ཟླ་འདིའི་ཕྱི་ཚེས་ ༩ ཉིན་གྱི་སྔ་དྲོར་རྒྱ་གར་བྱང་ཕྱོགས་ཧི་མ་ཅཱལ་མངའ་ཁོངས་གཡུང་དྲུང་བོན་དགོན་སྨན་རིའི་གླིང་དུ། སྐབས་ ༡༦ པའི་དགེ་བཤེས་དམ་བཅའ་ཆེན་མོའི་མཛད་སྒོ་ཞིག་ཚོགས་ཡོད་པ་དང་། སྐུ་མགྲོན་གཙོ་བོར་དབུས་བོད་མིའི་སྒྲིག་འཛུགས་ཆོས་རིག་དྲུང་ཆེ་ངག་དབང་ཆོས་གྲགས་ལགས་གཙོ་བྱས་ཏེ། ཁྲིམས་ཞིབ་ཟུར་པ་བྱ་དུར་བསོད་ནམས་བཟང་པོ་ལགས་དང་། གཡུང་དྲུང་བོན་གྱི་སྤྱི་འཐུས་གཉིས་དང་སྤྱི་ཟུར་སྨན་པ་ཐོགས་མེད་ལགས། བོན་གཞིས་ས་འཐུས་ཚོགས་གཙོ་དང་། ས་གནས་མགོ་འཛིན། རང་བདེན་ཚོགས་གཙོ། གཞན་ཡང་ཚོགས་སྡེ་ཁག་གི་སྐུ་ཚབ་དང་སྦྱིན་བདག་རྣམ་པ་བཅས་ཕེབས་ཡོད་འདུག
ཉིན་དེའི་སྔ་དྲོར་བཀྲ་ཤིས་དམ་བཅའ་དང་། ཕྱི་དྲོར་རབ་འབྱམས་དགེ་བའི་བཤེས་གཉེན་གྱི་མཚན་རྟགས་བཞེས་ཏེ་སྐལ་བཟང་ཁྲི་བཞེངས་ཀྱི་མཛད་སྒོ་དངོས་གཞི་ཚོགས་ཤིང་། སྐབས་དེར་ཆོས་རིག་ལས་ཁུངས་ནས་བསྙེན་བཀུར་མང་ཇ་དང་སྐུ་འགྱེད་ཕུལ་ཅིང་། བོད་ནང་བསྟན་སྲིད་མི་རིགས་ཆེད་གཅེས་སྲོག་ཤོར་བའི་སེར་སྐྱ་ཕོ་མོ་དག་ལ་བསྔོ་བ་དང་། ༸གོང་ས་མཆོག་གིས་དབུས་རིས་སུ་མ་ཆད་པའི་བསྟན་འཛིན་སྐྱེས་བུ་རྣམས་ཀྱི་སྐུ་ཚེ་ཞབས་པད་བརྟན་ཅིང་། རབ་འབྱམས་དགེ་བའི་བཤེས་གཉེན་རྣམས་ཀྱི་བསྟན་འགྲོའི་མཛད་འཕྲིན་རྒྱས་ཤིང་གཞིས་བྱེས་ལྷན་འཛོམས་ཀྱི་ཉི་མ་མྱུར་དུ་འཆར་བའི་སྐྱབས་འཇུག་བཅས་ཞུས་ཡོད་འདུག
ཐེངས་འདིའི་དགེ་བཤེས་དམ་འཇོག་གི་ལས་རིམ་འདི་ཐོག་མར་ཕྱི་ཟླ་ ༢ ཚེས་ ༢༧ ཉིན་ནས་མགོ་འཛུགས་ཏེ། གཡུང་དྲུང་བོན་གྱི་མདོ་སྔགས་སེམས་གསུམ་གྱི་གཞུང་ལུགས་སྤྱི་དང་ཐུན་མོང་བཅུ་ཕྲག་རིག་པའི་གནས་ཀུན་ལ་བསླབ་པ་མཐར་སོན་པའི་རབ་འབྱམས་པ་ ༧ ཙམ་གྱིས་ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་དབུ་བཞུགས་ཐོག སྨན་རིའི་དཔོན་སློབ་རིན་པོ་ཆེ་མཆོག་དང་བཤད་སྡེའི་མཁན་སློབ་རྣམ་གཉིས། དགེ་འདུན་འདུས་པ་མང་ཚོགས་དབུས་སུ་སྔོན་འགྲོ་མདོ་སྔགས་སེམས་གསུམ་གྱི་གཞུང་བཤད་དང་། དངོས་གཞིའི་ངག་རྒྱུགས་དང་རྩོད་རྒྱུགས་དམ་བཅའ་ཆེན་མོ་སོགས་གནང་སྟེ། ཟླ་ ༣ ཚེས་ ༩ ཉིན་ལེགས་འགྲུབ་ཀྱི་མཛད་སྒོ་འདི་ཚོགས་ཡོད་འདུག
གནས་ཚུལ་བཏང་འབྱོར་བྱུང་བ་ལྟར་ན། ༡༩༥༩ ལོར་རྒྱ་ནག་གིས་བོད་ས་བཙན་བཟུང་བྱས་རྗེས་གཡུང་དྲུང་བོན་གྱི་གདན་ས་གོང་འོག་གི་མཁན་སློབ་རྣམ་པ་སོགས་བོན་བསྟན་འཛིན་པ་མང་པོ་ཞིག་བཙན་བྱོལ་དུ་ཕེབས་ཤིང་། སྐྱབས་རྗེ་སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེས་ ༡༩༦༥ ལོར་བོན་གཞིས་ཐོབ་རྒྱལ་གསར་པ་ཆགས་བཏབ་གནང་བ་དང་། ༡༩༦༨ ལོར་སྐྱབས་རྗེ་སྨན་རིའི་མཁན་ཆེན་ཁྲི་འཛིན་སོ་གསུམ་པ་མཆོག་སྔར་སྲོལ་བཞིན་ལུང་བརྟག་ངོས་འཛིན་ཁྲི་བཞེངས་གནང་སྟེ། རིན་པོ་ཆེ་མཆོག་གིས་དཔལ་གཤེན་བསྟན་སྨན་རིའི་གླིང་གི་རྟེན་དང་བརྟེན་པ་གསར་བཞེངས་མཛད་ཅིང་། སྐྱབས་རྗེ་མཁན་སློབ་རྣམ་གཉིས་མཛད་དགོངས་གཅིག་མཐུན་ཐོག་གཡུང་དྲུང་བོན་གྱི་བཤད་སྒྲུབ་འདུས་སྡེ་གསར་འཛུགས་གནང་སྟེ་ ༡༩༨༦ ལོར་བསླབ་པ་མཐར་སོན་རབ་འབྱམས་དགེ་བའི་བཤེས་གཉེན་ཆེན་མོ་ ༦ ནས་མགོ་བརྩམས་ཏེ། འདི་ལོ་བར་དགེ་བཤེས་གྲངས་ ༡༠༤ ཟིན་ཡོད་ཅིང་། ༸གོང་ས་མཆོག་ ༡༩༨༨ ལོ་དང་། ༢༠༠༧ ལོ་སོ་སོར་ཞབས་སོར་བཀོད་དེ་དཔལ་གཤེན་བསྟན་སྨན་རིའི་གླིང་དང་། བལ་ཡུལ་དཔལ་ལྡན་ཁྲི་བརྟན་ནོར་བུ་རྩེ་གཉིས་ཀྱི་བསླབ་པ་སློབ་གཉེར་གནང་ཕྱོགས་ཐད་ལེགས་གསོལ་བསྔགས་བརྗོད་གནང་ཡོད་འདུག
སྐྱབས་རྗེ་ཟམ་གདོང་རིན་པོ་ཆེས་བོན་པོ་ནང་པ་མ་རེད་ཟེར་འདུག་གམ། མ་རེད་ཟེར་འདུག མིག་ལོང་ཡིན་ན་མ་གཏོགས་དེའི་ནང་དུ་ལྟོས་དང་ཤེས་ས་རེད། བཙན་བྱོལ་བོད་གཞཱུང་གིས་ག་རེ་གསུང་འདུག་མིག་ཡོད་ན་དྲ་བྱང་དེའི་ནང་དུ་ལྟོས། མཁས་དབང་ཟམ་གདོང་རིན་པོ་ཆེ་ལ་སྨ་འབབ་འདོད་པའི་ལོག་རྟོག་ཅན་ཁྱོད་བདེན་པ་གཞོམས་འདོད་ཀྱི་ལོག་རྟོག་གི་རལ་གྲི་ཁོ་ནར་ཟད་དོ། དེ་ནི་རེ་བ་སྟོང་ཟད།
http://www.facebook.com/photo.php?fbid=223489001039039&set=a.223488977705708.67177.100001338235585&type=1&theater
རང་གི་ཕ་མེས་ཀྱི་རིག་གཞུང་ལས་མཆེད་པའི་བསྟན་འཛིན་གྱི་དགེ་བའི་བཤེས་གཉེན་རྣམས་ལ་འཚམས་འདྲི་ཞུ། ཁྱེད་རྣམས་ནས་བསླབ་པ་ཐོས་བསམ་དང་སྤོང་བ་བསམ་གཏན་གྱི་མཛད་བཟང་ལས་ནོར་འཛིན་ཁྱོན་འདིར་ཞི་བདེ་དང་མཐུན་བསྒྲིལ་སོགས་དགེ་བའི་བྱ་བ་འབའ་ཞིག་གོང་ནས་གོང་དུ་འྂཕེལ་བའི་སྨོན་འདུན་ཞུའོ།།
གཡུང་དྲུང་བོན་གྱི་བཤད་སྒྲུབ་འདུས་སྡེའི་མཛད་སྒོ་ལེགས་གྲུབ་ལ་བཀྲ་ཤིས་བདེ་ལེགས་ཡོད། ཡིན་རུང་མཐོ་པོ་ལ་ངོ་དགའ་དང་ཉམས་ཆུང་ལ་མཐོང་ཆུང་གནང་ཞིང་། ཁྱད་པར་ད་རང་ལྟ་མཁྲེགས་འཛིན་གྱི་བོན་རྒན་དེ་དག་གིས་རྗེ་དུ་བསམ་རེ་ཤེས་པའི་རེ་བ་ཡིད་། དཔེར་ན་ཧི་མ་ལ་ཡའི་བོན་དྲ་བའི་རྩོམ་སྒྲིག་པ་ལྟ་བུ་དག་ལ་ཞུ་གི་ཡོད། དགེ་ལུགས་པ་འགའི་དབྱེན་སྦྱོར་རྟེན་ནས་ཡོངས་གྲགས་ཀྱི་མཁས་དབང་བཀའ་དྲིན་ཅན་དག་ལ་མཚན་སྨད་དང་མཛད་པ་ལ་སྒྲོ་བསྐུར་དེ་རིགས་རྗེས་སུ་མི་ཡོངས་བ་་དང་། བོན་པོ་ནང་པ་མ་རེད་ཟེར་ནས་ཚིགས་ཐག་གཅོད་མཁན་ཟམ་གདོངས་རིན་པོ་ཆེ་སོགས་ལ་མིག་ཟུར་གྱིས་གཟིགས་ན་གཟིགས་མཚུང་རེ་མཛད་ཕོད་པའི་རེ་བ་ཡོད།།
ཧ་ཅང་བཟང་གི་ དགེ་བཤེས་ཟེར་ན་ཐ་སྙད་ཙམ་མིན་པར་གཡུང་དྲུང་བོན་པོའི་ཆོས་ལུགས་སྙིང་བཅུད་མཐར་ཕྱིན་ཤེས་དགོས་པ་གལ་ཆེན་མཐོང་།