ཟླ་སྔོན་མའི་ཕྱི་ཚེས་ ༢༤ བོད་ཆུ་འབྲུག་ལོའི་ལོ་སར་ཚེས་ ༣ གྱི་ཉིན་བལ་ཡུལ་རྒྱལ་ས་ཀ་ཐ་མན་གྲུ་ཇཱ་ཝ་ལ་ཁཱེལ་ས་གནས་སུ་ཡོད་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་ཐང་དུ། བོད་མི་ ༡༣ གྱིས་བོད་ནང་གི་ཛ་དྲག་གི་གནས་སྟངས་ཐད་སྐད་འབོད་བྱས་སྐབས། བལ་ཡུལ་ཉེན་རྟོག་པས་གཅར་རྡུང་བཙན་འཁྲིད་བྱས་ཏེ་བཀག་ཉར་བྱས་རྗེས། བོད་མི་ཚོས་བཀག་ཉར་ཁང་དུ་ཟས་བཅད་ངོ་རྒོལ་གྱི་ལས་འགུལ་སྤེལ་ཡོད་པ་ལྟར། ཉེ་ལམ་བོད་མི་ཚོས་རང་དབང་ཅན་གྱི་ཁྲིམས་རྩོད་པའི་ཚོགས་པ་དང་འགྲོ་བ་མིའི་ཐོབ་ཐང་ལྟ་རྟོག་ཚོགས་པ་བཅས་ཀྱི་རྒྱབ་སྐྱོར་འོག་བལ་ཡུལ་གཞུང་གི་ཁྲིམས་ཁང་དུ་ཁྲིམས་གཏུགས་བྱས་ཡོད་ཀྱང་། ཁྲིམས་ཁང་གིས་དྲང་བདེན་གྱི་ཐག་གཅོད་མ་བྱས་པར། ཟླ་འདིའི་ཕྱི་ཚེས་ ༥ ཉིན་བོད་མི་རེར་ཆ་སྙོམས་བལ་སྒོར་ཁྲི་ ༢ དང་སྟོང་ ༧༠༠༠ ཙམ་དང་། བསྡོམས་བོད་མི་ ༡༣ ལ་བལ་སྒོར་འབུམ་གསུམ་དང་ལྔ་ཁྲི་ཆིག་སྟོང་ ༣༥༡༠༠༠ ལྷག་གི་ཉེས་ཆད་བཅད་ཡོད་སྟབས། ས་གནས་གཞོན་ནུ་དང་བུད་མེད། དེ་བཞིན། དགོན་པ་དང་སྐྱི་སྡུག་ཁག མི་སྒེར་བཅས་ཀྱིས་འཛིན་བཟུང་བྱས་པའི་སློབ་མ་ཚོའི་སློབ་སྦྱོང་གི་གོ་སྐབས་འཕྲོ་བརླག་མི་འགྲོ་ཆེད་མཉམ་རུབ་ཐོག་དཔལ་འབྱོར་རོགས་རམ་གནང་སྟེ་ཉེས་ཆད་སྤྲད་རྗེས་ཀློད་གྲོལ་ཐོབ་ཡོད་འདུག
གསར་འགོད་པ། དོན་གོ
བལ་ཡུལ་གཞུང་འདི་ཁྲིམས་མེད་ལུགས་མེད་ཀྱི་ལུང་པ་ཞིག་རེད། དངུལ་གང་ནས་རགས་ན་དེ་ལ་རྒྱུགས་རྐྱང་རེད། ངོ་ཚ་གཏན་ནས་མི་འདུག དངུལ་རགས་ན་རང་གི་ཕ་མ་ཡིན་ཡང་གསོད་རྐྱང་རེད། མི་རིགས་འདིའི་རྐང་ལད་འདུག རྒྱ་མིས་ད་རེས་ཁོང་ཚོའི་་ཁྲིམས་རྩོད་པ་དངུལ་གྱིས་ཉོས་ཚར་བ་ཞིག་རེད། དངུལ་གྱིས་ཉོས་ཚར་བ་ཞིག་ཡང་བསྐྱར་དངུལ་གྱིས་ཉོས་པ་ཞིག་རེད།
༼མུ་གེའི་ཐོག་ལ་ཟླ་ལྷག་༽བོད་འདི་ལས་ངན་ཞིག་རེད། སྒོར་གྱིས་ཉོ་ཐུབ་པའི་ཁྲིམས་ཁང་དང་ཁྲིམས་དཔོན། མདོར་ན་བལ་ཡུལ་ནི་རྩེད་མོའི་ས་ཁྲ་ཞིག་རེད། ས་ཁྲ་དེ་རྒྱ་ནག་གིས་ཉོས་ཟིན་པ་རེད།
དགོས་པའི་དུས་ན་མཆོང་རྐྱང་ཡིན་ཡ། ངམ་ངམ་བརྗིད་བརྗིད་ཀྱིས་བཙོན་ནས་འཐོན་ཡ། ང་ཚོས་ལས་ཁུར་སྒྲུབ་སྟངས་དེ་འདྲ་རེད།