རྒྱ་གཞུང་གིས་མདོ་སྨད་མཚོ་ལྷོ་འབའ་རྫོང་ཤིང་ཁྲི་དགོན་པའི་གྲྭ་བ་ལྔ་བཅུ་ཙམ་འཛིན་བཟུང་བཀག་ཉར་བྱས་འདུག
ཁ་སང་ཕྱི་ཚེས་ ༡༥ ཉིན་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་འབའ་རྫོང་ཤིང་ཁྲི་དགོན་པའི་གྲྭ་པ་ ༥༠ ཡས་མས་ཤིག་གིས། མཚན་ཆུ་ཚོད་ ༣ པ་ཡས་མས་ནས་མགོ་བཙུགས་ཏེ། “ བོད་ལ་རང་དབང་དགོས། རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས།” ཞེས་སྐད་འབོད་བྱེད་བཞིན་རྫོང་ཐོག་བསྐྱོད་སྐབས། ས་གནས་རྫོང་དཔོན་དང་དགོན་པའི་མཁན་པོ་སོགས་ཀྱི་རེ་སྐུལ་ཞུས་ཏེ་ལས་འགུལ་མཚམས་འཇོག་བྱས་ཡོད་ཀྱང་། དེ་རིང་ཉེན་རྟོག་པ་དགོན་པར་ཡོང་སྟེ་ལས་འགུལ་ནང་མཉམ་ཞུགས་བྱས་པའི་གྲྭ་བ་རྣམས་འཛིན་བཟུང་བཀག་ཉར་བྱས་འདུག
དེ་རིང་འཛིན་བཟུང་གི་གནས་ཚུལ་བྱུང་རྗེས། ས་གནས་མི་མང་རྫོང་ཁྲིམས་ཁང་གི་མདུན་དུ་འཛོམས་ཏེ་ཁོང་ཚོ་ཀློད་གྲོལ་གཏོང་དགོས་པའི་རེ་སྐུལ་ཞུས་ཡོད་པ་མ་ཟད། གལ་སྲིད། གྲྭ་བ་ཚོ་ཀློད་གྲོལ་མ་བཏང་ཚེ་ས་གནས་མི་མང་ཡར་ལངས་བྱ་རྒྱུ་ཡིན་པའི་བརྡ་ལན་སྤྲད་འདུག
གསར་འགོད་པ། དོན་གོ
གནས་ཚུལ་འདི་ཚོ་ངེས་པར་དུ་རང་གཞུང་གིས་ཤེས་ཐབས་བྱ་དགོས། ལྷག་པར་བདེ་སྲུང་གིས་ཤེས་ཐབས་བྱ་དགོས།
ཁ་སང་ནམ་མ་ལང་གོང་ནས་གྲྭ་བ་ཚོ་འབའ་རྫོང་དུ་འབྱོར་ཡོད་པ་དང་། སྲིང་ནས་ངོ་རྒོལ་སྐད་འབོད་བྱས་ཡོད་པར་མ་ཟད། རྫོང་སྲིད་གཞུང་སྒོ་འགྲམ་དུ་ཡང་སོང་འདུག སྐབས་དེ་དག་དུ་དམག་མི་དང་དོ་དམ་མི་སྣའི་བཀག་འགོག་དང་རེ་སྐུལ་འོག་གྲྭ་མང་ཕྱིར་དགོན་པར་ལོག་ཀྱང་། དེ་རིང་དགོན་པ་རང་དུ་གྲྭ་བ་དྲུག་ཅུ་ལྷག་ཅིག་བཟུང་འདུག མ་ཟད་ཟི་ལིང་སོགས་ནས་དྲག་ཆས་དམག་མིས་ཁེངས་བའི་རླང་འཁོར་བཞི་བཅུ་ལྷག་ཅིག་འབའ་རྫོང་དུ་འབྱོར་ནས་དམ་དྲག་བྱེད་བཞིན་ཡོད་ནའང་། མི་སྐྱ་གྲངས་མང་ཞིག་གིས་སྐད་འབོད་རྒྱག་བཞིན་སྲིང་གོང་འོག་དང་རྫོང་ཁྲིམས་ཁང་མདུན་བཅས་སུ་ངོ་རྒོལ་བྱེད་བཞིན་པའི་གནས་ཚུལ་འབྱོར་སོང་ལ། ཡིག་ཆ་ཁག་ཅིག་ཀྱང་གཏོར་ཡོད་འདུག ད་དུང་“རྒྱལ་བ་རིན་པོ་ཆེ་ཡུལ་དུ་ཕེབས་འཇུག་དགོས་བ་དང་བོད་རང་བཙན་ཡིན”་སོགས་སྒྲོག་བཞིན་ཡར་ལང་ཤུགས་ཆེན་བྱེད་བཞིན་ཡོད་ཀྱང་དེའི་རྗེས་གནས་ཚུལ་ཤེས་མ་སོང་བ་དགོངས་འཇགས་ཞུ། ད་སྐབས་ཁ་པར་སོགས་ཀྱི་འབྲེལ་བ་གསལ་བོ་ཞིག་བྱེད་ཐུབ་ཀྱི་མི་འདུག་མོད། གོང་གསལ་དག་ས་གནས་རང་ནས་འབྱོར་བའི་གནས་ཚུལ་ཞིག་ཡིན།
བདེན་པ་དང་རྫུན་པ་གཉིས་ལས་སྔ་ཕྱི་ཞིག་མ་གཏོགས་བདེན་པ་རྒྱལ། མདོར་ན་རྙིང་དགོན་ཤིང་ཁྲིའི་དགེ་འདུན་པ་ཁྱེད་ཚོ་རྒྱལ་ཡོད། དཔའ་བོའི་སྙིང་སྟོབས་ལ་གུས་འདུད་ཞུ།
གནས་ཚུལ་དེས་མི་ལ་རྐྱེན་ངན་མ་ཡོང་བར་ཤོག
དོན་ཕན་ལྡན་པའི་ལས་འགུལ་དགོས་ན་ཆིལ་སྒྲིལ་དགོས་པ་དང་། གཞུང་དང་མི་མང་གིས་བསམ་ཚུལ་བརྗེ་རེས་བྱེད་དགོས།
རྫོང་འདིའི་མིང་རྙིང་ངམ་ས་ཚིགས་ལྟེ་བ་དེ་གད་པ་སུམ་མདོ་རྫོང་ཞེས་པ་དེ་རེད། རྫོང་འདིའི་ནང་གི་མི་གྲངས་བརྒྱ་དགུ་བཅུ་གོ་བརྒྱད་ཙམ་བོད་རིགས་དང་། དགོན་པའི་ཆོས་བརྒྱུད་རྙིང་མ་ཡིན། ས་གནས་འདིའི་སྤྱི་མིང་ལ་སྔོན་ཆད་མང་འབའ་བྱ་གསུམ་ཞེས་ཀྱང་ཟེར། དགོན་པའི་གྲྭ་བ་ཚོ་ཐུགས་རྗེ་ཆེ། སུ་ཞིག་ལའང་བར་ཆད་མི་ཡོང་བར་ཤོག