ་དགོས། དེ་མིན། འདི་ལྟར་ཞག་འགྱངས་ཉིན་འགྱངས་བྱས་ཏེ་ངན་པ་རྒྱ་ཡན་དུ་བཏང་ན། ཉིན་ཞིག་འཛམ་གླིང་ཡོངས་ལ་འཁྲུག་རྩོད་དང་དྲང་བདེན་མེད་པ། དབང་ཆེན་གྱིས་ནུས་མེད་འབུར་འཇོམས་བྱེད་པའི་དུས་ཚོད་ཅིག་ཤར་མི་སྲིད་པ་མ་རེད། ” ཅེས་འཁོད་འདུག
༢༠༠༩ ལོ་ནས་ད་བར་བོད་ནང་བོད་མི་སེར་སྐྱ་ཕོ་མོ་ ༢༦ ཙམ་གྱིས་རང་ལུས་མེར་བསྲེགས་བཏང་ཡོད་པའི་ཁྲོད་མི་ ༡༦ འདས་གྲོངས་སུ་ཕྱིན་ཡོད་ལ། བཙན་བྱོལ་དུའང་ད་བར་ཁྱོན་བོད་མི་ ༤ ཙམ་གྱིས་རང་ལུས་མེར་བསྲེགས་བཏང་ཡོད།
བདེན་པ་ཉིད་རྒྱལ་འགྱུར་ཅིག
བདེན་པ་ཉིད་རྒྱལ་འགྱུར་ཅིག
བདེན་པ་ཉིད་རྒྱལ་འགྱུར་ཅིག
བདེན་པ་ཉིད་རྒྱལ་འགྱུར་ཅིག
ཆུ་དྭངས་མོ་འོ་མ་དཀར་པོ་ཡིན།།
ཇ་བཟོས་ན་འགྱུར་འགྲོ་རྒྱ་སྨུག་ཡིན།།
སྐྱེས་ཕོ་མོའི་སྐྱེ་ཁུངས་སོ་སོ་ཡིན།།
གཉེན་བསྒྲིགས་ན་ཁྱིམ་ཚང་གཅིག་གི་ཡིན།།
བཀའ་སྤྱི་གཉིས་ཀྱི་ལས་འགུལ་འདི་སླབས་ཆེན་ཞིག་དང་ད་ལྟ་དུས་ཚོད་འདིར་ལས་འགུལ་དེ་འདྲ་ཞིག་ཡོད་དགོས་ངེས་ཀྱི་རེད
རང་གཞུང་བཀའ་སྤྱི་གཉིས་ཀ་རྒྱལ་གྱུར་ཅིག །
བཀའ་སྤྱིའི་སྟག་སེང་གཉིས་ཀ་རྒྱལ་གྱུར་ཅིག །
རང་རིགས་གཞི་བྱེས་གཉིས་ཀ་རྒྱལ་གྱུར་ཅིག །
གཞི་བྱེས་ཆོས་སྲིད་གཉིས་ཀ་རྒྱལ་གྱུར་ཅིག །