ཚེ་བརྟན་རྡོ་རྗེ་མ་བུ་གསུམ་ད་ལྟ་ངྷ་ས་ནས་རྩིས་པའི་སྤྱི་ལེ་༩༠ ཙམ་གྱི་སར་འབྱོར་འདུག་ལ། དེ་དགོང་བྷ་ཝལ་ཞེས་པའི་རྒྱ་གར་ས་གནས་ལྷ་ཁང་ཞིག་ཏུ་ཞག་སྡོད་བྱ་རྒྱུ་ཡིན་འདུག
རྩོམ་པ་པོ་གླིང་ཚ་ཚེ་བརྟན་རྡོ་རྗེ་ནང་མི་གསུམ་གྱིས་རྒྱ་གཞུང་ལ་དགོས་འདུན་དོན་ཚན་ལྔ་བཏོན་སྟེ། གསུམ་བཅུའི་དུས་དྲན་ཉིན་བཞུགས་སྒར་ངྷ་ནས་རྒྱལ་ས་ལྷ་ས་བར་ཞི་བའི་གོམ་བགྲོད་ལས་འགུལ་མགོ་འཛུགས་གནང་ཡོད་པ་ལྟར། དེ་རིང་གསར་འགོད་པས་ཁ་པར་བརྒྱུད་ཚེ་བརྟན་རྡོ་རྗེ་ལགས་སུ་ཁོང་མ་བུ་གསུམ་གང་དུ་འབྱོར་ཡོད་མེད་དང་། ལམ་ཁར་དཀའ་ངལ་འཕྲད་ཡོད་མེད་སྐོར་བཀའ་འདྲི་ཞུས་པར་ཁོང་གིས། “ ད་ལྟ་ང་ཚོ་ངྷ་ས་ནས་སྤྱི་ལེ་ ༩༠ ལྷག་གི་སར་ཡོད་པའི་བྷ་ཝལ་ས་གནས་སུ་འབྱོར་ཡོད་ལ། ད་ལྟའི་ཆ་ལ་གཅུང་མོའི་རྐང་པའི་འོག་རྨ་ཆུང་ཆུང་ཞིག་ཐོན་ཡོད་པ་ཙམ་ལས་དཀའ་ངལ་ཆེན་པོ་དེ་འདྲ་གང་ཡང་འཕྲད་མ་སོང་། འདས་པའི་མཚན་གཉིས་རིང་ང་ཚོ་རྒྱ་གར་ལྷ་ཁང་ནང་ཉལ་ནས་བསྡད་པ་ཡིན། དོ་དགོང་ཡང་རྒྱ་གར་ལྷ་ཁང་ཞིག་ལ་ཆོག་མཆན་ཞུས་ཏེ་འདུག་རྩིས་བྱས་ཡོད། ལམ་ཁ་ནས་གང་ཐུབ་ཀྱིས་རྒྱ་གར་ཡུལ་མི་ཚོར་གོམ་བགྲོད་གྱི་དམིགས་ཡུལ་འགྲེལ་བཤད་རྒྱག་བཞིན་ཡོད། རིགས་གཅིག་གིས་གོམ་བགྲོད་ལས་འགུལ་འདི་ལ་རྒྱབ་སྐྱོར་ཡག་པོ་གནང་གི་འདུག་ ” ཅེས་བརྗོད་སོང་།
ཡང་གསར་འགོད་པས་ཁོང་མ་བུ་གསུམ་གྱི་གོམ་བགྲོད་ལས་འགུལ་ནང་མཉམ་ཞུགས་བྱེད་མཁན་བྱུང་ཡོད་མེད་སྐོར་དྲིས་པར། “ ད་སྔ་ང་ཚོའི་གོམ་བགྲོད་ནང་མཉམ་ཞུགས་བྱེད་མཁན་གཅིག་ཀྱང་བྱུང་མ་སོང་། ཡིན་ནའང་། ཚོགས་པ་དང་མི་སྒེར་བ་བཅས་ཀྱིས་ཁ་པར་བཏང་སྟེ། ལས་འགུལ་ལ་རྒྱབ་སྐྱོར་ཡོད་ཟེར་མཁན་མང་པོ་འདུགལྷག་པར་དུ། ངྷ་སའི་ཚོགས་པ་སྐྱིད་སྡུག་ཁག་ཉིན་ཤས་རྗེས་ང་ཚོར་བལྟ་རུ་ཡོང་གི་ཡིན་ཟེར། ”ཞེས་བརྗོད་བྱུང་།
རྩོམ་པ་པོ་ཚེ་བརྟན་རྡོ་རྗེ་ལགས་ནི་རང་ལོ་ ༣༢ ཡིན་པ་དང་། ཁོང་གི་ཨ་མ་ལྡོམ་པོ་སྐྱིད་ལགས་རང་ལོ་ ༥༤ ། གཅུང་མོ་ལྷ་མོ་སྐྱིད་རང་ལོ་ ༡༨ ཙམ་ཡིན་འདུག
གསར་འགོད་པ། དཔལ་ལྡན།
མཐོང་ན་མིག་ནས་འཆི་བབས་པའི་ལས་འགུལ་ཞིག བསམ་ན་སེམས་ལ་སྤྲོ་བ་འཕེལ་བའི་ལས་འགུལ་ཞིག་སྟེ་མ་བུ་གསུམ་གྱི་གོམ་བགྲོད་འདི་ཇི་ལྟར་འགྲེལ་དགོས་མི་ཤེས་པ་དེ། ངའི་ཤ་ཁྲག་འདི་བོད་པ་ཚང་ལས་མཆེད་པའི་ཡིན་ནམ། ངའི་སེམས་ཚོར་འདི་མི་རིགས་ཤིག་དང་འབྲེལ་བའི་ཡིན།
བོད་རྒྱལ་ལོ།
བོད་རྒྱལ་ལོ།
སྙིང་ནས་བརྩེ་བའི་ཚེ་རྡོར་མ་བུ་གསུམ་ལ་འཚམས་འདྲི་ཡོད།
ཁྱེད་ཅག་གིས་མི་རིགས་ལ་བཅངས་བའི་བརྩེ་སེམས་དང་ལྷག་བསམ་ལ་སྙིང་ནས་གུས་འདུད་ཞུ། ང་ཚོ་ནམ་ཡང་ཁྱེད་ཅག་གི་འགྲམ་དུ་ཡོད། བོད་རྒྱལ་ལོ།
ནམ་ཡང་རྗེས་སུ་ཡི་རང་ཡོད།བདེན་པ་ནི་རྫུན་དང་ཨ་བྲ་ལྟ་བུར་མཇུག་མ་ཐུང་ཐུང་མ་ཡིན་པར་ཡུན་ཅི་ཙམ་རིང་ན་དེ་ཙམ་གྱིས་བདེན་མཐའ་གསལ་བ་ལགས་པས།མུ་མཐུད་དུ་་་་་་་་བོད་རྒྱལ་ལོ།།
ཁྱོད་ཚོའི་རླབས་ཆེ་བའི་གསར་འགྱུར་རེ་རེ་བཞིན་དྲ་ལམ་ནས་མཇལ་བར་སྨོན།
གླིང་ཚ་མ་བུ་གསུམ་ལ་མཚམས་འདྲི་དང་བྱ་བ་ལམ་འགྲོ་ཡང་བའི་སྨོན་འདུན་ཡོད། དངོས་གནས་ཁྱེད་མ་བུ་གསུམ་གྱི་སྙིང་སྟོབས་ལ་རྗེས་སུ་ཡིད་རུང་ཡོད། ཁྱེད་གསུམ་གྱི་པར་དེ་མཐོང་དུས་ངའི་མིག་མཐའ་ཆུ་ཡིས་ཁེངས་སོང་། ངོ་མ་གཟི་བརྗིད་རེད། བོད་རྒྱལ་ལོ།།
ཁྱེད་མ་བུ་གསུམ་ལ་གུད་བཏུད་ཞུ། ཁྱེད་རྣམས་ཀྱིས་རང་མི་རིགས་ལ་བཅངས་པའི་བརྩེ་དུང་དང་རང་གི་རྒྱལ་ཁབ་ལ་བཟུང་བའི་ལ་རྒྱ་ལ་ངས་སེམས་བསམ་པའི་གཏིང་ནས་ཡིད་རང་བྱེད་ཀྱི་ཡོད།
འདི་དང་ཆབས་ཅིག་གསར་འགོད་པ་རྣམས་ཀྱིས་ཁོང་རྣམས་པའི་ལམ་བར་གྱི་གནས་ཚུལ་དང་དཀའ་སྡུག་གང་བྱུང་བ་དག་སེམས་རྩ་འཁོལ་པོས་བརྒྱུད་ལམ་འདྲ་མིན་གྱི་ནང་དུ་དུས་ཐོག་ཏུ་གཏང་རྒྱུ་ལ་ངས་སྙིང་ནས་འབོད་བསྐུལ་ཞུ་བཞིན་ཡོད།
ཐུགས་རྗེ་ཆེ།
ཁྱེད་མ་བུ་གསུམ་གྱིས་རྐང་མགྱོགས་ཀྱི་གོམ་བསྒྲོད་མི་བྱེད་པ་པར་སྨོན།
ལོ་སྔོ་མ་རྡ་ས་ནས་རྡི་ལིའི་བར་རྐང་མགྱོགས་ཀྱི་གོམ་བསྒྲོད་ལ་ཕྱིན་མྱོང་ཡོད་པ་དེ་དྲན་སོང་།
ཁྱེད་གསུམ་ལ་ནད་མེད་ཚེ་རིང་ལོ་བརྒྱ་ཡོང་སྨོན་འདུན་དང་ཆབ་ཅིག་ཏུ་ལམ་ཚག་མེད་སྨོན་ལམ་འདེབས་བཞིན་ཡོད།
ང་ཚོར་སེམས་ཀྱིས་རྨ་ཁ་གསར་པ་ཞིག་ཏེ་ཁྱེད་ཤ་ཁྲག་རུས་གསུམ་གྱི་མ་བུ་གསུམ་པོ་དེ་ཡིན་སོང་ལ། ཁྱེད་གསུམ་པོའི་ལམ་བར་གྱི་བཀྲེས་སྐོམ་དང་ཚ་གྲང་། ཟས་བཅུད་གཉིད་བྲལ་གྱི་བཟོད་དཀའ་བའི་དཀའ་སྡུག་ག་ཚོད་གཅིག་ཡོང་དང་ཡོང་མུས་ཡིན་པ་ཏེ། དེའི་ཚད་ཀྱི་ངེད་ཚོའི་སྙིང་གསོན་པོ་འགུལ་ཤུགས་ཆེ་རུ་འགྲོ་བཞིན་འདུག་པས། དངོས་གནས་ཅི་བྱ་གཏོལ་མེད་དུ་གྱུར། གཅིག་བྱས་ན་འདི་ཡང་ང་ཚོ་ཚང་མ་སྙིང་གི་འཕར་རྩ་གཅིག་དང་ཕྲག་གིས་རྡོག་ཁྲེས་གཅིག་ཡིན་པས་སོ།།
ཁྱེད་གསུམ་གྱི་པར་འདི་མཐོང་ན་མིག་ཆུ་འགོག་མེད་དུ་བཞུར་བ་ལས་གཞན་བཤད་ཤེས་མ་སོང་།
ཁྱོད་གསུམ་གྱི་དགེ་འདུན་ལ་རྒྱ་གཞུང་གིས་དཀྱེལ་ཡངས་ཀྱིས་ལན་གསལ་བོ་ཞིག་འདེབས་པར་སྨོན།
གངས་ཅན་གྱི་ཤ་ཁྲག་རུས་གསུམ་ལ་དྲོད་ཁོལ་མ་ཡས་པར། ཚེ་སྲོག་རྣམ་ཤེས་ཀྱི་དབུགས་རྒྱུན་ཀྱི་དྲོད་རླབས་དང་། གཞོམ་བྲལ་རྡོ་རྗེའི་ཚེ་སྲོག་གི་འཁར་བ་ལ་བསྟེན་ནས་གོམ་གྲངས་རེ་རེར་ལ་རྒྱའི་འབོད་སྒྲ་རེར་ལྡེབས་ཀྱིན་མཆོང་ཡོང་བའི་གངས་ཅན་གྱི་མ་བུ་གསུམ་ལ་གུས་འདུད་ཞུ།
ཁྱོད་ཀྱི་ཤ་ཁྲག་རུས་གསུམ་བོད་དོན་གྱི་ཆེད་དུ་ཕུལ་བར་དགའ་བསུ་སྙིང་ནས་ཞུ།
གླིང་ཚ་ཚེ་རྡོ་ཁོང་མ་བུ་གསུམ་གྱི་ཐུགས་སྟོབས་ལ་སེམས་ཁོང་རུས་པའི་གཏིང་ནས་དགའ་བསུ་དང་བསྟོད་བསྔགས་རྒྱབ་སྐྱོར་བཅས་ཡོད། ཁོང་མ་བུ་གསུམ་ལམ་བར་དུ་ཁག་པོ་མི་བྱུང་བའི་སྨོན་འདུན་དང་། རེ་འབྲས་ཕུན་ཚོགས་ཡོང་བའི་རེ་བ་དང་ཡིད་ཆེས་ཡོད། བོད་རྒྱལ་ལོ། །བོད་རྒྱལ་ལོ། །
ཆོལ་ཁ་གསུམ་དང་མ་བུ་གསུམ།།
དཀོན་མཆོག་གསུམ་དང་ཀྭ་བ་གསུམ།།
ཤ་ཁྲག་རུས་གསུམ་ཁྱེད་མ་བུ་གསུམ་ལམ་བར་དུ་གེགས་མེད་པའི་སྨོན་ལམ་ཡོད།
ཁྱེད་མ་བུ་གསུམ་གྱིས་ལས་འགུལ་དེ་ལ་རྒྱབ་སྐྱོན་ཆེན་པོའི་ངང་ནས་ཁྱེད་རྣམ་པའི་དམིགས་ཡུལ་དེ་ལེགས་གྲུབ་ཡོང་བའི་སྨོན་འདུན་ཞུ། སེམས་ཤུགས་ལྷག་བསམ་བློས་གཏོང་དེ་དག་ནི་ནམ་ཡང་ང་ཚོའི་སེམས་ནང་རྟན་དུ་གནས་ངེས་ཡིན་ལགས།
ཚེ་བརྟན་རྡོ་རྗེ་མ་བུ་གསུམ་ལ་མཚམས་འདྲི་ཞུ་བ་དང་ཆ་གཅིག་དམིགས་ཡུལ་མ་འགྲུབ་བར་དུ་སེམས་ཤུགས་ཡོད། དཀའ་དྲི་ཆེ།
ཁྱེད་མ་བུ་གསུམ་བོད་ཀྱི་ས་མཚམས་ལ་སླེབས་སྐབས་སུ་ང་ཡང་མཉམ་ཞུགས་བྱེད་རྒྱུ་ཡིན།