གཟའ་ཕུར་བའི་ཉིན་མཚོ་སྔོན་ཞིང་ཆེན། མཚོ་ལྷོ་ཁུལ་འབའ་རྫོང་ཤིང་ཁྲི་དགོན་པའི་དགེ་འདུན་པ་དང་། ས་གནས་མང་ཚོགས་ཚོས་རྒྱ་གཞུང་ལ་ངོ་རྒོལ་གནང་གནང་སྟེ་ཉིན་དེའི་ཕྱི་དྲོར་རྒྱ་གཞུང་གིས་ཤིང་ཁྲི་དགོན་པའི་དགེ་འདུན་པ་ ༥༠ ཙམ་འཛིན་བཟུང་བྱས་ཡོད་སྟབས། ཁ་སང་ས་གནས་མང་ཚོགས་ ༢༠༠༠ ལྷག་གིས་རྫོང་སྲིད་གཞུང་མདུན་དུ་ངོ་རྒོལ་སྐད་འབོད་དང་། འབའ་རྫོང་མི་རིགས་སློབ་འབྲིང་གི་སློབ་མ་ཚོས་སྐད་འབོད་རྒྱག་གཞིན་རྫོང་ཐོག་ཏུ་སྐྱོད་པའི་ལམ་བར་ནས་དམག་གིས་བཀག་ཡོད་པ་དང་། ད་ཆར་སློབ་མ་རྣམས་སོ་སོའི་ཁྱིམ་ལ་བཏང་སྟེ་སློབ་གྲྭ་སྒོ་བརྒྱབ་ཡོད་འདུག
འདི་གར་གནས་ཚུལ་བཏང་འབྱོར་བྱུང་བ་ལྟར་ན། ཕྱི་ཚེས་ ༡༥ ཉིན་མཚོ་སྔོན་ཞིང་ཆེན་མཚོ་ལྷོ་ཁུལ་གད་པ་སུམ་མདོའམ་འབའ་རྫོང་(ཐུན་ཏེ)ཤིང་ཁྲི་དགོན་པའི་དགེ་འདུན་པ་གྲངས་ ༡༥༠ ནས་ ༢༠༠ ཙམ་གྱིས་ཞོགས་པའི་ཆུ་ཚོད་ ༦ པ་ཙམ་དུ་དབུ་བཙུགས་ཏེ་རྫོང་སྲིད་གཞུང་གི་སྒོ་འགྲམ་དུ་བསྐྱོད་དེ། བོད་ལ་རང་དབང་དགོས་པའི་ངོ་རྒོལ་སྐད་འབོད་བྱས་ཡོད་པ་དང་། ངོ་རྒོལ་དེའི་ཁྲོད་ས་གནས་མང་ཚོགས་ཀྱང་ ༡༠༠༠ ཙམ་ཞིག་མཉམ་ཞུགས་བྱས་ཡོད་འདུག
སྐབས་དེར་ས་གནས་དཔོིན་རིགས་ཚོས་ཞི་འཇམ་ཡོང་དགོས་ཚུལ་བཤད་དེ། དགེ་འདུན་པ་རྣམས་ཕྱིར་ས་གནས་སུ་ལོག་བཅུག་ཡོད་ཀྱང་། ཕྱི་དྲོར་ཉེན་རྟོག་པས་དགེ་འདུན་པ་ ༥༠ ཙམ་འཛིན་བཟུང་བྱས་པར་བརྟེན། ཕྱི་ཚེས་ ༡༦ ཉིན་མང་ཚོགས་ ༢༠༠༠ ཙམ་རྫོང་སྲིད་གཞུང་མདུན་ལ་འཛོམས་ཏེ་ཚེས་ ༡༥ ཉིན་འཛིན་བཟུང་བྱས་པའི་དགེ་འདུན་པ་ཚོ་ཀློད་གྲོལ་གཏོང་དགོས་པ་དང་། བོད་ལ་རང་དབང་དགོས། སྐད་ཡིག་འདྲ་མཉམ། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་སྐད་འབོད་གནང་འདུག
ཕྱི་ཚེས་ ༡༦ ཉིན་གྱི་ཕྱི་དྲོའི་ཆུ་ཚོད་ ༥ ཙམ་ལ་རྫོང་སྲིད་གཞུང་གི་དཔོན་རིགས་ཚོས་མང་ཚོགས་ལ་གཏམ་བཤད་བྱས་ཏེ། མང་ཚོགས་རྣམས་རང་ཁྱིམ་དུ་ཕྱིར་ལོག་དགོས་པ་དང་། གཞུང་ཕྱོགས་ནས་ཐག་གཅོད་ཡག་པོ་བྱ་རྒྱུ་ཡིན་ལུགས་བརྗོད་ཡོད་ཀྱང་། མང་ཚོགས་ངོས་ནས་གལ་ཏེ་ལུགས་མཐུན་གྱི་ཐག་གཅོད་མ་བྱས་ན་མུ་མཐུད་ངོ་རྒོལ་སྐད་འབོད་བྱ་རྒྱུ་ཡིན་པའི་ཐ་ཚིག་བསྒྲགས་ཏེ་ད་ལྟ་འུར་ཟིང་གི་རྣམ་པ་ཆེས་ཛ་དྲག་ཆགས་ཡོད་འདུག
ཤིང་ཁྲི་དགོན་པའི་འདུན་པ་འཛིན་བཟུང་གི་དོན་རྐྱེན་དེ་ལ་བརྟེན་ཏེ། ཁ་སང་ཕྱི་ཚེས་ ༡༦ ཉིན་འབའ་རྫོང་མི་རིགས་སློབ་འབྲིང་གི་སློབ་མ་ཚོས་སློབ་གྲྭའི་ནང་ནས་མགོ་བཙུགས་ཏེ། སྐད་ཡིག་འདྲ་མཉམ་དང་མི་རིགས་ལ་རང་དབང་དགོས་པའི་སྐད་འབོད་རྒྱག་བཞིན་རྫོང་ཐོག་ཏུ་སྐྱོད་པའི་ལམ་བར་རྫོང་གི་བཤས་རྭའི་མདུན་དུ་དམག་མིས་བཀག་སྟེ་རྫོང་ཐོག་ཏུ་བཏང་མེད་པ་དང་། ད་ལྟ་ཟི་ལིང་ནས་འབའ་རྫོང་ཕྱོགས་སུ་དམག་མིའི་རླངས་འཁོར་མང་པོ་འབྱོར་ཏེ། མི་རིགས་སློབ་འབྲིང་གི་སློབ་མ་རྣམས་ཕྱིར་རང་ཡུལ་དུ་ལོག་བཅུག་ཡོད་པ་མ་ཟད། སློབ་གྲྭ་ཡང་སྒོ་བརྒྱབ་ཡོད་འདུག
གད་པ་སུམ་མདོ་འམ་འབའ་རྫོང་མི་རིགས་སློབ་འབྲིང་ནི་ ༡༩༧༦ ལོར་བཙུགས་ཤིང་། ད་ལྟ་སློབ་གྲྭ་དེར་བསྡོམས་སློབ་མ་ ༦༦༦ ཡོད་འདུག
གནས་ཚུལ་གཏོང་མཁན། འབའ་རྫོང་གངས་མྱིག
མང་ཚོགས་ཚོ་ནམ་རྒྱུན་སློབ་ཕྲུག་དག་གི་རྒྱབ་ན་ལངས་འདུག ངོ་མ་གཟི་བརྗིད་རེད་ཡ།
དེ་རིང་ཕ་ཡུལ་འབའ་རྫོང་གྱི་སློབ་རའི་སྒོ་བརྒྱབ་ན་ཡང་སློབ་བུ་ཚོས་སེམས་ཁུང་གི་ལ་རྒྱ་དང་སྙིང་སྟོབས་སྒོ་རྒྱག་མི་ཐུབ་བ་ཞིག་རེད།
དེ་རིང་ཕ་ཡུལ་འབའ་རྫོང་གྱི་སློབ་རའི་སྒོ་ཆེན་བརྒྱབ་ན་ཡང་སློབ་བུ་ཚོས་སེམས་ཁུང་གི་ལ་རྒྱ་དང་སྙིང་སྟོབས་དུས་གཏན་ཏུ་རྒྱག་མི་ཐུབ་བ་ཞིག་རེད།ཕ་ཡུལ་འབའ་རྫོང་གྱི་ཡུལ་མི་ཚོས་བཙན་པོ་སྙིང་སྟོབས་་མངོན་པ་འདི་འཁྱམས་པོ་ངའི་བཀའ་དྲིན་གྲངས་མེད་ཞུ།
སློབ་གྲྭའི་སྒོ་རྒྱག་ཐུབ་ནའང་བསམ་བློའི་སྒོ་གཏན་ནས་རྒྱག་མི་ཐུབ། སློབ་ཕྲུག་ཚོས་ཀྲུང་ཧ་མོས་རྒྱལ་གྱི་སྐད་ཡིག་བཤད་ཀྱི་ཡོད་པ་ལས། རྒྱ་མགོ་གཅོད་རྒྱུ་ལབ་ཀྱི་མི་འདུག
དགོངས་དག དེང་སྐབས་སེམས་ཁམས་འཁྲུགས་ཏེ་ཡི་གེ་ཡང་ཅི་གཏགས་འདི་གཏགས་མི་འདུག བོད་མི་དྲུག་བརྒྱ་མ་རེད། བོད་མི་ཁྲི་དྲུག་བརྒྱ་གསད་ཚར་རྒྱུ་མ་རེད།ཅེས་པ་ཡིན།
འབའ་སྲས་ཤོད་པ་བདེན། ད་ལྟ་ངེད་ནས་རྫོང་ཐོག་དང་རོང་འབྲོག་གི་ཁྱིམ་ཚང་བཅུ་དྲུག་ཙམ་གྱི་ནང་ཁ་པར་བརྒྱུད་འབྲེལ་བྱས་ཀྱང་། འབྲེལ་བ་གཏན་ནས་བྱེད་ཐུབ་ཀྱི་མི་འདུག རྒྱ་གཞུང་ཚང་གི་ཚང་མ་མུན་སྒམ་བཀོལ་སྤྱོད་བྱེད་བཞིན་པ་རེད། ཡིན་ནའང་བོད་མི་དྲུག་བརྒྱ་གསོད་ཚར་རྒྱུ་མ་རེད།
ང་ནི་སློབ་གྲྭ་འདི་ཐོག་མར་བཙུགས་པའི་ལོ་ཡི་སློབ་མ་དང་པོའི་གྲས་ཡིན། གནས་ཚུལ་འདི་ཐོས་མ་ཐག་ངས་ཕ་ཡུལ་ལ་ཁ་པར་ཐེངས་མང་བཏང་ཡང་ཁ་པར་ཚང་མའི་སྒོ་བརྒྱབས་འདུག
ཉིན་རེ་ནས་ཉིན་རེར་སེམས་འཚབ་ནས་འདུག་ཐབས་ཤིག་མི་འདུག དུས་གསུམ་སངས་རྒྱས་གུ་རུ་རིན་པོ་ཆེ།། རྒྱལ་བསྟན་ལ་ཁའི་གྲིབ་སོའི་དུས་མཚམས་འདིར།།
ཐུགས་རྗེ་མ་ཡལ་གངས་ཅན་བོད་ལ་གཟིགས།། ཉམ་ཐག་བོད་ཀྱི་མདུན་མའི་ལམ་སྣ་དྲོངས།།
བྱ་འདི་ད་ཅི་ཞིག་བྱེད་རེ། ངོ་མ་ད་ཡིན་ན།
བཟང་གི. ད་ནི་ཉིན་རེ་བཞིན་དུས་ཡུན་ཅུང་ཙམ་རིང། ་གྲོང་སྡེ་སོ་སོའི་ནང་གི་སྤྱི་ཁང་ངམ་ཚོགས་ས་དག་ལ་འཛོམས་ཏེ། ་རིག་གསར་དང་མི་བཞི་ཤོག་ཁག་རོ་ལང་བརྒྱབ་མི་ཆོག ཀྲུང་ཨུ་ཚང་འཛོམས་༡༡ པས་གཏན་ཕབ་ཁྲིམས་ཡིག་ལ་བསྒྱུར་བཅས་མི་ཆོག. རྒྱལ་ཁབ་ཀྱི་ཁྲིམས་ཡིག་གཏན་འབེབ་ནི་ལག་སྟར་དང་སྤྱི་དམངས་ཚང་མའི་ཁེ་ཕན་དུ་ཡིན. རྒྱལ་བ་རིན་པོ་ཆེ་གདན་འདྲེན་ཞུ་དགོས།
ཞེས་ཡོངས་སུ་ལང་དགོས། འོན་ཀྱང་ཁྲོམ་གཞུང་ཆེ་ཁག་ལ་མ་ཕེབ་ན་བཞང་ངོ།། གཞན་སྡེ་བ་ཐམས་ཅད་ལྷན་དུ་འང་མ་འཛོམས་ན་བཟང་ངོ་སྙམས་སོ