ད་ལྟ་སླར་ཡང་གནས་ཚུལ་འབྱོར་གསལ་ལ། དེ་རིང་ཞོགས་པར་རེབ་གོང་རོང་བོ་དགོན་ཆེན་སྒྲོལ་མ་ཐང་ཆེན་དུ། རོང་བོ་དགོན་པའི་ཐོས་བསམ་གླིང་གྲྭ་ཚང་གི་རང་ལོ་ ༣༠ ཡིན་པའི་གྲྭ་འཇམ་དབྱངས་དཔལ་ལྡན་ལགས་ཀྱིས་”༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། བོད་མི་རིགས་དང་སྐད་ཡིག་ལ་རང་དབང་དགོས། ” ཞེས་སྐད་འབོད་རྒྱག་བཞིན་རང་ལུས་མེར་བསྲེགས་བཏང་སྟེ། རྒྱ་གཞུང་ལ་ངོ་རྒོལ་གནང་བའི་གནས་ཚུལ་ཐོས་འཕྲལ། རེབ་གོང་དགེ་འདུན་ཆོས་འཕེལ་སློབ་འབྲིང་གི་སློབ་མ་ཚོས་ངོ་རྒོལ་ལས་འགུལ་སྤེལ་ཡོད་འདུག་ལ། ཕྱི་དྲོར་རེབ་གོང་རྫོང་མི་རིགས་སློབ་འབྲིང་དང་། དབྱི་ཧྥུ་སློབ་འབྲིང་གཉིས་ཀྱི་སློབ་མ་རྣམས་ཁྲོམ་གཞུང་དུ་ཐོན་སྐབས་ཉེན་རྟོག་པ་དང་དམག་མིས་བཀག་སྡོམ་བྱས་སྟབས། སློབ་གྲྭའི་རྭ་སྐོར་ནང་འཛོམས་ཏེ་སྐད་འབོད་ཤུགས་ཆེན་བྱས་ཡོད་པ་དང་། རེབ་གོང་རྫོང་ཐོག་དང་དེའི་གཡས་གཡོན་གྱི་སློབ་ཆུང་སློབ་མ་དག་གིས་ཀྱང་ངོ་རྒོལ་སྐད་འབོད་བྱས་ཡོད་འདུག
གཞན། དེ་རིང་སྔ་དྲོའི་བོད་ནང་གི་ཆུ་ཚོད་ ༡༠ ཡས་མས་ལ། རེབ་གོང་རྩེ་ཁོག་རྫོང་མི་རིགས་སློབ་འབྲིང་དང་པོ་དང་། རྩེ་ཁོག་རྫོང་མི་རིགས་སློབ་འབྲིང་གཉིས་པ། ལག་ཤེས་ལས་རིགས་སློབ་གྲྭ་བཅས་ཀྱི་སློབ་མ་ ༢༥༠༠ ཙམ་གྱིས། རྩེ་ཁོག་རྫོང་གི་ཁྲིམ་གཞུང་དུ་ཐོན་ཏེ། “སྐས་ཡིག་རང་དབང་། མི་རིགས་འདྲ་མཉམ། འཐབ་ར་གཏོར་དགོས” ཞེས་སྐད་འབོད་རྒྱག་བཞིན་རྫོང་མི་དམངས་སྲིད་གཞུང་དང་། རྫོང་ཉེན་རྟོག་ལས་ཁུངས། རྫོང་དྲག་ཆས་ལས་ཁུངས་བཅས་ཀྱི་སྒོ་ཁར་བསྐྱོད་དེ་སྐད་འབོད་བྱས་ཡོད་པ་དང་། དྲག་ཆས་ལས་ཁུངས་ཀྱི་སྒོ་ཁར་འཐབ་ར་ཞིག་བརྒྱབ་ཡོད་པ་དེ་ཡང་གཏོར་ཡོད་འདུག
སྐབས་དེར་དམག་མི་དང་ཉེན་རྟོག་པ་ཕོན་ཆེན་བསླེབས་ཏེ་དྲག་གནོན་ལ་གྲ་སྒྲིག་བྱས་ཡོད་ཀྱང་། ད་སྔ་སློབ་མ་འཛིན་བཟུང་སོགས་ཀྱི་གནས་ཚུལ་རིགས་ཤེས་རྟོགས་ཐུབ་མི་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
ངེད་སྒང་པ་བོད་ཀྱི་རྒྱལ་གཅེས་དཔའ་བོ་དཔའ་མོ་དག་གིས། དམར་ནག་མེ་དཔུང་འཁྲུགས་པའི་ཁྲོད་ནས་ཞུམ་པ་མེད་པའི་ལ་རྒྱའི་ཁུ་ཚུར་གནམ་ལ་བསྒྲེངས་ཏེ། མགྲིན་གཅིག་དབྱངས་གཅིག་གིས། ༧གོང་ས་མཆོག་བོད་དུ་གདན་འདྲེན་ཞུ་དགོས། བོད་ལ་སྨྲ་བརྗོད་དང་སྐད་ཡིག་ལ་རང་དབང་དགོས་ཞེས་པའི་སྙིང་སྟོབས་དང་། ཁོང་རྣམ་པའི་རེ་བ། ཞལ་འཆེམས་བཅས་ལ་བསམ་གཞིགས་རེ་སྐོར་ཏེ། བྱེས་བཞུགས་བོད་རིགས་ཡོངས་ནས་ཀྱང་རྟག་ཏུ་ནང་འཁོན་དང་ཞབས་འདྲེན་ཤ་སྟག་བཞག་རྒྱུ་མཚམས་བཞག་སྟེ། ཁ་དང་ཁོག་པ་གཅིག་འགྲིགས་དང་། སོ་དང་སེན་མོ་མཉམ་གཤིབས་ཤིག་བྱེད་རེ་རན་པའི་དུས་ལ་སླེབས་ཡོད་སྙམ།
ད་དུང་དུས་ཚིགས་འདི་འདྲ་བར་བྱབ་ཆུང་སྙིང་མེད་ཅིག་གིས་ངའི་སྨྱུག་མིང་༼ ལྗང་སྨྱུག ༽ ཅེས་པ་འདི་སྤྱད་ནས། དེང་སང་ཁ་བརྡའི་དྲ་བར་བསམ་ཡུལ་ལས་འདས་པའི་ཕུང་དཀྲུགས་དང་། ངས་ཇུས་གཤམ་བཞིན་འདུག་པས་དྲ་གྲོགས་ཡོངས་ནས་དེའི་དོན་མཁྱེན་པར་མཛོད་ཞུ་རྒྱུ་དང་། དངོས་གནས་གཏིང་ནས་སེམས་ཕམ་བྱུང་།
བླ་མ་དཀོན་མཆོག་མཁྱེན་ སྤུན་ཟླ་ཚོ་ད་བྱེ་ལྟར་བྱས་ན་དྲག་གམ་ དེ་རིང་གོས་དཀར་ལྷ་རྗེའི་བསྐོར་བའི་དབུས་ཀྱི་གཞིས་ལུས་དོན་གྱི་དཔའ་བོ་ཁོང་གིས་ལུས་ཕུང་དེ་མཐོང་སྐབས་རང་ཉིད་ཀྱང་མིག་ཆུ་དབང་མེད་དུ་ཤོར་བ་མ་ཟད་ད་ལྟ་རང་ལས་འགུལ་གང་ཞིག་གིས་མགོ་བརྩམས་ན་དྲག་གམ་སྙམ་ འོན་ཀྱང་ཉམ་ཆུང་བདག་ལ་ནི་དོན་དངོས་ཐོག་ཕན་ནུས་ལྡན་པའི་ལས་འགུལ་ཞིག་སྤེལ་བའི་ནུས་པ་མ་མཆིས། སྤུན་ཟླ་ཚོ་ད་བྱེ་ལྟར་བྱས་ན་དྲག་གམ་ ང་ཚོས་གཞིས་ལུས་སྤུན་ཟླའི་ཚེ་སྲོག་གྲངས་ཀ་རེ་རྒྱབ་ཏེ་སྡད་ན་འགྲིག་གམ་ ཡ་ང་སྙིང་རྗེ་བྲལ་བའི་དམར་ཤོག་ནས་བོད་མི་སྟོང་ཕྲག་མེ་མཆོད་ཕུལ་རུང་སྣང་བ་ཙམ་གཏོང་མི་སྲིད་ རྒྱལ་སྤྱིའི་འགྲོ་བ་མི་ཡི་བདེ་སྡུག་ལྟ་མཁན་རྣམས་ཀྱིས་ཀྱང་ཕན་འབྲས་ལྡན་པས་སྣོན་ཤུགས་ཞིག་སྤྲོད་མི་ཐུབ་ ཡང་སྙིང་ད་དུང་ང་ཚོས་གཞིས་ལུས་སྤུན་ཟླ་གང་མང་མཆི་རྒྱུ་ཁོ་ན་སྒུག་ནས་སྡད་དགོས་རེད་དམ། དུས་ཡུན་ག་ཚད་སྒུག་དགོས་རེད་དམ། ང་ནི་དངོས་གནས་ཀྲག་གི ང་ནི་དངོས་གནས་འཇིག་གི་ ད་ནི་ཐབ་ལམ་གཞན་གང་ཡོད་རུང་འདོན་པ་ལས་གཞིས་ལུས་སྤུན་ཟླ་རྣམས་དེ་ལྟར་མཆི་ལམ་དུ་འགྲོ་བས་འབོད་སྐུལ་སུས་ཀྱང་མི་གནང་བ་ཞུ།།
རེབ་གོང་གྲྭ་འཇམ་དབྱངས་དཔལ་ལྡན་ལ་བསྔགས་བརྗོད་ཡོད། ཁྱེད་གྱིས་ལུས་གྱི་ན་ཚ་དང་སེམས་གྱི་སྡུག་བསྔལ་ལ་སོགས་ཞི་བར་བྱེད་པའི་སྨོན་འདུན་ཡོད། བླ་མ་དཀོན་མཆོག་གསུམ་པོ་མཁེན་མཁྱེན་ནོ།
ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ ཨོཾ་མ་ཎི་པདྨེ་ཧཱུཾ་ཧྲིཿ
རེད། ཡོད་ཚད་བོད་ནང་ནས་ལངས་དགོས་པ་རེད། དེ་ལ་བདེན་སྒྲའི་ནུས་པ་ཧ་ཅང་ཆེ་བ་ཡོད།
ང་ཚོ་ཡང་བལྟས་ནས་མ་བཞུགས་པར་དོག་རྩ་གཅིག་ཏུ་བསྒྲིལད་ནས་རང་རང་ས་ནས་རྒྱལ་སྤྱིར་གནས་ཚུལ་འདི་དག་བརྒྱུད་བསྒྲག་བྱ་དགོས་པ་རེད།
གཞིས་བཞུགས་བོད་མིས་ཆབ་སྲིད་རྟོགས་སད་དང་བློས་བཏང་ལ་ཡི་རངས་གུས་འདུད་ཞུ། སྙིང་ནས་ཐུགས་རྗེ་ཆེའོ།།
ཀླུ་སྨྱོན་་་མ་གོལ་ཐལ། བློ་ཕུན་ཧ་ཅང་ལེགས་པས་བདག་ཀྱང་+། ཤིང་ལོར་དོན་སྙིང་མེད་པར་བསམ། གྲྭ་རྒོད་དེ་དབྱེན་རྒོད་དུ་མཐོང་། བཙན་བྱོལ་བོད་མིར་སྡང་ཆེ་དོན་ཅི། ཁྲབ་སྟོན་་་ཅི། རང་བཞུགས་ནས་སྡད་དེ་གཞན་རྣམས་ལ་ལོངས་ཤོག་ལོངས་ཤོག མྱུར་ཏུ་ལོངས་ཤོག་ཟེར་ཕོད་པ་ཤིན་ཏུ་ནས་་་་ནས་་ནས་ནས་
སློབ་མས་ཡར་ལངས་བརྒྱབ་པ་ཡིན་གྱི་རེད། རྣམ་དབྱེ་དྲུག་པ་དང་གསུམ་པ་གཉིས་ཀྱིས་ཀྱང་ད་ནི་ཡར་ལངས་རྒྱག་རན་གྱི་ཡོད་ས་རེད།
འདི་ལྟར་འབར་ཞིང་འདི་ལྟར་ལངས་ཚེ་ང་ཚོ་གཏན་དུ་རྒྱལ་ངེས་ཡིན། བདེན་དོན་གྱི་གནས་ལུགས་ལུགས་ལ་མུན་ནག་གི་མཇུག་འབྲས་ཤིག་གཏན་མི་སྲིད་པས་མི་རིང་ལྷན་འཛམ་གྱི་ནམ་ཟླ་འཆར་ངེས།
བོད་རྒྱལ་ལོ།
ཁོང་རྣམ་པའི་ལས་འགུལ་གུས་འདུན་དང་། གྲོགས་པོ་ཚོ་ད་ག་རེད་བྱེད་ན་དགའ་ས་རེད། འདི་ལྟར་བལྟས་ནས་བསྡད་ཐུབ་ཀྱི་མི་འདུག ཡིན་ཡང་ཅི་ཞིག་ལས་དགོས་མིན་ཡང་ཤེས་ཀྱི་མི་འདུག ད་ནི་དངོས་ནས་སྡུག་བསྔལ་ཡོད་ཀི ང་ནང་བཞིན་འདི་ལྟར་བསམ་གྱིན་བསམ་གྱིན་ཏུ་ངུ་མཁན་མང་བོ་ཡོད་ཀྱི་རེད། ད་ནི་བློ་ལྡན་དག་གིས་དཔྱོད་ཤེས་ཀྱིས། ནུས་སྟོབས་ཆེ་ལ་གསར་བཏོད་རང་བཞིན་གྱི་ལས་འགུལ་ཞིག་སློབ་སྟོན་གནང་ཐུབ་པའི་སྨོན་འདུན་ཞུ།
མི་བརྟན་འཇིག་རྟེན་འདི་ཡི་བཙན་གཉོམ་བསམ་ན།།
མི་ལས་འབུ་ཞིག་ཡིན་ན་ཚོར་འདུ་ཉུང་མོད།།
ལྷ་ལ་ཡིད་ཆེས་ཆེ་བའི་རེ་བ་མང་བས།།
མི་ཡི་ཐ་མར་ཟགས་པ་ཡིད་རེ་སྐྱོ་འང་།།
བཙན་བྱོལ་ན་ཡོད་པའི་བོད་པ་ཚོ་འདི་ལ་གཟིགས་དང་ཁྲབ་སྟོན་མིན་པས་དོན་དངོས་ཀྱི་དགའ་བོ་འདི་ཚོ་ལ་གཟིགས་རོགས། ཡར་ལོངས་ཤོག་ནུས་པ་གཅིག་ཏུ་སྒྲིལ་རོགས་བོད་པ་མཉམ་དུ་ལོངས་ཤོག་བོད་པ་ཡོངས་སུ་རྫོགས་པ་ས་གནས་གང་དུ་ཡོད་ན་མཉམ་དུ་དུས་གཅིག་ལ་ལོངས་ཤོག ཕྱི་སྡོད་ཚོགས་ལ་མང་ཆེ་བ་དཔལ་འབྱོར་གྱི་དཀའ་ངལ་ཡོད་ཀྱང་དེ་རྗེས་སུ་བསྒྲུབ་ཆོག་བོད་ནང་གི་དགའ་རྒོད་ཚོའི་རྗེས་སུ་ཞབས་འདྲེན་མ་ཞུ་རོགས། བོད་པ་ཚོ་ད་མ་བཞུགས་རོགས་སྤྱི་སྒེར་གཉིས་ཀ་མ་བཞུགས་རོགས། ཚོར་བ་ཡོད་མཁན་ཞིག་བྱ་རོགས།
བོད་པ་ཚོ་མཉམ་དུ་ལོངས་ཤོག་མྱུར་ཏུ་ལོངས་ཤོག
ཡ་ཞིང་ཡིད་མུག་པའི་མི་རིགས་འདིའི་ཚེ་སྲོག་དང་མི་རིགས་འདིའི་བདག་པོ་སློབ་མ་རྣམས་ལ་གོད་ཆགས་མི་ཡོང་བར་ཤོག